വേനലില്‍ നല്ല പോലെ കായ്ച്ചു കുളിര്‍മയേകിയ പാഷന്‍ ഫ്രൂട്ട് വള്ളികള്‍ പ്രൂണ്‍ ചെയ്യാനുള്ള സമയമാണിപ്പോള്‍
By Harithakeralam
വേനലില്‍ നല്ല പോലെ കായ്ച്ചു കുളിര്‍മയേകിയ പാഷന്‍ ഫ്രൂട്ട് വള്ളികള്‍ പ്രൂണ്‍ ചെയ്യാനുള്ള സമയമാണിപ്പോള്‍. വള്ളികള്‍ നന്നായി വെട്ടി പന്തലിട്ടു കൊടുത്താല്‍ മഴത്ത് നല്ല വളര്‍ച്ച നേടി വേനലാകുമ്പോഴേക്കും വളര്‍ന്നു ധാരാളം കായ്കള്‍ ലഭിക്കും. കൂടെ പാഷന്‍ ഫ്രൂട്ടിന് വേണ്ട മറ്റു പരിചരണങ്ങളും നോക്കാം.
1. പ്രൂണിങ്
പ്രൂണിങ്ങ് സമയാസമയങ്ങളില്‍ നടത്തുക, തളിര്‍പ്പുകളിലാണ് പാഷന്‍ ഫ്രൂട്ട് കായ്ക്കുക. ചെടിയില്‍ കൂടുതല്‍ തളിര്‍പ്പുകളുണ്ടാകാന്‍ മുന്നോട്ട് വളര്‍ന്നു പോകുന്ന ശിഖിരങ്ങള്‍ നുള്ളി കൊടുക്കുക. അപ്പോള്‍ ധാരാളം പുതിയ തളിര്‍പ്പുകളുണ്ടാകും, ഇതിലൊക്കെ പാഷന്‍ ഫ്രൂട്ട് ഉണ്ടാകും.
.png)
2. അസിഡിറ്റിയാണ് പ്രശ്‌നം
മണ്ണിലെ അസിഡിറ്റിയുടെ അളവ് കൂടിയതാണ് പാഷന്‍ ഫ്രൂട്ടില്‍ കായ് പിടുത്തം കുറയാന്‍ പ്രധാന കാരണം. അസിഡിറ്റി നിയന്ത്രിക്കാന്‍ മണ്ണിലെ പിഎച്ച് പരിശോധിച്ച് ന്യൂട്രലാക്കാന്‍ ശ്രമിക്കുക എന്നതാണ് ആദ്യപടി. മണ്ണിലെ പിച്ച് നോര്‍മ്മലിലേയ്ക്ക് എത്തിക്കുക അതായത് ഏഴിലേയ്ക്ക് എത്തിക്കുകയാണ് വേണ്ടത്. ഇതിനായി തടത്തില്‍ മൂന്ന് നാല് പിടി കുമ്മായമോ നീറ്റ് കക്കയോ പൊടിച്ചിട്ട ശേഷം തടം നന്നായി ഇളക്കണം. ഇതു കഴിഞ്ഞ് മൂന്ന് നാല് ദിവസം കഴിഞ്ഞ് വേണം തൈ നടാന്‍. തടത്തില്‍ കുമ്മായം അധികമാകാന്‍ പാടില്ല, അങ്ങനെ വന്നാല്‍ മണ്ണ് ആല്‍ക്കലിനാകും അതും ചെടിക്ക് ദോഷകരമാണ്.
3. നന നിര്‍ബന്ധം
ഈര്‍പ്പം നന്നായി ഇഷ്ടപ്പെടുന്ന ചെടിയാണ് പാഷന്‍ ഫ്രൂട്ട്. ഇതിനാല്‍ വേനല്‍ക്കാലത്ത് നന്നായി നനച്ചു കൊടുക്കുക. നടുമ്പോള്‍ തടത്തിനു ചുറ്റും ചകിരികള്‍ അടുക്കി വെച്ചാല്‍ ചുവട്ടില്‍ ഏപ്പോഴും തണുപ്പ് നില്‍ക്കാന്‍ സഹായിക്കും. എന്നാല്‍ ചുവട്ടില്‍ വെള്ളം കെട്ടി നില്‍ക്കുന്ന അവസ്ഥ ദോഷം ചെയ്യും. ശക്തമായ മഴ പെയ്യുന്ന ഈ സമയത്ത് ചുവട്ടില്‍ വെള്ളം കെട്ടികിടക്കാന്‍ സാധ്യതയുണ്ട്. തടം മണ്ണിട്ടുയര്‍ത്തുക, ഇല്ലെങ്കില്‍ വള്ളികള്‍ ചീഞ്ഞു പോകും.
