വിത്ത് പാകിയാണ് കുറ്റിപ്പയര്‍ തൈകള്‍ മുളപ്പിക്കുക. തടത്തില്‍ നേരിട്ടു പാവുകയാണ് നല്ലത്. പറിച്ചു നടുകയാണെങ്കില്‍ മുളച്ചു രണ്ടാഴ്ച്ച കഴിഞ്ഞ ശേഷം മാറ്റി നടാം. മൂന്നോ നാലോ വിത്തുകളിട്ട് തൈകളാകുമ്പോള്‍ ആരോഗ്യമുള്ളത് നില നിര്‍ത്തിയാലും മതി.
By Harithakeralam
മഴയുടെ ശക്തി കുറഞ്ഞു കൊണ്ടിരിക്കുകയാണ് , വൈകുന്നേരങ്ങളില്‍ മാത്രമാണിപ്പോള്‍ ശക്തമായ മഴ ലഭിക്കുന്നത്. മഴ കുറയുന്നതിന് അനുസരിച്ച് പയര്‍ കൃഷി ആരംഭിക്കാം. രുചികരവും പോഷക സമ്പുഷ്ടവുമാണ് പയര്‍. വള്ളിയായി പടര്‍ന്നു വളരുന്ന പയര്‍ ഇനമാണ് മിക്കവരും കൃഷി ചെയ്യുക. അടുക്കളത്തോട്ടത്തില്‍ വീട്ടിലെ ആവശ്യത്തിന് നാലോ അഞ്ചോ പയര്‍ നട്ട് വളര്‍ത്തുന്നവരാണ് ഭൂരിഭാഗം പേരും. എന്നാല്‍ കീടങ്ങളും രോഗങ്ങളും വലിയ തോതില്‍ ഈയിനം പയറിനെ ആക്രമിക്കാനെത്തും. മുഞ്ഞയുടെ ശല്യം കാരണം വിളവെടുപ്പ് വരെ പ്രതിസന്ധിയിലാകും. അവസാനം മനം മടുത്ത് കൃഷി അവസാനിപ്പിക്കുകയാണ് പതിവ്. ഇതിനൊരു പരിഹാരമാണ് കുറ്റിപ്പയര്‍. വള്ളിയായി പടരാതെ വളരുന്ന കുറ്റിപ്പയറിന് കീട-രോഗബാധയും കുറവാണ്.
വിത്ത് പാകാം
വിത്ത് പാകിയാണ് കുറ്റിപ്പയര്‍ തൈകള്‍ മുളപ്പിക്കുക. തടത്തില്‍ നേരിട്ടു പാവുകയാണ് നല്ലത്. പറിച്ചു നടുകയാണെങ്കില്‍ മുളച്ചു രണ്ടാഴ്ച്ച കഴിഞ്ഞ ശേഷം മാറ്റി നടാം. മൂന്നോ നാലോ വിത്തുകളിട്ട് തൈകളാകുമ്പോള്‍ ആരോഗ്യമുള്ളത് നില നിര്‍ത്തിയാലും മതി. നടുന്നതിന് മുന്‍പ് വിത്തുകള്‍ അര മണിക്കൂര്‍ വെള്ളത്തില്‍ അല്ലെങ്കില്‍ സ്യുഡോമോണസ് (ഇരുപതു ശതമാനം വീര്യം) ലായനിയില്‍ മുക്കി വെക്കുന്നത് നല്ലതാണ്. വിത്തുകള്‍ വേഗം മുളക്കാനിതു സഹായിക്കും. വിത്തുകള്‍ പാകുമ്പോള്‍ അധികം ആഴത്തിലാകരുത്. തടത്തില്‍ നനവ് ഉണ്ടാകണം. രാവിലെയും വൈകുന്നേരവും ചെറുതായി നനച്ചു കൊടുക്കാം. വിത്ത് പാകിയ ശേഷം ഇലകളോ ഓലമെടലോ ഇട്ട് പുതയിടാം. മണ്ണിലാണ് നടുന്നതെങ്കില്‍ തടമെടുക്കണം. ചാണകപ്പൊടി , എല്ലുപൊടി, ഒരു ചെടിക്ക് 100 ഗ്രാം വേപ്പിന്‍ പിണ്ണാക്ക് എന്ന കണക്കില്‍ തടത്തിലിട്ടു കൊടുക്കാം. ഗ്രോബാഗിലും ചട്ടിയിലും ചാക്കിലുമെല്ലാം നടാന്‍ കുറ്റിപ്പയര്‍ അനുയോജ്യമാണ്.
.png)
വളപ്രയോഗം, പരിചരണം
പയര്‍ വളര്‍ന്നു തുടങ്ങി മൂന്ന് ആഴ്ചയായാല്‍ കടലപ്പിണ്ണാക്ക് വളമായി നല്‍കാം. ചെടിയൊന്നിന് 50 മുതല്‍ 100 ഗ്രാം വരെ കടലപ്പിണ്ണാക്ക് നല്‍കുന്നതാണ് ഉചിതം, ഇതിനൊപ്പം അല്‍പ്പം വേപ്പിന്‍പ്പിണ്ണാക്ക് കൂടി ചേര്‍ത്താല്‍ ഉറുമ്പുശല്യവും ഒഴിവാക്കാം. രണ്ടാഴ്ച്ച കൂടുബോള്‍ സ്യുഡോമോണസ് (ഇരുപതു ശതമാനം വീര്യം) ചുവട്ടില്‍ ഒഴിച്ച് കൊടുക്കുന്നത് നല്ലതാണ്. ഫിഷ് അമിനോ ആസിഡ്, കടല പിണ്ണാക്ക് (ഒന്ന് രണ്ടു പിടി) വെള്ളത്തില്‍ 2-3 ദിവസം ഇട്ടു പുളിപ്പിച്ചതിന്റെ തെളി നേര്‍പ്പിച്ചത് ഒക്കെ വളമായി നല്‍കാം. കൃത്യമായ ഇടവേളകളില്‍ ഇവ നല്‍കുക.
