മലപ്പുറത്തിന്റെ പൈതൃകവും പെരുമയും വിശകലനം ചെയ്യുകയും മണ്‍മറഞ്ഞ പ്രമുഖരായ മലപ്പുറത്തുകാരെ അനുസ്മരിക്കുകയും ചെയ്യുന്ന 'മലപ്പുറം പെരുമ 23ന് വൈ
By Harithakeralam
മില്‍മ പാല്‍പ്പൊടി നിര്‍മാണ യൂണിറ്റിന്റെ ഉദ്ഘാടനത്തിനു മുന്നോടിയായി ഡിസംബര്‍ 22, 23, 24 തിയ്യതികളില്‍ വിവിധ പരിപാടികളും സംഘടിപ്പിച്ചിട്ടുണ്ട്. മലപ്പുറത്തിന്റെ പൈതൃകവും പെരുമയും വിശകലനം ചെയ്യുകയും മണ്‍മറഞ്ഞ പ്രമുഖരായ മലപ്പുറത്തുകാരെ അനുസ്മരിക്കുകയും ചെയ്യുന്ന 'മലപ്പുറം പെരുമ 23ന് വൈകിട്ട് 5.00ന് നടക്കും. തദ്ദേശ സ്വയംഭരണ എക്‌സൈസ് വകുപ്പുമന്ത്രി എം.ബി. രാജേഷ് ഉദ്ഘാടനം ചെയ്യും. മഞ്ഞളാംകുഴി അലി എംഎല്‍എ അധ്യക്ഷത വഹിക്കും. ഇഎംഎസിനെ മകള്‍ ഇ.എം.രാധയും പാണക്കാട് സയ്യിദ് പൂക്കോയ തങ്ങള്‍, പാണക്കാട് സയ്യിദ് മുഹമ്മദലി ശിഹാബ് തങ്ങള്‍ എന്നിവരെ യൂത്ത് ലീഗ് സംസ്ഥാന പ്രസിഡന്റും മുഹമ്മദലി ശിഹാബ് തങ്ങളുടെ പുത്രനുമായ മുനവറലി ശിഹാബ് തങ്ങളും അനുസ്മരിക്കും. കോട്ടക്കല്‍ ആര്യവൈദ്യശാല മുന്‍ മാനേജിംഗ് ട്രസ്റ്റി പത്മഭൂഷണ്‍ ഡോ.പി.കെ.വാര്യരെ കോട്ടക്കല്‍ ആര്യവൈദ്യശാല ട്രസ്റ്റി ഡോ. പി. രാംകുമാറും, മോയിന്‍കുട്ടി വൈദ്യരെ മോയിന്‍കുട്ടി വൈദ്യര്‍ അക്കാദമി അംഗം ഒ.പി. മുസ്തഫയും ചെറുകാടിനെ മകനും നിരൂപകനുമായ കെ.പി. മോഹനനും അനുസ്മരിക്കും. 'കായിക കേരളവും മലപ്പുറവും' എന്ന വിഷയത്തില്‍ മുന്‍ ഇന്ത്യന്‍ ഫുട്‌ബോള്‍ താരവും കേരള സ്‌പോര്‍ട്‌സ് കൗണ്‍സില്‍ പ്രസിഡന്റുമായ യു. ഷറഫലി സംസാരിക്കും. മില്‍മ തിരുവനന്തപുരം മേഖലാ യൂണിയന്‍ ചെയര്‍മാന്‍ മണി വിശ്വനാഥ്, എറണാകുളം മേഖലാ യൂണിയന്‍ ചെയര്‍മാന്‍ എം.ടി ജയന്‍ എന്നിവര്‍ സംസാരിക്കും. മില്‍മ ചെയര്‍മാന്‍ കെ.എസ്.മണി സ്വാഗതവും ഭരണ സമിതി അംഗം ടി.പി.ഉസ്മാന്‍ നന്ദിയും പറയും.
