കോഴിക്കോട് നഗരത്തിലെ പ്രമുഖ ജ്വല്ലറിയുടെ ഉടമയായ വിജയന്‍ വീടിനോട് ചേര്‍ന്ന 25 സെന്റ് സ്ഥലത്ത് വിവിധ പച്ചക്കറികള്‍ കൃഷി ചെയ്യുന്നു. വീട്ടിലെ ആവശ്യം കഴിഞ്ഞുള്ള പച്ചക്കറികള്‍ സമീപത്തെ ഷോപ്പില്‍ വില്‍ക്കുന്നുമുണ്ട്.
By പി.കെ. നിമേഷ്
മണ്ണില്‍ പൊന്നുവിളയിക്കുന്നവനാണ് കര്‍ഷകനെന്നാണ് ചൊല്ല്... എന്നാല്‍ സ്വര്‍ണവില്‍പ്പനയുടെ തിരക്കില്‍ നിന്നെല്ലാം അല്‍പ്പ സമയം മാറി മനസിനും ശരീരത്തിനും പുത്തനുണര്‍വിനായി കൃഷി ചെയ്യുന്നവരാണ് കോഴിക്കോട് തിരുവണ്ണൂര്‍ വിജയന്‍ കളരിക്കലും കുടുംബവും. കോഴിക്കോട് നഗരത്തിലെ പ്രമുഖ ജ്വല്ലറിയുടെ ഉടമയായ വിജയന്‍ വീടിനോട് ചേര്‍ന്ന 25 സെന്റ് സ്ഥലത്ത് വിവിധ പച്ചക്കറികള്‍ കൃഷി ചെയ്യുന്നു. വീട്ടിലെ ആവശ്യം കഴിഞ്ഞുള്ള പച്ചക്കറികള്‍ സമീപത്തെ ഷോപ്പില്‍ വില്‍ക്കുന്നുമുണ്ട്.
വീഡ് മാറ്റ് വിരിച്ച് കൃഷി
വീടിനോട് ചേര്‍ന്ന 25 സെന്റിലാണ് പച്ചക്കറികള്‍ കൃഷി ചെയ്യുന്നത്. പയര്‍, വെണ്ട,വഴുതന, തക്കാളി, ചിരങ്ങ, കുമ്പളം, കോവല്‍, പാവയ്ക്ക, കുക്കുമ്പര്‍, വെള്ളരി തുടങ്ങി ഏതാണ്ടെല്ലാ പച്ചക്കറികളും കൃഷി ചെയ്യുന്നുണ്ട്. വീഡ് മാറ്റ് വിരിച്ചാണ് കൃഷി, മള്‍ച്ചിങ് പോലെയുള്ളയൊരു സംവിധാനമാണിത്. എന്നാല്‍ പരമ്പരാഗത മള്‍ച്ചിങ് രീതിയില്‍ നിന്ന് ഏറെ മാറ്റമുണ്ട്. കൃഷിയിടത്തില്‍ മുഴുവനായി വീഡ് മാറ്റ് വിരിക്കും. തുടര്‍ന്ന് തൈ നടേണ്ട സ്ഥലങ്ങള്‍ ചെറുതായി മുറിച്ചെടുത്ത് കുഴിയുണ്ടാക്കും. ഈ കുഴിയില്‍ ചാണകപ്പൊടി, എല്ല് പൊടി, വേപ്പിന്‍പ്പിണ്ണാക്ക്, ചകിരിച്ചോര്‍ എന്നിവ നിറയ്ക്കും, ശേഷം തൈ നടും. സാധാരണ രീതിയിലുള്ള മള്‍ച്ചിങ്ങിനേക്കാള്‍ നിരവധി ഗുണങ്ങള്‍ ഇതിനുണ്ട്. വളങ്ങള്‍ ഉപയോഗിച്ച് തിട്ടയുണ്ടാക്കിയാണ് സാധാരണ മള്‍ച്ചിങ്. ഇങ്ങനെ ചെയ്താല്‍ വെള്ളത്തിലൂടെ മാത്രമേ വളങ്ങള്‍ നല്‍കാന്‍ കഴിയുകയുള്ളൂ.
