തേങ്ങാവെള്ളം, കഞ്ഞിവെള്ളം, മീന്‍ എന്നിവയുപയോഗിച്ച് കെണികള്‍ തയാറാക്കാം. രാസകീടനാശിനികള്‍ പ്രയോഗിക്കാതെ സുരക്ഷിതമായ ജൈവ പച്ചക്കറികള്‍ ലഭിക്കാന്‍ ഇത്തരം കെണികള്‍ സഹായിക്കും.
പച്ചക്കറിക്കൃഷിയില്‍ ശല്യക്കാരാവുന്ന കീടങ്ങളെ തുരത്താന്‍ പല തരത്തിലുള്ള കെണികള്‍ നാം പരീക്ഷിക്കാറുണ്ട്. മഞ്ഞക്കെണി, ഫിറമോണ്‍ കെണി തുടങ്ങിയവ സാധാരണ കര്‍ഷകര്‍ ഉപയോഗിക്കാറുണ്ട്. എന്നാല്‍ നമ്മുടെ അടുക്കളയില്‍ നിന്നു ലഭിക്കുന്ന തേങ്ങാവെള്ളം, കഞ്ഞിവെള്ളം, മീന്‍ എന്നിവയുപയോഗിച്ച് കെണികള്‍ തയാറാക്കാം. രാസകീടനാശിനികള്‍ പ്രയോഗിക്കാതെ സുരക്ഷിതമായ ജൈവ പച്ചക്കറികള്‍ ലഭിക്കാന്‍ ഇത്തരം കെണികള്‍ സഹായിക്കും.
1. തേങ്ങാ വെള്ളക്കെണി
രണ്ട് ദിവസം ശേഖരിച്ചു പുളിപ്പിച്ച തേങ്ങാവെള്ളം, യീസ്റ്റ് മൂന്ന് തരി, കാര്‍ബോസള്‍ഫാന്‍ ഒരു നുള്ള്, പച്ച തെങ്ങോല ഒരു കഷ്ണം എന്നിവയാണ് ഈ കെണി തയാറാക്കാന്‍ ആവശ്യം. പുളിപ്പിച്ച തേങ്ങാവെള്ളം മൂന്ന് തരി യീസ്റ്റും ചേര്‍ത്ത് ഒരു ചിരട്ടയില്‍ അര ഭാഗം ചേര്‍ക്കുക. ഇതില് ഒരു നുള്ള് കാര്‍ബോസള്‍ഫാന്‍ തരി ഇട്ടിളക്കുക. തേങ്ങാ വെള്ളത്തിനു മുകളില്‍ ഒരു പച്ച ഓലക്കഷ്ണമിടുക. കെണി പന്തലില്‍ തൂക്കിയിടാം. ഈച്ചകള്‍ ഓലകഷ്ണത്തിലിരുന്ന് വിഷം കലര്‍ന്ന തേങ്ങാവെള്ളം കുടിച്ച് ചാകും. നാല് തടത്തിന് ഒരു കെണി അല്ലെങ്കില്‍ 25 ഗ്രോബാഗിന് രണ്ട് കെണികള്‍ വേണ്ടിവരും.
.png)
2. കഞ്ഞിവെള്ളക്കെണി
കഞ്ഞിവെള്ളം, ശര്‍ക്കര 10 ഗ്രാം, കാര്‍ബോസള്‍ഫാന്‍ ഒരു നുള്ള്, യീസ്റ്റ് 3-4 തരി എന്നിവയാണ് ആവശ്യമുള്ള സാധനങ്ങള്‍. ഒരു ചിരട്ടയില്‍ അരഭാഗം കഞ്ഞിവെള്ളം നിറയ്ക്കുക. ഇതില് 10 ഗ്രാം ശര്‍ക്കര പൊടിച്ച് ചേര്‍ക്കുക. 3-4 തരി യീസ്റ്റും ഒരു നുള്ള് കാര്‍ബോസള്‍ഫാന്‍ തരിയും കൂടി ചേര്‍ത്തിളക്കി കെണി പന്തലില്‍ തൂക്കിയിടുക. വിഷലിപ്തമായ കഞ്ഞിവെള്ളം കുടിക്കുന്നതോടെ ഈച്ചകള്‍ ചാകും. നാല് തടത്തിന് ഒരു കെണി അല്ലെങ്കില്‍ 25 ഗ്രോബാഗിന് രണ്ട് കെണികള്‍ വേണം.
