അനിയന്ത്രിതവും അസ്വാഭാവികവുമായ കായകളുടെ കൊഴിഞ്ഞ് പോക്ക് ശ്രദ്ധയില്‍ പെട്ടാല്‍ കര്‍ഷകര്‍ ചുവടെ ചേര്‍ത്തത് പ്രകാരമുള്ള പ്രതിരോധ നടപടികള്‍ സ്വീകരിക്കേണ്ടതാണ്.
By Harithakeralam
കല്‍പ്പറ്റ: കാപ്പിച്ചെടികളില്‍ കായകളുടെ വളര്‍ച്ചയുടെ പ്രാരംഭ ഘട്ടത്തില്‍ ലഭിക്കുന്ന തുടര്‍ച്ചയായ മഴ ചെടികളുടെ ചുവട്ടില്‍ വെള്ളം കെട്ടിക്കിടക്കുന്നതിനും കായകളുടെ കൊഴിഞ്ഞു പോക്കിനും ഇടയാക്കുന്നതാണ്. തീര്‍ത്തും പ്രതികൂലമായ ഈ കാലാവസ്ഥയില്‍ അറബിക്ക , റോബസ്റ്റ ഇനങ്ങളില്‍ കറുത്ത അഴുകല്‍ ഞെട്ട് ചീയ്യല്‍ തുടങ്ങിയ രോഗങ്ങള്‍ വര്‍ദ്ധിക്കുന്നതായി കണ്ടു വരുന്നുണ്ട്. പൊതുവില്‍ 5 മുതല്‍ 8 ശതമാനം വരെ അറബിക്ക ഇനത്തിലും 10 മുതല്‍ 15 ശതമാനം വരെ റോബസ്റ്റ ഇനത്തിലും കായകള്‍ കൊഴിഞ്ഞു പോകുന്നത് സ്വാഭാവികമാണ്.
ഇത്തരത്തിലുള്ള സ്വാഭാവിക കൊഴിഞ്ഞു പോക്കിലും കൂടുതലായി കായകള്‍ കൊഴിഞ്ഞു പോകുന്നുണ്ടെങ്കില്‍ അത് പ്രതികൂല കാലാവസ്ഥ കാരണം ചെടികളുടെ ചുവട്ടില്‍ വെള്ളം കെട്ടി നില്‍ക്കുന്നത് കൊണ്ടോ മഴക്കാലത്ത് കണ്ട് വരുന്ന കറുത്ത അഴുകല്‍, ഞെട്ട് ചീയ്യല്‍ തുടങ്ങിയ രോഗങ്ങള്‍ കൊണ്ടോ ആയിരിക്കും. ഇത്തരത്തില്‍ അനിയന്ത്രിതവും അസ്വാഭാവികവുമായ കായകളുടെ കൊഴിഞ്ഞ് പോക്ക് ശ്രദ്ധയില്‍ പെട്ടാല്‍ കര്‍ഷകര്‍ ചുവടെ ചേര്‍ത്തത് പ്രകാരമുള്ള പ്രതിരോധ നടപടികള്‍ സ്വീകരിക്കേണ്ടതാണ്.
1. ചെടികളുടെ ചുവട്ടില്‍ വെള്ളം കെട്ടി നില്‍ക്കാതെ ഒഴുക്കി കളയാനാവശ്യമായ സംവിധാനം ഏര്‍പ്പെടുത്തുക.
2 കാപ്പിച്ചെടികളുടെ ചുവട്ടില്‍ നിന്ന് ചവറുകള്‍ നീക്കം ചെയ്ത് നാലു ചെടികളുടെ മധ്യഭാഗത്തേക്ക് മാറ്റി വെക്കുക. ഇത് ചെടികളുടെ ചുവട്ടില്‍ അധികം വെള്ളം കെട്ടി നില്‍ക്കാതിരിക്കാനും ചെടികളുടെ ചുവട്ടില്‍ നിന്ന് വേഗത്തില്‍ അധിക ഈര്‍പ്പം മാറ്റുന്നതിനും സഹായിക്കും.
