കറിവേപ്പില്‍ കറുത്ത പാടുകള്‍, പച്ചമുളക് ഇലകള്‍ വാടുന്നു ; വിദഗ്ധര്‍ നിര്‍ദേശിക്കുന്ന പരിഹാര മാര്‍ഗം

മാവില്‍ കായ്കളുണ്ടാകാന്‍ പരപരാഗണം ആവശ്യമാണ്. ഈച്ചകള്‍, ഉറുമ്പുകള്‍, വണ്ടുകള്‍ എന്നിവയിലൂടെ മാവില്‍ പരാഗണം നടക്കുന്നു. കായ്പിടിത്തമുണ്ടായി ഒരുമാസത്തിനുള്ളില്‍തന്നെ 90 മുതല്‍ 99 ശതമാനം കായ്കള്‍ വീണുപോകും.

By Harithakeralam

2023-12-26

കാലാവസ്ഥ മാറുന്നതിനാല്‍ അടുക്കളത്തോട്ടത്തിലെ പച്ചക്കറികളിലും വിവിധ തരത്തിലുള്ള പ്രശ്‌നങ്ങള്‍ കണ്ടുവരുന്നുണ്ട്. പഴങ്ങളും ഇലക്കറികളുമൊക്കെ നേരിട്ട് കഴിക്കുന്നതിനാല്‍ രാസകീടനാശിനികള്‍ പ്രയോഗിക്കാനും കഴിയില്ല. ഈ അവസരത്തില്‍ ചെയ്യേണ്ട കാര്യങ്ങള്‍ വിദഗ്ധര്‍ നിര്‍ദേശിക്കുന്നു.

1. കറിവേപ്പ് ഇലയില്‍ കറുത്ത പാടുകള്‍ കാണുന്നു. എന്താണിതിനു കാരണം.  ഈ പ്രശ്‌നം പരിഹരിക്കുന്നതെങ്ങനെ...?

മണ്ടരിയുടെ ആക്രമണം മൂലമാണ് ഇത്തരത്തിലുള്ള മാറ്റമുണ്ടാകുന്നത്. കറികളില്‍ കറിവേപ്പില നേരിട്ട് ഉപയോഗിക്കുന്നതിനാല്‍  രാസവസ്തുക്കള്‍ ഉപയോഗിക്കരുത്. പകരം വെര്‍ട്ടിസീലിയം എന്ന സൂക്ഷ്മാണൂ മിശ്രിതം ഉപയോഗിക്കുക. മുപ്പതു ഗ്രാം വെര്‍ട്ടിസീലിയം ഒരു ലിറ്റര്‍ വെള്ളത്തില്‍ ലയിപ്പിച്ച് തെളിയെടുത്ത് ഇലകളുടെ രണ്ടു വശത്തും വീഴുന്ന പോലെ വൈകുന്നേരം തളിച്ചുകൊടുക്കുക.

Related News

മഴക്കെടുതി: കൃഷി നാശം റിപ്പോര്‍ട്ട് ചെയ്യാന്‍ കണ്‍ട്രോള്‍ റൂമുകള്‍

ഭാരം കുറയ്ക്കാം, ചെടികള്‍ക്ക് നല്ല വേരോട്ടം ലഭിക്കും ; ഗ്രോബാഗ് ഇതു പോലെ നിറച്ചു നോക്കൂ

