വീട്ടില്‍ തന്നെ നിര്‍മിക്കാവുന്ന കീടനാശിനികള്‍ ഉപയോഗിച്ച് മുഞ്ഞ, ഉറുമ്പ് എന്നിവയെ നിഷ്പ്രയാസം നശിപ്പിക്കാം.
By Harithakeralam
പയര്‍ കൃഷി ചെയ്യുന്നുണ്ടോ...? എന്നാല്‍ മുഞ്ഞ ശല്യം ഉറപ്പാണ്. ഏതു കാലാവസ്ഥയില്‍ പയര്‍ വളര്‍ത്തിയാലും നശിപ്പിക്കാനായി മുഞ്ഞയെത്തും. മുഞ്ഞയുടെ കൂടെയെത്തുന്ന ഉറുമ്പുകളും പയറിന്റെ കായും ഇളം തണ്ടുകളും തിന്നു നശിപ്പിക്കുന്നതോടെ നമ്മുടെ കൃഷിയുടെ കാര്യം തീരുമാനമാകും. എത്രയൊക്കെ കീടനാശിനികള്‍ പ്രയോഗിച്ചാലും മുഞ്ഞ ശല്യം മാറാന്‍ വലിയ ബുദ്ധിമുട്ടാണ്. എന്നാല്‍ നമുക്ക് വീട്ടില്‍ തന്നെ നിര്‍മിക്കാവുന്ന കീടനാശിനികള്‍ ഉപയോഗിച്ച് മുഞ്ഞ, ഉറുമ്പ് എന്നിവയെ നിഷ്പ്രയാസം നശിപ്പിക്കാം.
വെളുത്തുള്ളി, ക്ലോവ് ഓയില്‍ അഥവാ ഗ്രാമ്പൂ തൈലം, വാഷിങ് പൗഡര്‍ എന്നിവ ഉപയോഗിച്ചാണ് ജൈവ കീടനാശിനി തയാറാക്കുന്നത്. ഒരു വെളുത്തുള്ളി മുഴുവനായി എടുത്ത് നല്ല പോലെ അരയ്ക്കുക. ഇതിലേക്ക് അരലിറ്റര്‍ വെള്ളമൊഴിച്ചു നന്നായി തിരുമ്മി ലയിപ്പിച്ചു ലായനി അരിച്ചെടുക്കുക. ഒരു സ്്രേപ ബോട്ടിലിലേക്ക് ഈ ലായനി ഒഴിച്ചു രണ്ടു ടീസ്പൂണ്‍ വാഷിങ് പൗഡറിടുക. തുടര്‍ന്ന് ക്ലോവ് ഓയില്‍ പത്ത് തുള്ളിയും ചേര്‍ക്കുക. തുടര്‍ന്ന് സ്പ്രേയറിലേക്ക് വെള്ളമൊഴിച്ചു നന്നായി കുലുക്കുക. വെള്ളത്തില്‍ ഇവയെല്ലാം നന്നായി അലിഞ്ഞു ചേര്‍ന്ന ശേഷം പയര്‍ ചെടിയില്‍ സ്്രേപ ചെയ്യാം.
20-25 ഗ്രാം വെളുത്തുള്ളി, വേപ്പെണ്ണ, പുല്‍ത്തൈലം, ഷാംപൂ എന്നിവയാണ് ആവശ്യമുള്ള സാധനങ്ങള്‍. വെളുത്തുള്ളി നല്ല പോലെ അരച്ചു വെള്ളമൊഴിച്ച് ഇളക്കിയെടുത്ത് അരിക്കുക. സ്പ്രേയറില്‍ ഇതു നിറച്ച ശേഷം 15 മില്ലി വേപ്പെണ്ണ , അഞ്ച് മില്ലി പുല്‍ത്തൈലം എന്നിവയൊഴിക്കുക. തുടര്‍ന്ന് ഒരു ലിറ്റര്‍ വെള്ളമൊഴിച്ച ശേഷം കുറച്ചു ഷാംപൂ ഒഴിക്കുക. തുടര്‍ന്നു നന്നായി കുലുക്കി എല്ലാം വെള്ളവുമായി ലയിപ്പിക്കുക. വേപ്പെണ്ണ, പുല്‍ത്തൈലം എന്നിവ വെള്ളവുമായി ലയിക്കില്ല, ഇതിനുള്ള മാധ്യമമായിട്ടാണ് ഷാംപൂ ഉപയോഗിക്കുന്നത്. എല്ലാം നല്ല പോലെ ലയിച്ചെന്ന് ഉറപ്പു വരുത്തിയ ശേഷം പയറില്‍ തളിക്കാം.
1. പയറിന്റെ ഇലകളിലും തണ്ടിലും ഇലകള്‍ക്ക് അടിയിലുമെല്ലാം സ്്രേപ ചെയ്യണം.
2. ഉറുമ്പുകള്‍ ചെടിയുടെ അടിവശത്തെ വള്ളികളില്‍ വരെയുണ്ടാകും, ഇവിടെയെല്ലാം ലായനി സ്്രേപ ചെയ്യണം.
3. അല്‍പ്പം വെയിലുള്ള സമയത്താണ് ലായനി പ്രയോഗിക്കുന്നതെങ്കില്‍ വളരെ നല്ലതാണ്.
