പലതരം രോഗങ്ങളും കീടങ്ങളുമിപ്പോള് വാഴയെ ആക്രമിക്കുകയാണ്. ഇതുവരെ കേരളത്തിലെ വാഴക്കര്ഷകര് നേരിടാത്തൊരു പ്രതിസന്ധിയാണിപ്പോള് സംഭവിക്കുന്നത്.
വാഴപ്പഴത്തിന് നല്ല വിലയാണിപ്പോള് കേരളത്തില്. നേന്ത്രനും ചെറുപഴത്തിനുമെല്ലാം വില അമ്പത് കടന്നു. പൂവനും ഞാലിപ്പൂവനുമെല്ലാം ഉടനെ സെഞ്ച്വറിയടിക്കും. ഓണമെത്തുന്നതോടെ ഇനിയും വില കയറുമെന്ന പ്രതീക്ഷയിലാണ് കര്ഷകര്. എന്നാല് പലതരം രോഗങ്ങളും കീടങ്ങളുമിപ്പോള് വാഴയെ ആക്രമിക്കുകയാണ്. ഇതുവരെ കേരളത്തിലെ വാഴക്കര്ഷകര് നേരിടാത്തൊരു പ്രതിസന്ധിയാണിപ്പോള് സംഭവിക്കുന്നത്.
മഴക്കാലമായതിനാല് വാഴയില് കുമിള് രോഗമായ ഇലപ്പുളളി രോഗം പടരുന്നുണ്ട്. മുന്കരുതലായി 20 ഗ്രാം സ്യൂഡോമോണാസ് ഒരു ലിറ്റര് വെളളത്തില് ചേര്ത്ത് കുളിര്ക്കെ തളിക്കുക. 2 ആഴ്ചക്കു ശേഷവും രോഗത്തിനു കുറവില്ലെങ്കില് 1 മി.ലി ടെബുകൊണാസോള് ഒരു ലിറ്റര് വെളളത്തില് പശ ചേര്ത്ത് ഇലയുടെ അടിയില് പതിയത്തക്കവിധം രണ്ടാഴ്ചയിലൊരിക്കല് തളിക്കുക.
നെല്ച്ചെടിയെ ബാധിക്കുന്ന ബ്ലാസ്റ്റ് രോഗത്തിന് ഹേതുവായ പൈറിക്കുലേറിയ എന്ന കുമിളിന്റെ ഗണത്തില്പ്പെട്ട കുമിളായ പൈറിക്കുലേറിയ അംഗുലേറ്റയാണ് വാഴയിലെ പുതിയ രോഗത്തിനു കാരണം.
രോഗലക്ഷണങ്ങള്
1. നഴ്സറികളിലുളള ടിഷ്യുകള്ച്ചര് വാഴതൈകളുടെ ഇലകളിലും ഇളം തണ്ടുകളിലും ദീര്ഘവൃത്താകൃതിയില് തവിട്ട് നിറത്തിലും ചുറ്റും മഞ്ഞ നിറവുമുളള പുളളികള് കാണപ്പെടുന്നു. നിയന്ത്രണ മാര്ഗങ്ങള് സ്വീകരിക്കാതിരുന്നാല് രോഗം മൂര്ച്ചിച്ചു തൈകള് ഉണങ്ങിക്കരിയുന്നു.
2. തോട്ടങ്ങളിലെ വാഴകളുടേയും കന്നുകളുടേയും പുതിയ ഇലകളിലും തണ്ടുകളിലും കുലയുടെ നാവിലയിലും (Boot leaf) തവിട്ടു നിറത്തിലുളള പുളളിക്കുത്തുകള് പ്രത്യക്ഷപ്പെടുന്നത് ആദ്യ ലക്ഷണമാണ്. തുടര്ന്ന് കുലയുടെ തണ്ടിനേയും അവസാന ഘട്ടങ്ങളില് കായകളുടെ തൊലിയെയും (Rind) സാരമായി ബാധിക്കുന്നു.
3. കുലകളിലെ പാകമായ കായ്കളില് സൂചികുത്തിയ പാടുകള് കാണുകയും പിന്നീട് അവ ചുവപ്പുകലര്ന്ന തവിട്ടു നിറത്തിലുളള പുളളികളായി രൂപാന്തരപ്പെടുകയും മദ്ധ്യഭാഗത്ത് അധികം താഴ്ച്ചയില്ലാത്ത കുഴികള് രൂപപ്പെടുകയും ചെയ്യുന്നു. ആക്രമണം മൂര്ച്ചിക്കുന്നതനുസരിച്ചു പുളളികള് കൂടിച്ചേരുകയും കായ്കള് വിണ്ടു കീറി ആകാരഭംഗി നഷ്ടപ്പെടും. വിണ്ടുകീറിയ ഈ കായ്കളില് കായീച്ചയും പഴയീച്ചയും മുട്ടയിട്ട് പുഴുക്കളുണ്ടാകും. ഈ പുഴുക്കള് കായ്കളുടെ തൊലി മൊത്തം തിന്നു തീര്ക്കും. പഴത്തിന്റെ തൊലിയെ സാരമായി ബാധിക്കുന്ന ഈ രോഗം ഉള്ക്കാമ്പിനെ ബാധിക്കില്ലെങ്കിലും കാഴ്ച്ചയ്ക്ക് ഭംഗി നഷ്ടപ്പെടുകയും കര്ഷകര്ക്ക് വന് നഷ്ടമുണ്ടാകുകയും ചെയ്യുന്നു. നേന്ത്രന്, ഗ്രാന്റ് നെയ്ന്, പൂവന് (രസ്താളി), ഞാലിപ്പൂവന് (നെയ്പ്പൂവന്) എന്നീ ഇനങ്ങളെയാണ് ബാധിക്കുന്നത്.
