ഓണാട്ടുകരയിലെ കര്ഷകര് ഉത്പാദിപ്പിക്കുന്ന കാര്ഷകോല്പന്നങ്ങളുടെയും മൂല്യവര്ദ്ധിത ഉല്പ്പന്നങ്ങകളുടെയും വില്പ്പനയ്ക്കായി വിപണനകേന്ദ്രം ആരംഭിക്കും
കായംകുളം : ഓണാട്ടുകരയിലെ കര്ഷകര് ഉത്പാദിപ്പിക്കുന്ന കാര്ഷകോല്പന്നങ്ങളുടെയും മൂല്യവര്ദ്ധിത ഉല്പ്പന്നങ്ങകളുടെയും വില്പ്പനയ്ക്കായി വിപണനകേന്ദ്രം ആരംഭിക്കുമെന്ന് കൃഷിമന്ത്രി പി പ്രസാദ് പറഞ്ഞു. ഭൗമ സൂചിക പദവി ലഭിച്ച ഓണാട്ടുകര എള്ളിന്റെ മണ്ണില് തിരുവാതിര ഞാറ്റുവേലയുടെ പ്രാധാന്യത്തെ വിളിച്ചോതിക്കൊണ്ട് ഞാറ്റുവേല ചന്തയുടെയും കര്ഷകസഭകളുടെയും സംസ്ഥാന തല ഉല്ഘാടനം നിര്വഹിച്ചു സംസാരിക്കുകയായിരുന്നു മന്ത്രി. ഞാറ്റുവേലകളില് ഏറ്റവും ദൈര്ഘ്യമുള്ള തിരുവാതിര ഞാറ്റുവേലക്കുള്ള പ്രാധാന്യം പരമ്പരാഗത കൃഷി സംസ്കാരത്തില് വലുതാണെന്നും എന്നാല് കാലാവസ്ഥ വ്യതിയാനം സൃഷ്ടിച്ച സ്ഥിതിഗതികള് കൂടെ കണക്കിലെടുത്ത് കൃഷിചെയ്യേണ്ട സ്ഥിതിയാണ് ഇന്നുള്ളതെന്നും അദ്ദേഹം പറഞ്ഞു.
ഉഷ്ണതരംഗം, വരള്ച്ച എന്നീ വാക്കുകള് നമുക്ക് പരിചിതമായിക്കഴിഞ്ഞു. തൊട്ടു പിന്നാലെ അതിതീവ്ര മഴയും എത്തി. ഒരേ സമയം വെയിലിന്റെ കാഠിന്യം മൂലവും മഴയുടെ അധിക ലഭ്യത മൂലവും ഉണ്ടായ കൃഷി നാശത്തിന് അപേക്ഷ സ്വീകരിക്കേണ്ട സ്ഥിതിവിശേഷം ഉണ്ടായി. ഞാറ്റുവേലയുടെ പ്രാധാന്യം അപ്രകാരം നിലനിര്ത്തേണ്ടത് പരിസ്ഥിതിയുടെ സന്തുലിതാവസ്ഥയ്ക്ക് അത്യന്താപേക്ഷിതമാണ്. നെല്വയലുകളുടെ സംരക്ഷണം വകുപ്പ് വളരെ ഗൗരവത്തോടെ കാണുന്ന കാര്യമാണെന്നും നെല്വയല് തണ്ണീര്ത്തട സംരക്ഷണ നിയമത്തിന്റെ അന്തസത്ത ഉള്ക്കൊണ്ടുകൊണ്ട് ഉദ്യോഗസ്ഥര് പ്രവര്ത്തിക്കണമെന്നും കൃഷിവകുപ്പിന്റെ എല്ലാ പിന്തുണയും ഈ വിഷയത്തില് ഉണ്ടാകുമെന്ന് മന്ത്രി അറിയിച്ചു.
