വിവിധ തരം ചീരകള്, മുരിങ്ങ, ചായമന്സ, ചീരച്ചേമ്പ്, കാബേജ്, മല്ലിയില, പുതിന തുടങ്ങിയ ഇലക്കറികള് നമുക്ക് വലിയ പ്രയാസമില്ലാതെ വളര്ത്തിയെടുക്കാവുന്നതേയുള്ളൂ. ഇവ ഓരോന്നും നട്ടു വളര്ത്തി ഇല പറിക്കുന്നതുവരയെ ചെയ്യേണ്ട കാര്യങ്ങള് പരമ്പരായി അവതരിപ്പിക്കുകയാണ് ഹരിത കേരളം ന്യൂസ്. സാധാരണ നമ്മള് വളര്ത്തുന്ന ചീരയെപ്പറ്റിയാണ് ആദ്യം.
By Harithakeralam
മനുഷ്യശരീരത്തിന് ആവശ്യമായ നിരവധി വിറ്റാമിനുകളും പോഷകങ്ങളുമടങ്ങിയവയാണ് ഇലക്കറികള്. ശരീരധാതുക്കളുടെ അളവും ഗുണവും മെച്ചപ്പെടുത്തി ഉന്മേഷവും രോഗപ്രതിരോധശേഷിയും സംഭരിക്കാന് ഇലക്കറികള് സഹായിക്കും. വീട്ടില് അടുക്കളത്തോട്ടമൊരുക്കുന്നവര് നിര്ബന്ധമായും ഇലക്കറികള് വളര്ത്തണം. വിവിധ തരം ചീരകള്, മുരിങ്ങ, ചായമന്സ, ചീരച്ചേമ്പ്, കാബേജ്, മല്ലിയില, പുതിന തുടങ്ങിയ ഇലക്കറികള് നമുക്ക് വലിയ പ്രയാസമില്ലാതെ വളര്ത്തിയെടുക്കാവുന്നതേയുള്ളൂ. ഇവ ഓരോന്നും നട്ടു വളര്ത്തി ഇല പറിക്കുന്നതുവരയെ ചെയ്യേണ്ട കാര്യങ്ങള് പരമ്പരായി അവതരിപ്പിക്കുകയാണ് ഹരിത കേരളം ന്യൂസ്. സാധാരണ നമ്മള് വളര്ത്തുന്ന ചീരയെപ്പറ്റിയാണ് ആദ്യം.
ചീരക്കൃഷി
വര്ഷം മുഴുവന് ചീര കൃഷി ചെയ്യാമെങ്കിലും ശക്തിയായ മഴയുള്ള സമയത്ത് ഇവ വിതയ്ക്കുന്നതും പറിച്ചുനടുന്നതും ഒഴിവാക്കണം. പച്ച, ചുവപ്പ് എന്നീ നിറങ്ങളിലുള്ള ചീരകളാണ് നാം സാധാരണ കൃഷി ചെയ്യുന്നത്. ഇതില് തന്നെ വിവിധ ഇനങ്ങളുണ്ട്.
വിത്തും വിതയും
ചീര നേരിട്ട് വിതയ്ക്കുകയോ, തൈ പറിച്ചു നടുകയോ ആവാം. നേരിട്ടു വിതയ്ക്കുമ്പോള് സെന്റിനു 10 ഗ്രാം വിത്ത് മണലുമായി കൂട്ടിക്കലര്ത്തി പാകണം. പറിച്ചു നടുന്ന രീതിയിലാണെങ്കില് സെന്റിനു രണ്ടു ഗ്രാം വിത്തു മതിയാകും.
