നൈട്രജന്‍, ഫോസ്ഫറസ് പൊട്ടാഷ് തുടങ്ങി ചെടികള്‍ക്ക് വേണ്ട ഒട്ടുമിക്ക മൂലകങ്ങളും ഇതില്‍ അടങ്ങിയിട്ടുണ്ട്.
By Harithakeralam
പച്ചക്കറികളുടെയും മറ്റുമായി ധാരാളം ജൈവ മാലിന്യങ്ങള്‍ അടുക്കളയില്‍ നിന്ന് ഉപയോഗ ശൂന്യമായി പുറം തള്ളാറുണ്ട്. എന്നാന്‍ ഇവ ഉപയോഗിച്ചു ചെടികളുടെ വളര്‍ച്ചക്കും മികച്ച വിളവ് തരാനുമുതകുന്ന ഒരു വളര്‍ച്ചാ ഹോര്‍മോണ്‍ തയ്യാറാക്കാം. നൈട്രജന്‍, ഫോസ്ഫറസ് പൊട്ടാഷ് തുടങ്ങി ചെടികള്‍ക്ക് വേണ്ട ഒട്ടുമിക്ക മൂലകങ്ങളും ഇതില്‍ അടങ്ങിയിട്ടുണ്ട്. പച്ചക്കറിച്ചെടികളുടെ പെട്ടന്നുള്ള വളര്‍ച്ചക്ക് ഉത്തമമാണിത്. പൂന്തോട്ടത്തിലെ ചെടികള്‍ക്കും വളരെ ഗുണകരമാണ്.
തയ്യാറാക്കാന്‍ വേണ്ട വസ്തുക്കള്‍
മുട്ടത്തോട്, ചായച്ചണ്ടി, പച്ചക്കറികളുടെ തൊലി, ഉരുളക്കിഴങ്ങ് തൊലി, ഉള്ളി തൊലി, പഴത്തൊലി, പയറിന്റെ അവശിഷ്ടങ്ങള്‍ തുടങ്ങിയവയെല്ലാം മേല്‍പ്പറഞ്ഞ വളര്‍ച്ചാ ഹോര്‍മോണ്‍ തയ്യറാക്കാനെടുക്കാം.
തയ്യാറെടുപ്പ് ഇങ്ങനെ
പലതവണയായി ലഭിക്കുന്ന അടുക്കളയില്‍ നിന്ന് ലഭിക്കുന്ന ജൈവമാലിന്യങ്ങള്‍ വെയിലത്തിട്ട് ഉണക്കുകയാണ് ആദ്യം വേണ്ടത്. പൊടിഞ്ഞുകിട്ടാന്‍ നന്നായി ഉണങ്ങുന്നതാണ് നല്ലത്. നാല് അഞ്ച് ദിവസത്തെ ഉണക്കിന് ശേഷം പൊടിക്കാനിവ പാകമാകും. ഇവ ഒരു മിക്‌സിയിലിട്ട് നന്നായി പൊടിക്കണം.
.png)
തയ്യാറാക്കല്‍
ഒരു ബക്കറ്റ് എടുത്ത് കാല്‍ ഭാഗം പച്ചച്ചാണകമിടുക. ഇതിലേയ്ക്ക് പൊടിച്ചു വെച്ചിരിക്കുന്നവ മാലിന്യക്കൂട്ടുമിട്ട് അല്‍പ്പം വെള്ളവും ചേര്‍ത്ത് നന്നായി ഇളക്കി അടച്ചുവെക്കണം. രണ്ടു ദിവസം കൂടി ഈ മിശ്രിതം ഇളക്കി അടച്ചു വെക്കാം. മുന്നാം ദിവസം ബക്കറ്റുതുറന്ന് നോക്കിയാല്‍ നല്ല കുഴമ്പു രൂപത്തിലായിട്ടുണ്ടാവും ഈ മിശ്രിതം.
ഉപയോഗക്രമം
ബക്കറ്റിലെ കുഴമ്പു രൂപത്തിലുള്ള മിശ്രിതത്തിലേയ്ക്ക് കൂടുതല്‍ വെള്ളമൊഴിച്ച് നേര്‍പ്പിച്ചു തെളി ആവശ്യാനുസരണം ഉപയോഗിക്കാം. ഒരു കപ്പ് മിശ്രിതത്തിലേയ്ക്ക് നാല് - അഞ്ച് കപ്പ് വെള്ളമെന്ന കണക്കിന് ഉപയോഗിക്കാം. നേര്‍പ്പിച്ചതിന് ശേഷം വേണം ചെടികളുടെ തടത്തില്‍ ഒഴിച്ചു കൊടുക്കാന്‍. ആഴ്ച്ചയില്‍ ഒരിക്കലെങ്കിലും ഈ വളപ്രയോഗം നടത്തിയാല്‍ ചെടികള്‍ കരുത്തോടെ വളര്‍ന്നു വന്ന് നല്ല ഫലം തരും. കൂടുതല്‍ പൂക്കള്‍ വിരിയുകയും പൂ പൊഴിച്ചില്‍ തടഞ്ഞ് കായ്പ്പിടുത്തം വര്‍ദ്ധിക്കാന്‍ ഈ ഉത്തേജകം ഏറെ ഗുണകരവുമാണ്.
