45 മുതല്‍ 55 ദിവസത്തിനുള്ളില്‍ ഇലകള്‍ പറിച്ചെടുക്കാന്‍ തുടങ്ങാം. ചെടിയുടെ താഴെയുള്ള ഇലകള്‍ തണ്ടോടുകൂടി വേണം പറിച്ചെടുക്കാന്‍.
By Harithakeralam
ബീറ്റ്‌റൂട്ടിന്റെ കുടുംബത്തിലുള്ള ഇലക്കറിയാണ് സ്വിസ് ചാര്‍ഡ്. നമ്മള്‍ മലയാളികള്‍ക്ക് കക്ഷിയെ അത്ര പരിചിതമല്ലെങ്കിലും കേരളത്തിലും നല്ല വിളവ് തരും. ഗ്രോബാഗിലും ചട്ടിയിലുമെല്ലാം വളര്‍ത്താന്‍ ഏറെ അനുയോജ്യമാണിത്. ഒരിക്കല്‍ നട്ടാല്‍ രണ്ടു വര്‍ഷം വരെ ഒരു ചെടിയില്‍ നിന്നും വിളവെടുക്കാം. ഇലക്കറികളെ കുറിച്ചുള്ള പരമ്പരയില്‍ ഇന്ന് സ്വിസ് ചാര്‍ഡിനെക്കുറിച്ചാണ് വിശദമാക്കുന്നത്.
ഇലയും തണ്ടും
മറ്റ് ഇലക്കറികളെ പോലെ ഇലകളും തണ്ടും തന്നെയാണ് സ്വിസ് ചാര്‍ഡിന്റെയും ഭക്ഷ്യയോഗ്യം. വെള്ള, മഞ്ഞ, ഓറഞ്ച്, ചുവപ്പ് നിറങ്ങളില്‍ തണ്ടുകളുണ്ടാകും, എന്നാല്‍ ഇലകള്‍ പച്ചനിറം തന്നെയായിരിക്കും. തണ്ടുകളുടെ വര്‍ണ വൈവിധ്യം കാരണം ചിലര്‍ പൂന്തോട്ടത്തിലും ഈ ചെടിക്ക് സ്ഥാനം നല്‍കാറുണ്ട്. ഔഷധ, പോഷകഗുണങ്ങള്‍ ഏറെയുണ്ട് സ്വിസ് ചാര്‍ഡിന്.
.png)
കൃഷി രീതി
വിത്ത് നട്ടാണ് സ്വിസ് ചാര്‍ഡ് കൃഷി ചെയ്യുക. നല്ല വെയില്‍ ആവശ്യമുള്ള വിളയാണിത്, ഇതിനാല്‍ സൂര്യപ്രകാശം നല്ല പോലെ ലഭിക്കുന്ന സ്ഥലം വേണം കൃഷിക്കായി തെരഞ്ഞെടുക്കാന്‍. നിലം നന്നായി കിളച്ച് ഒകംപോസ്റ്റും ചാണകപ്പൊടിയും മണ്ണിരക്കമ്പോസ്റ്റും ചേര്‍ത്ത് യോജിപ്പിക്കുക. തുടര്‍ന്നു നന്നായി നനച്ച ശേഷം 20 ഗ്രാം സ്യൂഡോമോണസ് ഒരു ലിറ്റര്‍ വെള്ളത്തില്‍ കലക്കി തളിക്കുക. വിത്തുകള്‍ തമ്മില്‍ 10 സെമി അകലത്തില്‍ പാകി നനയ്ക്കുക. 10-12 ദിവസത്തിനുള്ളില്‍ തൈകള്‍ വളര്‍ന്നു രണ്ടില പ്രായമാകും. ഈ സമയത്ത് ആരോഗ്യമില്ലാത്ത തൈകള്‍ വേണമെങ്കില്‍ നീക്കം ചെയ്യാം. ഉണങ്ങിയ ഇലകള്‍ കൊണ്ട് പുതയിടുന്നതും നല്ലതാണ്. ചട്ടിയിലും ഗ്രോബാഗിലുമെല്ലാം സ്വിസ് ചാര്‍ഡ് നല്ല വിളവ് തരും. വീട്ടിലേക്കുള്ള ആവശ്യത്തിന് ഇങ്ങനെ നടുന്നതാണ് നല്ലത്. ഉണങ്ങിപ്പൊടിഞ്ഞ ചാണകം, മണ്ണിരക്കമ്പോസ്റ്റ്, ചകിരിച്ചോറ്, മണ്ണ് എന്നിവ ചേര്‍ത്തുള്ള മിശ്രിതം നിറച്ച ഗ്രോബാഗിലോ ചട്ടിയിലോ വളര്‍ത്താം.
