ഇപ്പോള്‍ ഏതാനും ദിവമായി മഴയൊന്ന് കുറഞ്ഞിട്ടുണ്ട്. മഴയുടെ ശക്തി കുറഞ്ഞാല്‍ വീണ്ടും അടുക്കളത്തോട്ടങ്ങള്‍ സജീവമാക്കാം. ചുരുങ്ങിയ ചെലവില്‍ ഗ്രോബാഗില്‍ നടീല്‍ മിശ്രിതം നിറച്ച് അടുക്കളത്തോട്ടമൊരുക്കാനുള്ള മാര്‍ഗങ്ങളാണ് ഹരിത കേരളം ന്യൂസ് ഇന്ന് ചര്‍ച്ച ചെയ്യുന്നത്.
By Harithakeralam
കാലം തെറ്റി പെയ്യുന്ന കനത്ത മഴ കേരളത്തിന്റെ കാര്‍ഷിക മേഖലയുടെ താളം തെറ്റിച്ചിരിക്കുകയാണ്. പലയിടത്തും പച്ചക്കറിക്കൃഷിയും നാണ്യവിളകളുമെല്ലാം മഴയില്‍ ഒലിച്ചു പോയിരിക്കുന്നു. വീട്ടിലേക്ക് ആവശ്യമായ പച്ചക്കറികള്‍ക്ക് വേണ്ടി നാം തയാറാക്കുന്ന അടുക്കളത്തോട്ടത്തിന്റെ കാര്യവും ഇതുതന്നെയാണ്. മഴയില്‍ മിക്കവാറും പേരുടെ അടുക്കളത്തോട്ടവും ടെറസ് കൃഷിയുമെല്ലാം നശിച്ചിരിക്കും, ഇല്ലെങ്കില്‍ തത്ക്കാലം നിര്‍ത്തിവച്ച അവസ്ഥയിലുമായിരിക്കും. ഇപ്പോള്‍ ഏതാനും ദിവമായി മഴയൊന്ന് കുറഞ്ഞിട്ടുണ്ട്. മഴയുടെ ശക്തി കുറഞ്ഞാല്‍ വീണ്ടും അടുക്കളത്തോട്ടങ്ങള്‍ സജീവമാക്കാം. ചുരുങ്ങിയ ചെലവില്‍ ഗ്രോബാഗില്‍ നടീല്‍ മിശ്രിതം നിറച്ച് അടുക്കളത്തോട്ടമൊരുക്കാനുള്ള മാര്‍ഗങ്ങളാണ് ഹരിത കേരളം ന്യൂസ് ഇന്ന് ചര്‍ച്ച ചെയ്യുന്നത്.
നമുക്ക് അത്യാവശ്യം വേണ്ട പയര്‍, പച്ചമുളക്, വെണ്ട, വഴുതന, ചീര, കാന്താരിമുളക്, ഇഞ്ചി തുടങ്ങിയവ പ്രാധാന്യം അനുസരിച്ച് ഗ്രോബാഗുകളുടെ എണ്ണം നിജപ്പെടുത്തണം. താഴെ പറയുന്ന നടീല്‍ മിശ്രിതം കൊണ്ട് ഇരുപത് ഗ്രോബാഗുകള്‍ നിറയ്ക്കാം.
തയാറാക്കാന്‍ ആവശ്യമുള്ളവ
.png)
1) 6 കൊട്ട മേല്‍ മണ്ണ്
2) 1 ചാക്ക് ചകിരി ചോറ്
3) 5 കൊട്ട ചാണക പൊടി
4) 3 കിലോ ജൈവ വളം (എല്ലുപൊടിയും വേപ്പിന്‍ പിണ്ണാക്കുമടങ്ങിയത് )
5) 500 ഗ്രാം ട്രെക്കോടെര്‍മ്മ (വേര് ചീയല്‍, ഫംഗസ് രോഗം തുടങ്ങിയവ ഒഴിവാക്കാന്‍)
തയാറാക്കുന്ന വിധം
ഇവയെല്ലാം കൂട്ടി കലര്‍ത്തി ഒരു ദിവസം തണലത്ത് വയ്ക്കുക. തുടര്‍ന്ന് ഗ്രോബാഗിന്റെ എഴുപത് ശതമാനം നിറച്ച് തൈകള്‍ നടാം. വിത്താണ് നടുന്നതെങ്കില്‍ വിത്തിന്റെ വലുപ്പത്തിലേ വിത്ത് താഴാന്‍ പാടുള്ളു (വിത്ത് വിത്തോളം). തൈയ്യാണെങ്കില്‍ വേരിന്റെ മുകളില്‍ മണ്ണ് വരത്തക്ക വിധത്തില്‍ നടേണ്ടതാണ്. ഒരാഴ്ച്ച കൊണ്ട് പുതിയ വേരുകള്‍ വന്ന് തുടങ്ങും. 20 ദിവസം കൂടുമ്പോള്‍ ജൈവ വളങ്ങള്‍ ചേര്‍ത്താല്‍ എഴുപത് എണ്‍പത് ദിവസങ്ങള്‍കൊണ്ട് ഫലം ലഭിച്ചു തുടങ്ങും.
