അടുക്കളത്തോട്ടത്തില്‍ എളുപ്പത്തില്‍ കൃഷി ചെയ്യാവുന്ന ഇനമാണ് വെണ്ട. ഏതു കാലാവസ്ഥയിലും നല്ല വിളവ് തരുമെന്നതാണ് വെണ്ടയുടെ പ്രത്യേകത
By Harithakeralam
അടുക്കളത്തോട്ടത്തില്‍ എളുപ്പത്തില്‍ കൃഷി ചെയ്യാവുന്ന ഇനമാണ് വെണ്ട. ഏതു കാലാവസ്ഥയിലും നല്ല വിളവ് തരുമെന്നതാണ് വെണ്ടയുടെ പ്രത്യേകത. വിറ്റാമിന്‍ കെ,എ,സി, കോപ്പര്‍, കാത്സ്യം എന്നിവ വെണ്ടയില്‍ ധാരാളമുണ്ട്. കൊളസ്‌ട്രോള്‍ കുറയ്ക്കാനും രക്തം ശുചിയാക്കാനും വെണ്ട ഫലപ്രദമാണ്. വെണ്ടയില്‍ അടങ്ങിയിരിക്കുന്ന കൊഴുപ്പ് മനുഷ്യ ശരീരത്തിലെ കൊഴുപ്പിനെ നിയന്ത്രിക്കും.
ഗ്രോബാഗ്/ചാക്ക് എന്നിവയിലെ കൃഷി രീതി
സാധാരണ ഗതിയില്‍ പറിച്ചു നടുന്ന വിളയല്ല വെണ്ട. മേല്‍ മണ്ണ്, ചകിരിച്ചോര്‍, കാലിവളം അല്ലെങ്കില്‍ ചൂട് കുറഞ്ഞ തണുത്ത കോഴിക്കാഷ്ടം/ മണ്ണിര കമ്പോസ്റ്റ് കുറച്ച് വേപ്പിന്‍പ്പിണ്ണാക്ക്, എല്ല് പൊടി എന്നിവയെല്ലാം കൂടി കൂട്ടിയിളക്കി ഗ്രോബാഗിന്റെ 70 % നിറയ്ക്കണം. തുടര്‍ന്ന് വെണ്ട വിത്ത് പാകാം. ഒരു മണിക്കൂര്‍ എങ്കിലും വിത്ത് വെള്ളത്തിലിട്ടു വെക്കുന്നതു പെട്ടെന്ന് മുളയ്ക്കാന്‍ സഹായിക്കും. നടില്‍ മിശ്രിതം നിറയ്ക്കുന്ന സമയം ഉണങ്ങിയ കരിയില പൊടിച്ച് ഗ്രോബാഗിന്റെ പല ഭാഗങ്ങളിലായി ഇടുന്നതു മണ്ണ് വളക്കൂറുള്ളതാക്കാന്‍ സഹായിക്കും. ഒപ്പം മണ്ണില്‍ വായു സഞ്ചാരമുറപ്പാക്കാനുമിതു സഹായിക്കും.
.png)
വളപ്രയോഗം
എല്ലാതരം ജൈവവളങ്ങളും വിവിധഘട്ടത്തില്‍ നല്‍കാം. 15-20 ദിവസം കൂടുമ്പോഴെങ്കിലും ഏതെങ്കിലും രീതിയിലുള്ള വളപ്രയോഗം നടത്തണം. വളങ്ങള്‍ പരമാവധി പൊടി രൂപത്തിലും, കലക്കി ഒഴിക്കുവാന്‍ പറ്റുന്നവയുമാണ് നല്ലത്. കോഴിവളം, മണ്ണിര കമ്പോസ്റ്റ്, ചാരം എന്നിവയെല്ലാം ഉപയോഗിക്കാം.
