കാലവസ്ഥ പ്രശ്നങ്ങളും രോഗ-കീട ബാധകളും വലിയ പ്രശ്നമാണ്. മാന്തോപ്പില് ഈ സമയത്ത് ചെയ്യേണ്ട കാര്യങ്ങള് പരിശോധിക്കാം.
By Harithakeralam
ഇന്ത്യയില് ആദ്യം മാമ്പഴം വിളവെടുക്കുന്നത് നമ്മുടെ പാലക്കാടുള്ള മുതലമടയിലാണ്. സമൃദ്ധമായൊരു മാമ്പഴക്കാല സ്വപ്നം കണ്ടാല് മാത്രം പോര, ഇതിനുള്ള മുന്നൊരുക്കങ്ങള് ഇപ്പോഴേ തുടങ്ങണം. കാലവസ്ഥ പ്രശ്നങ്ങളും രോഗ-കീട ബാധകളും വലിയ പ്രശ്നമാണ്. മാന്തോപ്പില് ഈ സമയത്ത് ചെയ്യേണ്ട കാര്യങ്ങള് പരിശോധിക്കാം.
1. കായീച്ചകളെ നിയന്ത്രിക്കാന് ഫെറമോണ് കെണി മാവ് പൂത്ത് കഴിയുമ്പോള് മുതല് വയ്ക്കുക. ഒരു കെണി ഉപയോഗിച്ച് മൂന്ന് മുതല് നാല് മാസത്തോളം ആണ് ഈച്ചകളെ ആകര്ഷിച്ച് നശിപ്പിക്കാന് കഴിയും.
2. ഇതോടൊപ്പം അഴുകിയ പഴം/ തുളസിയില തുടങ്ങിയവ ഉപയോഗിച്ചുള്ള ചിരട്ടക്കെണികളില് 2 മില്ലി മാലത്തിയോണ് ഒരു കിലോ മിശ്രിതത്തിന് എന്ന അളവില് ഉപയോഗിക്കുന്നത് ഗുണം ചെയ്യും. ഒരേക്കര് മാവിന്തോട്ടത്തിന് ചുരുങ്ങിയത് അഞ്ചെണ്ണം അല്ലെങ്കില് 25 മരങ്ങള്ക്ക് ഒന്ന് അഥവാ ഒരു പുരയിടത്തിന് ഒന്ന് എന്ന ക്രമത്തില് കെണികള് വെച്ചു കൊടുക്കേതാണ്.
3. കൊഴിഞ്ഞു വീഴുന്ന കണ്ണിമാങ്ങകള് പെറുക്കിയെടുത്ത് നശിപ്പിക്കാന് വേണ്ടനടപടികള് സ്വീകരിക്കണം.
4. മാവിന്റെ ബലം കുറഞ്ഞതും അസുഖം വന്നതും വളഞ്ഞ് അകത്തേക്ക് വളരുന്നതുമായ ശിഖരങ്ങള് മുറിച്ച് മാറ്റി മുറിപ്പാടില് കുമിള് നാശിനി പുരട്ടണം. മാവിന്റെ ശിഖരങ്ങളില് വെയില് നന്നായി തട്ടണം.
5. മാവിന്റെ ചുവട്ടില് വലിയ ആഴത്തിലല്ലാതെ , എന്നാല് കുറച്ചു വേരുകളെങ്കിലും തെളിഞ്ഞു കാണത്തക്കരീതിയില് തടംതുറന്ന് മൂന്ന് ആഴ്ച വെയില് കൊള്ളിക്കുക. അതിനുശേഷം ചാണകപ്പൊടി, വേപ്പിന് പിണ്ണാക്ക്, എല്ലുപൊടി, ചാമ്പല് എന്നിവ ചേര്ത്ത് കുഴിയില് ചെറുതായി മണ്ണിട്ട് മൂടി നന്നായി ചപ്പുചവറുകളിട്ട് നന്നായി നനയ്ക്കുക. മാവിനെ ഒന്നു ക്ഷീണിപ്പിച്ച ശേഷം പിന്നീട് നന്നായി പരിപാലിക്കുമ്പോള് കൂടുതല് പൂക്കളുണ്ടാകാനുള്ള പ്രവണത കാണുന്നു.
6. വളരെ വര്ഷങ്ങളായി പൂക്കാതെ നില്ക്കുന്ന മാവുകളില് തായ്ത്തടിയിലെ തൊലി ഒരു മോതിരവളയത്തിന്റെ വീതിയില് നീക്കം ചെയ്യുന്നത് പൂക്കാന് സഹായിക്കും. 2 സെന്റീമീറ്റര് വീതിയില് വളയം പൂര്ണമായോ അല്ലെങ്കില് ഒരല്പ്പം ഒരു ഭാഗത്ത് നിര്ത്തി ഭാഗികമായോ പുറംതൊലി നീക്കം ചെയ്തു നോക്കാം.
