കേരള കാര്ഷിക സര്വകലാശാല തയ്യാറാക്കിയ 'വിള പരിപാലന ശുപാര്ശകള് 2024' ന്റെയും കോള് നിലങ്ങളുടെ അറ്റ്ലസിന്റെയും പ്രകാശനം മന്ത്രി പി. പ്രസാദ് നിര്വഹിച്ചു.
By Harithakeralam
തിരുവനന്തപുരം: കേരള കാര്ഷിക സര്വകലാശാല തയ്യാറാക്കിയ മലയാളത്തിലുള്ള 'വിള പരിപാലന ശുപാര്ശകള് 2024' ന്റെയും കോള് നിലങ്ങളുടെ അറ്റ്ലസിന്റെയും പ്രകാശനം കാര്ഷിക വികസന കര്ഷക ക്ഷേമ വകുപ്പ് മന്ത്രി പി. പ്രസാദ് നിര്വഹിച്ചു. സെക്രട്ടേറിയറ്റ് അനെക്സ് 2 വിലെ ലയം ഓഡിറ്റോറിയത്തില് നടന്ന ചടങ്ങില് പ്രമുഖ കര്ഷകനായ സുജിത്തും കൃഷി വകുപ്പ് ഡയറക്റ്റര് അദീല അബ്ദുള്ള മന്ത്രിയില് നിന്നും പുസ്തങ്ങള് ഏറ്റുവാങ്ങി. ചടങ്ങില് കൃഷി വകുപ്പ് ഡയറക്ടര് അദീല അബ്ദുള്ള, കാര്ഷിക സര്വ്വകലാശാല രജിസ്ട്രാര് ഡോ.സക്കീര് ഹുസൈന്, വിജ്ഞാന വ്യാപന വിഭാഗം മേധാവി ഡോ.ജേക്കബ് ജോണ്, ഡീന് ഡോ. റോയ് സ്റ്റീഫന്, ഡോ.ശ്രീദയ, ഡോ.അനിത് കെ.എന്, ഡോ.സുലജ ഓ.ആര്, ഡോ.ബിനു കെ ബോണി തുടങ്ങിവര് പങ്കെടുത്തു.
കേരളത്തിന്റെ വൈവിധ്യമാര്ന്ന കാര്ഷിക പാരിസ്ഥിതിക മേഖലകളിലെ കാര്ഷിക വിളകളില് അനുവര്ത്തിക്കേണ്ട പരിപാലനമുറകളെക്കുറിച്ച് കേരള കാര്ഷിക സര്വകലാശാല പുറത്തിറക്കിയ പാക്കേജ് ഓഫ് പ്രാക്ടീസസ്- ക്രോപ്സ് - 2024 എന്ന പുസ്തകത്തിന്റെ മലയാള പരിഭാഷയാണ് 'വിള പരിപാലനശുപാര്ശകള് 2024'.അത്യുല്പാദനശേഷിയുള്ള വിള ഇനങ്ങളെ കുറിച്ചും സുസ്ഥിര വിള പരിപാലന മുറകളെ കുറിച്ചും മാലിന്യ സംസ്കരണത്തെക്കുറിച്ചും കാര്ഷിക യന്ത്രവല്ക്കരണത്തെക്കുറിച്ചും നൂതനമായ കാഴ്ചപ്പാടുകള് ഈ പുസ്തകം വിശദീകരിക്കുന്നു.
2017 ഇല് ഇറങ്ങിയ ആദ്യ പുസ്തകത്തിന്റെ വിജയത്തെ ആധാരമാക്കി വികസിപ്പിച്ചെടുത്ത ഈ മൂന്നാമത്തെ പതിപ്പ് കാര്ഷിക മേഖലയിലെ ഏറ്റവും പുതിയ അറിവുകള് പങ്കുവെക്കുന്നതാണ്. ഗവേഷണ ഫലങ്ങളുടെ സാങ്കേതിക ഭാഷയെ മറികടന്ന് കര്ഷകന് എളുപ്പത്തില് മനസ്സിലാകുന്ന ഉപയോഗിക്കുന്നതിനാല് കാര്ഷിക ഉല്പാദനം വര്ദ്ധിപ്പിക്കുന്നതിനും അത് സുസ്ഥിരമായി നിലനിര്ത്തുന്നതിനും വേണ്ട വിവരങ്ങള് കര്ഷകരില് എത്തുന്നതിന് ഇത് സഹായകരമാകും. കേരളത്തില് കൃഷി ചെയ്യുന്ന പ്രധാന വിളകളുടെ മികച്ച ഇനങ്ങളെ കുറിച്ചും അതിന്റെ കൃഷി രീതികളും പ്രവര്ത്തന മാര്ഗങ്ങളും വളപ്രയോഗവും കീട രോഗ നിയന്ത്രണോപാധികളും വിശദീകരിക്കുന്നതാണ് ഈ പുസ്തകം. 49 പുതിയ ഇനങ്ങളും 150 പുതിയ ശുപാര്ശകളും ഈ പതിപ്പില് ചേര്ത്തിട്ടുണ്ട്.