4. കമ്പോസ്റ്റ് വളങ്ങള്‍
കമ്പോസ്റ്റ് വളങ്ങള്‍ ഏറെ ഇഷ്ടപ്പെടുന്ന ചെടിയാണ് പാഷന്‍ ഫ്രൂട്ട്. നല്ല പൊടിഞ്ഞ ചാണകപ്പൊടി, തണുത്ത് പൊടിഞ്ഞ കോഴിക്കാഷ്ടം അല്ലെങ്കില്‍ ആട്ടില്‍ കഷ്ടം എന്നിവ പച്ചിലകളിട്ട് അതിനു ശേഷം മുകളില്‍ വിതറുക. കൂടാതെ അല്‍പ്പം മേല്‍മണ്ണും തടത്തില്‍ നല്‍കണം. മഴയത്ത് ഇവയെല്ലാം ചീഞ്ഞ് നല്ല വളമാകും.
5. പൊട്ടാഷ്
പാഷന്‍ ഫ്രൂട്ട് നന്നായി കായ്ക്കാന്‍ പൊട്ടാഷ് ആവശ്യമാണ്. നമ്മുടെ മണ്ണില്‍ പൊട്ടാഷിന്റെ അംശം വളരെ കുറവാണ്. ഇതിനാല്‍ വര്‍ഷത്തില്‍ മൂന്നു തവണയെങ്കിലും പൊട്ടാഷ് നല്‍കണം. തടം ഒന്നിന് നൂറ് ഗ്രാം പൊട്ടാഷ് വിതറി നനവ് ഉറപ്പാക്കണം. പൊട്ടാഷിന് പകം മൂന്ന് നാല് പിടി ചാരം നല്‍കിയാലും മതി. അല്ലെങ്കില്‍ പത്ത് ഗ്രാം സല്‍ഫേറ്റ് ഓഫ് പൊട്ടാഷ് ഒരു ലിറ്റര്‍ വെള്ളമെന്ന കണക്കിന് ചേര്‍ത്ത് ഇളക്കി ഇലകളില്‍ തളിക്കുക.
6. സൂക്ഷ്മ മൂലകങ്ങളുടെ കുറവ്
കേരളത്തിലെ ഭൂരിഭാഗം മണ്ണിലും സൂഷ്മ മൂലകങ്ങളുടെ കുറവ് പ്രകടമാകാറുണ്ട്. ഇതിനു പരിഹാരമായി 40 ഗ്രാം ബോറാക്‌സ് ഒരു കിലോ ചാണകപ്പൊടിയുടെ കൂടെ ചേര്‍ത്ത് തടത്തില്‍ കൊടുക്കാം. അല്ലെങ്കില്‍ നാലോ അഞ്ചോ ഗ്രാം ബോറാക്‌സ് ഒരു ലിറ്റര്‍ വെള്ളമെന്ന കണക്കിന് ചേര്‍ത്തു നന്നായി ഇളക്കി ഇലകളിലും ഇളം തണ്ടിലുമെല്ലാം തളിക്കുക.
