നഗരത്തിരക്കിലും കുറച്ച് സ്ഥലമുള്ളവര്‍ക്കും വളര്‍ത്താന്‍ പറ്റിയ ഇനമാണ് മധുര അമ്പഴം അഥവാ യെല്ലോ മോംബിന്‍. ചട്ടിയില്‍ പോലും വളര്‍ത്താവുന്ന മധുര അമ്പഴത്തിന്റെ വിശേഷങ്ങള്‍.
By Harithakeralam
നാട്ടുവഴിയുടെ ഓരങ്ങളില്‍ തണലും രുചികരമായ പഴവും തന്നിരുന്ന അമ്പാഴം പുതിയ തലമുറയ്ക്ക് അപരിചതമാണ്. പുളിയും മധുരവും കലര്‍ന്ന അമ്പഴം ഏറെ രുചിയേറിയ പഴമാണ്. അച്ചാര്‍, ചമ്മന്തി, മീന്‍കറി എന്നിവയ്ക്ക് തയാറാക്കാന്‍ അമ്പഴം ഉപയോഗിക്കാം. പച്ച അമ്പഴം കൊണ്ട് തയാറാക്കുന്ന അച്ചാര്‍ ഏറെ രുചികരമാണ്. ഇപ്പോള്‍ നാട്ടിന്‍പുറങ്ങളില്‍പ്പോഴും അമ്പഴം കാണാനില്ല. വലിയ മരമായിമാറിയാണ് നാടന്‍ അമ്പഴം ഫലം തരുക. എന്നാല്‍ നഗരത്തിരക്കിലും കുറച്ച് സ്ഥലമുള്ളവര്‍ക്കും വളര്‍ത്താന്‍ പറ്റിയ ഇനമാണ് മധുര അമ്പഴം അഥവാ യെല്ലോ മോംബിന്‍. ചട്ടിയില്‍ പോലും വളര്‍ത്താവുന്ന മധുര അമ്പഴത്തിന്റെ വിശേഷങ്ങള്‍.
നടുന്ന രീതി
പഴത്തിലെ കുരുവും കമ്പും നട്ട് സാധാരണ അമ്പഴം വളര്‍ത്താം. എന്നാല്‍ മധുര അമ്പഴത്തിന്റെ തൈകള്‍ നഴ്സറികളില്‍ നിന്നു വാങ്ങി നടാം. ചെറിയ സ്ഥലത്തേക്കും ഫ്‌ളാറ്റിലേക്കും ഏറ്റവും പറ്റിയ ഒരു കോംപാക്റ്റ് ചെടിയാണ് മധുര അമ്പഴം. നാടന്‍ അമ്പഴത്തിന്റെ പുളിയില്ലെന്നു മാത്രമല്ല, നല്ല മധുരവുമുണ്ട്. നാലഞ്ചു കൊല്ലം ചട്ടിയില്‍ വളര്‍ത്താം. വര്‍ഷം മുഴുവനും കായ്ഫലമുണ്ടാകും. വലുപ്പമുള്ള കായ കുലയായിട്ടാണുണ്ടാവുക.
കായില്‍ നാരു വരുന്നതിനു മുമ്പ് അതായത്, കടുംപച്ച നിറമാകുന്നതിനു മുമ്പ് പറിക്കണം. നല്ല സൂര്യപ്രകാശം ലഭിക്കുന്ന വെള്ളക്കെട്ടില്ലാത്ത പുതുമണ്ണും മധുര അമ്പഴക്കൃഷിക്ക് അനുയോജ്യമാണ്. അര മീറ്റര്‍ നീളവും താഴ്ചയുമുള്ള കുഴികളെടുത്ത് ജൈവവളങ്ങള്‍ ചേര്‍ത്ത് അമ്പഴതൈകള്‍ നടാം. ഒട്ടുതൈകളുടെ യഥാര്‍ഥ മുകുളം മാത്രം വളരാന്‍ അനുവദിക്കുകയും മറ്റു തലപ്പുകള്‍ അടര്‍ത്തിക്കളയുകയും ചെയ്യണം.