3. മീന്‍കെണി
ഒരു ചിരട്ട പോളിത്തീന്‍ കൂട്ടിനുള്ളില്‍ ഇറക്കിവയ്ക്കുക. ഇതില് 5 ഗ്രാം ഉണങ്ങിയ മീന്‍പൊടിയിടുക. കുറച്ചു വെള്ളം തളിച്ച് മീന്‍പൊടി ചെറുതായി നനയ്ക്കുക. ഒരു നുള്ള് കാര്‍ബോസള്‍ഫാന്‍ തരി മീന്‍ പൊടിയില്‍ ചേര്‍ത്ത് ഇളക്കുക. പോളിത്തീന്‍ കൂടിന്റെ മുകള്‍ ഭാഗം കൂട്ടിക്കെട്ടുക. ചിരട്ടയ്ക്ക് മുകളിലുള്ള പോളിത്തീന്‍ കൂടിന്റെ ഭാഗങ്ങളില്‍ അവിടവിടയായി ഈച്ചകള്‍ക്ക് കടന്നുകൂടാന്‍ തക്ക വലിപ്പമുള്ള ദ്വാരങ്ങളിടുക. എന്നിട്ട് കെണി പന്തനില്‍ തൂക്കിയിടുക. കെണികള്‍ ഒരാഴ്ച ഇടവിട്ട് പുതുക്കി വയ്ക്കണം. നാല് തടത്തിന് ഒരു കെണി അല്ലെങ്കില്‍ 25 ഗ്രോബാഗിന് രണ്ട് കെണികള്‍ വേണം.
4. ഉറുമ്പുകെണി
മുളക്, വഴുതന, കത്തിരി, വെണ്ട, പയര്‍ തുടങ്ങിയ ചെടികളുടെ വേര്, തണ്ട്, പൂവ്, കായ് എന്നിവയെ തുരക്കുന്ന ഉറുമ്പുകളെ നിയന്ത്രിക്കാന്‍ ഉറുമ്പുകെണി വയ്ക്കാം. ചെടികളുടെ ചുവട്ടില്‍ നിന്നും മാറ്റി ഒഴിഞ്ഞ സ്ഥലങ്ങളില്‍ വേണം കെണി ഒരുക്കാന്‍. ഒരടി നീളവും ഒന്നര ഇഞ്ച് വ്യാസവുമുള്ള പിവിസി കുഴല്‍ അല്ലെങ്കില്‍ മുളങ്കുഴല്‍ ചെറുചരിവില്‍ കിടത്തിയിടുക. കുഴലിന്റെ മുകളിലത്തെ വാവട്ടത്തിനു തൊട്ടുതാഴെ മുറുകി ഇരിക്കും വിധം പച്ചയിറച്ചിക്കഷണമോ പച്ചമീനോ തള്ളിവയ്ക്കുക. ഉറുമ്പുകള്‍ ഇറച്ചിയില്‍ ആകര്‍ഷിക്കപ്പെട്ട് കുഴലിനു ചുറ്റും കൂടും. ഇപ്പോള്‍ ഒരു ചൂട്ട് കൊണ്ട് (ഉണങ്ങിയ ഓല ഒതുക്കി കെട്ടിയത്) കത്തിച്ച് കുഴലിനടുത്ത് പിടിക്കുക. ചൂടു കൊണ്ട് ഉറുമ്പുകള്‍ ചത്തു വീഴുന്നു. ചത്ത ഉറുമ്പിനെ എടുത്തുമാറ്റാന്‍ ഉറുമ്പുകള്‍ വരികയും കുഴലിനു ചുറ്റും കൂടുകയും ചെയ്യുന്നു. തീ പ്രയോഗം നടത്തി ഉറുമ്പുകളെ കൊല്ലാം. ഈ രീതിയില്‍ മുഴുവന്‍ ഉറുമ്പുകളേയും നിയന്ത്രിക്കാം.
