വീട്ടുമുറ്റത്ത് തുമ്പ നടാം

കര്‍ക്കിടവാവു ബലി തുടങ്ങി മരണാനന്തര ക്രിയകള്‍ക്ക് ഹൈന്ദവര്‍ തുമ്പപ്പൂ ഉപയോഗിക്കുന്നുണ്ട്. എങ്കിലും തുമ്പപ്പൂവിന്റെ ഏറ്റവും പ്രശസ്തമായ ഉപയോഗം അത്തപ്പൂക്കളത്തില്‍ അലങ്കാരമായാണ്. തൃക്കാക്കരയപ്പന് ഏറ്റവും പ്രിയതരമായ പുഷ്പമാണ് തുമ്പ. വിനയത്തിന്റെ പ്രതീകമായ തുമ്പയാണ് എന്നാണ് മലയാളികള്‍

By Harithakeralam

**സി.ഡി. സുനീഷ് ഓണക്കാലം നമ്മെ ഓര്‍മ്മിപ്പിക്കും തുമ്പ ചെടിയും പൂവും. കേരളത്തില്‍ വ്യാപകമായി കണ്ടു വരുന്ന ഒരു സസ്യമാണ് തുമ്പ. കേരളത്തിന്റെ ദേശീയോത്സവമായ ഓണവുമായി അഭേദ്യമായ ബന്ധമാണ് തുമ്പപ്പൂവിനും തുമ്പക്കുടത്തിനും ഉള്ളത്. ആയുര്‍വേദ ഔഷധങ്ങളില്‍ ഇതിന്റെ ഇലയും വേരും ഉപയോഗിച്ചു വരുന്നു. കര്‍ക്കിടവാവു ബലി തുടങ്ങി മരണാനന്തര ക്രിയകള്‍ക്ക് ഹൈന്ദവര്‍ തുമ്പപ്പൂ ഉപയോഗിക്കുന്നുണ്ട്. എങ്കിലും തുമ്പപ്പൂവിന്റെ ഏറ്റവും പ്രശസ്തമായ ഉപയോഗം അത്തപ്പൂക്കളത്തില്‍ അലങ്കാരമായാണ്. തൃക്കാക്കരയപ്പന് ഏറ്റവും പ്രിയതരമായ പുഷ്പമാണ് തുമ്പ. വിനയത്തിന്റെ പ്രതീകമായ തുമ്പയാണ് എന്നാണ് മലയാളികള്‍ കരുതി പോന്നത്. തുമ്പപ്പൂ കൊണ്ട് ഓണരാത്രിയില്‍ അട ഉണ്ടാക്കി അത് ഓണത്തപ്പനു നേദിക്കുന്ന ചടങ്ങ് മധ്യകേരളത്തിലെ ചില ഭാഗങ്ങളില്‍ നിലവിലുണ്ട്. പൂവട എന്നാണിതിനു പേര്. വിജനമായ പ്രദേശങ്ങളിലും തരിശു ഭൂമിയിലും മറ്റും കളയായി വളരുന്നു. ദക്ഷിണേഷ്യന്‍ രാജ്യങ്ങള്‍, ദക്ഷിണപൂര്‍വേഷ്യന്‍ രാജ്യങ്ങള്‍, മൗറീഷ്യസ്, ചൈനയില്‍ മിതോഷ്ണമേഖലയില്‍ സ്ഥിതിചെയ്യുന്ന ചില പ്രവിശ്യകള്‍ എന്നിവിടങ്ങളില്‍ കണ്ടുവരുന്നു. 30-60 സെ.മീ ഉയരത്തില്‍ നിവര്‍ന്നു വളരുന്ന ഔഷധിയാണ് ഇത്. സസ്യത്തിലുട നീളം രോമങ്ങള്‍ ഉണ്ടെങ്കിലും ഇത് ചര്‍മ്മത്തിന് ചോറിച്ചില്‍ ഉണ്ടാക്കുകയില്ല. ഇലകള്‍ക്ക് 36 സെ.