ദേശീയ മൃഗരോഗനിയന്ത്രണ പരിപാടിയുടെ ഭാഗമായി സംസ്ഥാനത്ത് നടപ്പിലാക്കുന്ന കന്നുകാലികളിലെ കുളമ്പുരോഗപ്രതിരോധകുത്തിവെയ്പിന്റെ അഞ്ചാംഘട്ടവും ചര്മ്മമുഴ പ്രതിരോധ കുത്തിവെപ്പിന്റെ രണ്ടാംഘട്ടവും ആഗസ്ത് 15 മുതല്
By ഡോ. എം. മുഹമ്മദ് ആസിഫ്
ദേശീയ മൃഗരോഗനിയന്ത്രണ പരിപാടിയുടെ ഭാഗമായി സംസ്ഥാനത്ത് നടപ്പിലാക്കുന്ന കന്നുകാലികളിലെ കുളമ്പുരോഗപ്രതിരോധകുത്തിവെയ്പിന്റെ അഞ്ചാംഘട്ടവും ചര്മ്മമുഴ പ്രതിരോധ കുത്തിവെപ്പിന്റെ രണ്ടാംഘട്ടവും ആഗസ്ത് 15 മുതല് നടക്കും. 30 പ്രവൃത്തി ദിവസങ്ങളില് കര്ഷകരുടെ വീടുകളില് എത്തുന്ന മൃഗസംരക്ഷണവകുപ്പിന്റെ വാക്സിനേഷന് സ്ക്വാഡ് പശുക്കള്ക്കും എരുമകള്ക്കും സൗജന്യമായി വാക്സിനേഷന് നല്കും. മൃഗസംരക്ഷണ വകുപ്പിനൊപ്പം ക്ഷീരവികസനവകുപ്പും ക്ഷീര സംഘങ്ങളും തദ്ദേശ സ്വയംഭരണസ്ഥാപനങ്ങളും, മറ്റു സര്ക്കാര് സംവിധാനങ്ങളും ഊര്ജ്ജിതപ്രതിരോധ കുത്തിവയ്പ് പരിപാടിയുടെ ഭാഗമായി സംയുക്തമായി പ്രവര്ത്തിക്കും.
രാജ്യത്തെ കാര്ഷികമേഖലയ്ക്ക് പ്രതിവര്ഷം 20,000 കോടിയോളം സാമ്പത്തിക നഷ്ടമുണ്ടാക്കുന്ന വൈറസ് രോഗമാണ് കുളമ്പുരോഗം. രോഗം ബാധിച്ച കന്നുകാലികളില് നിന്ന് മറ്റ് കന്നുകാലികളിലേക്ക് നേരിട്ടോ അല്ലാതെയോ ഉള്ള സമ്പര്ക്കത്തിലൂടെ വേഗത്തില് വൈറസ് പകരും. കറവപ്പശുക്കളുടെ പാലുല്പ്പാദനം ഗണ്യമായി കുറയുകയുമെന്ന് മാത്രമല്ല, മതിയായ ചികിത്സ നല്കിയില്ലെങ്കില് അനുബന്ധ അണുബാധകള് പിടിപെട്ട് രോഗം ഗുരുതരമാവാനും ഗര്ഭിണി പശുക്കളുടെ ഗര്ഭമലസാനും അകാലത്തില് ചത്തുപോവാനും ഇടയുണ്ട്. രോഗത്തില് നിന്ന് രക്ഷപ്പെട്ട പശുക്കള്ക്ക് പഴയ ഉത്പാദനമികവും പ്രത്യുത്പാദനക്ഷമതയും വീണ്ടെടുക്കാന് കഴിയാറില്ല. ആറ് മാസത്തെ ഇടവേളയില് നല്കുന്ന പ്രതിരോധ കുത്തിവെയ്പിലൂടെ മാത്രമേ കുളമ്പ് രോഗത്തെ പൂര്ണമായും തടയാന് കഴിയുകയുള്ളൂ.
