വീടിന്റെയും ഓഫീസിന്റെയും ഉള്‍ഭാഗം അലങ്കരിക്കുക മാത്രമല്ല, അവിടെ ചരിക്കുന്ന മനുഷ്യരുടെ ആരോഗ്യപോഷണത്തിന് കൂടി ഈ ചെടികള്‍ ഉതകുന്നു എന്നറിയുമ്പോഴാണ് ഇവയുടെ പ്രാധാന്യം ശരിക്കും മനസ്സിലാക്കാനാവുക.
By ജോര്‍ജ് ജോസഫ് പാരുമണ്ണില്‍
'അപ്പം ശരീരത്തെ പോഷിപ്പിക്കുന്നു, പൂക്കള്‍ മനസ്സിനെയും' ഈ ചൊല്ലിന്റെ സത്യം ഗ്രഹിച്ചിട്ടെന്നോണമാണ് ഇന്ന് നമ്മുടെ ഇടയില്‍ ഉദ്യാന സസ്യങ്ങളുടെ പരിപാലനവും വിപണനവും കാര്യമായ രീതിയില്‍ തന്നെ വളര്‍ച്ച പ്രാപിച്ചത്. ഇഷ്ടപ്പെട്ടൊരു ചെടി വാങ്ങി നട്ട് വെള്ളവും വളവും നല്‍കി വളര്‍ത്തി ദിവസവും കുറച്ചു സമയം അതിനോടൊപ്പം ചെലവഴിച്ചു ഒടുവില്‍ ആ ചെടിയില്‍ മൊട്ടുകള്‍ വന്നു പൂക്കള്‍ വിരിയുന്നത് കാണുമ്പോഴുണ്ടാകുന്ന ആത്മനിര്‍വൃതി അത് അനുഭവിച്ചവര്‍ക്കേ അറിയുകയുള്ളൂ. അതുകൊണ്ടുതന്നെയാവണം അനാദികാലം മുതലേ മനുഷ്യര്‍ ഉദ്യാന സസ്യങ്ങളോട് മമത പുലര്‍ത്തിപ്പോന്നത്.
പൂന്തോട്ടമെന്ന പേര് ഉള്‍ക്കൊള്ളുന്നത് പൂക്കള്‍ ഉണ്ടാക്കുന്ന ചെടികള്‍ക്കൊപ്പം തന്നെ വര്‍ണ്ണാഭമായ ഇലച്ചാര്‍ത്തുകളോടുകൂടിയ ഇലച്ചെടികളെ കൂടിയാണ്. നഗരവല്‍ക്കരണം സാക്ഷാല്‍കരിക്കപ്പെട്ടപ്പോള്‍ ഒരു വിധം എല്ലാവര്‍ക്കും വീടായി. വീടിനു ചുറ്റും അല്‍പമെങ്കിലും സ്ഥലമായി മുറ്റത്തോ വരാന്തയിലോ അകത്തോ കുറച്ചു നല്ല ചെടികള്‍ വളര്‍ത്തണമെന്ന മോഹം മൊട്ടിടുകയായി. ഒറ്റപ്പെട്ട ഭവനങ്ങള്‍ വിട്ട് പലരും ഫഌറ്റുകളിലേക്ക് ചേക്കേറാന്‍ തുടങ്ങിയപ്പോള്‍ അകത്തളങ്ങളില്‍ വളര്‍ത്തുന്ന അലങ്കാര ചെടികളുടെ പ്രസക്തി വര്‍ദ്ധിക്കുകയും അവയുടെ ആവശ്യകത ഏറുകയും ചെയ്തു.
ഇത്തരം ചെടികള്‍ അകത്തളങ്ങള്‍ക്ക് ആകര്‍ഷണീയത പകരുന്നതോടൊപ്പം തന്നെ അന്തരീക്ഷത്തില്‍ ഇപ്പോഴും ഓക്‌സിജന്‍ സാന്നിധ്യം ഉറപ്പാക്കുകയും ചെയ്യുന്നു. മാനസികപിരിമുറുക്കം ഒഴിവാക്കി മനസ്സിനെ ശാന്തമാക്കാനും മനസ്സിനും ശരീരത്തിനും ഊര്‍ജ്ജവും ഉന്മേഷവും പകരുവാനും അതുവഴി പൊതുവേ മെച്ചപ്പെട്ട ആരോഗ്യത്തോടെ ജീവിക്കുവാനും ഇത്തരം ചെടികള്‍ സഹായകരമാണ് എന്ന് ഇതേക്കുറിച്ച് നടത്തിയ പഠനങ്ങള്‍ വ്യക്തമാക്കുന്നു. ഓഫീസ് മുറികളുടെ അന്തരീക്ഷം മെച്ചപ്പെടുമ്പോള്‍ ജോലിയില്‍ കൂടുതല്‍ ശ്രദ്ധചെലുത്താനും ഊര്‍ജ്ജസ്വലത കൈവരിക്കുവാനും സാധിക്കും.