മീ നീളവും 14 സെ.മീ വീതിയും ഉണ്ടാകും, ഇലയുടെ അഗ്രം കൂര്‍ത്തതാണ്. പുഷ്പങ്ങള്‍ ശിഖരാഗ്രങ്ങളിലോ സമ്മുഖപത്രങ്ങളുടെ കക്ഷത്തിലോ ആണ് കുലകളായി വിരിക്കുക. തണ്ടുകള്‍ ചതുരാകൃതിയിലാണ്.പുഷ്പത്തില്‍ ഒരു സുഗന്ധദ്രവ്യവും ആല്‍ക്കലോയ്ഡും അടങ്ങിയിട്ടുണ്ട്. ഇലയില്‍ ഗ്ലൂക്കോസൈഡ് ഉണ്ട്, ഇത് അണുനാശിനിയായി വര്‍ത്തിക്കുന്നു. തുമ്പകളുടെ സംരക്ഷകയായി ടീച്ചര്‍ ആരോഗ്യ പോഷക സമ്പന്നമായ തുമ്പ (common leaucas) lecas aspera എന്ന ശാസ്ത്രനാമത്തില്‍ അറിയപ്പെടുന്നു. 8 വര്‍ഷത്തോളമായി തുമ്പയെക്കുറിച്ച് പഠനവും പ്രചരണവും നടത്തുകയാണ് ചേര്‍ത്തല മരുതോര്‍വട്ടം സ്‌കുളിലെ അദ്ധ്യാപികയായ എസ്. ജയശ്രീ. സ്‌കൂള്‍ അധ്യാപകരേയും വിദ്യാര്‍ഥികളെയും തുമ്പയില്‍ സാക്ഷരരാക്കുന്നതിനൊപ്പം ഇരുപത്തിയഞ്ചോളം മൂല്യവര്‍ദ്ധന ഉല്‍പ്പന്നങ്ങളും ടീച്ചര്‍ വികസിപ്പിച്ചെടുത്തു. തുമ്പ ഇല ഉണക്കി പൊടിച്ച് മൈഗ്രേന്‍ തലവേദനക്കുള്ള മരുന്നും വികസിപ്പിക്കാന്‍ ഉള്ള ശ്രമത്തിലാണ് ടീച്ചര്‍. ആയുര്‍വേദ ഔഷധ നിര്‍മ്മാണത്തില്‍ ഇലയും വേരും ഉപയോഗിച്ച് വരുന്നു. തുമ്പ സാക്ഷരതാ യജ്ഞത്തില്‍ പങ്കാളികളാകാന്‍ താത്പര്യമുള്ളവര്‍ ബഡപ്പെടുക-9495443124. തുമ്പപ്പൂ അട ആവശ്യമായവ അരിപ്പൊടി -2 കപ്പ് ശര്‍ക്കര - 1 കപ്പ് തേങ്ങ - അര മുറി തുമ്പപൂവും ഇലയും അരച്ചത് - അര കപ്പ് ഏലക്ക - ഒരു നുള്ള് തയ്യാറാക്കുന്ന വിധം തുമ്പയിലും പൂവും അരച്ചതും മറ്റ് ചേരുവകളും കുഴച്ച് ഇലയില്‍ ചുട്ടെടുക്കുക. **

Related News

സൗന്ദര്യ സംരക്ഷണത്തിന് കറ്റാര്‍വാഴ

ചട്ടിയിലും ഗ്രോബാഗിലും ബ്രഹ്മി വളര്‍ത്താം

ഗുണത്തിലും രുചിയിലും മുന്നില്‍ ആഫ്രിക്കന്‍ മല്ലി

കുടവയര്‍ കുറയ്ക്കാനും പ്രമേഹം നിയന്ത്രിക്കാനും മധുര തുളസി