ഗ്രോബാഗ്, ചാക്ക്, ചട്ടി എന്നിവയില് നടീല് മിശ്രിതം നിറച്ചു ടെറസില് പച്ചക്കറി കൃഷി ചെയ്യുന്നവര് ധാരാളമുണ്ട് നമ്മുടെ നാട്ടില്
മഴ ശക്തമാണിപ്പോള്, തുള്ളി മുറിയാതെ ദുരിതം വിതച്ചു പേമാരി പെയ്തുകൊണ്ടിരിക്കുന്നു. മഴയുടെ ശക്തമാറിയാല് ടെറസ് കൃഷി ആരംഭിക്കാം. ഗ്രോബാഗ്, ചാക്ക്, ചട്ടി എന്നിവയില് നടീല് മിശ്രിതം നിറച്ചു ടെറസില് പച്ചക്കറി കൃഷി ചെയ്യുന്നവര് ധാരാളമുണ്ട് നമ്മുടെ നാട്ടില്. ടെറസില് പന്തല് സ്ഥാപിച്ചു കൃഷി ചെയ്യുന്നത് ഏറെ ഗുണം ചെയ്യും.
1. ജി ഐ. പൈപ്പ്/മുള/കവുങ്ങിന്റെ അലക്
2. മണ്ണ് നിറച്ച ചാക്ക് (കാല് കുഴിച്ചിടാന്)
3. കണ്ണി അകലമുള്ള നെറ്റ്
മണ്ണുനിറച്ച ചാക്കില് പന്തലിന്റെ കാലുകള് നാട്ടണം. അല്ലെങ്കില് ടെറസിന്റെ മുകളില് കൊളുത്തുകള് ഉണ്ടെങ്കില് അതില് കാലുകള് നാട്ടിയാലും മതി. കാലുകള്ക്കായി ജി.ഐ.പൈപ്പുകളോ മുളയോ, കവുങ്ങിന്റെ അലകുകളോ ഉപയോഗിക്കാം. തുടര്ന്ന് നെറ്റ് കാലുകളില് നന്നായി വലിച്ച് കെട്ടണം. കണ്ണിവലുപ്പം കൂടിയ നെറ്റ് ഉപയോഗിച്ചാല് കായ്കള് താഴെക്ക് തൂങ്ങി നിന്നു വളര്ന്നു കൊള്ളും.
പയര്, പാവല്, പടവലം, കോവല്, പിച്ചില്, ചുരങ്ങ, ഇളവന് എന്നിവയെല്ലാം ടെറസിലെ പന്തലില് കയറ്റി വളര്ത്താവുന്ന ഇനങ്ങളാണ്.
മണ്ണ്, പഴകിയ ചകിരിച്ചോര്, ചാണകപ്പൊടി എന്നിവയെല്ലാം നന്നായി കൂട്ടി ഇളക്കി ഗ്രോബാഗിന്റെ 60 ശതമാനം നിറയ്ക്കണം. ഓരോ ഗ്രോബാഗിലേയ്ക്കും ഒരു പിടി വേപ്പിന്പ്പിണ്ണാക്കും അല്പ്പം എല്ല് പൊടിയും കൂട്ടി ചേര്ത്ത് നടീല് മിശ്രിതം തയ്യാറാക്കാലാണ് ആദ്യപടി. ഇങ്ങനെ തയ്യാറാക്കിയ ബാഗിലേയ്ക്ക് ചെറു കവറിലെ ട്രേകളിലേയോ തൈകള് മാറ്റി നടണം. വൈകുന്നേരങ്ങളില് നടുന്നതാണ് തൈകളുടെ ആരോഗ്യത്തിന് നല്ലത്. തൈകള്ക്ക് ക്ഷതം പറ്റാത്ത രീതിയില് വേണം കവര് പൊട്ടിക്കാനും മാറ്റി നടാനും. തൈയാണ് നടുന്നത് എങ്കില് ഒരാഴ്ച്ചകൊണ്ട് വള്ളി വീശി തുടങ്ങും. അത് അനുസരിച്ച് ചെടിക്ക് പന്തലിലേയ്ക്ക് കയറിപറ്റാന് അവസരമൊരുക്കണം. പരിപാലനവും വളപ്രയോഗവുമെല്ലാം മറ്റ് പച്ചക്കറി വിളകള്ക്ക് ചെയ്യുന്നപ്പോലെ തന്നെ മതി. ഒരു കൃഷി കഴിഞ്ഞാല് നെറ്റും പൈപ്പും എല്ലാം അടുത്ത തവണയും ഉപയോഗിക്കാം.