ഉള്ളി കൊണ്ട് തുരത്താം കീടങ്ങളെ

പാഷന്‍ ഫ്രൂട്ട് വള്ളികള്‍ പ്രൂണ്‍ ചെയ്യാം

2. മാവില്‍ കായ് പിടിക്കുന്നില്ല  

മാവില്‍ കായ്കളുണ്ടാകാന്‍ പരപരാഗണം ആവശ്യമാണ്. ഈച്ചകള്‍, ഉറുമ്പുകള്‍, വണ്ടുകള്‍ എന്നിവയിലൂടെ മാവില്‍ പരാഗണം നടക്കുന്നു. കായ്പിടിത്തമുണ്ടായി ഒരുമാസത്തിനുള്ളില്‍തന്നെ 90 മുതല്‍ 99 ശതമാനം കായ്കള്‍ വീണുപോകും. വളര്‍ന്നുവരുന്ന കായ്കള്‍ തമ്മിലുള്ള മത്സരവും സസ്യഹോര്‍മോണുകളുടെ കുറവും കായ്വീഴ്ച കൂടാന്‍ കാരണമാകും. ഇത് കുറയ്ക്കാനും വിളവ് വര്‍ധിപ്പിക്കാനുമുള്ള ഉപാധിയാണ് ഹോര്‍മോണ്‍ പ്രയോഗം. നാഫ്തലിന്‍ അസറ്റിക് ആസിഡ് എന്ന സസ്യ ഹോര്‍മോണ്‍ രണ്ട് മുതല്‍ മൂന്ന് മില്ലിലിറ്റര്‍ വരെ അഞ്ചുലിറ്റര്‍ വെള്ളത്തില്‍ കലക്കി കായ്പിടിത്തമുണ്ടായി രണ്ടാഴ്ചയ്ക്കുശേഷം കുലകളില്‍ തളിച്ചുകൊടുക്കണം. കടകളില്‍ 'പ്ലാനോഫിക്സ് 4.5 എസ്.എല്‍.' എന്ന പേരില്‍ ഇത് ലഭ്യമാണ്.

3. പച്ചമുളകിന്റെ  മുകള്‍ ഭാഗത്തെ ഇലകളില്‍ വാട്ടം തുടങ്ങി ക്രമേണ താഴേക്ക് പടരുന്നു , വെള്ളീച്ചയുടെ ആക്രമണവും മണ്ഡരി ബാധയുമുണ്ട്...?

ആക്രമിക്കപ്പെട്ട ഇലകള്‍ പറിച്ച് നശിപ്പിക്കുക ,കൃഷിയിടം വൃത്തിയായി സൂക്ഷിക്കുക. ഇലകളുടെ അടിഭാഗത്ത് വെള്ളം ചീറ്റിച്ച ശേഷം സോപ്പുലായനി തളിക്കുക. ആഴ്ചയിലൊരിക്കല്‍ കഞ്ഞി വെള്ളം തളിക്കുന്നത് നല്ലതാണ്. .ആവശ്യമായ അളവില്‍ തണല്‍ നല്‍കുക. ചെടി നടുന്ന സമയത്ത് മണ്ണില്‍ പ്രതിഫലന ശേഷിയുള്ള കടലാസ് (Reflective Paper) വിരിക്കുന്നത് വെള്ളീച്ചയുടെ ആക്രമണം ഒഴിവാക്കാന്‍ സഹായിക്കും.

4. പൂവന്‍ വാഴയില്‍ അടിഭാഗം വിണ്ടുകീറുന്നു...?  

നൈട്രജന്‍ എന്ന മൂലകത്തിന്റെ അളവ് ആവശ്യത്തില്‍ കൂടുതലായുള്ള സന്ദര്‍ഭങ്ങളില്‍ ഇത്തരം ലക്ഷണങ്ങള്‍ കാണപ്പെടാറുണ്ട്. മണ്ണ് പരിശോധന നടത്തി കാര്യങ്ങള്‍ മനസിലാക്കുക. വാഴയ്ക്കായുള്ള പോഷകാഹാര മിശ്രിതം 5 ഗ്രാം വീതം 1 ലിറ്റര്‍ വെള്ളത്തില്‍ ലയിപ്പിച്ചു നല്‍കുക. 100 ഗ്രാം വീതം കുമ്മായം ഓരോ വാഴയ്ക്കും തടത്തില്‍ ചേര്‍ക്കുക.

5. കുരുമുളക് വള്ളിയിലെ താഴ്ഭാഗത്തുള്ള ഇലകളില്‍ പുള്ളികുത്തും, മുകളിലത്തെ ഇലകളില്‍ വാട്ടവും കരിച്ചിലും ....?

കുരുമുളക് കൃത്യസമയത്ത് പറിച്ചെടുക്കുക.. വള്ളികള്‍ നന്നായി നനയ്ക്കുകയും പുതയിടുകയും ചെയ്യുക.കുരുമുളക് പോഷക മിശ്രിതം 5 ഗ്രാം ഒരു ലിറ്റര്‍ വെള്ളത്തിലെന്ന തോതില്‍ ലയിപ്പിച്ച് ഇലകളില്‍ തളിക്കുക.