7. മാവിന്റെ ചുവട്ടില് ഒരു ചട്ടിയില് തൊണ്ട്, കരിയിലകള് എന്നിവ വച്ച് നിയന്ത്രിതമായി പുകയ്ക്കുന്നതും നല്ലതാണ്.
8. നല്ല രീതിയില് പൊട്ടാഷ് വളം നല്കുന്നതും നന്നായിരിക്കും.
9. മറ്റുമരങ്ങളുടെ തണലില് നില്ക്കുന്ന മാവുകള്ക്ക് വേണ്ടത്ര സൂര്യപ്രകാശം ലഭ്യമാക്കണം
ചട്ടിയില് വളര്ത്താവുന്ന ഓറഞ്ച്, ഏതു കാലാവസ്ഥയിലും പഴങ്ങളുണ്ടാകും... സ്വാദിഷ്ടമായ ഇവ തൊലിയോടെ കഴിക്കാം - ഏറെ പ്രത്യേകതകള് ഉള്ളതാണ് ഇസ്രയേല് ഓറഞ്ച്. കേരളത്തിലെ കാലാവസ്ഥയിലും നല്ല പോലെ വിളവ് തരും. ഈ…
By Harithakeralam
വിറ്റാമിനുകളാല് സമ്പന്നമാണ് പേരയ്ക്ക. വിവിധ ഇനത്തിലുള്ള പേരകള് ലോകത്തുണ്ട്. ഇവയില് എല്ലാം തന്നെ നമ്മുടെ കാലാവസ്ഥയില് നല്ല വിളവ് തരുന്നതാണ്. എന്നാല് ഭൂമിയില് ഇന്നുള്ളതില് ഏറ്റവും മികച്ചയിനം പേര…
By Harithakeralam
പഴവര്ഗക്കൃഷിയില് വ്യത്യസ്ത രീതികളിലൂടെ വിജയം കൈവരിക്കുന്ന യുവ കര്ഷകനാണ് കോട്ടയം പൊന്കുന്നം ചെങ്ങളം സ്വദേശി വയലുങ്കല് പുതുവയലില് സലേഷ് ആന്റണി. മാറുന്ന സാഹചര്യത്തില് കൃഷിയിലൂടെ മികച്ച വരുമാനം നേടാന്…
By ഐബിന് കാണ്ടാവനം
ദൈവം നല്കിയ മധുരക്കനിയെന്നാണ് ഒലോസപ്പോ പഴത്തിനെ വിശേഷിപ്പിക്കുന്നത്.. ശര്ക്കരയുടെ രുചിയും മണവുമുള്ളൊരു പഴം... വിശ്വസിക്കാന് പ്രയാസമുണ്ടോ...? ട്രോപ്പിക്കല് ഫല വൃക്ഷമായ ഒലോസപ്പോ കേരളത്തിലും നല്ല…
By Harithakeralam
കടുത്ത ചൂടില് ആശ്വാസം പകരാന് തണ്ണിമത്തനോളം നല്ലൊരു പഴം വേറെയില്ല. എന്നാല് നല്ല പരിചരണം ആവശ്യമുള്ള വിളയാണിത്. തുടക്കത്തിലേ ശ്രദ്ധിച്ചില്ലെങ്കില് വിളവ് കുറയും, കീടങ്ങളുടെ ആക്രമണം രൂക്ഷമാകും. വള്ളി വീശി…
By Harithakeralam
റിട്ടയര്മെന്റ് ലൈഫിലെ വിരസതയും അമ്മ നഷ്ടപ്പെട്ടതോടെയുള്ള ഏകാന്തതയും മറികടക്കാനാണ് രമഭായി കര്ഷക ലോകത്തിലേക്കെത്തുന്നത്. കുട്ടിക്കാലത്ത് അമ്മ പറഞ്ഞു തന്നെ കൃഷി അറിവുകള്ക്കൊപ്പം നിരന്തര പഠനങ്ങളും…
By നൗഫിയ സുലൈമാന്
രുചിയിലും ഗുണത്തിലും മറ്റു പഴ വര്ഗങ്ങളെക്കാളും മുന്നിലാണ് പപ്പായ. നല്ല വിളവ് തരുന്നതും വ്യവസായിക അടിസ്ഥാനത്തില് കൃഷി ചെയ്യാവുന്നതുമായ പപ്പായ ഇനമാണ് റെഡ് ലേഡി. പഴുത്ത പഴം ഒരാഴ്ചയോളം കേടാകാതെയിരിക്കുമെന്നതാണിന്റെ…
By Harithakeralam
പാഷന് ഫ്രൂട്ടില് കായ് പിടുത്തം കുറയുകയും പൂ കൊഴിച്ചില് വര്ദ്ധിക്കുന്നതായും മിക്കവരും പരാതി പറയുന്നുണ്ട്. മണ്ണിലെ കൂടിയ അസിഡിറ്റിയാണ് വിളവ് കുറവിന് പ്രധാനകാരണം. അസിഡിറ്റി നിയന്ത്രിക്കാന്…
By Harithakeralam
© All rights reserved | Powered by Otwo Designs
Leave a comment