സയനൈഡ് വിഷസാന്നിധ്യമുള്ള കപ്പച്ചെടിയും കപ്പത്തൊണ്ടും ആകസ്മികമായി ആഹാരമാക്കുന്നത് വഴിയാണ് വളര്ത്തുമൃഗങ്ങള്ക്ക് വിഷമേല്ക്കുന്നത്. ചെടിയുടെ സ്വഭാവമനുസരിച്ചും സസ്യഭാഗങ്ങള്ക്കനുസരിച്ചും സയനൈഡ് വിഷത്തിന്റെ തോതില് വ്യത്യാസമുണ്ടാവും.
.jpg){kind=small}
By ഡോ. മുഹമ്മദ് അസിഫ്. എം
ഇടുക്കി തൊടുപുഴ വെളിയാമറ്റത്തെ കുട്ടിക്ഷീരകര്ഷകരായ മാത്യുവിന്റെയും ജോര്ജിന്റെയും പതിമൂന്ന് പശുക്കള് വിഷബാധയേറ്റ കൂട്ടത്തോടെ മരണപ്പെട്ട വാര്ത്ത പുറത്തുവന്നത് ഇന്നലെയാണ്. സമീപത്തെ കപ്പസംസ്കരണകേന്ദ്രത്തില് നിന്നുള്ള കപ്പത്തൊലി/ മരച്ചീനിത്തൊണ്ട്പശുക്കള്ക്ക് കൂടിയ അളവില് തീറ്റയായി നല്കിയതായിരുന്നു അപകടത്തിനിടയാക്കിയത്. കപ്പത്തൊലിയില് പ്രകൃത്യാ അടങ്ങിയ സയനൈഡ് വിഷമാണ് മരണകാരണമെന്നാണ് കണ്ടെത്തല്.
കപ്പത്തൊണ്ടിലെ കില്ലര്
മരച്ചീനിയുടെ ഇലയും തൊലിയും കഴിച്ചുള്ള സയനൈഡ് വിഷബാധ നമ്മുടെ നാട്ടില് ആടുകളിലും, പശുക്കളിലും വളരെ സാധാരണയാണ്. എന്നാല് ഇത്ര വലിയ ദുരന്തം സംഭവിക്കുന്നത് ഇത് ആദ്യമായാണ്.സയനൈഡ് വിഷസാന്നിധ്യമുള്ള കപ്പച്ചെടിയും കപ്പത്തൊണ്ടും ആകസ്മികമായി ആഹാരമാക്കുന്നത് വഴിയാണ് വളര്ത്തുമൃഗങ്ങള്ക്ക് വിഷമേല്ക്കുന്നത്. ചെടിയുടെ സ്വഭാവമനുസരിച്ചും സസ്യഭാഗങ്ങള്ക്കനുസരിച്ചും സയനൈഡ് വിഷത്തിന്റെ തോതില് വ്യത്യാസമുണ്ടാവും. ഉദാഹരണമായി ചുവന്ന തണ്ടുള്ള മരച്ചീനിയില് ഉള്ളതിനേക്കാള് കൂടുതല് സയനൈഡ് വിഷം പച്ചതണ്ടുള്ള മരച്ചീനിയില് ഉണ്ടായിരിക്കും. താഴ്തണ്ടുകളിലെ ഇലകളേക്കാള് സയനൈഡ് വിഷം കൂമ്പുകളിലെ ഇലകളിലുണ്ടാവും. മരച്ചീനിയുടെ 100 ഗ്രാം പച്ചയിലയില് തന്നെ 180 മില്ലി ഗ്രാമോളം ഹൈഡ്രോ സയനിക് ആസിഡ് രൂപത്തില് സയനൈഡ് അടങ്ങിയിട്ടുണ്ട്. ഇലയില് ഉള്ളതിലധികം സയനൈഡ് സാന്നിധ്യം കപ്പയുടെ തൊലിയിലുണ്ട്. കപ്പ വാട്ടുമ്പോള് ബാക്കിയാവുന്ന തൊലിയും മറ്റവശിഷ്ടങ്ങളും വെള്ളവുമെല്ലാം ഒരേ പോലെ അപകടകരമെന്ന് ചുരുക്കം. മാത്രമല്ല 500-600 കിലോ. ഗ്രാം ഭാരമുള്ള ഒരു കറവപ്പശുവിന്റെ ജീവനെടുക്കാന് വെറും 300-400 മില്ലി. ഗ്രാം മാത്രം സയനൈഡ് വിഷം മതിയെന്നോര്ക്കണം. കപ്പച്ചെടിയില് മാത്രമല്ല റബറിന്റെ തളിരില, മണിച്ചോളത്തിന്റെ തളിരിലകള് എന്നിവയില് എല്ലാം തന്നെ സയനൈഡ് വിഷത്തിന്റെ സാന്നിധ്യമുണ്ട്.