ക്ഷീരോത്പാദനത്തില്‍ കേരളത്തെ സ്വയംപര്യാപ്തതയിലേക്കെത്തിക്കാനുള്ള ശ്രമങ്ങള്‍ സര്‍ക്കാര്‍ തലത്തിലും മില്‍മ മേഖലാ യൂണിയനുകളും നടത്തിവരികയാണ്. ഈ മേഖലയില്‍ നിന്ന് പിന്‍വാങ്ങുന്ന പരമ്പരാഗത ക്ഷീര കര്‍ഷകരെ പിടിച്ചു നിര്‍ത്തുക വ്യാവസായിക അടിസ്ഥാനത്തില്‍ പശുവളര്‍ത്തുന്നവരും അതിനായി മുന്നോട്ടു വരുന്നവരുമായ യുവാക്കളെ പ്രോത്സാഹിപ്പിക്കുക എന്നീ പ്രവര്‍ത്തനങ്ങള്‍ ഇതിനായി നടന്നു വരുന്നുണ്ട്. കൂടുതല്‍ യുവാക്കളെ ക്ഷീര മേഖലയിലേക്ക് കൊണ്ടു വരേണ്ടതുമുണ്ട്. ഇത്തരം പ്രവര്‍ത്തനങ്ങള്‍ക്ക് ശക്തി പകരാന്‍ ക്ഷീര മേഖലയിലും വ്യാവസായിക മേഖലയിലും മികച്ച അനുഭവ പരിചയമുള്ളവരുടെ വീക്ഷണങ്ങളും അഭിപ്രായങ്ങളും സാംശീകരിക്കേണ്ടതുണ്ട്. അതിനായുള്ള ആദ്യ പടിയാണ് ഈ സെമിനാര്‍.
മൂര്‍ക്കനാട്ടെ മില്‍മ ഡെയറി കാമ്പസില്‍ ഡിസംബര്‍ 24ന് രാവിലെ 10.30ന് നടക്കുന്ന സെമിനാര്‍ സഹകരണ വകുപ്പു മന്ത്രി വി.എന്‍. വാസവന്‍ ഉദ്ഘാടനം ചെയ്യും. ക്ഷീര വികസന വകുപ്പുമന്ത്രി ജെ. ചിഞ്ചുറാണി അധ്യക്ഷത വഹിക്കും. മുന്‍ വ്യവസായ വകുപ്പുമന്ത്രി ഇ.പി.ജയരാജന്‍, മുന്‍ ക്ഷീര വികസന വകുപ്പു മന്ത്രിമാരായ കെ.സി. ജോസഫ്, കെ. രാജു എന്നിവര്‍ മുഖ്യാതിഥികളായിരിക്കും. കുറുക്കോളി മൊയ്തീന്‍ എംഎല്‍എ (സ്വതന്ത്ര കര്‍ഷകസംഘം സംസ്ഥാന പ്രസിഡന്റ്), സത്യന്‍ മൊകേരി (ഓള്‍ ഇന്ത്യ കിസാന്‍സഭ അഖിലേന്ത്യ സെക്രട്ടറി), വത്സന്‍ പനോളി (കര്‍ഷക സംഘം സംസ്ഥാന ജനറല്‍ സെക്രട്ടറി), കെ.സി.വിജയന്‍ (കര്‍ഷക കോണ്‍ഗ്രസ് സംസ്ഥാന പ്രസിഡന്റ്) , ഷാജി ആര്‍. നായര്‍ (കിസാന്‍മോര്‍ച്ച സംസ്ഥാന പ്രസിഡന്റ് ) എന്നിവര്‍ ചര്‍ച്ചകള്‍ നയിക്കും.