3 ചെടികളിലെ വായു സഞ്ചാരം ഉറപ്പ് വരുത്തുന്നതിന് അരയടി തുറക്കല്‍, കമ്പച്ചികറുകള്‍ നീക്കല്‍ എന്നിവ ചെയ്യേണ്ടതാണ്.
4. വേരിന്റെയും കായകളുടേയും വളര്‍ച്ച വേഗത്തിലാക്കുന്നതിന് ഏക്കര്‍ ഒന്നിന് ഒരു ചാക്ക് യൂറിയ എന്ന കണക്കില്‍ മഴയുടെ ഇടവേളകളില്‍ പ്രയോഗിക്കേണ്ടതാണ്.
5. നിലവിലെ സാഹചര്യത്തില്‍ രോഗബാധയുള്ള ചെടികളുടെ ഭാഗങ്ങള്‍ (ഇലകള്‍, കായകള്‍, കാപ്പിച്ചെടികളില്‍ വീണു കിടക്കുന്ന തണല്‍ മരങ്ങളുടെ ഇലകള്‍ ) ശേഖരിച്ച് മണ്ണില്‍ കുഴിച്ചു മൂടി നശിപ്പിക്കേണ്ടതാണ്. രോഗവ്യാപനം തടയുന്നതിന് ഇത് സഹായകമാകും.
6. രോഗബാധിതമായ ചെടികളുടെ വിവിധ ഭാഗങ്ങള്‍ മാറ്റിയതിനു ശേഷം മഴ വിട്ടുനില്‍ക്കുന്ന സമയത്ത് കുമിള്‍നാശിനിയായ പൈറോക്ലോസ്‌ട്രോബിന്‍ ,+ എപോക്‌സികൊണസോള്‍ (ഓപ്പറ ) അല്ലെങ്കില്‍ ടെബുകോണസോള്‍ 25.9% ഇസി (ഫോളിക്കൂര്‍ ) 200 മില്ലി 200 ലിറ്റര്‍ വെള്ളത്തില്‍ 50 മില്ലി പ്ലാനോഫിക്‌സും ലഭ്യമായ ഏതെങ്കിലും വെറ്റിംഗ് ഏജന്റും ചേര്‍ത്ത് സ്‌പ്രേ ചെയ്യേണ്ടതാണ്. കായ പൊഴിയുന്നതും രോഗം പടരുന്നതും കുറയ്ക്കുന്നതിന് ഇലകളുടെ രണ്ടു വശങ്ങളിലും വളര്‍ന്നു വരുന്ന കായകളിലും തളിരുകളിലും സ്‌പ്രേ ചെയ്യാന്‍ ശ്രദ്ധിക്കേണ്ടതാണ് എന്ന് ജോയന്റ് ഡയറക്ടര്‍ കോഫീ ബോര്‍ഡ് ചുണ്ടേല്‍ അറിയിച്ചു.