സയനൈഡ് വിഷം ബാധിക്കുന്നതെങ്ങനെ
കാര്ബണ് തന്മാത്രകളുമായി ചേര്ത്ത് ഗ്ലൈക്കോസിഡിക് സംയുക്തങ്ങളുടെ രൂപത്തിലാണ് സസ്യങ്ങള് സയനൈഡ് വിഷം അവയുടെ ഇലകളിലും തണ്ടുകളിലും സംഭരിക്കുക. ലിനമാരിന്, ലോട്ടോ സ്ട്രാലിന്, ഡുരിന്, ഫാസിയോലുനാറ്റിന് എന്നൊക്കെ പല പേരുകളില് അറിയപ്പെടുന്ന ഈ ഗ്ലൈക്കോസൈഡ് സംയുക്തങ്ങള് വിഘടിപ്പിച്ച് സയനൈഡിനെ പുറന്തള്ളാന് സഹായിക്കുന്ന രാസാഗ്നികളും (എന്സൈം) സസ്യങ്ങളില് തന്നെയുണ്ട്. കന്നുകാലികള് സസ്യഭാഗങ്ങള് ചവച്ചരക്കുന്നതോടെ പൊട്ടിപുറത്തുവരുന്ന ഈ രാസാഗ്നികള് ഗ്ലൈക്കോസിഡിക് സംയുക്തങ്ങളില് നിന്ന് സയനൈഡിനെ സ്വതന്ത്രമാക്കും. മാത്രമല്ല, കന്നുകാലികളുടെ ആമാശയത്തിലെ ഒന്നാം അറയായ റൂമനില് സൂക്ഷ്മജീവികളുടെ സഹായത്തോടെ നടക്കുന്ന ദഹനപ്രക്രിയയും, ഇലകളിലും തണ്ടുകളിലും ശ്രദ്ധാപൂര്വ്വം സസ്യങ്ങള് സംഭരിച്ച സയനൈഡ് വിഷം പുറത്തുവരുന്നതിനിടയാക്കും. ഇങ്ങനെ പുറത്തു വരുന്ന ഹൈഡ്രജന് സയനൈഡ് വിഷം വളരെ വേഗത്തില് രക്തത്തിലേക്ക് ആഗിരണം ചെയ്യപ്പെടുകയും രക്തം വഴി ശരീരകോശങ്ങളിലാകെ വ്യാപിക്കുകയും ചെയ്യും. ഓക്സിജന് ഉപയോഗപ്പെടുത്തി കോശങ്ങള് ജീവല് പ്രവര്ത്തനങ്ങള്ക്കാവശ്യമായ ഊര്ജ്ജമുണ്ടാക്കുന്ന പ്രക്രിയയെയാണ് സയനൈഡ് വിഷം തടസ്സപ്പെടുത്തുക. ഊര്ജ്ജ ലഭ്യത കുറയുന്നതോടെ അവയവങ്ങളുടെ പ്രവര്ത്തനങ്ങള് അവതാളത്തിലാവും. ഹൃദയത്തിന്റെയും, തലച്ചോറിന്റെയും പ്രവര്ത്തനങ്ങള് ആദ്യഘട്ടത്തില് തന്നെ മന്ദീഭവിക്കും.