അകത്തളങ്ങളിലെ വായുവിന്റെ ഗുണനിലവാരം മെച്ചപെടുമ്പോള്‍ മലിനവായു ശ്വസിക്കുമ്പോഴുണ്ടാകുന്ന ശാരീരിക അസ്വസ്ഥതകള്‍ക്ക് ഒരു പരിധി വരെ ശമനം കിട്ടുന്നു. Horticultural Therapy എന്നൊരു രോഗചികിത്സാരീതി തന്നെ പല രാജ്യങ്ങളിലും നിലവിലുണ്ട്. വിഷാദരോഗം, മറവിരോഗം, അകാരണമായ ഭയം ഇവയ്‌ക്കെല്ലാം പ്രതിവിധിയായി Horticultural Therapy യെ കാണുന്നു. അതുകൊണ്ട് അവനവന്റെ കഴിവും സൗകര്യവും ചെടികളോടുള്ള അഭിരുചിയും കണക്കിലെടുത്ത് വീടിന്റെ വരാന്തയിലോ സ്വീകരണ മുറിയിലോ ഭക്ഷണമേശക്കരികിലോ ഓക്കെ ഏതാനും അലങ്കാരസസ്യങ്ങള്‍ വളര്‍ത്തി പരിപാലിക്കുന്നത് വളരെ ഗുണം ചെയ്യുമെന്ന കാര്യം ഉറപ്പാണ്.
അകത്തളങ്ങളില്‍ വളര്‍ത്താവുന്ന ചെടികളുടെ ആകര്‍ഷണം പുഷ്പങ്ങളല്ല, മറിച്ച് പ്രസരിപ്പോടെ വലുപ്പത്തില്‍ വിടര്‍ന്നുനില്‍ക്കുന്ന മനോഹരങ്ങളായ ഇലകളാണ്. മിക്ക ഇലച്ചെടികളും പൂക്കാറുണ്ടെങ്കിലും പൂക്കള്‍ക്ക് ആകര്‍ഷണീയത അവകാശപ്പെടാനില്ല. പൂചെടികളില്‍ പുഷ്പിക്കുമ്പോള്‍ മാത്രം കാണുന്ന വശ്യത ഇല ചെടികളില്‍ വര്‍ഷം മുഴുവനും കാണപ്പെടുന്നു. മാത്രവുമല്ല, പൂച്ചെടികളേക്കാള്‍ കൂടിയ അളവില്‍ ഓക്‌സിജന്‍ പ്രദാനം ചെയ്യുകയും ചെയ്യുന്നു. ഇത്തരം ചെടികള്‍ എല്ലാം തന്നെ ഭാഗികമായ വെയിലോ തണലോ ഇഷ്ടപ്പെടുന്നവയായിരിക്കും.നമ്മുടെ കാലാവസ്ഥയില്‍ വളരുന്ന വിവിധ തരം ഇലച്ചെടികളെക്കുറിച്ചും അവയുടെ പരിചരണത്തെക്കുറിച്ചും വിശദമായി അടുത്ത ദിവസം.
(രണ്ടായിരത്തില്‍പ്പരം ഓക്‌സിജന്‍ പ്ലാന്റ്‌സ് വര്‍ഷങ്ങളായി വീട്ടില്‍ നട്ട് പരിപാലിച്ച് വരുന്ന ആളാണു ലേഖകന്‍. എസ്ബിഐയില്‍ നിന്ന് ഡപ്യൂട്ടി മാനേജറായി റിട്ടയര്‍ ചെയ്ത ശേഷം ചെടി വളര്‍ത്തലില്‍ സജീവമാണ് ഇദ്ദേഹം.)