.jpg){kind=tracking}
ഏറെ ആശയോടെയാണ് നാം മാവിന്‍ തൈകള്‍ വാങ്ങി വീട്ട്മുറ്റത്ത് നടുക. നാടന്‍ മാവുകള്‍ വളര്‍ന്നു വിളവ് തരാന്‍ വര്‍ഷങ്ങള്‍ വേണ്ടി വരും, എന്നാല്‍ ഒട്ടുമാവുകളില്‍ ചുരുങ്ങിയ കാലം കൊണ്ടു മാങ്ങകളുണ്ടാകും. ഇതിനിടെ പല…
By Harithakeralam
ബട്ടര്‍ഫ്രൂട്ട്' എന്ന അന്വര്‍ത്ഥമായ പേരില്‍ അറിയപ്പെടുന്ന അവൊക്കാഡോ മെക്‌സിക്കന്‍ വനാന്തരങ്ങളുടെ സംഭാവനയാണ്. ഉഷ്ണമേഖലാ സാഹചര്യമുള്ള എല്ലാ പ്രദേശങ്ങളിലും സുലഭമായി വളരുന്ന അവൊക്കാഡോ, ക്രിസ്ത്യന്‍ മിഷണറിമാരാണ്…
By Harithakeralam
മത്തന്‍ കുത്തിയാല്‍ കുമ്പളം മുളയ്ക്കില്ലെന്നാണ് പഴം ചൊല്ല്. എന്നാല്‍ മത്തന്‍ തന്നെ മര്യാദയ്ക്ക് വിളയുന്നില്ലെന്നാണ് കര്‍ഷകരുടെ പരാതി. ഇതിന് പ്രധാന കാരണം നമ്മുടെ പരിചരണത്തിലെ പോരായ്മകള്‍ തന്നെയാണ്. ലാക്റ്ററേറ്റ്…
By Harithakeralam
മാമ്പഴക്കാലം നമ്മുടെ നാട്ടില്‍ തുടങ്ങിക്കഴിഞ്ഞു. ഇന്ത്യയില്‍ ആദ്യം മാങ്ങയുണ്ടാകുന്ന കേരളത്തിലെ അവസ്ഥ വളരെ ശോകമാണ്. കാലാവസ്ഥ പ്രശ്‌നം കാരണം ഇവിടെ നാടന്‍ മാങ്ങകള്‍ പോലും കിട്ടാക്കനിയാണ്. മുതലമട പോലെ മാമ്പഴം…
By Harithakeralam
ഗുണങ്ങള്‍ നിറഞ്ഞ പപ്പായ നമ്മുടെ പറമ്പിലെ സ്ഥിരസാനിധ്യമാണ്. പഴുത്ത് പഴമായി കഴിക്കാനും പച്ചയ്ക്ക് വിവിധ തരം കറികളുണ്ടാക്കാനും പപ്പായ ഉപയോഗിക്കുന്നു. ഒരേസമയം പഴത്തിന്റെയും പച്ചക്കറിയുടേയും ഉപയോഗം ലഭിക്കും…
By Harithakeralam
കടുത്ത ചൂടില്‍ ആശ്വാസം പകരാന്‍ തണ്ണിമത്തനോളം നല്ലൊരു പഴം വേറെയില്ല. എന്നാല്‍ നല്ല പരിചരണം ആവശ്യമുള്ള വിളയാണിത്. വള്ളി വീശി വളരുന്നതിനാല്‍ കീടങ്ങളുടെ ആക്രമണവും കൂടുതലായിരിക്കും. വള്ളി വീശി പൂവിടാന്‍ തുടങ്ങിയ…
By Harithakeralam
സ്വര്‍ണം പോലെ വിലക്കയറ്റമാണ് നേന്ത്ര വാഴയ്ക്ക്. 100 ന് അടുത്തെത്തിയിരിക്കുന്നു വില, കേരളത്തില്‍ ഉത്പാദനം കുറഞ്ഞതും ഇതര സംസ്ഥാനത്ത് നിന്ന് പഴം ആവശ്യത്തിന് എത്താത്തതുമാണ് വിലക്കയറ്റത്തിന് പ്രധാന കാരണം.…
By Harithakeralam
വിറ്റാമിനുകളാല്‍ സമ്പന്നമാണ് പേരയ്ക്ക. വിവിധ ഇനത്തിലുള്ള പേരകള്‍ ലോകത്തുണ്ട്. ഇവയില്‍ എല്ലാം തന്നെ നമ്മുടെ കാലാവസ്ഥയില്‍ നല്ല വിളവ് തരുന്നതാണ്. എന്നാല്‍ ഭൂമിയില്‍ ഇന്നുള്ളതില്‍ ഏറ്റവും മികച്ചയിനം പേര…
By Harithakeralam
© All rights reserved | Powered by Otwo Designs
Leave a comment