കൃഷിയുടെ അടിസ്ഥാനം നല്ല മണ്ണാണ് എന്നതു തന്നെ. മണ്ണിന്റെ ജീവന്‍ നിലനിര്‍ത്തുന്നത് സൂഷ്മജീവികളും മണ്ണിരകളുമാണ്.
മഴ മാറി നല്ല വെയില്‍ ലഭിച്ചു തുടങ്ങിയതോടെ കൃഷിയൊന്ന് സജീവമാക്കാനുള്ള തയാറെടുപ്പിലായിരിക്കുമെല്ലാവരും. ഏതു കൃഷി തുടങ്ങുമ്പോഴും മണ്ണിന്റെ ഗുണമേന്മയാണ് ആദ്യം നോക്കേണ്ടത്. മണ്ണ് നന്നായാന്‍ പകുതി വിജയിച്ചെന്നു പറയാം. ഇതിനര്‍ഥം കൃഷിയുടെ അടിസ്ഥാനം നല്ല മണ്ണാണ് എന്നതു തന്നെ. മണ്ണിന്റെ ജീവന്‍ നിലനിര്‍ത്തുന്നത് സൂഷ്മജീവികളും മണ്ണിരകളുമാണ്. ഇവയെ നിലനിര്‍ത്താന്‍ ജൈവവളങ്ങള്‍ക്കെ കഴിയുകയുള്ളൂ എന്ന സത്യം പച്ചക്കറിക്കൃഷിയില്‍ നാം ഓര്‍ത്തിരിക്കേണ്ടതാണ്.
പച്ചക്കറികള്‍ക്ക് പശിമരാശി മണ്ണ്
പച്ചക്കറികള്‍ നന്നായി വളരുന്നത് മണല്‍ കലര്‍ന്ന പശിമരാശി മണ്ണാണ്. കേരളത്തിലെ മിക്കവാറും സ്ഥലങ്ങള്‍ കൃഷിക്കനുയോജൃമാണ്. മണല്‍ കൂടുതലുള്ള സ്ഥലങ്ങളില്‍ മണ്ണിന്റെ ഘടന മെച്ചപ്പെടുത്താന്‍ ചാണകപ്പൊടി, പച്ചിലകമ്പോസ്റ്റ്, ചകിരിച്ചോര്‍ കമ്പോസ്റ്റ് എന്നി ജൈവവളങ്ങള്‍ ചേര്‍ത്താല്‍ മതി. മഴക്കാലത്ത് മണ്ണില്‍ വെള്ളം കെട്ടികിടക്കാന്‍ അനുവദിക്കരുത്. മണ്ണിന്റെ അമ്ലക്ഷാര നില 6.5നും 7.5നും ഇടയിലായിരിക്കണം. കല്ലുകളും വേരുകളും മറ്റും പെറുക്കി കളഞ്ഞിട്ടുവേണം കൃഷിചെയ്യാന്‍. വെയില്‍ ധാരാളം ലഭിക്കുന്ന മണ്ണാണ് പച്ചക്കറി കൃഷിക്കനുയോജ്യം. മഴക്കാലത്ത് തടങ്ങളില്‍ വെള്ളം കെട്ടി കിടക്കാതിരിക്കുവാന്‍ അല്‍പ്പം ഉയര്‍ത്തിവേണം തടങ്ങള്‍ എടുക്കുവാന്‍.
നിലമൊരുക്കല്‍
മണ്ണുനന്നായി ഇളക്കി കല്ലുകളും വേരുകളും മാറ്റണം. കുഴികളാണെങ്കില്‍ 20-30 സെമീ താഴ്ചയിലും 50 സെമീ ചുറ്റളവിലും വേണമെടുക്കാന്‍. ചാലുകളാണെങ്കില്‍ 30 സെമീ വീതിയിലും 20-30 സെമീ താഴ്ചയിലും. നടുന്നതിന് ഏതാനും ദിവസം മുന്‍പ് കുമ്മായം വിതറി ഇളക്കിവെക്കണം. അതിനുശേഷം ചാണകപ്പൊടിയും പച്ചിലകമ്പോസ്റ്റും (ഒരു സെന്റിന് 100കി ഗ്രാം) ചേര്‍ത്തിളക്കണം.
മിശ്രിതം തയ്യാറാക്കുന്ന വിധം
മണ്ണിലാണെങ്കിലും ടെറസ്സിലാണെങ്കിലും ട്രേകളിലാണെങ്കിലും മണ്ണ്, മണല്‍, ചാണകപ്പൊടി അല്ലെങ്കില്‍ കമ്പോസ്റ്റ് എന്നിവ 1:1:1 എന്ന അനുപാതത്തിലും കൂടാതെ െ്രെടക്കോഡര്‍മയും വേപ്പിന്‍ പിണ്ണാക്കും ആവശ്യാനുസരണവും ചേര്‍ക്കാം. ഇടക്ക് വെള്ളം തളിച്ച് ഇളക്കി മിശ്രതമായി ഉപയോഗിക്കാം.
വിത്തിന്റെ ആഴം
വിത്ത് പാകുന്നതിനു മുന്‍പായി ഒരു കിലോ വിത്തിന് 10 ഗ്രാം സ്യൂഡോമോണസ് എന്ന അളവില്‍ പുരട്ടുന്നത് രോഗങ്ങളെ അകറ്റുന്നു. വിത്തു നടുന്നതിന്റെ ആഴത്തെപ്പറ്റി (താഴ്ച്ച) പറയുമ്പോള്‍ വിത്ത് വിത്തോളമെന്നാണ്. പയറുവിത്താണെങ്കില്‍ പയറുവിത്തിന്റെ വലുപ്പത്തില്‍ താഴണം. ചീരയാണെങ്കില്‍ ചീരവിത്തിന്റെ വലുപ്പത്തില്‍ അല്‍പ്പം മണ്ണ് വിതറുക. ഇതുപോലെ വഴുതന, വെണ്ട, പടവലം, മുളക് എല്ലാം നടാം.