.jpg)
പരമ്പരാഗത കൃഷി രീതികള്‍, കാര്‍ഷിക ഉപകരണങ്ങള്‍, പരമ്പരാഗത വ്യവസായങ്ങള്‍ എന്നിവയെക്കുറിച്ച് പുതു തലമുറയ്ക്ക് അറിവുപകരുന്നതാണ് അഗ്രി ഡെയറി ഫെസ്റ്റ്. നാടന്‍ പശുക്കളുടെ പ്രദര്‍ശനം, ഭക്ഷ്യമേള, കലാ സന്ധ്യ എന്നിവയും അഗ്രി ഡെയറി ഫെസ്റ്റിന്റെ ഭാഗമാണ്. മില്‍മയും സഹോദര സ്ഥാപനമായ മലബാര്‍ റൂറല്‍ ഡവലപ്പ്‌മെന്റ് ഫൗണ്ടേഷനും ചേര്‍ന്നാണ് ഫെസ്റ്റ് സംഘടിപ്പിക്കുന്നത്. 115 തരം കാര്‍ഷിക ഉപകരണങ്ങള്‍ മേളയില്‍ പ്രദര്‍ശിപ്പിക്കുന്നുണ്ട്. മുളകൊണ്ടും കയര്‍കൊണ്ടും നിര്‍മ്മിക്കുന്ന പരമ്പരാഗത ഉത്പ്പന്നങ്ങളുടെ നിര്‍മ്മാണം, കരകൗശല വസ്തുക്കളുടെ നിര്‍മ്മാണം, വസ്ത്രം നെയ്യല്‍, നൂല്‍നൂല്‍പ്പ്, മണ്‍കല നിര്‍മ്മാണം എന്നിവയെല്ലാം മേളയില്‍ കാണാം. നാടന്‍ പശു ഇനങ്ങളായ വെച്ചൂര്‍, കാസര്‍കോട് കുള്ളന്‍, താര്‍പാര്‍ക്കര്‍, ഗിര്‍, കാന്‍ക്രെജ് എന്നിവയുടെ പ്രദര്‍ശനം കാണികള്‍ക്ക് പുത്തന്‍ അനുഭവമാകും. അഗ്രി ഫെസ്റ്റിന്റെ ഭാഗമായ ഭക്ഷ്യമേള കേരളത്തിന്റെ തനത് വിഭവങ്ങള്‍ ഒരുക്കിയുള്ളതാണ്. കേരളത്തിന്റെ തനത് ഭക്ഷ്യ ഇനങ്ങളുടെ രുചി ഏവരിലേക്കും എത്തിക്കുന്ന വിധത്തില്‍ വൈവിധ്യമാര്‍ന്ന സ്റ്റാളുകള്‍ മേളയില്‍ ഒരുക്കിയിട്ടുണ്ട്. പച്ചില മരുന്നുകള്‍ ചേര്‍ത്തുള്ള ഭക്ഷ്യ ഉത്പ്പന്നങ്ങളും കപ്പയുടെ വിവിധ രുചി ഭേദങ്ങളും മേളയില്‍ ലഭ്യം. മൂര്‍ക്കനാട്ടെ മില്‍മ ഡെയറി കാമ്പസില്‍ ഡിസംബര്‍ 22ന് വൈകിട്ട് 4.00ന് അഗ്രി ഡെയറി ഫെസ്റ്റിന്റെ ഉദ്ഘാടനം കായിക വകുപ്പു മന്ത്രി വി. അബ്ദുറഹിമാന്‍ നിര്‍വ്വഹിക്കും. മഞ്ഞളാംകുഴി അലി എംഎല്‍എ അധ്യക്ഷത വഹിക്കും.