മേല്‍പ്പറഞ്ഞ എണ്ണം ഗ്രോബാഗുകളില്‍ നടീല്‍ മിശ്രിതം നിറച്ച് പച്ചക്കറി തൈകള്‍ നട്ട് വിളവ് എടുക്കുന്നവ വരെ ഉളള ചിലവ് ഏകദേശം മൂവായിരം രൂപയില്‍ കൂടില്ല. കൂടാതെ യാതൊരു രാസവളമോ കീടനാശിനിയോ പ്രയോഗിക്കാത്ത നല്ല പച്ചക്കറികള്‍ കഴിച്ച് ആരോഗ്യം സംരക്ഷിക്കുകയും ചെയ്യാം.
തക്കാളിക്കൃഷി തുടങ്ങാന്‍ അനുയോജ്യമായ സമയമാണിപ്പോള്‍. ഗ്രോബാഗിലും നിലത്തുമെല്ലാം തക്കാളി തൈകള്‍ നട്ട് തുടങ്ങാം. പൊതുവെ കേരളത്തിന്റെ മണ്ണില്‍ തക്കാളി നല്ല വിളവ് തരാന്‍ പ്രയാസമാണ്, മണ്ണിലെ അമ്ലതയാണ് പ്രശ്നം.…
By Harithakeralam
അനുകൂല കാലാവസ്ഥയായതിനാല്‍ പച്ചക്കറി ചെടികള്‍ നല്ല ആരോഗ്യത്തോടെ വളരുന്നുണ്ടാകും. ഇലകളാണ് എല്ലാ ചെടികളുടെയും പ്രധാന ഭാഗം. നിരവധി കീടങ്ങളും രോഗങ്ങളും ഇലകളെ ബാധിക്കുന്നത് സാധാരണമാണ്. ഇലകള്‍ നശിച്ചാല്‍ ചെടിയും…
By Harithakeralam
മഴയും വെയിലുമൊന്നും പ്രശ്‌നമല്ലാതെ നല്ല വിളവ് തരുന്ന വിളയാണ് പച്ചമുളക്. കുറച്ചു ദിവസം വെള്ളത്തില്‍ നിന്നാലും പ്രശ്‌നമല്ല മുളക് ചെടി കായ്ക്കും. എന്നാല്‍ രോഗങ്ങളും കീടങ്ങളും ഏതു കാലാവസ്ഥയിലും മുളകിനെ ബാധിക്കും.…
By Harithakeralam
മഴക്കാലത്ത് നല്ല വിളവ് തരുന്ന വിളയാണ് പച്ചമുളക്. വെയിലും മഴയുമൊന്നും പ്രശ്‌നമല്ലാതെ പച്ചമുളക് വളരും. കേരളത്തില്‍ പച്ചമുളക് കൃഷി ചെയ്യാന്‍ അനുയോജ്യമായ സമയവുമിതാണ്. എന്നാല്‍ മുരടിപ്പ്, പൂ കൊഴിച്ചില്‍…
By Harithakeralam
ഏതു കാലാവസ്ഥയിലും നല്ല വിളവ് തരുന്ന പച്ചക്കറിയാണ് പയര്‍ അഥവാ അച്ചിങ്ങ. നമുക്കാവശ്യമായ വിറ്റാമിനുകളും ധാതുലവണങ്ങളും പ്രോട്ടീനും ഏറ്റവും കൂടുതലായി അടങ്ങിയിട്ടുള്ളത് പയറു വര്‍ഗങ്ങളിലാണ്. വിറ്റാമിന്‍ കെ,…
By Harithakeralam
മഴ ശക്തമായി തുടരുന്നതിനാല്‍ അടുക്കളത്തോട്ടത്തില്‍ കൃത്യമായ പരിപാലനം ആവശ്യമാണ്. തെങ്ങിന്‍ തോട്ടം, കുരുമുളക്, പച്ചക്കറി തുടങ്ങിയ വിളകള്‍ക്കാണ് ഈ സമയത്ത് പ്രത്യേക പരിപാലനം ആവശ്യമുള്ളത്.
By Harithakeralam
കാലവര്‍ഷം നേരത്തെ എത്തിയിരിക്കുകയാണ് കേരളത്തില്‍. നല്ല മഴ രണ്ടു ദിവസമായി എല്ലായിടത്തും ലഭിക്കുന്നു. പലയിടത്തും കൃഷിത്തോട്ടം വെള്ളത്തിലായി കഴിഞ്ഞു. ജാതി, പച്ചക്കറികള്‍, കുരുമുളക് പോലുള്ള വിളകള്‍ക്ക് പ്രത്യേക…
By Harithakeralam
മലയാളികള്‍ക്ക് ഏറെ പ്രിയപ്പെട്ട പച്ചക്കറിയാണ് കോവല്‍. ശരീരത്തിന്റെ രോഗ പ്രതിരോധ ശേഷി വര്‍ദ്ധിപ്പിക്കാനും ഹൃദയം, തലച്ചോറ്, വൃക്ക എന്നിവയുടെ ശരിയായ പ്രവര്‍ത്തനത്തിനും കോവല്‍ പതിവായി കഴിക്കുന്നതു നല്ലതാണ്.…
By Harithakeralam
© All rights reserved | Powered by Otwo Designs
Leave a comment