കീടബാധ
മുഞ്ഞയുടെ ആക്രമണം തന്നെയാണ് പ്രധാന പ്രശ്‌നം. തടത്തില്‍ കുറച്ചു വേപ്പിന്‍ പിണ്ണാക്ക് പൊടിച്ചിടുക, ഇടയ്ക്ക് വേപ്പെണ്ണ എമല്‍ഷന്‍ തളിക്കുക. ഗോമൂത്രത്തില്‍ കാന്താരി മുളക് അരച്ചത് ചേര്‍ത്ത് നേര്‍പ്പിച്ചത് സ്‌പ്രേ ചെയ്യാം. കായ്കള്‍ അധികം മൂക്കുന്നതിനു മുന്‍പ് പറിക്കുക, വിളയാന്‍ നിര്‍ത്തിയാല്‍ കായ്ഫലം കുറയും.
.jpg){kind=tracking}
അടുക്കളത്തോട്ടത്തില്‍ പച്ചക്കറികള്‍ കൃഷി ചെയ്യുന്നവരുടെയും പേടി സ്വപ്‌നമാണ് വെള്ളീച്ചയും മുഞ്ഞയും. പയര്‍, പച്ചമുളക്, വെണ്ട, വഴുതന, പാവയ്ക്ക, പടവലം തുടങ്ങി സകല ചെടികളെയും നശിപ്പിക്കാന്‍ ഈ രണ്ടു കീടങ്ങള്‍…
By Harithakeralam
ഗ്രോബാഗിലെ കുറ്റിച്ചെടിയില്‍ നിറയെ മുന്തിരി കായ്ച്ചു നില്‍ക്കുകയാണോ എന്നാണ് ഒറ്റനോട്ടത്തില്‍ തോന്നുക. ഇടയ്ക്ക് മനോഹരമായ പൂക്കളും... എന്നാല്‍ സംഗതി മുന്തിരിയല്ല, മുളകാണ്... മുന്തിരി മുളക്. ഏറെ കൗതുകം…
By Harithakeralam
പച്ചക്കറിക്കൃഷിയെ വിവിധ തരം അസുഖങ്ങളും കീടങ്ങളും ആക്രമിക്കാനെത്തുന്ന സമയമാണിപ്പോള്‍. മഴയും ശക്തമായ വെയിലും ഇടയ്ക്കിടെ വരുന്നതിനാല്‍ നല്ല പരിചരണം വിളകള്‍ക്ക് ആവശ്യമാണ്. ഈ സമയത്ത് കൃഷിയില്‍ പ്രയോഗിക്കാവുന്ന…
By Harithakeralam
കാലവര്‍ഷം വരവായി. ഇത്തവണ ജൂണ്‍ ആദ്യവാരം തന്നെ കാലവര്‍ഷം തുടങ്ങുമെന്നാണ് കാലാവസ്ഥ പ്രവചനം. ഇനി കൃഷിയുടെ കാലമാണ്, വിത്തും കൈക്കോട്ടുമായി ഇനി മണ്ണിലേക്കിറങ്ങാം. അടുക്കളപ്പുറവും പറമ്പും പച്ചക്കറിത്തോട്ടമാക്കി…
By Harithakeralam
കേരളത്തില്‍ തക്കാളി കൃഷി ചെയ്തു വിളവെടുക്കുകയെന്നതു കുറച്ചു പ്രയാസമുള്ള കാര്യമാണ്. കാലാവസ്ഥയും മണ്ണിന്റെ പ്രത്യേകതയുമെല്ലാം ഇതിനു കാരണമാണ്. കേരളത്തിലെ മണ്ണ് പൊതുവായി അമ്ലത്ത്വം (പുളിരസം) കൂടിയതരമാണ്.…
By Harithakeralam
ധാരാളം ജൈവമാലിന്യങ്ങളാണ് നാം അടുക്കളയില്‍ നിന്നൊരു ദിവസം പുറം തള്ളുന്നത്. നഗരങ്ങളിലും മറ്റും താമസിക്കുന്നവര്‍ക്ക് ഇവയുടെ നിര്‍മാജനം വലിയൊരു തലവേദനയാണ്. മുട്ടത്തോട്,പച്ചക്കറികളുടെ തൊലി, ഉരുളക്കിഴങ്ങ് ,…
By Harithakeralam
തക്കാളി കൃഷിയുടെ കാര്യത്തില്‍ നമ്മള്‍ കേരളീയര്‍ വളരെ പുറകിലാണ്. നമ്മുടെ കാലാവസ്ഥയും മണ്ണിലെ കൂടിയ അസിഡിറ്റിയുമാണ് പ്രധാന കാരണം. ഗ്രോബാഗില്‍ കുറച്ച് തക്കാളിച്ചെടികള്‍ വളര്‍ത്തുകയാണെങ്കില്‍ വീട്ടാവശ്യത്തിനുള്ളവ…
By Harithakeralam
വേനലില്‍ കൃഷിത്തോട്ടം വാടാതിരിക്കാന്‍ നല്ല ശ്രദ്ധ കൊടുക്കണം. കറിവേപ്പ് നന്നായി വളരാനും പച്ചമുളകിലെ കായ് പൊഴിച്ചില്‍ ഒഴിവാക്കാനും തുടങ്ങി കര്‍ഷകര്‍ക്ക് സഹായകമാകുന്ന ചില നാട്ടറിവുകള്‍.
By Harithakeralam
© All rights reserved | Powered by Otwo Designs
Leave a comment