.png)
മഴവെള്ളം കൃഷി സ്ഥലത്തേക്ക് ആഴ്ന്നിറങ്ങുകയുമില്ല. ഒരു തവണ കൃഷി കഴിഞ്ഞാല്‍ ഈ ഷീറ്റ് മാറ്റുകയും വേണം. വലിയ തോതിലുള്ള പ്ലാസ്റ്റിക് മാലിന്യം ഇതുമൂലമുണ്ടാകും. എന്നാല്‍ വീഡ് മാറ്റ് ഒരിക്കല്‍ വിരിച്ചാല്‍ മൂന്നോ നാലോ കൊല്ലം ഉപയോഗിക്കാം. കുഴിയെടുത്ത് മണ്ണില്‍ തന്നെയാണ് തൈകള്‍ നടുന്നത്, ഇതിനാല്‍ മഴവെള്ളം മണ്ണിലേക്കിറങ്ങും. ആവശ്യമുള്ള വളങ്ങള്‍ ചുവട്ടില്‍ തന്നെ നല്‍കുകയും ചെയ്യാം. കോവല്‍, പാവല്‍ പോലുള്ള പന്തല്‍ വിളകളും ഇതുവഴി കൃഷി ചെയ്യാം. തിരുവണ്ണൂര്‍ തന്നെയുള്ള പ്രമുഖ ജൈവകര്‍ഷകനായ സിദ്ധിക്കാണ് ഇതിനുള്ള സഹായവും സാങ്കേതിക പിന്തുണയും നല്‍കിയത്. ഇദ്ദേഹം ഇടയ്ക്കിടെ കൃഷിയിടത്തിലെത്തി വേണ്ട മാര്‍ഗ നിര്‍ദേശങ്ങള്‍ നല്‍കും. സിദ്ധിക്കിന്റെ കടയിലൂടെ പച്ചക്കറികള്‍ വില്‍ക്കുകയും ചെയ്യും.
ജൈവ ഉത്പന്നങ്ങള്‍ക്ക്
നിരവധി ആവശ്യക്കാര്‍
ജ്വല്ലറി വ്യാപാരത്തിലെ തിരക്കുകളില്‍ നിന്നൊരു മാറ്റം, കുടുംബത്തിന് നല്ല ഭക്ഷണം - കൃഷി ആരംഭിക്കാനുള്ള കാരണം ഇതായിരുന്നു. വീടിനോട് ചേര്‍ന്നുള്ള സ്ഥലത്തായതിനാല്‍ പരിചരണം എളുപ്പമാണ്. രാവിലെ തോട്ടത്തിലെത്തി ഇവയെ പരിചരിക്കും. നല്ല വിളവ് കിട്ടിത്തുടങ്ങിയതോടെ സ്വന്തം ആവശ്യത്തിന് എടുത്ത് ബാക്കിയുള്ളവ വില്‍പ്പന നടത്തുന്നുണ്ട്. ധാരാളം പേര്‍ ശുദ്ധമായ പച്ചക്കറി തേടിയെത്തുന്നു. ജൈവരീതിയില്‍ മാത്രമാണ് കൃഷി. എല്ല് പൊടി, വേപ്പിന്‍ പിണ്ണാക്ക്, ചാണകം എന്നിവയാണ് പ്രധാനമായും വളമായി ഉപയോഗിക്കുന്നത്. ഇവ പുളിപ്പിച്ച് വെള്ളത്തില്‍ ചേര്‍ത്ത് നേര്‍പ്പിച്ച് ചെടികള്‍ക്ക് ഒഴിച്ചു കൊടുക്കും. ഫിഷ് അമിനോ ആസിഡ്, വേപ്പെണ്ണ, സ്യൂഡോമോണസ് തുടങ്ങിയവയാണ് കീടനാശിനികളായി ഉപയോഗിക്കുന്നത്.