വിളവെടുപ്പ്
45 മുതല്‍ 55 ദിവസത്തിനുള്ളില്‍ ഇലകള്‍ പറിച്ചെടുക്കാന്‍ തുടങ്ങാം. ചെടിയുടെ താഴെയുള്ള ഇലകള്‍ തണ്ടോടുകൂടി വേണം പറിച്ചെടുക്കാന്‍. കൈ കൊണ്ടു പിടിച്ചു പൊട്ടിക്കാന്‍ ശ്രമിക്കരുത്, കത്രിക ഉപയോഗിച്ച് പതുക്കെ മുറിച്ചെടുക്കണം, ഇല്ലെങ്കില്‍ ചെടിക്ക് ഇളക്കം സംഭവിക്കും. 10 ദിവസത്തിലൊരിക്കല്‍ വിളവെടുക്കാം. ഒരു ചെടിയില്‍ നിന്ന് രണ്ടു വര്‍ഷം വരെ വിളവെടുക്കാം.
വളപ്രയോഗം
ദ്രാവക രൂപത്തിലുള്ള വളമാണ് സ്വിസ് ചാര്‍ഡിന് നല്ലത്. തുടക്കത്തില്‍ പച്ചച്ചാണകം-കടലപ്പിണ്ണാക്ക് പുളിപ്പിച്ച ലായനി നേര്‍പ്പിച്ച് ഒഴിച്ചു കൊടുക്കാം. ഇലകള്‍ പറിച്ചെടുക്കാന്‍ തുടങ്ങിയാല്‍ നേര്‍പ്പിച്ച ഗോമൂത്രമോ ചാണകസ്ലറിയോ വളമായി നല്‍കാം. ആവശ്യത്തിന് നനച്ചു കൊടുക്കണം, എന്നാല്‍ വെള്ളം കെട്ടിക്കിടക്കാന്‍ പാടില്ല.
ഗുണങ്ങള്‍
വൈറ്റമിന്‍ എ, ബി, സി, കെ, നാരുകള്‍, കാത്സ്യം, മഗ്നീഷ്യം എന്നിവയെല്ലാം സ്വിസ് ചാര്‍ഡില്‍ അടങ്ങിയിട്ടുണ്ട്. പല്ല്, എല്ല്, മുടി, കണ്ണ്, ത്വക്ക്, എന്നിവയുടെ സംരക്ഷണത്തിന് നല്ലതാണ്. പ്രമേഹം, ഉത്കണ്ഠ എന്നിവ കുറയ്ക്കാന്‍ അനുയോജ്യമാണ്.