ചര്മ മുഴരോഗം അഥവാ ലംപി സ്കിന് ഡിസീസ് എന്ന കന്നുകാലിരോഗം കാരണം ഉണ്ടായ കെടുതികള് കഴിഞ്ഞ അഞ്ചുവര്ഷങ്ങളായി രാജ്യത്തെ പാലുല്പാദനമേഖല നേരിട്ടുകൊണ്ടിരിക്കുകയാണ്. കോവിഡ് മഹാമാരിക്കൊപ്പം തന്നെ പടര്ന്നുതുടങ്ങിയ ലംപി സ്കിന് ഡിസീസ് കര്ഷകര്ക്ക് ഉണ്ടാക്കിയ തൊഴില്നഷ്ടവും സാമ്പത്തികനഷ്ടവും ഏറെ.ലംപി സ്കിന് രോഗത്തിന് കാരണവും വൈറസുകള് തന്നെയാണ്. വൈറസുകളെ കന്നുകാലികളിലേക്ക് പടര്ത്തുന്നത് പ്രധാനമായും കടിയീച്ച, ചെള്ള്, കൊതുക്, പട്ടുണ്ണി തുടങ്ങിയ രക്തമൂറ്റുന്ന ബാഹ്യപരാദങ്ങളാണ്.
രോഗബാധയേറ്റ മൃഗങ്ങളുമായുള്ള നേരിട്ടുള്ള സമ്പര്ക്കത്തിലൂടെയും രോഗം പകരും. രോഗം മൂലം പശുക്കളുടെ ത്വക്കില് മുഴകളും വ്രണങ്ങളുമുണ്ടാവുകയും ആരോഗ്യവും ഉത്പാദനവും ക്ഷയിക്കുകയും ചെയ്യും. വാക്സിനേഷനിലൂടെ മാത്രമേ ഈ രോഗത്തെയും പ്രതിരോധിക്കാന് സാധിക്കൂ. രോഗകാരിയായ വൈറസിനെതിരെ ഏറെ ഫലപ്രദമെന്ന് തെളിയിക്കപ്പെട്ട ഗോട്ട് പോക്സ് വാക്സിനാണ്പ ശുക്കളില് ലംപി സ്കിന് പ്രതിരോധകുത്തിവയ്പ്പിനായി ഉപയോഗിക്കുന്നത്.
നാല് മാസമോ അതിന് മുകളിലോ പ്രായമുള്ള പശുക്കള്ക്ക് പ്രതിരോധകുത്തിവെയ്പുകള് നല്കാം. ക്ഷീരമേഖലയില് കനത്ത സാമ്പത്തികനഷ്ടവും തീരാദുരിതവും വിതയ്ക്കുന്ന ഈ പകര്ച്ചവ്യാധികള് തടയാന് കന്നുകാലികള്ക്ക് വാക്സിന് ഉറപ്പാക്കാന് കര്ഷകര് പ്രത്യേകം ജാഗ്രത പുലര്ത്തണം. മൃഗങ്ങളിലെ സാംക്രമിക രോഗപ്രതിരോധവും, നിയന്ത്രണവും നിയമം, 2009 പ്രകാരം കന്നുകാലികള്ക്ക് ഈ പ്രതിരോധ കുത്തിവെയ്പ്പുകള് നല്കേണ്ടത് നിര്ബന്ധവുമാണ്.