1. രോഗമുക്തമാണെന്ന് ഉറപ്പുളള ടിഷ്യുകള്ച്ചര് വാഴതൈകള് മാത്രം ഉപയോഗിക്കുക.
2. പോളി എഥിലീന് കവറുകള്ക്കൊണ്ട് കുലകള് പൊതിയുന്നത് വഴി കൂമ്പിലയിലേയും വാഴകുലത്തിലേയും കുമിള്രേണുക്കള് കുലകളിലേയ്ക്ക് പകരുന്നത്പൂ ര്ണമായും തടയാന് സാധിക്കും.
3. രോഗം ബാധിച്ച് ഉണങ്ങിയ ഇലകള് സമയബന്ധിതമായി മുറിച്ച് തോട്ടത്തില് നിന്നും നീക്കി തീയിട്ട് നശിപ്പിക്കുക.
മഴയൊന്നു മാറി നില്ക്കുന്നതിനാല് പാഷന് ഫ്രൂട്ട് തൈകള് നടാന് അനുയോജ്യമായ സമയമാണിപ്പോള്. പഴമായി കഴിക്കാനും സ്ക്വാഷു പോലുള്ള പാനീയങ്ങളും എന്തിന് അച്ചാറുണ്ടാക്കാന് വരെ പാഷന് ഫ്രൂട്ട് ഉപയോഗിക്കാം.…
ഇന്തോനേഷ്യയുടെ സ്വന്തമായ സലാക്ക് അല്ലെങ്കില് സ്നേക്ക് ഫ്രൂട്ടിന് കേരളത്തില് ഈ അടുത്ത കാലത്ത് വളരെയധികം താരപരിവേഷം ലഭിച്ചിരിക്കുന്നു. കേരളത്തിന്റെ കാലാവസ്ഥ ഇതിന്റെ കൃഷിക്ക് അനുയോജ്യമാണ്. ഇവയുടെ ഇലകള്…
സ്വന്തം ആവശ്യത്തിനുള്ള പച്ചക്കറി ഗ്രോബാഗില് കൃഷി ചെയ്യുന്നവരാണ് നമ്മളില് ഭൂരിഭാഗം പേരും. ഒരോ തവണ കൃഷി കഴിയുമ്പോഴും ഗ്രോബാഗ്, ചട്ടി, ഡ്രം എന്നിവ മാറ്റുകയെന്നത് പ്രയാസമുള്ള കാര്യമാണ്. നടീല് മിശ്രിതം…
നേന്ത്രന് വില 100 ലേക്ക് അടുക്കുകയാണ്, മറ്റിനങ്ങള്ക്കും ഇതുവരെ കാണാത്ത വിലക്കയറ്റമാണ്. പ്രതികൂല കാലാവസ്ഥ കാരണം ഇത്തവണ വാഴപ്പഴ ഉത്പാദനം കേരളത്തില് വളരെ കുറവാണ്. കനത്ത ചൂടില് വാഴയെല്ലാം നശിച്ചു.…
വാഴപ്പഴത്തിന് നല്ല വിലയാണിപ്പോള് കേരളത്തില്. നേന്ത്രനും ചെറുപഴത്തിനുമെല്ലാം വില അമ്പത് കടന്നു. പൂവനും ഞാലിപ്പൂവനുമെല്ലാം ഉടനെ സെഞ്ച്വറിയടിക്കും. ഓണമെത്തുന്നതോടെ ഇനിയും വില കയറുമെന്ന പ്രതീക്ഷയിലാണ് കര്ഷകര്.…
ഒരു പഴത്തിന് എത്ര പേരുകള് വരെയാകാം...? ഈ ചോദ്യം സ്റ്റാര് ഫ്രൂട്ടിന്റെ കാര്യത്തിലാണെങ്കില് അല്പ്പം കുഴങ്ങിപ്പോകും. ആരംപുളി, കാചെമ്പുളി, നക്ഷത്രപ്പുളി, ചതുരപ്പുളി, ആനയിലുമ്പന്പുളി, ആനയിലുമ്പി, വൈരപ്പുളി,…
ദേശീയ മാമ്പഴ ദിനമാണിന്ന്... ജൂലൈ 22. സമ്പന്നമായൊരു മാമ്പഴ പാരമ്പര്യമുള്ള രാജ്യമാണ് നമ്മുടെ ഭാരതം. വിവിധയിനം മാങ്ങള് നമ്മുടെ രാജ്യത്തിന് സ്വന്തമായിട്ടുണ്ട്. ലോകത്തിലെ ഏറ്റവും വലിയ മാമ്പഴ കര്ഷകനും ഇന്ത്യക്കാരന്…
മഴ ശക്തമായതിനാല് വലിയ നഷ്ടം നേരിടുന്നത് വാഴ കര്ഷകരാണ്. ലഭ്യത കുറഞ്ഞതോടെ നേന്ത്രപ്പഴത്തിനും ചെറുപഴത്തിനും നല്ല വിലയുമുണ്ട്. ഓണം വിപണി ലക്ഷ്യമാക്കി വളര്ന്നു വരുന്ന വാഴയിലാണ് കര്ഷകന് പ്രതീക്ഷ. എന്നാല്…
© All rights reserved | Powered by Otwo Designs
Leave a comment