.jpg){kind=tracking}
ചിലപ്പോള്‍ മേഘാവൃതമായ അന്തരീക്ഷം, അല്ലെങ്കില്‍ നല്ല വെയില്‍, ഒപ്പം ചൂടും പൊടിയും... കേരളത്തിലെ കാലാവസ്ഥ കുറച്ചു ദിവസമായി ഇങ്ങനെയാണ്. പനിയും ചുമയും കൊണ്ടു വലഞ്ഞിരിക്കുകയാണ് മനുഷ്യര്‍. ഇതു പോലെ നമ്മുടെ…
By Harithakeralam
പച്ചക്കറികള്‍ മുതല്‍ ഫല വൃക്ഷങ്ങളും തെങ്ങും കവുങ്ങുമെല്ലാം ഇലകള്‍ മഞ്ഞളിച്ചു വാടിത്തളര്‍ന്നു നില്‍ക്കുന്നത് കേരളത്തിലെ സ്ഥിരം കാഴ്ചയാണിപ്പോള്‍. കനത്ത ചൂട് മൂലം ചെടികള്‍ക്കെല്ലാം ക്ഷീണമുണ്ടെങ്കിലും മഞ്ഞളിപ്പ്…
By Harithakeralam
ചൂട് കടുത്തു വരുകയാണ് കേരളത്തില്‍. ഈ സമയത്ത് പച്ചക്കറികള്‍ക്ക് നല്ല പരിചരണം ആവശ്യമാണ്. ഇല്ലെങ്കില്‍ അവ നശിച്ചു പോകും. പഴമക്കാര്‍ പ്രയോഗിച്ചിരുന്ന ചില നാട്ടറിവുകള്‍ നമുക്കും പിന്തുടര്‍ന്നു നോക്കാം. ഗ്രോബാഗിലും…
By Harithakeralam
പയര്‍, തക്കാളി, വഴുതന, വെണ്ട തുടങ്ങിയ വിളകളില്‍ വെയിലിന്റെ കാഠിന്യം കാരണം വിളവ് കുറയുന്നുണ്ടോ...? വളം എത്ര നല്‍കിയിട്ടും ചെടികള്‍ നല്ല പോലെ ഫലം തരുന്നില്ലെങ്കില്‍ ഈ മാര്‍ഗമൊന്നു പരീക്ഷിക്കാം. കടലപ്പിണ്ണാക്കും…
By Harithakeralam
തക്കാളി, വഴുതന, മുളക് മുതലായ വിളകളില്‍ പതിവായി കാണുന്ന പ്രശ്‌നമാണ് ബാക്ടീരിയല്‍ വാട്ടം. തക്കാളിയും വഴുതനയും ഇതു മൂലം വിളവ് നല്‍കാതെ മുരടിച്ചു നിന്നു നശിക്കും. രോഗം വന്നതിനു ശേഷം പ്രതിവിധി തേടിയിട്ട് വലിയ…
By Harithakeralam
ഇടയ്‌ക്കൊരു മഴ ലഭിക്കുന്നുണ്ടെങ്കിലും വെയില്‍ ഇപ്പോഴും കേരളത്തില്‍ ശക്തമാണ്. അടുക്കളത്തോട്ടത്തിലെ പച്ചക്കറികളിലും ഇതു പല പ്രശ്‌നങ്ങള്‍ക്കും കാരണമാകും. ചീര, വഴുതന, പച്ചമുളക് തുടങ്ങിയ പച്ചക്കറികള്‍ക്കാണ്…
By Harithakeralam
ചൂടുള്ള കാലാവസ്ഥയില്‍ കീടങ്ങളുടെ ആക്രമണം പൊതുവേ കൂടുതലയാരിക്കും. കൃഷി തുടങ്ങുമ്പോള്‍ തന്നെ ചില മാര്‍ഗങ്ങള്‍ സ്വീകരിച്ചാല്‍ ഒരു പരിധിവരെ ഇവയെ അകറ്റാം. രോഗ കീടങ്ങളില്‍ നിന്ന് പച്ചക്കറി വിളകളെ സംരക്ഷിച്ചു…
By Harithakeralam
ജനുവരി മുതല്‍ മാര്‍ച്ച് വരെയുള്ള കാലം കേരളത്തില്‍ പാവയ്ക്ക കൃഷി ചെയ്യാന്‍ അനുയോജ്യമാണ്. വേനല്‍ മഴ ലഭിച്ചു വിഷു കഴിഞ്ഞാല്‍ മേയിലും കൃഷി തുടങ്ങാം. കേരളത്തിലെ കാലാവസ്ഥയില്‍ നല്ല വിളവ് തരുന്ന പച്ചക്കറിയാണിത്.…
By Harithakeralam
©2025 All rights reserved | Powered by Otwo Designs
Leave a comment