കൂട്ടിന് കുടുംബവും
കുടുംബവും കൃഷി ചെയ്യാന്‍ ഏറെ ഉത്സാഹത്തോടെ മുന്നോട്ടുവരുന്നുണ്ടെന്ന് പറയുന്നു വിജയന്‍. ഭാര്യയ്ക്കാണ് കൃഷിയില്‍ താത്പര്യം കൂടുതല്‍. ഇവരുടെ കുടുംബവീട്ടില്‍ പണ്ട് വിവിധ കൃഷിയുണ്ടായിരുന്നു. ഭാര്യയുടെ നാടായ വളാഞ്ചേരിയില്‍ ഞങ്ങള്‍ കൃഷി ചെയ്തിരുന്നു. എന്നാല്‍ ഇപ്പോള്‍ അത്രയും ദൂരം സഞ്ചരിച്ച് കൃഷി ചെയ്യാന്‍ സാധിക്കുന്നില്ല. കോഴിക്കോട് എന്റെ പേരിലുള്ള ഭൂമിയിലും കൃഷി സജീവമായി ചെയ്തിരുന്നു. ജ്വല്ലറിയിലെ തിരക്കു കാരണം യാത്ര ചെയ്യാനും കൃഷിയില്‍ ശ്രദ്ധിക്കാനും സമയം കിട്ടുന്നില്ല. ഇതിനു പരിഹാരമായിട്ടാണ് വീടിനോട് ചേര്‍ന്ന സ്ഥലത്ത് കൃഷി തുടങ്ങിയത്. ഭാര്യയും മകനും മരുമകളും പേരക്കുട്ടികളുമെല്ലാം കൃഷിയിടത്തിലെത്തും വിളവെടുക്കാനും പരിചരണത്തിലുമൊക്കെ പങ്കു കൊള്ളും. പേരക്കുട്ടികള്‍ രണ്ടു പേര്‍ക്കും കൃഷിയില്‍ നല്ല താത്പര്യമാണ്. ലാഭം പ്രതീക്ഷിച്ച പച്ചക്കറികള്‍ കൃഷി ചെയ്യുന്നത്. എന്നിട്ടും കൃഷി നഷ്ടമാണെന്ന് പറയാന്‍ പറ്റില്ല. പയര്‍, വഴുതന, വെണ്ട എന്നിവയെല്ലാം ധാരാളം വില്‍ക്കാനുണ്ടായിരുന്നു. വലിയ ലാഭമൊന്നും ലഭിച്ചില്ലെങ്കിലും മുടക്കുമുതല്‍ തിരിച്ചു കിട്ടിയെന്നു പറയുന്നു വിജയന്‍.
