കാലാവസ്ഥ വ്യതിയാനം വലിയ പ്രശ്‌നങ്ങളാണ് കേരളത്തിന്റെ കാര്‍ഷിക മേഖലയില്‍ സൃഷ്ടിക്കുന്നത്, ജാതി, തെങ്ങ് പോലുള്ള വിളകളെ പലതരം കീടങ്ങളും രോഗങ്ങളും ആക്രമിക്കുന്നു
By Harithakeralam
എക്കാലത്തും മികച്ച വില ലഭിക്കുന്ന വിളയാണ് ജാതി. ഒരു തവണ നട്ടാല്‍ വര്‍ഷങ്ങളോളം ജാതിയില്‍ നിന്നും കായ്കള്‍ ലഭിക്കും. നനയ്ക്കാന്‍ സൗകര്യമുള്ള ഏതു സ്ഥലത്തും നടാം ജാതി. എന്നാല്‍ കാലാവസ്ഥയിലുണ്ടായ മാറ്റങ്ങള്‍ ജാതിയില്‍ വലിയ പ്രശ്‌നങ്ങള്‍ സൃഷ്ടിക്കുന്നുണ്ട്. ഇതിലൊന്നാണ് തലമുടി രോഗം.
ജാതി - ഈ വര്‍ഷത്തെ കാലാവസ്ഥയുടെ പ്രത്യേകത കൊണ്ടായിരിക്കാം ജാതിയില്‍ തലമുടി രോഗം (thread blight) വ്യാപകമായി കണ്ടുവരുന്നു. ആഞ്ഞിലി മരങ്ങളിലാണ് ഈ രോഗബാധ കൂടുതല്‍. നിയന്ത്രിച്ചില്ലെങ്കില്‍ 3-4 വര്‍ഷം കൊണ്ടുതന്നെ വലിയ ഒരു ജാതിമരത്തെ പൂര്‍ണമായി നശിപ്പിക്കാന്‍ ഈ രോഗം കാരണമാകും.
നിയന്ത്രണ മാര്‍ഗങ്ങള്‍
1. ജാതിമരത്തിലുള്ള തലമുടി പോലുള്ള വളര്‍ച്ചയും അതില്‍ തൂങ്ങിക്കിടക്കുന്ന ഇലകളും പരമാവധി പറിച്ചെടുക്കുക.
2. രോഗബാധയുള്ള മരത്തില്‍ നിന്നു പൊഴിഞ്ഞു കിടക്കുന്ന ഇലകളും അടിച്ചുകൂട്ടി തീയിട്ടു നശിപ്പിക്കുക. ഇതു പുതിയതായി രോഗം വരാതിരിക്കുന്നതിനു സഹായിക്കും.
3. ചെമ്പ് അധിഷ്ഠിത കുമിള്‍നാശിനികള്‍ ശുപാര്‍ശ ചെയ്യുന്നുണ്ടെങ്കിലും നെല്ലില്‍ ഉപയോഗിക്കുന്ന നേറ്റിവേ, വെന്‍ഡിക്യൂറോണ്‍ എന്നിവ പുതുതലമുറ wetting agent Abn പ്രയോഗിക്കുന്നത് വഴി നിയന്ത്രണം സാധ്യമാക്കാം.
കേരളത്തിലെ കേരകര്‍ഷകര്‍ക്ക് കഷ്ടകാലം തുടരുകയാണ്. രോഗങ്ങളും വിലത്തകര്‍ച്ചയും പതിവായതോടെ പലരും തെങ്ങ് പരിപാലനം തന്നെ അവസാനിപ്പിച്ചിരിക്കുന്നു. ഇതിനൊപ്പം കടുത്ത വേനല്‍ക്കാലം കൂടി എത്തിയതോടെ തലയൊടിഞ്ഞ നിലയിലാണ് പല തെങ്ങുകളും. ചെമ്പന്‍ ചെല്ലി, വെള്ളീച്ച എന്നിവയുടെ ആക്രമണവും ഇപ്പോള്‍ കേരളത്തിലെ തെങ്ങുകളില്‍ കണ്ടുവരുന്നു. ഇവയെ ജൈവ രീതിയില്‍ പ്രതിരോധിക്കാം.
1. തെങ്ങിന്റെ കവിളുകളില്‍ ഉടക്കുവല മടക്കിവച്ചു പിടികൂടാം.
2. തെങ്ങിന്റെ തടത്തില്‍ പുതയുടെ കനം കൂട്ടുക.
3. നന തുടങ്ങിയാല്‍ മഴക്കാലം ആരംഭിക്കുന്നതുവരെ മുടങ്ങാതെ നടത്തണം.
4. വെള്ളീച്ച ആക്രമണത്തിനെതിരേ മഞ്ഞക്കെണി വച്ച് നിയന്ത്രിച്ചാല്‍ ഇവയുടെ എതിര്‍പ്രാണികള്‍ പെരുകി ജൈവനിയന്ത്രണം സാധ്യമാകും.