നിലമൊരുക്കലും വളപ്രയോഗവും
നല്ല വെളിച്ചവും നീര്വാര്ച്ചയുള്ളതുമായ സ്ഥലമാണ് കൃഷിക്കനുയോജ്യം. ഒരു മീറ്റര് വീതിയിലും 20-30 സെ.മീ. ഉയരത്തിലും തറകള് ഉണ്ടാക്കി 15-20 സെ.മീ. അകലത്തില് വരികളില് പൊടിമണലുമായി കൂട്ടിക്കലര്ത്തി വിത്തിടണം. ഉറുമ്പിന്റെ ഉപദ്രവം ഒഴിവാക്കാന് ചാരമോ മഞ്ഞള്പ്പൊടിയോ വിതറാം. മൂന്നാഴ്ച പ്രായമായ (3-4 ഇലകള് ഉള്ള) തൈകള് പറിച്ചുനടാം. മഴക്കാലത്ത് വാരങ്ങളില് നടുന്നതാണ് നല്ലത്. അടിവളമായി ചാണകപ്പൊടി, കമ്പോസ്റ്റ്, എല്ലുപൊടി എന്നിവ മണ്ണില് കൂട്ടിയിളക്കണം. അതിനു ശേഷം ആഴ്ചതോറും ജൈവസ്ലറി തളിക്കാവുന്നതാണ്. ഗ്രോബാഗിലും ചീര നടാം.
ശ്രദ്ധിക്കേണ്ട കാര്യങ്ങള്
1. നനയ്ക്കുമ്പോള് മണ്ണിലെ ചെളി തെറിച്ച് ഇലകളില് പടരുന്നതിലൂടെയാണ് പ്രധാനമായും ഇലപ്പുള്ളി രോഗം ഉണ്ടാകുന്നത്. നനയ്ക്കുമ്പോള് ചുവട്ടില് മാത്രം വെള്ളമൊഴിക്കാന് ശ്രമിക്കുക.
2. ചുവന്ന ചീരയോടൊപ്പം പ്രതിരോധശേഷിയുള്ള പച്ചയിനം കൂടി കലര്ത്തി വിതറുക.
3. സ്യൂഡോമോണസ് വിത്തില് പുരട്ടി അര മണിക്കൂര് തണലില് വച്ചതിനുശേഷം നടുക.
4. പറിച്ചു നടുകയാണെങ്കില് 20 ഗ്രാം സ്യൂഡോമോണസ് ഒരു ലിറ്റര് വെള്ളമെന്ന തോതില് കലക്കി വേരു മുക്കി നടുകയോ,നട്ട ശേഷം ചുവട്ടിലൊഴിക്കുകയോ ചെയ്യാം.
5. വിത്തു നടുന്ന സ്ഥലം നല്ലപോലെ കിളച്ചു കല്ലും കളയും കട്ടയും മാറ്റി നന്നായി ജൈവാംശം ചേര്ക്കുക.
6. കോഴിവളം, ചകിരിച്ചോര്, ചാണകസ്ലറി, തൊഴുത്തു കഴുകിയ വെള്ളം മൂത്രത്തോടൊപ്പം നേര്പ്പിച്ചത് എന്നിവ ഒഴിക്കുന്നത് ചീര വേഗത്തില് വളരാന് സഹായിക്കും.
7. ട്രെക്കോഡര്മ്മ ചേര്ത്തു സമ്പുഷ്ടമാക്കിയ ജൈവവളം മണ്ണില് ചേര്ത്ത ശേഷം വിത്തിടുക.
8. ഇലപ്പുള്ളി കാണുന്ന ചെടികള് ഉടന് പറിച്ചുമാറ്റുക.
9. ഒരു ടീസ്പൂണ് അപ്പക്കാരത്തില് 4 ടീസ്പൂണ് മഞ്ഞള്പൊടി ചേര്ത്ത് 6 ലിറ്റര് വെള്ളത്തില് കലര്ത്തി ഇലകളില് തളിക്കുന്നത് ഇലപ്പുള്ളി രോഗവ്യാപനം തടയും.