.jpg){kind=tracking}
സ്ഥലപരിമിതികള്‍ മറികടന്നു മട്ടുപ്പാവില്‍ കൃഷി ചെയ്തു വിജയം കൊയ്ത ധാരാളം പേരുണ്ട്. ഗ്രോബാഗിലും പ്ലാസ്റ്റിക് ബക്കറ്റുകളിലുമൊക്കെ മല്ലിയില മുതല്‍ പ്ലാവും മാവും വരെ കൃഷി ചെയ്യുന്നവര്‍. എന്നാല്‍ മട്ടുപ്പാവ്…
By നൗഫിയ സുലൈമാന്‍
കേരളത്തിന്റെ നെല്ലറയാണ് പാലക്കാട്. ജില്ലയിലെ വിശാലമായ നെല്‍പ്പാടങ്ങള്‍ കേരളത്തിന്റെ തനതു കാഴ്ച. പച്ചയണിഞ്ഞ നെല്‍പ്പാടം കാണാന്‍ സഞ്ചാരികളുടെ ഒഴുക്കാണ് പാലക്കാട്ടേക്ക്, കൊല്ലംങ്കോട് ഇതിന് ഉദാഹരണമാണ്. വ്യത്യസ്തമായൊരു…
By പി.കെ. നിമേഷ്
രണ്ട് സെന്റില്‍ ഒരു കൊച്ചു വീട്... എന്നാല്‍ ആ വീടിന്റെ ഗോവണിയിലും ചുറ്റുമതിലിലും എന്തിനേറെ ഇത്തിരപ്പോന്ന സിമന്റ് തേച്ച മുറ്റത്തുമെല്ലാം വമ്പന്‍ കൃഷിയാണ്. എറണാകുളം നഗരത്തിലെ തിരക്കേറിയ ഇടങ്ങളിലൊന്നായ തൃക്കാക്കരയിലാണ്…
By നൗഫിയ സുലൈമാന്‍
വ്യത്യസ്ത രീതിയില്‍ കൃഷി ചെയ്ത് മികച്ച വിളവ് സ്വന്തമാക്കുന്ന നിരവധി കര്‍ഷകര്‍ നമുക്കിടയിലുണ്ട്. ഇവരിലൊരാളാണ് കോട്ടയം കുറിച്ചിയിലെ ജോസുകുട്ടി ജോര്‍ജ് കാഞ്ഞിരത്തുംമൂട്ടില്‍. കക്കിരി, പയര്‍, കൈപ്പ തുടങ്ങിയ…
By Harithakeralam
ഏറെ രുചികരവും പോഷക സമ്പുഷ്ടവുമാണ് കൂണ്‍. പണ്ടൊക്കെ സ്വാഭാവികമായി തന്നെ പറമ്പില്‍ കൂണ്‍ ഉണ്ടാകുമായിരുന്നു. എന്നാല്‍ മണ്ണ് മലിനമായതോടെ കൂണ്‍ പൊടിയല്‍ അപൂര്‍വ സംഭവമായി മാറി. കൂണ്‍ കൃഷി ചെയ്ത് ഉത്പാദിപ്പിക്കുന്നവ…
By Harithakeralam
ഭൂമിയിലെ സ്വര്‍ഗം എന്ന് കശ്മീരിനെ വിളിച്ചത് മുന്‍ പ്രധാനമന്ത്രി ജവഹര്‍ലാല്‍ നെഹ്‌റുവാണ്. എന്നാല്‍ അശാന്തിയുടെ താഴ്‌വരയായിരുന്നു കശ്മീര്‍ കുറച്ചു മുമ്പ് വരെ... കാലം മാറിയതോടെ ഇവിടെ നിന്നും വരുന്ന വാര്‍ത്തകള്‍ക്കിപ്പോള്‍…
By Harithakeralam
ജോലിക്കും പഠനത്തിനുമായി വിദേശത്തേക്ക് കുടിയേറാനാണ് കേരളത്തിന്റെ യുവത്വമിന്നു കൊതിക്കുന്നത്. നഴ്‌സിങ് മേഖലയിലുള്ളവരാണ് ഇതിന്റെ തുടക്കം കുറിച്ചത്. എന്നാല്‍ കൃഷി ചെയ്യാനായി ഗള്‍ഫിലെ നഴ്‌സിങ് ജോലി ഉപേക്ഷിച്ച…
By നൗഫിയ സുലൈമാന്‍
കഠിനാധ്വാനത്തിലൂടെ പൂങ്കാവനമൊരുക്കിയെടുത്ത വീട്ടമ്മയാണ് എം. ശ്രീവിദ്യ. കാസര്‍കോഡ് ജില്ലയില്‍ ബേദഡുക്ക പഞ്ചായത്തില്‍ കൊളത്തൂരാണ് ഈ യുവ കര്‍ഷകയുടെ കൃഷിത്തോട്ടം. പച്ചക്കറികളും ഫലവര്‍ഗങ്ങളും മീനും കോഴിയും…
By പി.കെ. നിമേഷ്
© All rights reserved | Powered by Otwo Designs
Leave a comment