കേരളത്തിലെ ക്ഷീര മേഖലയുടെ വളര്‍ച്ചയില്‍ തദ്ദേശ സ്വയംഭരണ സ്ഥാപനങ്ങളുടെ പങ്ക് എടുത്തു പറയേണ്ടതാണ്. സംസ്ഥാനത്ത് ഏറ്റവും മികച്ച രീതിയില്‍ പ്രവര്‍ത്തിക്കുന്ന തദ്ദേശ സ്വയംഭരണ സ്ഥാപനങ്ങള്‍ ഉള്ള ജില്ലയാണ് മലപ്പുറം. ക്ഷീര കര്‍ഷകര്‍ക്കും ക്ഷീര സംഘങ്ങള്‍ക്കും ഗുണപ്രദമായ ഒട്ടേറെ പദ്ധതികള്‍ മലപ്പുറം ജില്ലയിലെ തദ്ദേശ സ്വയംഭരണ സ്ഥാപനങ്ങള്‍ മുന്‍കാലങ്ങളില്‍ ആവിഷ്‌ക്കരിച്ച് നടപ്പാക്കിയിട്ടുണ്ട്. ലാഭകരമായ രീതിയില്‍ പാലുത്പാദനം നടത്തുന്നതിനും തൊഴില്‍ രഹിതരായ ആളുകളെ ക്ഷീര മേഖലയിലേക്ക് കൊണ്ടു വരുന്നതിനും ഈ രംഗത്ത് കൂടുതല്‍ ചര്‍ച്ചകളും പദ്ധതികളും ആവശ്യമാണ്. ഈ ലക്ഷ്യം മുന്‍നിര്‍ത്തിയാണ് 'മിഷന്‍ 2.0 ശില്‍പ്പശാല' സംഘടിപ്പിക്കുന്നത്. മലപ്പുറം ജില്ലയിലെ മുഴുവന്‍ ഗ്രാമപഞ്ചായത്തുകളിലേയും പ്രസിഡന്റുമാര്‍, വൈസ് പ്രസിഡന്റുമാര്‍, ബ്ലോക്ക് പഞ്ചായത്ത് പ്രസിഡന്റുമാര്‍, വൈസ് പ്രസിഡന്റുമാര്‍. എല്ലാ മുന്‍സിപ്പാലിറ്റികളിലേയും ചെയര്‍മാന്‍മാര്‍, വൈസ് ചെയര്‍മാന്‍മാര്‍. മലപ്പുറം ജില്ലാ പഞ്ചായത്തിലെ മുഴുവന്‍ അംഗങ്ങള്‍ മൂര്‍ക്കനാട് പഞ്ചായത്തിലെ മുഴുവന്‍ അംഗങ്ങള്‍ എന്നിവരെ പങ്കെടുപ്പിച്ചു കൊണ്ടാണ് ശില്‍പ്പശാല സംഘടിപ്പിക്കുന്നത്.
മുര്‍ക്കനാട്ടെ മില്‍മ ഡെയറി കാമ്പസില്‍ ഡിസംബര്‍ 23ന് രാവിലെ 10.30ന് സംസ്ഥാന പ്ലാനിംഗ് ബോര്‍ഡ് അംഗം പ്രഫ. ജിജു പി. അലക്‌സ് ശില്‍പ്പശാല ഉദ്ഘാടനം ചെയ്യും. മലപ്പുറം ജില്ലാ പഞ്ചായത്ത് പ്രസിഡന്റ് എം.കെ.റഫീഖ അധ്യക്ഷത വഹിക്കും. മില്‍മ ചെയര്‍മാന്‍ കെ.എസ്. മണി വിഷയാവതരണം നടത്തും. സംസ്ഥാന പ്ലാനിംഗ് ബോര്‍ഡ് അഗ്രികള്‍ച്ചറല്‍ ഡിവിഷന്‍ ചീഫ് എസ്.എസ്. നാഗേഷ് മോഡറേറ്ററായിരിക്കും. മലപ്പുറം ജില്ലയിലെ സഹകരണ മേഖലയില്‍ നിന്നുള്ള പാല്‍ സംഭരണം രണ്ട് ലക്ഷം ലിറ്ററിലേക്കെത്തിക്കുന്നതിനുള്ള കര്‍മ്മ പദ്ധതികള്‍ 'മിഷന്‍ 2.0' ശില്‍പ്പശാല ആവിഷ്‌ക്കരിക്കും.