സയനൈഡ് വിഷബാധ - ലക്ഷണങ്ങള്
ചെറിയ അളവില് മാത്രമാണ് സയനൈഡ് വിഷം അകത്തെത്തിയതെങ്കില് അത് കരളില്വെച്ച് നിര്വീര്യമാക്കപ്പെടും. എന്നാല് വിഷത്തിന്റെ തോത് ഉയര്ന്നതാണെങ്കില് 5 - 15 മിനിറ്റിനുള്ളില് ലക്ഷണങ്ങള് പ്രകടിപ്പിച്ച് തുടങ്ങും. വായില് നിന്ന് ഉമിനീര് ധാരാളമായി ഒലിക്കല്, ശ്വസനതടസ്സം, ആടിയുള്ള നടത്തം, വായിലെയും കണ്ണിലെയും ഭഗഭാഗത്തെയും ശ്ലേഷ്മസ്തരങ്ങള് രക്തവര്ണ്ണമാവല്, പേശീ വിറയല്, കൃഷ്ണമണികള് വികസിക്കല് തുടങ്ങിയവയാണ് പശുക്കളിലും, ആടുകളിലും സയനൈഡ് വിഷബാധയുടെ മുഖ്യലക്ഷണങ്ങള്. തുടര്ന്ന് മൃഗങ്ങള് തറയിലേക്ക് മറിഞ്ഞ് വീഴുകയും ശ്വസനതടസ്സം മൂര്ച്ഛിച്ച് മരണം സംഭവിക്കുകയും ചെയ്യും.
സയനൈഡിനെ തടയാന്
വളര്ത്തുമൃഗങ്ങള് വിഷസസ്യങ്ങള് ധാരാളമായി കഴിക്കുകയോ, വിഷബാധയേറ്റതായി സംശയം തോന്നുകയോ ചെയ്താല് അടിയന്തിര വെറ്ററിനറി സേവനം തേടണം. സയനൈഡ് വിഷത്തെ നിര്വീര്യമാക്കാന് ശേഷിയുള്ള സോഡിയം തയോസള്ഫേറ്റ് ആരംഭഘട്ടത്തില് തന്നെ രോഗബാധയേറ്റ മൃഗങ്ങളില് കുത്തിവെയ്ക്കുന്നത് ഏറെ ഫലപ്രദമാണ്. നാല് ലിറ്റര് വിനാഗിരി 12 മുതല് 20 ലിറ്റര് വരെ തണുത്ത വെള്ളത്തില് ചേര്ത്ത് വിഷബാധയേറ്റതായി സംശയിക്കുന്ന പശുക്കളെ കുടിപ്പിക്കുന്നത് സയനൈഡ് വിഷത്തിന്റെ തീവ്രത കുറയ്ക്കാന് ഉത്തമമാണ്.
കെട്ടിമേയുമ്പോഴും പറമ്പില് മേയാന് വിടുമ്പോഴും സയനൈഡ് പോലുള്ള വിഷപദാര്ത്ഥങ്ങള് അടങ്ങിയ സസ്യങ്ങള് പശുക്കള് കഴിക്കുന്നത് തടയാന് കര്ഷകര് ജാഗ്രത പുലര്ത്തണം. തിനപ്പുല്ലുകള്, മണിച്ചോളം തുടങ്ങിയ പുല്ലുവിളകള് മൂപ്പെത്തുന്നതിന് മുമ്പും, വളപ്രയോഗം നടത്തിയതിന് ഉടനെയും പശുക്കള്ക്ക് വെട്ടി നല്കുന്നത് ഒഴിവാക്കണം. മരച്ചീനിയിലയും തണ്ടും തീറ്റയില് ഉള്പ്പെടുത്തുന്നുണ്ടെങ്കില് ചുരുങ്ങിയത് നാല് മണിക്കൂറെങ്കിലും നല്ല വെയിലില് ഉണക്കിയോ വാട്ടിയോ നല്കുന്നത് സയനൈഡ് വിഷാംശം കുറയ്ക്കാന് സഹായിക്കും. ഇത്തരം സസ്യങ്ങള് ഉപയോഗിച്ച് സൈലേജ് നിര്മ്മിക്കുന്നത് വഴിയും സയനൈഡ് വിഷം കുറയ്ക്കാന് സഹായിക്കും. സയനൈഡ് സാന്നിധ്യം ഉയര്ന്നതായതിനാല് മരച്ചീനി വാട്ടി ബാക്കി വരുന്ന തൊലി, മറ്റവശിഷ്ട്ടങ്ങള്, വെള്ളം തുടങ്ങിയവ പശുക്കള്ക്ക് തീറ്റയാക്കുന്നത് നിര്ബന്ധമായും ഒഴിവാക്കണം.