കല്‍പ്പറ്റ: കാപ്പിച്ചെടികളില്‍ കായകളുടെ വളര്‍ച്ചയുടെ പ്രാരംഭ ഘട്ടത്തില്‍ ലഭിക്കുന്ന തുടര്‍ച്ചയായ മഴ ചെടികളുടെ ചുവട്ടില്‍ വെള്ളം കെട്ടിക്കിടക്കുന്നതിനും കായകളുടെ കൊഴിഞ്ഞു പോക്കിനും ഇടയാക്കുന്നതാണ്. തീര്‍ത്തും…
By Harithakeralam
കോട്ടയം: വിലത്തകര്‍ച്ചയുടെ നീണ്ട നാളുകള്‍ക്കൊടുവില്‍ കേരളത്തില്‍ റബറിന് മികച്ച വില. ആര്‍.എസ്.എസ്. നാലിന് ബാങ്കോക്കില്‍ 185 രൂപയാണ് വില. തദ്ദേശീയ വില 204 രൂപ പിന്നിട്ടു. തായ്ലന്‍ഡിലും മറ്റും വിളവെടുപ്പ്…
By Harithakeralam
വിരല്‍ മുറിച്ചു കുത്തിയാല്‍ വേരു പിടിക്കുമെന്നു പഴമക്കാര്‍ പറഞ്ഞിരുന്ന തിരുവാതിര ഞാറ്റുവേലക്കാലമാണിപ്പോള്‍. കുരുമുളക് പോലുള്ള സുഗന്ധവ്യജ്ഞനങ്ങള്‍ നടാന്‍ ഏറെ അനുയോജ്യമാണ് ഈ സമയം. കാലാവസ്ഥ വ്യതിയാനം വലിയ…
By Harithakeralam
ഏപ്രില്‍-മേയ് മാസങ്ങളില്‍ നട്ട കിഴങ്ങ് വര്‍ഗങ്ങളായ ചേന, കപ്പ, കാവിത്ത്, ചേമ്പ് എന്നിവയ്ക്ക് നല്ല വളര്‍ച്ച ലഭിച്ചിട്ടുണ്ടാവും. കിഴങ്ങ് വര്‍ഗങ്ങള്‍ക്ക് നല്‍കുന്ന ആദ്യത്തെ രണ്ടു വളപ്രയോഗങ്ങളും പരിരക്ഷയുമാണ്…
By Harithakeralam
തെങ്ങില്‍ നിന്നും നല്ല വിളവ് ലഭിക്കണമെങ്കില്‍ യഥാസമയം വളപ്രയോഗം നടത്തിയേ പറ്റൂ. അതിനു പറ്റിയ സമയമാണിപ്പോള്‍. കായ്ക്കുന്ന തെങ്ങിനു വളപ്രയോഗം നടത്തേണ്ട വിധം പരിശോധിക്കാം.
By Harithakeralam
മലയാളികളുടെ സ്വന്തം കല്‍പ്പ വൃക്ഷമാണ് തെങ്ങ്. ഗ്രാമത്തിലായാലും നഗരത്തിലായാലായും ഒന്നോ രണ്ടോ തെങ്ങില്ലാത്ത വീടുകള്‍ കേരളത്തില്‍ കുറവാണ്. തെങ്ങിന് തടം തുറന്നു വള പ്രയോഗം നടത്തേണ്ട സമയമാണിപ്പോള്‍. ഇപ്പോള്‍…
By Harithakeralam
ഒരു കാലത്ത് കേരളത്തിന്റെ സ്വകാര്യ അഹങ്കാരമായിരുന്ന കുരുമുളക് കൃഷിയിന്നു നാശത്തിന്റെ വക്കിലാണ്. കാലാവസ്ഥ വ്യതിയാനവും രോഗങ്ങളുമെല്ലാം കേരളത്തിലെ കുരുമുളക് കൃഷിയുടെ നട്ടെല്ലൊടിച്ചിരിക്കുന്നു. കനത്ത മഴ തുടരുന്നതിനാല്‍…
By Harithakeralam
കേരളത്തില്‍ എല്ലായിടത്തും ഇതിനോടകം തന്നെ ഒന്നോ രണ്ടോ മഴ ലഭിച്ചു കഴിഞ്ഞു. അതുകൊണ്ട് തന്നെ ഇഞ്ചി, മഞ്ഞള്‍ എന്നിവ നടാന്‍ പറ്റിയ സമയമാണിപ്പോള്‍. അടുക്കളത്തോട്ടത്തില്‍ സ്ഥലം ഉള്ളവര്‍ക്ക് ചെറു തടങ്ങളെടുത്ത്…
By Harithakeralam
© All rights reserved | Powered by Otwo Designs
Leave a comment