പുതുവര്ഷത്തെ വരവേല്ക്കാനായി ടൂറിസം വകുപ്പ് സംഘടിപ്പിക്കുന്ന പുഷ്പ മേളയും ദീപാലങ്കാരവും ഡിസംബര് 24 മുതല് ജനുവരി 3 വരെ കനകക്കുന്ന് കൊട്ടാരവളപ്പില് നടക്കും.
By Harithakeralam
പുതുവര്ഷത്തെ വരവേല്ക്കാനായി ടൂറിസം വകുപ്പ് സംഘടിപ്പിക്കുന്ന പുഷ്പ മേളയും ദീപാലങ്കാരവും ഡിസംബര് 24 മുതല് ജനുവരി 3 വരെ കനകക്കുന്ന് കൊട്ടാരവളപ്പില് നടക്കും. ഇതിനായി ജനപ്രതിനിധികളെയും ഉദ്യോഗസ്ഥരെയും ഉള്പ്പെടുത്തി വിവിധ കമ്മിറ്റികള് രൂപീകരിച്ചു. വസന്തോത്സവം 2024 ന്റെ നടത്തിപ്പിനായി പൊതുവിദ്യാഭ്യാസ, തൊഴില് വകുപ്പ് മന്ത്രി വി. ശിവന്കുട്ടി, ഭക്ഷ്യസിവില് സപ്ലൈസ് മന്ത്രി ജി.ആര് അനില് എന്നിവര് മുഖ്യ രക്ഷാധികാരികളായും മന്ത്രി പി. എ മുഹമ്മദ് റിയാസ് ചെയര്മാനുമായി സംഘാടക സമിതി രൂപീകരിച്ചു. എംപിമാരായ ഡോ. ശശി തരൂര്, അടൂര് പ്രകാശ്, എ.എ. റഹീം എന്നിവരും ജില്ലയിലെ എംഎല്എമാരും മേളയുടെ രക്ഷാധികാരികളായിരിക്കും.
മേയര് ആര്യാ രാജേന്ദ്രന് വര്ക്കിംഗ് ചെയര്മാനും ടൂറിസം വകുപ്പ് സെക്രട്ടറി ബിജു കെ ജനറല് കണ്വീനറുമാണ് ടൂറിസം വകുപ്പ് ഡയറക്ടര് ശിഖ സുരേന്ദ്രന്, ജില്ലാ കളക്ടര് അനുകുമാരി എന്നിവരാണ് സമിതിയുടെ കണ്വീനര്മാര്. വന്കിട നഗരങ്ങളില് സംഘടിപ്പിക്കുന്നതിന് സമാനമായ വൈവിധ്യപൂര്ണവും വര്ണ്ണാഭവുമായ ദീപാലങ്കാരമാണ് ടൂറിസം വകുപ്പ് ഇക്കുറിയും ഒരുക്കുന്നത്. അണിഞ്ഞൊരുങ്ങിയ കനകക്കുന്നിന്റെ വീഥിയിലൂടെ വര്ണവിളക്കുകളുടെ മനോഹാരിതയില് പ്രിയപ്പെട്ടവര്ക്കൊപ്പം ക്രിസ്മസും പുതുവര്ഷവും ആസ്വദിക്കുന്നതിന് മേള വേദിയാകും.