4. ഒരാഴ്ചത്തെ ഇടവേളയിട്ടാണ് ലായനി പ്രയോഗിക്കേണ്ടത്. ഒരു തവണ ഉപയോഗിച്ച് മുഞ്ഞയും ഉറുമ്പും ചത്തു പോയെന്നു കരുതിയാല്‍ പണികിട്ടും.
5. ഒരു ലിറ്റര്‍ വെള്ളത്തില്‍ തയാറാക്കാനുള്ള അളവാണ് മുകളില്‍ പറഞ്ഞിരിക്കുന്നത്, ഇതിലൊരിക്കലും വെള്ളം ചേര്‍ത്ത് നേര്‍പ്പിക്കരുത്.
തക്കാളിച്ചെടിയെ ആക്രമിക്കുന്നതില്‍ പ്രധാനിയാണ് ചിത്രകീടം. ഇലകളില്‍ക്കൂടി വളഞ്ഞുപുളഞ്ഞു വെള്ള നിറത്തിലുള്ള വരകള്‍ കാണുന്നതാണ് പ്രഥമ ലക്ഷണം. പിന്നീട് ഇവ കരിഞ്ഞ് ഇലകള്‍ നശിച്ചുപോകുന്നു. ചെറിയ തൈകളിലും വലിയ…
By Harithakeralam
വേനല്‍ക്കാലത്ത് പച്ചക്കറികളില്‍ കാണുന്ന പ്രധാന പ്രശ്‌നമാണ് പൂകൊഴിച്ചില്‍. കടുത്ത ചൂട് കാരണം പൂക്കളെല്ലാം കൊഴിയുന്നു, ഇതിനാല്‍ വിളവ് ലഭിക്കുന്നുമില്ല. പയര്‍, തക്കാളി, വഴുതന, വെണ്ട തുടങ്ങിയ വിളകളിലാണ് ഈ…
By Harithakeralam
പയര്‍ കൃഷി ചെയ്യുന്നുണ്ടോ...? എന്നാല്‍ മുഞ്ഞ ശല്യം ഉറപ്പാണ്. ഏതു കാലാവസ്ഥയില്‍ പയര്‍ വളര്‍ത്തിയാലും നശിപ്പിക്കാനായി മുഞ്ഞയെത്തും. മുഞ്ഞയുടെ കൂടെയെത്തുന്ന ഉറുമ്പുകളും പയറിന്റെ കായും ഇളം തണ്ടുകളും തിന്നു…
By Harithakeralam
ഇടയ്ക്ക് മഴ ലഭിച്ചെങ്കിലും കേരളത്തിലിപ്പോഴും വരണ്ട കാലാവസ്ഥ തുടരുകയാണ്. പച്ചക്കറികള്‍ നല്ല പോലെ വളരുമെങ്കിലും രോഗങ്ങളും കീടങ്ങളും വലിയ തോതിലിപ്പോള്‍ പ്രശ്‌നങ്ങള്‍ സൃഷ്ടിക്കുന്നു. പാവല്‍, തക്കാളിപോലുള്ള…
By Harithakeralam
വേനലില്‍ ദ്രാവക രൂപത്തില്‍ കീടനാശിനികള്‍ പ്രയോഗിക്കുകയാണ് നല്ലത്. എന്നാല്‍ ഇവ കൃത്യമായും ശാസ്ത്രീയമായും പ്രയോഗിച്ചില്ലെങ്കില്‍ ചിലപ്പോള്‍ കൃഷി നശിക്കാന്‍ വരെ കാരണമാകും. വളങ്ങളും കീടനാശിനികളും ലായനി…
By Harithakeralam
വീട്ടുവളപ്പില്‍ കൃഷി ചെയ്യുന്നവര്‍ സ്ഥിരമായി ഉപയോഗിക്കുന്ന ജൈവ കീടനാശിനിയാണ് വേപ്പിലക്കഷായം. ഗ്രോബാഗിലും ചട്ടിയിലുമൊക്കെ കൃഷി ചെയ്തിരിക്കുന്നവര്‍ക്ക് കീടങ്ങളെ തുരത്താന്‍ ഏറ്റവും എളുപ്പമുള്ള വഴിയാണിത്.…
By Harithakeralam
കരിയില ധാരാളം ലഭിക്കുന്ന സമയമാണിപ്പോള്‍. കരിയില കത്തിക്കാതെ ചെടികളുടെ തടത്തിലിട്ടു കൊടുക്കാം. മണ്ണിന്റെ ഊഷ്മാവ് ക്രമീകരിക്കാനിതു സഹായിക്കും. കത്തുന്ന വേനലിലും തണുപ്പും ചൂടും മണ്ണിനും വിളകള്‍ക്കും ഇതിലൂടെ…
By Harithakeralam
ഏതു കാലാവസ്ഥയിലും അത്യാവശ്യം വിളവ് തരുന്ന വിളകളാണ് പാവല്‍, കോവല്‍, വെള്ളരി, പടവലം, മത്തന്‍, പയര്‍ തുടങ്ങിയവ. ഇവയില്‍ ചിലതിനെ പന്തിലിട്ടാണ് വളര്‍ത്തുക. ചൂട് കൂടിയതോടെ ഇത്തരം വിളകളില്‍ കീടാക്രമണം…
By Harithakeralam
© All rights reserved | Powered by Otwo Designs
Leave a comment