പന്തല് വിളയായ പാവയ്ക്ക കൃഷി ചെയ്യാന് അനുയോജ്യമായ സമയമാണിപ്പോള്. വലിയ തോതില് കീടങ്ങള് ആക്രമിക്കാനെത്തുമെന്നതാണ് പന്തല് വിളകളുടെ പ്രധാന പ്രശ്നം. ഇവയെ നിയന്ത്രിച്ച് പാവയ്ക്ക് മികച്ച രീതിയില് വിളവെടുക്കുകയെന്നത്…
ഏറെ പോഷകങ്ങള് നിറഞ്ഞ പച്ചക്കറിയാണ് മത്തന്, വലിയ പരിചരണമില്ലാതെ നല്ല പോലെ വിളവ് തരുന്ന മത്തന് കൃഷി ചെയ്യാനുള്ള ഒരുക്കങ്ങള് ആരംഭിക്കാനുള്ള സമയമാണിപ്പോള്. ഓഗസ്റ്റ് മുതല് ഡിസംബര് വരെയുള്ള മാസങ്ങളാണ്…
മഴയും വെയിലും മാറി മാറി വരുന്ന ഈ കാലാവസ്ഥയില് പച്ചക്കറികളിലുണ്ടാകുന്ന പ്രധാന പ്രശ്നമാണ് ഫംഗസ് ബാധ. ഇലകളിലുള്ള നിറവ്യത്യാസം, പാടുകള്, ഇലകളിലും തണ്ടിലുമുള്ള പൂപ്പലുകള്, ചെടി വാടിപ്പോകല്,…
ഗുണങ്ങള് നിറഞ്ഞ പച്ചക്കറിയാണ് കുമ്പളം. വള്ളിയായി വളരുന്ന ഈ പച്ചക്കറി നിലത്ത് വളര്ത്തിയും പന്തലിട്ടും വളര്ത്താം. രുചികരമായ കറികളുണ്ടാക്കാനും ജ്യൂസ് തയാറാക്കാനുമെല്ലാം കുമ്പളം നല്ലതാണ്. എന്നാല് ഈ പച്ചക്കറി…
മഴയും കടുത്ത വെയിലുമാണിപ്പോള് കേരളത്തില്. കീടങ്ങളുടെ ആക്രമണം രൂക്ഷമാകാന് അനുയോജ്യമാണ് ഈ കാലാവസ്ഥ. പച്ചക്കറികളില് നീരൂറ്റിക്കുടിക്കുന്ന പ്രാണികളുടെ ആക്രമണം ഇതുകാരണം കൂടുതലാണ്. പയര്, മത്തന്,…
മനുഷ്യന് നിരവധി ഗുണങ്ങള് നല്കുന്ന വിളയാണ് കൂണ്. പണ്ട് പ്രകൃതിയില് തനിയെ വളരുന്ന കൂണ് കഴിച്ചിരുന്നവരാണ് നാം. എന്നാല് ഇന്നു വിവിധ തരത്തിലുള്ള കൂണുകള് നമുക്ക് തന്നെ വീട്ടില് വളര്ത്തിയെടുക്കാം. ഇതില്…
അടുക്കളമാലിന്യങ്ങളും കരിയിലകളും മറ്റും ഉപയോഗിച്ച് കമ്പോസ്റ്റ് ഉണ്ടാക്കുന്നവര് നിരവധി പേരുണ്ട്. ഗ്രോബാഗിലും ചാക്കിലുമെല്ലാം പച്ചക്കറികള് കൃഷി ചെയ്യുന്നുണ്ടെങ്കില് കമ്പോസ്റ്റിനോളം നല്ലൊരു വളം…
ജൈവകീടനാശിനികള് തയാറാക്കാന് ഉപയോഗിക്കുന്നവയില് പ്രധാനിയാണ് കാന്താരി മുളക്. എന്നാല് നിലവിലെ കാലാവസ്ഥയില് കാന്താരി മുളകില് വലിയ തോതില് കീടശല്യമുണ്ട്. വെള്ളീച്ച, ഇലതീനിപ്പുഴുക്കള്, മഞ്ഞ തുടങ്ങിയവ…
© All rights reserved | Powered by Otwo Designs
Leave a comment