കീടങ്ങളെ തുരത്താം
കൂടുകെട്ടി പുഴു/ ഇല തീനി പുഴുക്കളാണ് ചീരയുടെ പ്രധാന ശത്രുക്കള്. ഇലകളില് കൂടുകെട്ടി തിന്നു നശിപ്പിക്കുകയാണ് ഇവ ചെയ്യുക.
1. പുഴുക്കളെ ഇലയോടുകൂടി ശേഖരിച്ച് നശിപ്പിക്കുക.
2. ജൈവകീടനാശിനി (ബിടികെ) 20 ഗ്രാം ഒരു ലിറ്റര് വെള്ളത്തിലെന്ന തോതില് കലക്കി തളിക്കുക.
3. പെരുവലത്തിന്റെ ഇലച്ചാര് 45 മില്ലി ഒരു ലിറ്റര് വെള്ളം എന്ന തോതില് തളിക്കാം.
4. വേപ്പിന് പിണ്ണാക്ക് ചേര്ത്ത് വിത്തു നടുക.
5. വേപ്പധിഷ്ടിത കീടനാശിനി 5% വീര്യത്തില് തളിക്കുക.
ഗുണങ്ങള്
വിറ്റാമിന് എ സമൃദ്ധമായുണ്ട് ഇലക്കറികളില്. കാഴ്ചക്ക് അത്യന്താപേക്ഷിതമായ വിറ്റാമിന് എ കുട്ടികളുടെ വളര്ച്ചയിലും ബുദ്ധിവികാസത്തിലും, രോഗപ്രതിരോധത്തിലുമെല്ലാം വളരെ അധികം പങ്ക് വഹിക്കുന്നുണ്ട്. വിറ്റാമിന് കെ, മഗ്നീഷ്യം, കാത്സ്യം എന്നിവയും ഇലക്കറികളില് ധാരാളം അടങ്ങിയിട്ടുണ്ട്. വിറ്റാമിന് സിയും മറ്റ് ആന്റി ഓക്സിഡന്റുകളും ധാരാളം അടങ്ങിയ ഇലക്കറികള് പ്രതിരോധശേഷി വര്ധിപ്പിക്കാന് നല്ലതാണ്. ചില ബി കോംപ്ലക്സ് വിറ്റാമിനുകളും ഇലക്കറികളുണ്ട്. ബലമുള്ള എല്ലിനും പല്ലിനും കാത്സ്യം വേണമെന്ന് അറിയാമല്ലോ. കാത്സ്യവും മഗ്നീഷ്യവും ഇലക്കറികളില് അടങ്ങിയിട്ടുണ്ട്. അതിനാല് എല്ലുകളുടെ ആരോഗ്യത്തിന് ഇവ സഹായിക്കും. വിറ്റാമിന് കെ, മഗ്നീഷ്യം, കാത്സ്യം എന്നിവ അടങ്ങിയ ഈ ഇലക്കറികള് ചര്മ്മത്തിന്റെ ആരോഗ്യത്തിനും നല്ലതാണ്. മഗ്നീഷ്യം, ഫൈബര് എന്നിവ ധാരാളം അടങ്ങിയതും ഗ്ലൈസമിക് സൂചിക കുറഞ്ഞതുമായ ഇലക്കറികള് പ്രമേഹത്തെ നിയന്ത്രിക്കാന് സഹായിക്കും. അതിനാല് പ്രമേഹ രോഗികള്ക്ക് ദിവസവും ഇലക്കറികള് ഡയറ്റില് ഉള്പ്പെടുത്താം.
