ഭാരം കുറച്ച് എന്നാല്‍ വളത്തിന്റെ മേന്മയൊട്ടും കുറയാതെ തന്നെ നമുക്ക് ഗ്രോബാഗ് തയാറാക്കാം. തെങ്ങിന്റെ ഉണങ്ങിയ ഓലയാണ് ഇതിലെ പ്രധാന താരം.
By Harithakeralam
ടെറസിന് മുകളില്‍ പച്ചക്കറി വളര്‍ത്തുന്നവരുടെ പ്രധാന പ്രശ്നമാണ് ഭാരമുളള ഗ്രോബാഗും ചട്ടികളുമെല്ലാം ചുമക്കുകയെന്നത്. മണ്ണും ചാണകവും ചകിരിച്ചോറുമെല്ലാം ചേര്‍ത്ത മിശ്രിതം നിറയ്ക്കുന്നതോടെ ഗ്രോബാഗും ചട്ടികളുമെല്ലാം നല്ല കനമുള്ളതായി മാറും. വീടിനകത്തും പൂമുഖത്തുമെല്ലാം വയ്ക്കുകയും തൂക്കിയിടുകയും ചെയ്യുന്ന ചെടിച്ചട്ടികളുടെ കാര്യവുമിതു തന്നെ. ഭാരം കുറച്ച് എന്നാല്‍ വളത്തിന്റെ മേന്മയൊട്ടും കുറയാതെ തന്നെ നമുക്ക് ഗ്രോബാഗ് തയാറാക്കാം. തെങ്ങിന്റെ ഉണങ്ങിയ ഓലയാണ് ഇതിലെ പ്രധാന താരം.
ഉണങ്ങിയ ഓലക്കഷ്ണങ്ങള്‍
തെങ്ങിന്റെ ഓല നന്നായി ഉണങ്ങിയത് കുറച്ചു സംഘടിപ്പിക്കണം. എന്നിട്ട് ഈര്‍ക്കിലില്‍ നിന്നും അവ വേര്‍പ്പെടുത്തിയെടുത്ത് ചെറിയ കഷ്ണങ്ങളാക്കി മുറിക്കുക. നമ്മുടെ ചെറുവിരലിന്റെ നീളമുള്ള കഷ്ണങ്ങളാക്കുകയാണ് ഉചിതം. ഇതിനു ശേഷം മിശ്രിതം നിറയ്ക്കേണ്ട ഗ്രോബാഗോ ചട്ടിയോ എടുക്കുക. മൂന്നോ നാലോ കഷ്ണം ഉണങ്ങിയ ചകിരി ഇതിലിട്ട് പരത്തുക. തുടര്‍ന്ന് ഇതിന്റെ നടുക്ക് വിസ്താരം കുറഞ്ഞ ഒരു പ്ലാസ്റ്റിക്ക് പാത്രം വയ്ക്കുക. ഈ പാത്രത്തിനു ചുറ്റുമായി മുറിച്ച ഓലക്കഷ്ണങ്ങളിട്ടു കൊടുക്കുക. ഫല വൃക്ഷങ്ങളെല്ലാം നടാന്‍ നാം പിള്ളക്കുഴി തയാറാക്കാറില്ലേ, അതു പോലെ പ്ലാസ്റ്റിക്ക് പാത്രം വച്ച സ്ഥലത്തൊഴികെ ഗ്രോബാഗോ ചട്ടിയോ നിറച്ച് ഓലക്കഷ്ണങ്ങളിടുക. നിറഞ്ഞു കഴിഞ്ഞാല്‍ പാത്രം പതുക്കെയെടുത്ത് ഈ സ്ഥലത്ത് ചാണകവും മണ്ണും ചേര്‍ത്ത് മിശിത്രമിടുക. മുകള്‍ ഭാഗത്ത് മിശ്രിതം പരത്തിയിടണം. തുടര്‍ന്ന് നടുക്ക് ചെടി നടാം.
.png)
ഇന്‍ഡോര്‍ പ്ലാന്റുകള്‍ക്ക്
ഏറെ അനുയോജ്യം
പച്ചക്കറികളെപ്പോലെ തന്നെ ഇന്‍ഡോര്‍ പ്ലാന്റുകള്‍ക്കും തൂക്കിയിട്ട ചട്ടിയില്‍ വളര്‍ത്തുന്ന ചെടികള്‍ക്കും ഈ മാതൃകയില്‍ ചട്ടികളും ഗ്രോബാഗും നിറയ്ക്കുന്നത് ഗുണം ചെയ്യും. ഉണങ്ങിയ ഒലക്കഷ്ണങ്ങള്‍ ഉള്ളതിനാല്‍ ചെടികള്‍ക്ക് നല്ല വേരോട്ടും ലഭിക്കും. വെള്ളം കെട്ടിക്കിടക്കില്ല, നല്ല നീര്‍വാര്‍ച്ചയുണ്ടാകും. വെണ്ട, വഴുതന, പച്ചമുളക് തുടങ്ങിയ പച്ചക്കറികള്‍ ഇത്തരത്തില്‍ തയാറാക്കിയ ഗ്രോബാഗില്‍ നടാന്‍ നല്ലത്. ദീര്‍ഘകാലം നിലനില്‍ക്കുന്ന വിളകള്‍ ഇത്തരത്തില്‍ തയാറാക്കുന്ന ഗ്രോബാഗില്‍ നടുന്നത് അത്ര അനുയോജ്യമല്ല.