മൂര്‍ക്കനാട് മില്‍മ ഡെയറി കാമ്പസില്‍ ഡിസംബര്‍ 23ന് ഉച്ചയ്ക്ക് 2.00ന് ശില്‍പ്പശാല നടക്കും. മില്‍മ ചെയര്‍മാന്‍ കെ.എസ്. മണി ഉദ്ഘാടനം ചെയ്യും. ക്ഷീര വികസന വകുപ്പ് ജോ. ഡയറക്ടര്‍ സിനില ഉണ്ണിക്കൃഷ്ണന്‍ അധ്യക്ഷത വഹിക്കും. മലബാര്‍ മില്‍മ മാനേജിംഗ് ഡയറക്ടര്‍ കെ.സി. ജെയിംസ് വിഷയാവതരണം നടത്തും. എന്‍ഡിഡിബി ഡെപ്യൂട്ടി ജനറല്‍ മാനേജര്‍ റോമി ജേക്കബ് മുഖ്യ പ്രഭാഷണം നടത്തും. ഷബീര്‍ ഖമര്‍ (ജോയന്റ് ഡയറക്ടര്‍ ക്ഷീര വികസന വകുപ്പ്), ഡോ.പി. മുരളി (മാനേജിംഗ് ഡയറക്ടര്‍ മില്‍മ തിരുവനന്തപുരം മേഖല യൂണിയന്‍), വില്‍സണ്‍.ജെ. പുറവക്കാട്ട് (മാനേജിംഗ് ഡയറക്ടര്‍ മില്‍മ എറണാകുളം മേഖലാ യൂണിയന്‍), ജയസുജീഷ് .ജെ.എസ് (ഡെപ്യൂട്ടി ഡയറക്ടര്‍ (ജനറല്‍) ക്ഷീര വികസന വകുപ്പ്), അനുപമ.എ (പ്രിന്‍സിപ്പല്‍, ക്ഷീര പരിശീലന കേന്ദ്രം ആലത്തൂര്‍), വര്‍ക്കി ജോര്‍ജ്ജ് (പ്രിന്‍സിപ്പല്‍, ക്ഷീര പരിശീലന കേന്ദ്രം കോഴിക്കോട്), രശ്മി ആര്‍ (ഡെപ്യൂട്ടി ഡയറക്ടര്‍, റീജിയണല്‍ ലാബ് ക്ഷീര വികസന വകുപ്പ്), ഉഷാദേവി (ഡെപ്യൂട്ടി ഡയറക്ടര്‍, ക്ഷീര വികസന വകുപ്പ്), ബിന്ദു.എന്‍( ഡെപ്യൂട്ടി ഡയറക്ടര്‍ ക്ഷീര വികസന വകുപ്പ് പാലക്കാട്), സജിനി.ഒ (ഡെപ്യൂട്ടി ഡയറക്ടര്‍ ക്ഷീര വികസന വകുപ്പ് കണ്ണൂര്‍), ഫെമി വി. മാത്യു (ഡെപ്യൂട്ടി ഡയറക്ടര്‍ ക്ഷീര വികസന വകുപ്പ് വയനാട്), വിധു വര്‍ക്കി (ഡെപ്യൂട്ടി ഡയറക്ടര്‍ ക്ഷീര വികസന വകുപ്പ് മലപ്പുറം), സുരേഖ എം.നായര്‍ (ഡെപ്യൂട്ടി ഡയറക്ടര്‍ ക്ഷീര വികസന വകുപ്പ് കോഴിക്കോട്്്) എന്നിവര്‍ മുഖ്യാതിഥികളായിരിക്കും. മലബാര്‍ മില്‍മ ജനറല്‍ മാനേജര്‍ എന്‍.കെ.പ്രേംലാല്‍ സ്വാഗതവും മാനേജര്‍ പി&ഐ ഐ.എസ്. അനില്‍ കുമാര്‍ നന്ദിയും പറയും.