വളര്ത്തുമത്സ്യങ്ങളെ ഭീമന്മാരാണ് ജയന്റ് ഗൗരാമികള്. പേരു സൂചിപ്പിക്കുന്നതുപോലെ വലുപ്പം തന്നെ ഇതിന്റെ പ്രധാന പ്രത്യേകത. ഇവയുടെ പ്രധാന ഭക്ഷണം ഇലകളായതിനാല് തീറ്റയ്ക്കുവേണ്ടി പ്രത്യേകം പണം മുടക്കേണ്ടതില്ല.…
By ഐബിന് കാണ്ടാവനം
കുറഞ്ഞ മുതല്മുടക്കില് കൂടുതല് ആദായം നേടിത്തരുന്ന കാടവളര്ത്തലിന് കേരളത്തില് ഏറെ പ്രചാരം ലഭിച്ചു കഴിഞ്ഞു. ശ്വാസകോശ രോഗങ്ങള്ക്ക് കാടമുട്ടയും ഇറച്ചിയും വളരെ ആശ്വാസം നല്കുന്നതായി അനുഭവസ്ഥര് പറയുന്നു.…
By Harithakeralam
രാജ്യത്തിന്റെ പാലുല്പാദനരംഗം മികച്ചതാക്കാന് അത്യുല്പാദനശേഷിയുള്ള രണ്ടു സിന്തറ്റിക് പശുവിനങ്ങളെ ഔദ്യോഗികമായി രജിസ്റ്റര് ചെയ്ത് ഇന്ത്യന് സര്ക്കാര്. അത്യുല്പാദനശേഷിയുള്ള കരണ് ഫ്രീസ്, വൃന്ദാവനി…
By ഐബിന് കാണ്ടാവനം
പഞ്ഞിക്കെട്ടു പോലെ നിറയെ രോമങ്ങളുള്ള പൂച്ചയും നായയും നമ്മുടെ പ്രിയപ്പെട്ട ഓമന മൃഗങ്ങളാണ്. ഇവയെ വീട്ടിനകത്തും കിടപ്പുമുറിയിലുമെല്ലാം പ്രവേശനം നല്കി താലോലിക്കുന്നവരുമുണ്ടാകും. കാലാവസ്ഥ ചൂടു കൂടിയതായതോടെ…
By Harithakeralam
ലോകത്താകമാനവും ഉദ്പാദിപ്പിക്കപ്പെടുന്ന പോത്തിറച്ചിയില് 50% ഉല്പാദിപ്പിക്കുന്നത് ഇന്ത്യയിലാണ്. മാംസാവശ്യത്തിനുള്ള മറ്റ് മൃഗങ്ങളുടെ മാംസവുമായി താരതമ്യം ചെയ്യുമ്പോള് കൊഴുപ്പിന്റെ അളവ് കുറവാണ്. പോത്തിറച്ചിയില്…
By Harithakeralam
കുട്ടി ജനിച്ചയുടന് തന്നെ ശാസ്ത്രീയ പരിചരണങ്ങളും തുടങ്ങണം. വിദേശ ജനുസുകളില്പ്പെട്ട പശുക്കള്ക്ക് ശാസ്ത്രീയ പരിചരണം നിര്ബന്ധമാണ്.
കുട്ടി ജനിച്ചയുടന് അനുവര്ത്തിക്കേണ്ട പരിപാലന മുറകള്
1)…
By ഡോ. ജോണ് ഏബ്രഹാം
1963ല് ഇന്ഡോ സ്വിസ്സ് പ്രൊജക്റ്റ് മാട്ടുപട്ടിയില് ആരംഭിച്ചതുമുതല് കേരളത്തില് സങ്കരയിനം പശുക്കളുടെ ആവിര്ഭാവമായി. ഇന്ത്യയില് തന്നെ ആദ്യമായി കാളകളുടെ ബീജം ഗാഢശീതികരണം നടത്തി, കൃത്രിമ ബീജ സങ്കലനപ്രക്രിയയിലൂടെ…
By ഡോ. ജോണ് ഏബ്രഹാം
അന്തരീക്ഷത്തില് ചൂട് കൂടിക്കൊണ്ടിരിക്കുകയാണ്. വേനല്ക്കാലത്തേക്ക് കേരളം കടന്നു കൊണ്ടിരിക്കുന്നു. മനുഷ്യനെപ്പോലെ മൃഗങ്ങള്ക്കും ചൂട് പ്രശ്നം സൃഷ്ടിക്കും. കൂട്ടിലിട്ട് വളര്ത്തുന്ന കോഴികള്ക്കാണ് ചൂട്…
By Harithakeralam
© All rights reserved | Powered by Otwo Designs
Leave a comment