വയനാട്ടിലെ മുണ്ടക്കൈയിലും ചൂരല്മലയിലും ഉണ്ടായ ദുരന്തത്തിന്റെ പശ്ചാത്തലത്തില് ടൂറിസം വകുപ്പ് നടത്തിവന്നിരുന്ന ഓണം വാരാഘോഷം ഇക്കുറി ഒഴിവാക്കിയിരുന്നു. അതിനാല് തന്നെ 'വസന്തോത്സവം2024' തലസ്ഥാനത്ത് വിപുലമായാണ് സംഘടിപ്പിച്ചിരിക്കുന്നതെന്നും ഇത് തലസ്ഥാനവാസികള്ക്കും വിനോദസഞ്ചാരികള്ക്കും ഉത്സവാന്തരീക്ഷം സമ്മാനിക്കുമെന്നും മന്ത്രി പറഞ്ഞു. ലോകത്തിലെ ട്രെന്ഡിംഗ് ആയ വിനോദ സഞ്ചാര കേന്ദ്രങ്ങളുടെ ലിസ്റ്റില് തിരുവനന്തപുരം ഇതിനോടകം തന്നെ ഇടം പിടിച്ചു കഴിഞ്ഞു. അനേകം ദേശീയഅന്തര്ദേശീയ പുരസ്കാരങ്ങളാണ് ഈ വര്ഷം തലസ്ഥാനത്തെ തേടിയെത്തിയത്. ടൂറിസം വകുപ്പ് നഗരസഭയുമായി ചേര്ന്ന് നിരവധി പദ്ധതികളാണ് സൗന്ദര്യവത്കരണത്തിനായി നടപ്പാക്കിയിട്ടുള്ളതെന്നും മന്ത്രി അറിയിച്ചു.
മാനവീയം വീഥി, കനകക്കുന്ന്, ഇഎംഎസ് പാലം, ബേക്കറി ഫ്ളൈ ഓവര് എന്നിവ ട്രാവന്കൂര് ഹെറിറ്റേജ് പദ്ധതിയില് ഉള്പ്പെടുത്തിക്കഴിഞ്ഞു. ചരിത്ര പ്രാധാന്യമുള്ള 22 കെട്ടിടങ്ങളുടെ ദീപാലങ്കാരമടക്കം കോടികളുടെ പദ്ധതികളാണ് ഇതുവരെ നടപ്പാക്കിയത്. തലസ്ഥാനത്തെ ഉത്സവച്ചാര്ത്ത് അണിയിക്കുന്ന 2022ല് മുതല് ആരംഭിച്ച പുതുവര്ഷ ദീപാലങ്കാരം കാണുന്നതിനുള്ള അവസരം പൊതുജനങ്ങള് പ്രയോജനപ്പെടുത്തണമെന്നും മന്ത്രി കൂട്ടിച്ചേര്ത്തു. മേളയോടനുബന്ധിച്ച് വിവിധ വിഭാഗങ്ങളിലായി വ്യക്തിഗത സംഘടനകള്, നഴ്സറികള് എന്നിവയുടെ പുഷ്പാലങ്കാര മത്സരവും സംഘടിപ്പിച്ചിട്ടുണ്ട്. ഇതിനായി രജിസ്ട്രേഷന് ആരംഭിച്ചു. കൂടുതല് വിവരങ്ങള്ക്ക് ഡിടിപിസി ഓഫീസുമായി ബന്ധപ്പെടേണ്ടതാണ്. (9400055397, info@dtpcthiruvananthapuram.com). കൂടാതെ അമ്യൂസ്മെന്റ് ട്രേഡ് ഫെയര്, ഭക്ഷ്യമേള, സ്റ്റീംഡ് ഫുഡ് ഔട്ട്ലെറ്റ് എന്നിവയ്ക്കും ഡിടിപിസി ടെന്ഡറുകള് ക്ഷണിച്ചിട്ടുണ്ട്.