.jpg){kind=tracking}
തക്കാളി, വഴുതന, മുളക് മുതലായ വിളകളില്‍ പതിവായി കാണുന്ന പ്രശ്നമാണ് ബാക്ടീരിയല്‍ വാട്ടം. തക്കാളിയും വഴുതനയും ഇതു മൂലം വിളവ് നല്‍കാതെ മുരടിച്ചു നിന്നു നശിക്കും. രോഗം വന്നതിനു ശേഷം പ്രതിവിധി തേടിയിട്ട് വലിയ…
By Harithakeralam
ഇടയ്‌ക്കൊരു മഴ ലഭിക്കുന്നുണ്ടെങ്കിലും വെയില്‍ ഇപ്പോഴും കേരളത്തില്‍ ശക്തമാണ്. അടുക്കളത്തോട്ടത്തിലെ പച്ചക്കറികളിലും ഇതു പല പ്രശ്‌നങ്ങള്‍ക്കും കാരണമാകും. ചീര, വഴുതന, പച്ചമുളക് തുടങ്ങിയ പച്ചക്കറികള്‍ക്കാണ്…
By Harithakeralam
ചൂടുള്ള കാലാവസ്ഥയില്‍ കീടങ്ങളുടെ ആക്രമണം പൊതുവേ കൂടുതലയാരിക്കും. കൃഷി തുടങ്ങുമ്പോള്‍ തന്നെ ചില മാര്‍ഗങ്ങള്‍ സ്വീകരിച്ചാല്‍ ഒരു പരിധിവരെ ഇവയെ അകറ്റാം. രോഗ കീടങ്ങളില്‍ നിന്ന് പച്ചക്കറി വിളകളെ സംരക്ഷിച്ചു…
By Harithakeralam
ജനുവരി മുതല്‍ മാര്‍ച്ച് വരെയുള്ള കാലം കേരളത്തില്‍ പാവയ്ക്ക കൃഷി ചെയ്യാന്‍ അനുയോജ്യമാണ്. വേനല്‍ മഴ ലഭിച്ചു വിഷു കഴിഞ്ഞാല്‍ മേയിലും കൃഷി തുടങ്ങാം. കേരളത്തിലെ കാലാവസ്ഥയില്‍ നല്ല വിളവ് തരുന്ന പച്ചക്കറിയാണിത്.…
By Harithakeralam
ഗ്രോബാഗില്‍ നല്ല വിളവ് തരുന്ന പച്ചക്കറി ഏതാണ്...? ഈ ചോദ്യത്തിന് ആദ്യ ഉത്തരം വെണ്ട എന്നു തന്നെയാണ്. ഗ്രോബാഗിലും ചാക്കിലും ചട്ടിയിലുമെല്ലാം വളര്‍ത്താന്‍ ഏറ്റവും നല്ല വിളയാണ് വെണ്ട. ഏതു കാലാവസ്ഥയിലും…
By Harithakeralam
ഗുണങ്ങള്‍ നിറഞ്ഞ പച്ചക്കറിയാണ് കുമ്പളം. വള്ളിയായി വളരുന്ന ഈ പച്ചക്കറി നിലത്ത് വളര്‍ത്തിയും പന്തലിട്ടും വളര്‍ത്താം. രുചികരമായ കറികളുണ്ടാക്കാനും ജ്യൂസ് തയാറാക്കാനുമെല്ലാം കുമ്പളം നല്ലതാണ്. എന്നാല്‍ ഈ പച്ചക്കറി…
By Harithakeralam
വേനല്‍ക്കാലത്തും നല്ല വിളവ് തരുന്ന പച്ചക്കറികളാണ് പന്തല്‍ വിളകള്‍. പാവല്‍, കോവല്‍, പടവലം, പയര്‍ തുടങ്ങിയവ വെയിലിനെ ഇഷ്ടപ്പെടുന്നവയാണ്. ഇവയെ പന്തിലിട്ടാണ് വളര്‍ത്തുക. എന്നാല്‍ ഈ കാലാവസ്ഥയില്‍…
By Harithakeralam
ജനുവരിയുടെ തുടക്കം മുതല്‍ നല്ല വെയിലാണ് ലഭിക്കുന്നത്. ചൂട് അസഹ്യമായി തുടരുന്നു. മനുഷ്യരും മൃഗങ്ങളുമെല്ലാം പലതരം രോഗങ്ങള്‍ കാരണം ദുരിതത്തിലാണ്. നമ്മുടെ തോട്ടത്തിലെ പച്ചക്കറിച്ചെടികളുടെ അവസ്ഥയും ഇതുതന്നെയാണ്.…
By Harithakeralam
© All rights reserved | Powered by Otwo Designs
Leave a comment