പരിചരണം
സാധാരണ ഫല വൃക്ഷങ്ങള്‍ നട്ടാല്‍ നല്‍കുന്ന പരിചരണം തന്നെ നല്‍കിയാല്‍ മതി. സൂര്യപ്രകാശം ആവശ്യത്തിനു ലഭിക്കുന്നുണ്ടെന്ന് ഉറപ്പു വരുത്തണം. ഇടയ്ക്ക് ചാണകപ്പൊടി നല്‍കാം. പച്ചച്ചാണകം വെള്ളം ചേര്‍ത്ത് നേര്‍പ്പിച്ച് ഒഴിച്ചു കൊടുക്കുന്നതും നല്ലതാണ്.
ഗുണങ്ങള്‍
അമ്പഴത്തിന്റെ എല്ലാ ഭാഗങ്ങള്‍ക്കും ഔഷധമൂല്യമുണ്ട്. കായ്കള്‍, ഇല, തൊലി എന്നിവയ്ക്ക് പുരാതന ഗൃഹവൈദ്യമുറകളില്‍ ശ്രദ്ധേയമായ സ്ഥാനമുണ്ടായിരുന്നു. അമ്പഴത്തിന്റെ പഴച്ചാര്‍ പ്രമേഹം, വയറുകടി എന്നിവയ്ക്ക് ഉപയോഗിക്കുന്നു. പഴച്ചാര്‍ തേന്‍ ചേര്‍ത്ത് കഴിക്കുന്നത് മലബന്ധം കുറയ്ക്കുന്നതിന് സഹായിക്കും. ചുമ, പനി, ചൊറിച്ചില്‍, കൃമിശല്യം, ഉയര്‍ന്ന രക്തസമ്മര്‍ദ്ദം, വിളര്‍ച്ച, ദഹനക്കേട് എന്നിവയ്ക്കും അമ്പഴച്ചാര്‍ പരമ്പരാഗതമായി ഉപയോഗിച്ചിരുന്നു.
മുടി വളരുന്നതിനും മാനസികസമ്മര്‍ദ്ദം കുറക്കുന്നതിനും ഉണക്കിപൊടിച്ച അമ്പഴകായ്കള്‍ കഴിക്കുന്നതും, മൈലാഞ്ചി ചേര്‍ത്ത് തേക്കുന്നത് മുടി കറുപ്പിക്കുന്നതിനും, വായ്പ്പുണ്ണിന് അമ്പഴച്ചാര്‍ ചേര്‍ത്ത വെള്ളം വായില്‍ കൊള്ളുന്നതും, ചിക്കന്‍ പോക്‌സ്, മീസില്‍സ് എന്നിവ കൊണ്ടുണ്ടാകുന്ന ചൊറിച്ചില്‍ മാറ്റുന്നതിന് അമ്പഴങ്ങ ഇട്ട് തിളപ്പിച്ച വെള്ളമോ പഴച്ചാറ് ചേര്‍ത്ത വെള്ളമോ ഉപയോഗിച്ച് കുളിക്കുന്നതും നല്ലതാണെന്ന് പഴമക്കാര്‍ പറയാറുണ്ട്.