ലോകബാങ്കിന്റെ സഹായത്തോടെ കൃഷി വകുപ്പ് നടപ്പിലാക്കുന്ന കേര പദ്ധതി പ്രകാരം പുനര് നടീലിനു ഹെക്ടറിന് 75000 രൂപ നിരക്കില് ധനസഹായം നല്കുന്നതിനായുള്ള പദ്ധതിയ്ക്ക് റബ്ബര് കര്ഷകരില് നിന്നും അപേക്ഷ ക്ഷണിച്ചു.…
By Harithakeralam
നാളികേര വികസന ബോര്ഡ് തെങ്ങ് കൃഷിയിലും നാളികേരാധിഷ്ഠിത വ്യവസായത്തിലും മികവ് പുലര്ത്തുന്നവരെ അംഗീകരിക്കുന്നതിനായി രണ്ടു വര്ഷത്തിലൊരിക്കല് നല്കി വരുന്ന ദേശീയ അവാര്ഡുകള്ക്ക് അപേക്ഷകള് ക്ഷണിച്ചു. രാജ്യത്തെ…
By Harithakeralam
തിരുവനന്തപുരം: സംസ്ഥാനത്തെ കര്ഷകര്ക്ക് അവരുടെ കൃഷിയിടങ്ങളില് മൈക്രോ ഇറിഗേഷന് (സൂക്ഷ്മ ജലസേചനം) സംവിധാനം സ്ഥാപിക്കുന്നതിനുള്ള സാമ്പത്തിക സഹായത്തിന് ഓണ്ലൈന് സംവിധാനം ഒരുക്കിയെന്നും കര്ഷകര്ക്ക്…
By Harithakeralam
തിരുവനന്തപുരം: കര്ഷക സുരക്ഷയും വിള സംരക്ഷണവും ഉറപ്പാക്കുന്നതിനായി സംസ്ഥാന കൃഷി വകുപ്പ് നടപ്പിലാക്കുന്ന കാലാവസ്ഥ അധിഷ്ഠിത വിള ഇന്ഷുറന്സ് പദ്ധതി (WBCIS) റാബി-II 2025 സീസണ് അപേക്ഷാ…
By Harithakeralam
കേരളത്തിലെ ഏറ്റവും മികച്ച ക്ഷീര സംരംഭകന് ഇന്ത്യന് വെറ്ററിനറി അസോസിയേഷന് കേരള ഏര്പ്പെടുത്തിയ ക്ഷീര പ്രതിഭാ പുരസ്കാരത്തിന് വയനാട് ജില്ലയില് മാനന്തവാടിക്കടുത്ത് പുല്പ്പറമ്പില് പി.ഐ.…
By Harithakeralam
കേന്ദ്ര സര്ക്കാരിന്റെ 2017 ലേയും 2018 ലേയും വിജ്ഞാപനങ്ങള് പ്രകാരം ഡോഗ് ബ്രീഡിംഗ്, മാര്ക്കറ്റിംഗ്, പെറ്റ് ഷോപ്പുകള് എന്നിവയില് ഏര്പ്പെട്ടിരിക്കുന്ന വ്യക്തികളും സ്ഥാപനങ്ങളും സംസ്ഥാനത്തെ മൃഗക്ഷേമ ബോര്ഡില്…
By Harithakeralam
തിരുവനന്തപുരം: മഴക്കെടുതി മൂലം കാര്ഷിക വിളകള്ക്കുണ്ടാകുന്ന നാശനഷ്ടങ്ങള് അറിയിക്കുന്നതിനും, ബന്ധപ്പെട്ട പ്രവര്ത്തനങ്ങള്ക്കുമായി കൃഷിവകുപ്പ് ജില്ലാതല കണ്ട്രോള് റൂമുകള് തുറന്നു. കൃഷി നാശനഷ്ടങ്ങള്…
By Harithakeralam
മരം വളര്ത്തല് പ്രോത്സാഹിപ്പിക്കുന്നതിന് ട്രീ ബാങ്ക് പദ്ധതിയുമായി വനം വകുപ്പ്. സ്വകാര്യ ഭൂമിയില് മരങ്ങള് നട്ടുപിടിപ്പിക്കുന്നവര്ക്ക് ധനസഹായം നല്കുന്നതാണ് പദ്ധതി. സര്ക്കാര് നിശ്ചയിച്ച വൃക്ഷത്തൈകള്…
By Harithakeralam
© All rights reserved | Powered by Otwo Designs
Leave a comment