വളര്ത്തുമത്സ്യങ്ങളെ ഭീമന്മാരാണ് ജയന്റ് ഗൗരാമികള്. പേരു സൂചിപ്പിക്കുന്നതുപോലെ വലുപ്പം തന്നെ ഇതിന്റെ പ്രധാന പ്രത്യേകത. ഇവയുടെ പ്രധാന ഭക്ഷണം ഇലകളായതിനാല് തീറ്റയ്ക്കുവേണ്ടി പ്രത്യേകം പണം മുടക്കേണ്ടതില്ല.…
By ഐബിന് കാണ്ടാവനം
കുറഞ്ഞ മുതല്മുടക്കില് കൂടുതല് ആദായം നേടിത്തരുന്ന കാടവളര്ത്തലിന് കേരളത്തില് ഏറെ പ്രചാരം ലഭിച്ചു കഴിഞ്ഞു. ശ്വാസകോശ രോഗങ്ങള്ക്ക് കാടമുട്ടയും ഇറച്ചിയും വളരെ ആശ്വാസം നല്കുന്നതായി അനുഭവസ്ഥര് പറയുന്നു.…
By Harithakeralam
രാജ്യത്തിന്റെ പാലുല്പാദനരംഗം മികച്ചതാക്കാന് അത്യുല്പാദനശേഷിയുള്ള രണ്ടു സിന്തറ്റിക് പശുവിനങ്ങളെ ഔദ്യോഗികമായി രജിസ്റ്റര് ചെയ്ത് ഇന്ത്യന് സര്ക്കാര്. അത്യുല്പാദനശേഷിയുള്ള കരണ് ഫ്രീസ്, വൃന്ദാവനി…
By ഐബിന് കാണ്ടാവനം
പഞ്ഞിക്കെട്ടു പോലെ നിറയെ രോമങ്ങളുള്ള പൂച്ചയും നായയും നമ്മുടെ പ്രിയപ്പെട്ട ഓമന മൃഗങ്ങളാണ്. ഇവയെ വീട്ടിനകത്തും കിടപ്പുമുറിയിലുമെല്ലാം പ്രവേശനം നല്കി താലോലിക്കുന്നവരുമുണ്ടാകും. കാലാവസ്ഥ ചൂടു കൂടിയതായതോടെ…
By Harithakeralam
ലോകത്താകമാനവും ഉദ്പാദിപ്പിക്കപ്പെടുന്ന പോത്തിറച്ചിയില് 50% ഉല്പാദിപ്പിക്കുന്നത് ഇന്ത്യയിലാണ്. മാംസാവശ്യത്തിനുള്ള മറ്റ് മൃഗങ്ങളുടെ മാംസവുമായി താരതമ്യം ചെയ്യുമ്പോള് കൊഴുപ്പിന്റെ അളവ് കുറവാണ്. പോത്തിറച്ചിയില്…
By Harithakeralam
കുട്ടി ജനിച്ചയുടന് തന്നെ ശാസ്ത്രീയ പരിചരണങ്ങളും തുടങ്ങണം. വിദേശ ജനുസുകളില്പ്പെട്ട പശുക്കള്ക്ക് ശാസ്ത്രീയ പരിചരണം നിര്ബന്ധമാണ്.
കുട്ടി ജനിച്ചയുടന് അനുവര്ത്തിക്കേണ്ട പരിപാലന മുറകള്
1)…
By ഡോ. ജോണ് ഏബ്രഹാം
1963ല് ഇന്ഡോ സ്വിസ്സ് പ്രൊജക്റ്റ് മാട്ടുപട്ടിയില് ആരംഭിച്ചതുമുതല് കേരളത്തില് സങ്കരയിനം പശുക്കളുടെ ആവിര്ഭാവമായി. ഇന്ത്യയില് തന്നെ ആദ്യമായി കാളകളുടെ ബീജം ഗാഢശീതികരണം നടത്തി, കൃത്രിമ ബീജ സങ്കലനപ്രക്രിയയിലൂടെ…
By ഡോ. ജോണ് ഏബ്രഹാം
അന്തരീക്ഷത്തില് ചൂട് കൂടിക്കൊണ്ടിരിക്കുകയാണ്. വേനല്ക്കാലത്തേക്ക് കേരളം കടന്നു കൊണ്ടിരിക്കുന്നു. മനുഷ്യനെപ്പോലെ മൃഗങ്ങള്ക്കും ചൂട് പ്രശ്നം സൃഷ്ടിക്കും. കൂട്ടിലിട്ട് വളര്ത്തുന്ന കോഴികള്ക്കാണ് ചൂട്…
By Harithakeralam
© All rights reserved | Powered by Otwo Designs
Leave a comment