സംസ്ഥാനത്തിന്റെ വിവിധ സ്ഥലങ്ങളില്‍ നിന്ന് പൂക്കളുകളുടെ വിസ്മയ ലോകം കാണാന്‍ ജനങ്ങള്‍ ഒഴുകിയെത്തിയതോടെ അമ്പലവയല്‍ പൂപ്പൊലി അക്ഷരാര്‍ത്ഥത്തില്‍ ജനസാഗരമായി. സ്‌കൂളുകള്‍ കോളേജുകള്‍ എന്നിവിടങ്ങളില്‍…
By Harithakeralam
തിരുവനന്തപുരം: പ്ലാസ്റ്റിക്ക് ബോട്ടിലിന് ബദലായി, ജൈവിക രീതിയില്‍ നിര്‍മാര്‍ജനം ചെയ്യാന്‍ സാധിക്കുന്ന ഹരിതകുപ്പികള്‍ (കംപോസ്റ്റബിള്‍ ബോട്ടില്‍) വിപണിയില്‍ എത്തിക്കാനൊരുങ്ങി സംസ്ഥാനം. ജലസേചന വകുപ്പിനു കീഴിലുള്ള…
By Harithakeralam
മലപ്പുറം: മലബാര്‍ മില്‍മ മലപ്പുറം ജില്ലയിലെ മൂര്‍ക്കനാട്ട് നിര്‍മ്മിച്ച മില്‍ക്ക് പൗഡര്‍ പ്ലാന്റും മലപ്പുറം ഡെയറിയും മുഖ്യമന്ത്രി പിണറായി വിജയന്‍ നാടിന് സമര്‍പ്പിച്ചു. പാലുത്പാദനത്തില്‍ കേരളത്തെ…
By Harithakeralam
ആലപ്പുഴ ജില്ലാ പഞ്ചായത്തിന്റെ നിയന്ത്രണത്തില്‍ പ്രവര്‍ത്തിയ്ക്കുന്ന അറുന്നൂറ്റിമംഗലം വിത്തുല്പാദന കേന്ദ്രം കൃഷി അനുബന്ധ മേഖലകളിലെ സമഗ്ര കാല്‍ വയ്പിലൂടെ പുത്തന്‍ വരുമാന മാര്‍ഗങ്ങളിലേക്ക് കടക്കുകയാണ്.
By Harithakeralam
വയനാട് ഫെസ്റ്റിന്റെ ഭാഗമായി വ്യാപാരി വ്യവസായി ഏകോപന സമിതിയും വയനാട് ഡിറ്റിപിസിയും സംയുക്തമായി മുണ്ടക്കൈ, ചൂരമല്‍മല ദുരിത ബാധിതര്‍ക്കായി ബോചെ 1000 ഏക്കറില്‍ നടത്തുന്ന പുതുവത്സരാഘോഷങ്ങള്‍ക്കായി ഇന്ത്യയിലെ…
By Harithakeralam
മില്‍മ പാല്‍പ്പൊടി നിര്‍മാണ യൂണിറ്റിന്റെ ഉദ്ഘാടനത്തിനു മുന്നോടിയായി ഡിസംബര്‍ 22, 23, 24 തിയ്യതികളില്‍ വിവിധ പരിപാടികളും സംഘടിപ്പിച്ചിട്ടുണ്ട്. മലപ്പുറത്തിന്റെ പൈതൃകവും പെരുമയും വിശകലനം ചെയ്യുകയും മണ്‍മറഞ്ഞ…
By Harithakeralam
ക്ഷീര സഹകരണ മേഖലയിലെ പുതിയ നാഴികക്കല്ലായി മില്‍മ പാല്‍പ്പൊടി ഫാക്റ്ററി. 131.3 കോടി ചെലവഴിച്ചു മലപ്പുറം ജില്ലയിലെ മൂര്‍ക്കനാടാണ് ഫാക്റ്ററി സ്ഥാപിച്ചിരിക്കുന്നത്. കേരള സര്‍ക്കാരിന്റേയും മില്‍മയുടേയും…
By Harithakeralam
വയനാട്: കന്നുകാലി, മൃഗ സംരക്ഷണ മേഖലയിലെ സമഗ്ര വികസനവും ക്ഷീര കര്‍ഷകരുടെ ഉല്‍പാദനക്ഷമതയും ലക്ഷ്യമിട്ട് നടത്തുന്ന ഗ്ലോബല്‍ ലൈവ്‌സ്‌റ്റോക്ക് കോണ്‍ക്ലേവ് ഈ മാസം 20 മുതല്‍ പൂക്കോട് കേരള വെറ്റിനറി സര്‍വകലാശാലയില്‍…
By Harithakeralam
© All rights reserved | Powered by Otwo Designs
Leave a comment