5. ഓലക്കാലുകളുടെ അടിയില്‍ വീഴത്തക്കവിധത്തില്‍ വേപ്പധിഷ്ഠിത കീടനാശിനി പ്രയോഗിച്ചും വെള്ളീച്ചകളെ നിയന്ത്രിക്കാം.
എക്കാലത്തും മികച്ച വില ലഭിക്കുന്ന വിളയാണ് ജാതി. ഒരു തവണ നട്ടാല്‍ വര്‍ഷങ്ങളോളം ജാതിയില്‍ നിന്നും കായ്കള്‍ ലഭിക്കും. നനയ്ക്കാന്‍ സൗകര്യമുള്ള ഏതു സ്ഥലത്തും നടാം ജാതി. എന്നാല്‍ കാലാവസ്ഥയിലുണ്ടായ മാറ്റങ്ങള്‍…
By Harithakeralam
മരച്ചീനിയും ഇഞ്ചിയും നന്നായി വിളയുന്ന നാടാണ് നമ്മുടേത്. എന്നാല്‍ കാലാവസ്ഥയില്‍ വന്ന മാറ്റം വലിയ തോതില്‍ ഇവയെ ബാധിക്കുന്നുണ്ട്. കീടങ്ങളും രോഗങ്ങളും നല്ല പോലെ ഈ വിളകളെ ആക്രമിക്കുന്നു. നിലവില്‍ ഈ രണ്ടു വിളകളും…
By Harithakeralam
കൊക്കോ കര്‍ഷകര്‍ സന്തോഷത്തിലാണ്... ഉണങ്ങിയ പരിപ്പിന്റെ വില 800ന് മുകളിലാണിപ്പോള്‍. കഴിഞ്ഞ വര്‍ഷം 200 രൂപയായിരുന്ന വിലയാണ് വാണം വിട്ട പോലെ കുതിച്ചുയര്‍ന്നിരിക്കുന്നത്. ലോകത്തിലെ കൊക്കോ ഉത്പ്പാദനത്തിന്റെ…
By Harithakeralam
ഭക്ഷ്യ സുരക്ഷയ്‌ക്കൊരു മുതല്‍ക്കൂട്ടാണ് കിഴങ്ങ് വര്‍ഗങ്ങള്‍. നമ്മുടെ ദിവസേനയുള്ള ഭക്ഷണക്രമത്തില്‍ കുറഞ്ഞത് 200 ഗ്രാമെങ്കിലും കിഴങ്ങ് വര്‍ഗങ്ങള്‍ ഉള്‍പ്പെടുത്തണമെന്നാണ് ആരോഗ്യ വിദഗ്ധരുടെ ശുപാര്‍ശ.…
By Harithakeralam
കേരളത്തിന്റെ കല്‍പ്പവൃക്ഷവും ചൂടില്‍ വെന്തുരുകുകയാണ്. കാലാവസ്ഥ വ്യതിയാനവും കീടങ്ങളും തെങ്ങിന് വലിയ തോതിലുള്ള പ്രശ്‌നങ്ങളാണ് സൃഷ്ടിക്കുന്നത്. തേങ്ങയുടെ വില തോന്നിയതു പോലെയായതും കര്‍ഷകനെ ദുരിതത്തിലാക്കുന്നു.…
By Harithakeralam
വെയില്‍ ശക്തമാകുന്നതിനാല്‍ പച്ചക്കറികളെപ്പോലെ തെങ്ങ്, കവുങ്ങ് തുടങ്ങിയ നാണ്യവിളകള്‍ക്കു പ്രത്യേക സംരക്ഷണം ആവശ്യമാണ്. ഇല്ലെങ്കില്‍ വിളവ് കുറയാന്‍ കാരണമാകും.
By Harithakeralam
ഏത്തക്കപ്പ പേരു കേള്‍ക്കുമ്പോള്‍ സംശയം തോന്നാം, എന്നാല്‍ സംഗതി കപ്പ തന്നെയാണ്, പക്ഷേ ഭക്ഷ്യയോഗ്യമായ ഭാഗത്തിനു സാധാരണ കപ്പയെപ്പോലെ വെള്ള നിറമല്ല, നേന്ത്രപ്പഴത്തിന്റെ അഥവാ ഏത്തപ്പഴത്തിന്റെ കളറാണ്.…
By Harithakeralam
രുചികരമായ നിരവധി വിഭവങ്ങള്‍ തയാറാക്കാന്‍ നാം ഉപയോഗിക്കുന്ന ഒന്നാണ് കടച്ചക്ക. ശീമപ്ലാവ്, കട പ്ലാവ് എന്നീ പേരുകൡലുമിത് അറിയപ്പെടുന്നു. വലിയ പരിചരണമൊന്നും നല്‍കാതെ നിറയെ കായ്കളുണ്ടാകുമെന്നതാണ് കടച്ചക്കയുടെ…
By Harithakeralam
© All rights reserved | Powered by Otwo Designs
Leave a comment