നല്ല മഴകിട്ടിയതോടെ പച്ചക്കറി ചെടികളെല്ലാം വളര്‍ന്ന് ആരോഗ്യത്തോടെ നില്‍ക്കുകയായിരിക്കും. ഈ സമയം ഇവയുടെ ഇലകളെ ആക്രമിക്കാന്‍ ധാരാളം പുഴുക്കളെത്തും. ഇവയെ തുരത്താന്‍ ജൈവ രീതിയില്‍ തയാറാക്കാവുന്ന ഒന്നാണ് പപ്പായ…
By Harithakeralam
വേരുതീനിപ്പുഴു, തടതുരപ്പന്‍, മാണവണ്ട്, കായ്തുരപ്പന്‍ പോലുള്ള കീടങ്ങള്‍ വലിയ നഷ്ടമാണ് കര്‍ഷകര്‍ക്ക് ഉണ്ടാക്കുക. തെങ്ങ്, കവുങ്ങ്, വാഴ പോലുള്ള വിളകളെ മൊത്തത്തില്‍ നശിപ്പിക്കാന്‍ ഇവ മതി. പലപ്പോഴും വിളകളെ…
By Harithakeralam
വേനല്‍മഴ നല്ല പോലെ മഴ കിട്ടിയതോടെ പച്ചക്കറിച്ചെടികള്‍ അല്‍പ്പമൊന്നു ജീവന്‍ വച്ചു നില്‍ക്കുകയായിരിക്കും. എന്നാല്‍ പല തരത്തിലുള്ള കീടങ്ങളും ഈ സമയത്ത് പ്രശ്‌നക്കാരായി എത്തും. ഇവയെ തുരത്താനും പച്ചക്കറികളുടെ…
By Harithakeralam
വേനല്‍ക്കാലമായതിനാല്‍ ദിവസവും കുറച്ചു പഴങ്ങള്‍ കഴിക്കുന്നതു നമ്മുടെ ആരോഗ്യത്തിനേറെ നല്ലതാണ്. മിക്ക പഴങ്ങളും തൊലിചെത്തിക്കളഞ്ഞാണ് ഉപയോഗിക്കുക. ഈ തൊലികള്‍ മാലിന്യമായി വലിച്ചെറിയാതെ അടുക്കളത്തോട്ടത്തിലെ…
By Harithakeralam
അടുക്കളത്തോട്ടമൊരുക്കുമ്പോള്‍ നിര്‍ബന്ധമായും നടേണ്ട പച്ചക്കറിയാണ് വഴുതന. ഏതു കാലാവസ്ഥയിലും വലിയ പരിചരണമൊന്നും നല്‍കിയില്ലെങ്കിലും വഴുതന നല്ല വിളവ് തരും. വെയിലും മഴയുമൊന്നും വഴുതനയ്ക്ക് പ്രശ്‌നമല്ല, ഇനി…
By Harithakeralam
നല്ല പരിചരണം നല്‍കിയാല്‍ വേനല്‍ച്ചൂടിലും പച്ചക്കറികളില്‍ നിന്നും മികച്ച വിളവ് ലഭിക്കും. പാവല്‍, പടവലം, വെണ്ട, വഴുതന തുടങ്ങിയ പച്ചക്കറികളെ ഈ സമയത്ത് പലതരത്തിലുള്ള കീടങ്ങള്‍ ആക്രമിക്കാനെത്തും. പൊതുവെ പച്ചപ്പ്…
By Harithakeralam
പൊള്ളുന്ന വെയിലത്തും പച്ചമുളകില്‍ നല്ല വിളവ് ലഭിക്കാന്‍ വീട്ടില്‍ തന്നെ ലഭിക്കുന്ന വസ്തുക്കള്‍ ഉപയോഗിച്ചൊരു വളം തയാറാക്കിയാലോ. വിപണിയില്‍ ലഭിക്കുന്ന പച്ചക്കറികളില്‍ ഏറ്റവുമധികം രാസകീടനാശിനികള്‍ പ്രയോഗിക്കുന്നവയാണ്…
By Harithakeralam
ഏതു കാലത്തും നല്ല വിളവ് തരുന്ന പച്ചക്കറിയാണ് വഴുതന. വേനലും മഴയുമൊന്നും വഴുതനയ്ക്ക് പ്രശ്‌നമല്ല, വലിയ പരിചരണമില്ലെങ്കിലും തരക്കേടില്ലാത്ത വിളവ് തരും. തണ്ട് വെട്ടിക്കൊടുത്താല്‍ ഒന്നോ രണ്ടോ വര്‍ഷം ഒരു ചെടിയില്‍…
By Harithakeralam
© All rights reserved | Powered by Otwo Designs
Leave a comment