കൃഷിവകുപ്പിനെ സംബന്ധിച്ചിടത്തോളം ഓണാട്ടുകര എള്ളിന് ഭൗമ സൂചിക പദവി ലഭിച്ചത് വലിയ അഭിമാനമുള്ള കാര്യമാണ്. ഓണാട്ടുകര എള്ളിന്റെ മൂല്യവര്ധനവിനും വിപണനത്തിനും പുതിയ സാദ്ധ്യതകള് കണ്ടെത്തുമെന്നും തടവസരത്തില് ഓണാട്ടുകര എള്ളിന്റെ സംഭരണ ഉല്ഘാടനം നെവിന് രാജ് എന്ന കര്ഷകന്റെ 120 kg എള്ള് സ്വീകരിച്ച് ഓണാട്ടുകര വികസന ഏജന്സി വൈസ് ചെയര്മാന് എന്. രവീന്ദ്രന് നല്കി നിര്വഹിച്ചുകൊണ്ട് മന്ത്രി പറഞ്ഞു.
മുതിര്ന്ന കര്ഷകയായ ജമീലയെ വേദിയില് മന്ത്രി പൊന്നാട അണിയിച്ചും പറമ്പരാഗത വിത്തിനങ്ങള് കൈമാറിയും ആദരിച്ചു. ഫാം ഇന്ഫര്മേഷന് ബ്യൂറോ തയ്യാറാക്കിയ ഞാറ്റുവേല കലണ്ടര്, ടേബിള് കലണ്ടര് എന്നിവയുടെ പ്രകാശനവും മന്ത്രി നിര്വഹിച്ചു. ഓണാട്ടുകര എള്ളിന് ഭൗമ സൂചിക പദവി ലഭിക്കുന്നതിനു പ്രയത്നിച്ച ഡോ. സ്വരൂപ് ജോണ്, ഡോ. സുഷമ കുമാരി, ഡോ. എല്സി സി ആര്, ഡോ. സുജ ജി, ഡോ. എം. ആര്. ബിന്ദു, ഡോ. ലൗലി പി എന്നീ കാര്ഷിക ശാസ്ത്രജ്ഞരെ തടവസരത്തില് മന്ത്രി ഫലകവും സാക്ഷ്യപത്രവും നല്കി ആദരിച്ചു.
ഞാറ്റുവേല കൃഷി-ഓണാട്ടുകരയുടെ കാര്ഷികപാരമ്പര്യം എന്ന വിഷയത്തില് ഓണാട്ടുകര പ്രാദേശിക കാര്ഷിക ഗവേഷണ കേന്ദ്രം അസി. പ്രൊഫസര് ഡോ.പൂര്ണ്ണിമ യാദവ്. പി.ഐ കാര്ഷിക സെമിനാറും അവതരിപ്പിച്ചു. പരമ്പരാഗത വിത്തിനങ്ങളുടെ കൈമാറ്റം,നാടന് പാട്ടും മറ്റ് കലാ പരിപാടികളും എന്നിവയും നടന്നു. കൃഷി അഡിഷണല് ഡയറക്ടര് മിനി റ്റി പദ്ധതി വിശദീകരണം നടത്തി. കര്ഷക കൂട്ടായ്മകള് തയ്യാറാക്കിയ ഉല്പ്പന്നങ്ങളുടെയും ഓണാട്ടുകര എള്ള് വിഭവങ്ങളുടെയും പ്രദര്ശനവും വില്പ്പനയും പരിപാടിയുടെ മാറ്റ് വര്ദ്ധിപ്പിച്ചു. മുതുകുളം ബ്ലോക്ക് പഞ്ചായത്ത് പ്രസിഡന്റ് ആശംസകള് അര്പ്പിച്ച യോഗത്തിന് ആലപ്പുഴ പ്രിന്സിപ്പല് കൃഷി ഓഫീസര് അനില്കുമാര് എസ് നന്ദി പ്രകടിപ്പിച്ചു.