വീട്ടുമുറ്റം നിറയെ മൂന്നൂറിലേറെ താമരച്ചെടികള്‍. ഓരോ ചെടിയെയും പൂവിനെയും പരിലാളിച്ചു ശ്രീവത്സനും ശ്രീദേവിയും കൂടെ തന്നെയുണ്ട്. പാറക്കടവുകാര്‍ക്ക് ഇതൊരു പുതുമ നിറഞ്ഞ കാഴ്ചയല്ല. ഏതാനും വര്‍ഷങ്ങളായി നാടിനും…
By നൗഫിയ സുലൈമാന്‍
സ്വതസിദ്ധമായ പ്രത്യേകതകള്‍ കൊണ്ട് ഇതര ചെടികളില്‍ നിന്നും തികച്ചും വിഭിന്നമായ രീതിയില്‍ വളരുന്ന ഒരു അലങ്കാര ഇലച്ചെടിയാണ് കലാത്തിയ (CALATHEA) കലാത്തിയ വിച്ചിയാന (CALATHEA VITCHIANA) എന്നാണ് ശാസ്ത്രനാമം,…
By ജോര്‍ജ്ജ് ജോസഫ് പാരുമണ്ണില്‍
പൂന്തോട്ടത്തിലെ ചെടികള്‍ നല്ല പോലെ പൂക്കാറില്ലെന്ന പരാതി മിക്കവര്‍ക്കുമുണ്ട്. മികച്ച പരിചരണം നല്‍കിയാലും ചെടികളില്‍ വിരിയുക ഒന്നോ രണ്ടോ പൂക്കള്‍ മാത്രം. എന്നാല്‍ ഇതേ ചെടികള്‍ തന്നെ മറ്റു ചിലരുടെ വീട്ടുമുറ്റത്ത്…
By Harithakeralam
വീട്ടുമുറ്റത്ത് മനോഹരമായ പുല്‍ത്തകിടിയൊരുക്കാന്‍ ആഗ്രഹിക്കാത്തവരുണ്ടാകില്ല.എന്നാല്‍ പണച്ചെലവും പരിപാലനവും പലപ്പോഴും തടസമാകും. വലിയ വില നല്‍കി നട്ട പുല്ലുകള്‍ രോഗം വന്നും മറ്റും നശിച്ചു പോകുന്ന പ്രശ്‌നവുമുണ്ട്.…
By Harithakeralam
വീട്ടുമുറ്റത്തും ബാല്‍ക്കണിയിലും നക്ഷത്രക്കൂട്ടം വിരുന്നെത്തിയ പോലെ പൂക്കള്‍... ഒപ്പം വശ്യമായ സുഗന്ധവും - അതാണ് കാമിനി മുല്ല. മരമുല്ല, ഓറഞ്ച് ജാസ്മിന്‍, മോക്ക് ഓറഞ്ച്, സാറ്റിന്‍വുഡ് എന്നീ പേരുകൡലും ഈ…
By Harithakeralam
പൂന്തോട്ടത്തിന്റെ ലുക്ക് മുഴുവന്‍ മാറ്റാന്‍ കഴിവുള്ള ചെടി, ഇവ കുറച്ച് വളര്‍ത്തിയാല്‍ നിങ്ങളുടെ വീട്ട്മുറ്റം നാട്ടിലാകെ വൈറലാകും. അത്ര മനോഹരമായ പൂക്കള്‍ കുല കുലയായി പൂത്തുലഞ്ഞു നില്‍ക്കും. നല്ല വെയിലുള്ള…
By Harithakeralam
വലിയ ആവേശത്തില്‍ വീട്ട്മുറ്റത്ത് പൂന്തോട്ടമൊരുക്കി പിന്നീട് തിരിഞ്ഞു നോക്കാത്തവരാണ് പലരും. കൃത്യമായ പരിചരണം നല്‍കിയാല്‍ മാത്രമേ പൂന്തോട്ടം മനോഹരമാകൂ. ഇതിന് സഹായിക്കുന്ന ചില ടിപ്‌സുകളാണ് താഴെ പറയുന്നത്.
By Harithakeralam
കേരളത്തിലെ പൂന്തോട്ടങ്ങളിലെ താരമാണിപ്പോള്‍ വിന്‍ക റോസ്. പേരു കേട്ട് ഇതേതു ചെടി എന്നൊന്നുമാലോചിച്ച് തല പുകയ്‌ക്കേണ്ട. നമ്മുടെ നിത്യകല്യാണി തന്നെയാണിത്. പണ്ട് നമ്മുടെ പറമ്പിലും പാടത്തുമൊക്കെ വളര്‍ന്നു പൂവിട്ടിരുന്ന…
By Harithakeralam
© All rights reserved | Powered by Otwo Designs
Leave a comment