സമാനതകള് ഇല്ലാത്തതും ഏറെ പ്രത്യേകതകള് നിറഞ്ഞതുമായ കോള് നിലങ്ങളെ കുറിച്ചുള്ള വിശാലമായ ഒരു പര്യവേഷണത്തിന്റെ ഫലമാണ് രണ്ട് ഭാഗങ്ങള് ഉള്ള കോള് നിലങ്ങളുടെ ചിത്രാവലി. ജലസേചന പദ്ധതികള്, കനാല് സംവിധാനങ്ങള്, കാര്ഷിക രീതികള്, കോള് നിലങ്ങളിലെ കര്ഷകര് നേരിടുന്ന പ്രശ്നങ്ങള് എന്നിവയെ കുറിച്ചുള്ള അടിസ്ഥാനപരമായ ധാരണകള് നല്കുന്നതാണ് ഒന്നാമത്തെ ഭാഗം. ജിഐഎസ് ഉപയോഗിച്ച് തയ്യാറാക്കിയ ഭൂപടങ്ങളുടെ ഒരു ശേഖരമാണ് രണ്ടാം ഭാഗം. ബ്ലോക്ക് തലത്തിലും പഞ്ചായത്ത് തലത്തിലും പാടശേഖര അടിസ്ഥാനത്തിലും ഒക്കെയുള്ള കോള്നിലങ്ങളുടെ വിശദമായ ഒരു ചിത്രീകരണമാണ് ഇതില് ഉള്ളത്.
തിരുവനന്തപുരം: ഫെബ്രുവരി 11 മുതല് ആനയറ കാര്ഷിക മൊത്തവ്യാപാര വിപണിയായ വേള്ഡ് മാര്ക്കറ്റില് നടന്ന വൈഗ 2026 കാര്ഷിക മഹാമേളയ്ക്ക് ഗംഭീര പരിസമാപ്തി. സമാപന സമ്മേളനത്തില് കൃഷി വകുപ്പ്…
By Harithakeralam
തിരുവനന്തപുരം: വൈഗ 2026-നോടനുബന്ധിച്ച് സംഘടിപ്പിച്ച കര്ഷക പാര്ലമെന്റ് ഒരു സാധാരണ സമ്മേളനമല്ലെന്നും, മറിച്ച് കേരളത്തിന്റെ കാര്ഷിക ഭാവി രൂപപ്പെടുത്തുന്ന ചരിത്രപ്രാധാന്യമുള്ള ജനാധിപത്യ…
By Harithakeralam
തിരുവനന്തപുരം: ആനയറ വേള്ഡ് മാര്ക്കറ്റ് ഗ്രൗണ്ടില് സംഘടിപ്പിച്ച വൈഗ 2026 കാര്ഷിക പ്രദര്ശന-വിപണന മേള 16ന് സമാപിക്കും. കാര്ഷിക വിജ്ഞാനവും വ്യാപാരവും വിനോദവും ഒരുമിപ്പിച്ച മഹാമേള അനുഭവിക്കാന് ഇനി വെറും…
By Harithakeralam
തിരുവനന്തപുരം: കാര്ഷിക രംഗത്തെ പുതുമകളും പാരമ്പര്യവും ആഗോള വിപണി സാധ്യതകളും ഒരുമിച്ചുചേരുന്ന വൈവിധ്യ മഹാമേളയായി വൈഗ 2026 പ്രദര്ശന സ്റ്റാളുകള് ശ്രദ്ധേയമാകുന്നു. കുടുംബസമേതം എത്തുന്ന സന്ദര്ശകര്ക്ക്…
By Harithakeralam
തിരുവനന്തപുരം: കാര്ഷിക യന്ത്രവല്ക്കരണ രംഗത്ത് അഞ്ച് പതിറ്റാണ്ടിലേറെയായി മുന്നിരയില് പ്രവര്ത്തിച്ചു വരുന്ന കേരള അഗ്രോ മെഷിനറി കോര്പ്പറേഷന് ലിമിറ്റഡ് (കാംകോ) പരിസ്ഥിതി സൗഹൃദ സാങ്കേതികവിദ്യയിലൂടെ…
By Harithakeralam
തിരുവനന്തപുരം: സംസ്ഥാനത്തെ കാര്ഷികോല്പ്പന്നങ്ങളുടെ സംസ്കരണം, മൂല്യവര്ദ്ധനവ്, വിപണനം എന്നീ മേഖലകളുടെ സാദ്ധ്യതകള് പ്രയോജനപ്പെടുത്തി കര്ഷകരുടെ വരുമാനം വര്ധിപ്പിക്കുന്നതിനും പുതിയ…
By Harithakeralam
സംസ്ഥാനത്തെ കാര്ഷികോല്പ്പന്നങ്ങളുടെ സംസ്കരണം, മൂല്യവര്ദ്ധനവ്, വിപണനം എന്നീ മേഖലകളുടെ സാദ്ധ്യതകള് പ്രയോജനപ്പെടുത്തിക്കൊണ്ട് കര്ഷകര്ക്ക് മെച്ചപ്പെട്ട വരുമാനം ഉറപ്പ് വരുത്തുന്നതിനും പൊതു സംരംഭകരെ…
By Harithakeralam
തിരുവനന്തപുരം: കേരള സര്ക്കാര് കൃഷി വകുപ്പ് തിരുവനന്തപുരത്ത് സംഘടിപ്പിക്കുന്ന വൈഗ 2026 ന്റെ ഭാഗമായ ഡി.പി.ആര്. ശില്പശാല ഫെബ്രുവരി 9-10 തീയതികളില് തിരുവനതപുരം ആനയറയിലെ പരിശീലന സ്ഥാപനമായ സമേതിയില് വച്ച്…
By Harithakeralam
© All rights reserved | Powered by Otwo Designs
Leave a comment