ദീര്‍ഘകാല വിളകള്‍
അടുക്കളതോട്ടത്തില്‍ ദീര്‍ഘകാല വിളകളായ കറിവേപ്പ്, മുരിങ്ങ, പപ്പായ, പേര, നാരകം, ഇലുമ്പം പുളി, ചാമ്പ, ലൂയിക്ക, വാഴ തുടങ്ങിയവ വശങ്ങളില്‍ നടുവാന്‍ ശ്രദ്ധിക്കണം. തണല്‍ ഒഴിവാക്കാനും മറ്റു പച്ചക്കറികള്‍ വളര്‍ത്താനും തടസമില്ലാതിരിക്കാനാണിത്. ദീര്‍ഘകാലവിളകള്‍ക്കടുത്തായി ഒരു കമ്പോസ്റ്റ് കുഴി ഉണ്ടാക്കുന്നത് നല്ലതാണ്.
അടുക്കളത്തോട്ടത്തിലെ പ്രധാന ശത്രുക്കളാണ് ഉറുമ്പുകളും ഒച്ചുകളും. പച്ചക്കറി വിളകള്‍ നശിപ്പിക്കുന്നതില്‍ ഇവ രണ്ടും മുന്നില്‍ നില്‍ക്കുന്നു. തളിര്‍ ഇലകളും ഇളം തണ്ടും പാകമായി വരുന്ന കായ്കളും ഇവ നശിപ്പിക്കാറുണ്ട്.…
By Harithakeralam
എത്ര ശ്രദ്ധ നല്‍കിയിട്ടും കൃഷിയില്‍ നിന്ന് കാര്യമായ വിളവ് ലഭിക്കുന്നില്ലെന്ന പരാതി പലര്‍ക്കുമുണ്ട്. നിസാര കാര്യങ്ങളില്‍ പുലര്‍ത്തുന്ന ശ്രദ്ധക്കുറവാകാമിതിനു കാരണം. ചില കാര്യങ്ങള്‍ വേണ്ട വിധത്തില്‍…
By Harithakeralam
നല്ല മഴയും അതു കഴിഞ്ഞാല്‍ ശക്തമായ വെയിലുമാണിപ്പോള്‍ കേരളത്തിലെ പല സ്ഥലങ്ങളിലെയും അവസ്ഥ. അടുക്കളത്തോട്ടത്തിലെ പച്ചക്കറികളിലും ഇതു പല പ്രശ്‌നങ്ങള്‍ക്കും കാരണമാകും. ചീര, വഴുതന, പച്ചമുളക് തുടങ്ങിയ പച്ചക്കറികളാണ്…
By Harithakeralam
മഴക്കാലത്ത് പച്ചക്കറിക്കൃഷി ചെയ്യുമ്പോള്‍ ശ്രദ്ധിക്കേണ്ട ചില കാര്യങ്ങളുണ്ട്. ഇലകള്‍ തിന്നു നശിപ്പിക്കുന്ന കീടങ്ങളും വൈറസ് രോഗങ്ങളും ഇക്കാലത്ത് പതിവാണ്. ഇവയെ തടയാനുള്ള മാര്‍ഗങ്ങള്‍.
By Harithakeralam
അടുക്കളത്തോട്ടത്തില്‍ ഒന്നോ രണ്ടോ കറിവേപ്പിലച്ചെടി വളര്‍ത്തുന്നവരാണ് നമ്മളെല്ലാം. പക്ഷെ ഒന്നോ രണ്ടോ തവണ ഇല നുള്ളിയാല്‍ കറിവേപ്പ് ഒന്നു പച്ചപിടിക്കാന്‍ കുറെ ദിവസമെടുക്കുമെന്ന പരാതി മിക്കവര്‍ക്കുമുണ്ട്.…
By Harithakeralam
കേരളത്തിലെ മിക്ക ജില്ലകളിലും കനത്ത മഴ തുടരുകയാണ്. കൃഷിയിടത്തില്‍ പ്രത്യേക ശ്രദ്ധ നല്‍കേണ്ട സമയമാണിപ്പോള്‍. വിള പരിപാലനത്തിനുള്ള പൊതു നിര്‍ദ്ദേശങ്ങള്‍ നോക്കാം.
By Harithakeralam
കൃഷി ചെയ്യാന്‍ അനുയോജ്യമായ സമയമാണെങ്കിലും മഴക്കാലത്ത് വളങ്ങളും കീടനാശിനിയും പ്രയോഗിക്കുമ്പോള്‍ സൂക്ഷിക്കണം. കനത്ത മഴയില്‍ ഇവയെല്ലാം നഷ്ടപ്പെട്ടു പോകാനുള്ള സാധ്യതയുണ്ട്. ഈ സമയത്ത് പച്ചക്കറിക്കൃഷിയില്‍…
By Harithakeralam
കൃഷിക്ക് തുടക്കമിടാന്‍ അനുയോജ്യമായ സമയമാണിപ്പോള്‍. പച്ചക്കറിയാണ് മിക്കവരും അടുക്കളത്തോട്ടത്തില്‍ നട്ട് പരിപാലിക്കുക. ഈ പത്ത് കാര്യങ്ങള്‍ കൃത്യമായി പാലിച്ചാല്‍ വീട്ടുവളപ്പിലെ കൃഷിയില്‍ നിന്നും മികച്ച വിളവ്…
By Harithakeralam
© All rights reserved | Powered by Otwo Designs
Leave a comment