വെയിലത്ത് നല്ല പോലെ നനയ്ക്കുകയും വളങ്ങള് നല്കുകയും ചെയ്താല് വെണ്ടയില് നിന്നു മികച്ച വിളവ് ലഭിക്കും. മൊസൈക്ക് രോഗം, തണ്ടുതുരപ്പന്, ഇലചുരുട്ടിപ്പുഴു എന്നിവ ഈ സമയത്ത് വെണ്ടയില് പ്രശ്നം സൃഷ്ടിച്ചു തുടങ്ങും.…
By Harithakeralam
ചൂട് കടുത്തു വരുകയാണ് കേരളത്തില്. ഈ സമയത്ത് പച്ചക്കറികള്ക്ക് നല്ല പരിചരണം ആവശ്യമാണ്. ഇല്ലെങ്കില് അവ നശിച്ചു പോകും. പഴമക്കാര് പ്രയോഗിച്ചിരുന്ന ചില നാട്ടറിവുകള് നമുക്കും പിന്തുടര്ന്നു നോക്കാം. ഗ്രോബാഗിലും…
By Harithakeralam
വിവിധ വിഭവങ്ങളില് നാം ഉപയോഗിക്കുന്ന പുതിന മനുഷ്യന് ഏറെ ഗുണങ്ങള് നല്കുന്ന ഇലയാണ്. എന്നാല് വിപണിയില് ലഭിക്കുന്ന പുതിനയില് വലിയ തരത്തിലുള്ള കീടനാശിനികള് പ്രയോഗിക്കുന്നതാണ്. ഇതു വലിയ തരത്തിലുള്ള ആരോഗ്യപ്രശ്നങ്ങളാണ്…
By Georgekutty Mathew
വേനലില് നല്ല വിളവ് തരുന്നവയാണ് പന്തല് വിളകള്, ഇതില് ഏറ്റവും പ്രധാനമാണ് പാവല്. എന്നാല് കീടങ്ങള് വലിയ തോതില് പാവലിനെ ആക്രമിക്കാനെത്തും. വിത്തിടുമ്പോള് തന്നെ ശ്രദ്ധിച്ചില്ലെങ്കില് കീടങ്ങളെ തുരത്താന്…
By Harithakeralam
വെയില് ശക്തമാണെങ്കിലും നല്ല വിളവ് തരുന്ന പച്ചക്കറികളാണ് വഴുതന-വെള്ളരി വിളകള്. എന്നാല് രോഗങ്ങളും കീടങ്ങളും ഈ സമയത്ത് ഇവയെ ശക്തമായി ആക്രമിക്കും. കീടനാശിനി പ്രയോഗം മനുഷ്യനും പ്രകൃതിക്കും ദോഷവുമാണ്. രോഗ-കീട…
By Harithakeralam
പച്ചക്കറികളിലുണ്ടാകുന്ന പ്രധാന പ്രശ്നമാണ് ഫംഗസ് ബാധ. ഇലകളിലുള്ള നിറവ്യത്യാസം, പാടുകള്, ഇലകളിലും തണ്ടിലുമുള്ള പൂപ്പലുകള്, ചെടി വാടിപ്പോകല്, മുരടിപ്പ് തുടങ്ങിയ സൂചനകള് ഫംഗസ് അണുബാധയുടെ…
By Harithakeralam
പയര്, വെണ്ട, വഴുതന, തക്കാളി, പടവലം, പാവല് എന്നിവ നല്ല വിളവ് തരുന്ന സമയമാണിത്. എന്നാല് കീടങ്ങളുടെ ആക്രമണം അതിരൂക്ഷമാണെന്നു കര്ഷകര് പറയുന്നു. വീര്യം കൂടിയ രാസകീടനാശിനികള് പ്രയോഗിച്ചാല് നമ്മുടെ ശരീരത്തിനും…
By Harithakeralam
ചൂട് കടുത്തു വരുകയാണ് കേരളത്തില്. ഈ സമയത്ത് പച്ചക്കറികള്ക്ക് നല്ല പരിചരണം ആവശ്യമാണ്. ഇല്ലെങ്കില് അവ നശിച്ചു പോകും. പഴമക്കാര് പ്രയോഗിച്ചിരുന്ന ചില നാട്ടറിവുകള് നമുക്കും പിന്തുടര്ന്നു നോക്കാം. ഗ്രോബാഗിലും…
By Harithakeralam
© All rights reserved | Powered by Otwo Designs
Leave a comment