മഴ ശക്തമായി തുടര്‍ന്നതിനാല്‍ കര്‍ഷകര്‍ ദുരിതത്തിലാണ്. പച്ചക്കറികളും പഴവര്‍ഗങ്ങളുമെല്ലാം മഴയുടെ ശക്തി മൂലം പലതരം പ്രശ്‌നങ്ങള്‍ അഭിമുഖീകരിക്കുകയാണ്. മഴ ഇനിയും ശക്തമായാല്‍ കൃഷി പൂര്‍ണമായും നശിക്കുമെന്ന്…
By Harithakeralam
മഴ ശക്തമാണിപ്പോള്‍ കേരളത്തില്‍. പേമാരി ഒന്നു ശമിച്ചാല്‍ കൃഷി വീണ്ടും സജീവമാക്കാം. ഈ സമയത്ത് ഉപകാരമാകുന്ന ചില നാട്ടറിവുകളാണിന്നു പങ്കുവയ്ക്കുന്നത്. വര്‍ഷങ്ങളായി കൃഷി ചെയ്യുന്നവര്‍ നേടിയെടുത്ത അറിവുകള്‍…
By Harithakeralam
വേനലില്‍ ദ്രാവക രൂപത്തില്‍ കീടനാശിനികള്‍ പ്രയോഗിക്കുകയാണ് നല്ലത്. എന്നാല്‍ ഇവ കൃത്യമായും ശാസ്ത്രീയമായും പ്രയോഗിച്ചില്ലെങ്കില്‍ ചിലപ്പോള്‍ കൃഷി നശിക്കാന്‍ വരെ കാരണമാകും. വളങ്ങളും കീടനാശിനികളും ലായനി…
By Harithakeralam
വേനല്‍ക്കാല പച്ചക്കറി കൃഷി അവസാനിച്ച് മഴയോടൊപ്പം കാര്‍ഷിക വൃത്തികള്‍ തുടങ്ങാനുള്ള സമയമായി. വെയിലത്ത് വളര്‍ത്തിയ പച്ചക്കറികള്‍ ഇപ്പോഴും നല്ല വിളവ് നല്‍കുന്നുണ്ടാകും. എന്നാല്‍ കീടാണുക്കളുടെ ആക്രമണവും…
By Harithakeralam
വേനല്‍ മഴ പരക്കെ ലഭിച്ചു കഴിഞ്ഞു, എന്നാല്‍ ചൂടിനൊട്ടും കുറവില്ലതാനും. പല സ്ഥലത്തും അന്തരീക്ഷം മേഘാവൃതമാണ് പലപ്പോഴും. കീടങ്ങളുടെ ശല്യം വലിയ രീതിയിലാണെന്നു കര്‍ഷകര്‍ പറയുന്നു. നീരൂറ്റിക്കുടിക്കുന്ന കീടങ്ങളാണ്…
By Harithakeralam
നല്ല പരിചരണം നല്‍കിയ പച്ചക്കറികള്‍ പെട്ടെന്നായിരിക്കും ആരോഗ്യമില്ലാതെ തളര്‍ന്നു വാടിപ്പോകുന്നത്. നീരൂറ്റിക്കുടിക്കുന്ന കീടങ്ങളാണിതിനു കാരണം. ഇവ ഇലകളും തണ്ടും കായ്കളുമെല്ലാം തിന്നു നശിപ്പിക്കും. ഈ കാലാവസ്ഥയില്‍…
By Harithakeralam
ആവശ്യമില്ലാതെ പലയിടത്തും കയറിപ്പറ്റി അഭിപ്രായം പറയുന്നവരെ നാം പരിഹാസത്തോടെ വിളിക്കുന്ന പേരാണ് ഇത്തിള്‍ക്കണികള്‍. എന്നാല്‍ ശരിക്കും ഇത്തരം ഇത്തിള്‍ക്കണികളുണ്ട്, പക്ഷേ ഇവ മരങ്ങളെയാണ് ആക്രമിക്കുന്നത്. ഫല…
By Harithakeralam
ഇടയ്‌ക്കൊന്നു മഴ പെയ്‌തെങ്കിലും കനത്ത ചൂട് തുടരുകയാണ് കേരളത്തില്‍. ഈ കാലാവസ്ഥയില്‍ അടുക്കളത്തോട്ടത്തില്‍ സ്വീകരിക്കേണ്ട മുന്‍കരുതലുകളാണ് ഇന്നു വ്യക്തമാക്കുന്നത്. ചീര, പച്ചക്കറി, വാഴ തുടങ്ങിയവയെ ഈ കാലാവസ്ഥയില്‍…
By Harithakeralam
© All rights reserved | Powered by Otwo Designs
Leave a comment