സംസ്ഥാന ഹോള്ട്ടികള്ച്ചര് മിഷന് രാഷ്ട്രീയ കൃഷി യോജന പദ്ധതിയില് ഉള്പ്പെടുത്തി കൂണ്ഗ്രാമങ്ങള് നിര്മിക്കാന് ധനസഹായം നല്കുന്നു. 100 ചെറുകിട കൂണ് ഉത്പാദന യൂണിറ്റുകളും 2 വന്കിട കൂണ് ഉത്പാദന യൂണിറ്റുകളും…
തിരുവനന്തപുരം: കാലാവസ്ഥ വ്യതിയാനം സംസ്ഥാനത്തെ കാര്ഷിക മേഖലയെ സാരമായി ബാധിക്കുന്നു എന്ന കാര്യം സര്ക്കാര് ഗൗരവമായിട്ടാണ് കാണുന്നതെന്ന് മന്ത്രി പി. പ്രസാദ്. 2024 ഫെബ്രുവരി മുതല് മേയ് വരെയുണ്ടായ കടുത്ത…
പച്ചക്കറിക്ക് വില വര്ദ്ധിക്കുന്ന വിഷയം ശ്രദ്ധയില്പ്പെട്ടതിനെ തുടര്ന്ന് കര്ഷകരില് നിന്ന് പച്ചക്കറി നേരിട്ട് സംഭരിച്ച് ഹോര്ട്ടി കോര്പ്പ്, വി.എഫ്.പി.സി.കെ എന്നീ വിപണികള് മുഖേന ലഭ്യമാക്കാന്…
കായംകുളം : ഓണാട്ടുകരയിലെ കര്ഷകര് ഉത്പാദിപ്പിക്കുന്ന കാര്ഷകോല്പന്നങ്ങളുടെയും മൂല്യവര്ദ്ധിത ഉല്പ്പന്നങ്ങകളുടെയും വില്പ്പനയ്ക്കായി വിപണനകേന്ദ്രം ആരംഭിക്കുമെന്ന് കൃഷിമന്ത്രി പി പ്രസാദ് പറഞ്ഞു.…
സംസ്ഥാനത്തെ പഴം, പച്ചക്കറികളില് വില്പ്പന നടത്തുന്ന വ്യാജ ജൈവ ഉല്പന്നങ്ങള് നിയന്ത്രിക്കാന് കര്ശന നടപടി കൈക്കൊള്ളുമെന്ന് കൃഷി മന്ത്രി പി. പ്രസാദ്. ഇതര സംസ്ഥാനങ്ങളില് നിന്നും കേരളത്തിലേക്ക് എത്തുന്ന…
വിളനാശമുണ്ടായാല് കര്ഷകനു സഹായമാകുന്ന പദ്ധതികളില് രജിസ്റ്റര് ചെയ്യാനുള്ള അവസാനതിയ്യതി ജൂണ് 30 ആണ്. കാലാവസ്ഥധിഷ്ഠിത പദ്ധതിയില് നെല്ല്, വാഴ, കവുങ്ങ്, കുരുമുളക്, മഞ്ഞള്, ജാതി, കൊക്കോ, വെറ്റില,…
കേരളത്തിലെ കര്ഷകര്ക്ക് മികച്ചയിനം നെല്വിത്തുകള് ലഭ്യമാക്കുന്നതില് തടസമില്ലെന്ന് കൃഷിവകുപ്പ്. വരുന്ന ജൂണ് മാസത്തില് ആരംഭിക്കുന്ന വിരിപ്പ് സീസണിലേക്കായി മികച്ച ഗുണമേന്മയുള്ള നെല്വിത്തുകള് കൃഷിഭവനിലൂടെ…
വെജിറ്റബിള് ആന്ഡ് ഫ്രൂട്ട് പ്രമോഷന് കൗണ്സിലിന്റെ അഗളി, കടമ്പഴിപ്പുറം, കാഞ്ഞിരപ്പുഴ, കോട്ടോപ്പാടം, കരിമ്പുഴ, കോട്ടായി, മലമ്പുഴ, പെരുമാട്ടി, പുതുപ്പരിയാരം, വടകരപതി, വാണിയംകുളം, വിയ്യകുറിശ്ശി എന്നീ സ്വാശ്രയ…
© All rights reserved | Powered by Otwo Designs
Leave a comment