ലോകത്തിന്റെ വിവിധ ഭാഗത്തുള്ള പഴച്ചെടികള്‍ കേരളത്തില്‍ അതിഥികളായെത്തി ഒടുവില്‍ വാണിജ്യക്കൃഷി വരെ തുടങ്ങിയിരിക്കുകയാണ്. റബറിനുണ്ടായ വിലത്തകര്‍ച്ചയും തെങ്ങ് , കവുങ്ങ് എന്നിവയുടെ വിളവെടുപ്പിന് തൊഴിലാളികളെ…
By Harithakeralam
മധുരവും ഒപ്പം പുളിരസവുമുള്ള പഴങ്ങള്‍ ഏറെ ഇഷ്ടപ്പെടുന്നവരാണ് നമ്മള്‍. ഇത്തരമൊരു പഴമാണ് അച്ചാചെറു... പേരില്‍ ഒളിപ്പിച്ചിരിക്കുന്ന കൗതുകം പോലെ ഏറെ പ്രത്യേകതകളുള്ള ചെടിയാണിത്. ബൊളീവിയന്‍ മംഗോസ്റ്റീന്‍ എന്നും…
By Harithakeralam
നേന്ത്രപ്പഴത്തിന് കുറച്ചു നാളായി മികച്ച വില ലഭിക്കുന്നുണ്ട്. എന്നാലും നേന്ത്രന്‍ കൃഷി ചെയ്യുന്നവര്‍ക്ക് ഓണക്കാലമാണ് സുവര്‍ണകാലം, റെക്കോര്‍ഡ് വിലയായിരിക്കും ഈ സീസണില്‍. ഓണ വിപണി ലക്ഷ്യമാക്കിയുളള നേന്ത്രവാഴയില്‍…
By Harithakeralam
വിവിധ തരം പ്ലാവ് ഇനങ്ങളിപ്പോള്‍ നമ്മുടെ നാട്ടില്‍ പ്രചാരത്തിലുണ്ട്. വിയറ്റ്‌നാം, മലേഷ്യ, ഇന്ത്യോനേഷ്യ തുടങ്ങിയ രാജ്യങ്ങളില്‍ നിന്നും നമ്മുടെ നാട്ടിലെത്തിയ ഇനങ്ങളാണിവ. കേരളത്തിനോട് സമാനമായ കലാവസ്ഥയുള്ള…
By Harithakeralam
നല്ല മധുരമുള്ള കുഞ്ഞുപഴങ്ങള്‍ കുലകളായി... ഏതു സമയത്തും പച്ചപ്പാര്‍ന്ന ഇലപ്പടര്‍പ്പുകള്‍, വീട്ട്മുറ്റത്ത് തണല്‍ നല്‍കാന്‍ അനുയോജ്യം - ലോങ്ങന്‍ അഥവാ ലാങ്‌സാറ്റ്. കേരളത്തിലെ കാലാവസ്ഥയിലും നല്ല വിളവ് തരുന്ന…
By Harithakeralam
കേരളത്തില്‍ മഴക്കാലം തുടങ്ങി, നല്ല മഴയാണിപ്പോള്‍ മിക്ക സ്ഥലത്തും ലഭിച്ചുകൊണ്ടിരിക്കുന്നത്. ഫല വൃക്ഷങ്ങള്‍ നടാന്‍ പറ്റിയ സമയമാണ്. ഇപ്പോള്‍ നട്ട് പരിപാലിച്ചാല്‍ വര്‍ഷങ്ങളോളം നല്ല വിളവ് നല്‍കുന്നവയാണ് ഫല…
By Harithakeralam
നിലവിലുള്ള ആയിരക്കണക്കിനു ടണ്‍ ചക്ക ഉപയോഗിക്കപ്പെടാതെ നശിക്കുമ്പോള്‍ വീണ്ടും ഇവിടെ പ്ലാവ് കൃഷിയോ എന്നു ചിന്തിക്കുന്നവരുണ്ട്. അതൊരു വിരോധാഭാസമല്ലേയെന്നു ചോദിക്കുന്നവരുമുണ്ട്. ഈ ചോദ്യത്തിന് ഒരേയൊരു ഉത്തരമേയുള്ളൂ.…
By Harithakeralam
ആവശ്യക്കാര്‍ ഏറെയുണ്ടെങ്കിലും കേരളത്തില്‍ അത്ര വ്യാപകമായി കൃഷി ചെയ്യാത്ത പഴമാണ് പപ്പായ. മിക്കവരുടേയും വീട്ടുവളപ്പില്‍ നാടന്‍ പപ്പായ മരങ്ങളുണ്ടാകുമെങ്കിലും ശാസ്ത്രീയ കൃഷി കുറവാണ്. അത്യുത്പാദന ശേഷിയുള്ള…
By Harithakeralam
© All rights reserved | Powered by Otwo Designs
Leave a comment