രോഗങ്ങള്‍
കീടങ്ങളുടെ ആക്രമണം വെണ്ടയ്ക്കു നേരെ എപ്പോഴുമുണ്ടാകാം. ഇലച്ചാടി, തണ്ടുതുരപ്പന്‍, കായ്തുരപ്പന്‍, ഇലച്ചുരുന്നി പുഴു, നിമവിരകള്‍ എന്നിവയാണ് കീടങ്ങള്‍. വെളുത്തുള്ളി മിശ്രിതം 4% വീര്യമുള്ള വേപ്പിന്‍ കുരുസത്തോ, ബിവേറിയ 10 ഗ്രാം ഒരു ലിറ്റര്‍ വെള്ളത്തില്‍ ലയിപ്പിച്ചതോ തളിക്കുന്നത് കീടങ്ങളെ അകറ്റാന്‍ സഹായിക്കും. ശീമക്കൊന്നയില, വേപ്പിന്‍ പിണ്ണാക്ക് എന്നിവ മണ്ണില്‍ ചേര്‍ത്തു കൊടുത്താല്‍ നിമ വിരകളുടെ ശല്യം കുറയും. വിര ശല്യം മാറാന്‍ തടത്തില്‍ അറക്കപ്പൊടി മണ്ണുമായി ചേര്‍ക്കുന്നത് ഗുണം ചെയ്യും. കടലപ്പിണ്ണാക്ക്, ചാണകം എന്നിവ രണ്ടു ദിവസം പുളിപ്പിച്ച് ആഴ്ചയിലൊരിക്കല്‍ വേരിന് ചുറ്റും ഒഴിച്ച് കൊടുക്കുന്നതു കായ്ഫലം കൂടാന്‍ സഹായിക്കും.
വെണ്ടയില്‍ കണ്ടു വരുന്ന മാരകമായ രോഗമാണ് നരപ്പ് അഥവാ മഞ്ഞളിപ്പ് രോഗം. വെണ്ടയെ മുഴുവന്‍ നശിപ്പിക്കാന്‍ ശക്തമായ വൈറസാണിതിനു കാരണം. ഇലകള്‍ മഞ്ഞളിച്ച് ഞരമ്പുകള്‍ തെളിഞ്ഞ് കാണുന്നതാണ് ആദ്യ ലക്ഷണം. പിന്നീട് ഇലകള്‍ ചുരുങ്ങി ചെറുതാകുകയും കായ്കളുടെ വലുപ്പം കുറയുകയും ചെയ്യും. സിംബിഡിന്‍, ഏലയ്ക്കാനീം എന്നീ വേപ്പധിഷ്ഠിത കീടനാശിനികളോ മറ്റു ജൈവ കീടനാശിനികളോ മഞ്ഞളിപ്പ് രോഗത്തിനെതിരേ ഉപയോഗിക്കാം. നന്നായി പരിപാലിച്ചാല്‍ ഗ്രോബാഗിലെ വെണ്ടയില്‍ നിന്ന് 7 - 8 മാസം തുടര്‍ച്ചയായി വിളവ് ലഭിക്കും.
തക്കാളിക്കൃഷി തുടങ്ങാന്‍ അനുയോജ്യമായ സമയമാണിപ്പോള്‍. ഗ്രോബാഗിലും നിലത്തുമെല്ലാം തക്കാളി തൈകള്‍ നട്ട് തുടങ്ങാം. പൊതുവെ കേരളത്തിന്റെ മണ്ണില്‍ തക്കാളി നല്ല വിളവ് തരാന്‍ പ്രയാസമാണ്, മണ്ണിലെ അമ്ലതയാണ് പ്രശ്നം.…
By Harithakeralam
അനുകൂല കാലാവസ്ഥയായതിനാല്‍ പച്ചക്കറി ചെടികള്‍ നല്ല ആരോഗ്യത്തോടെ വളരുന്നുണ്ടാകും. ഇലകളാണ് എല്ലാ ചെടികളുടെയും പ്രധാന ഭാഗം. നിരവധി കീടങ്ങളും രോഗങ്ങളും ഇലകളെ ബാധിക്കുന്നത് സാധാരണമാണ്. ഇലകള്‍ നശിച്ചാല്‍ ചെടിയും…
By Harithakeralam
മഴയും വെയിലുമൊന്നും പ്രശ്‌നമല്ലാതെ നല്ല വിളവ് തരുന്ന വിളയാണ് പച്ചമുളക്. കുറച്ചു ദിവസം വെള്ളത്തില്‍ നിന്നാലും പ്രശ്‌നമല്ല മുളക് ചെടി കായ്ക്കും. എന്നാല്‍ രോഗങ്ങളും കീടങ്ങളും ഏതു കാലാവസ്ഥയിലും മുളകിനെ ബാധിക്കും.…
By Harithakeralam
മഴക്കാലത്ത് നല്ല വിളവ് തരുന്ന വിളയാണ് പച്ചമുളക്. വെയിലും മഴയുമൊന്നും പ്രശ്‌നമല്ലാതെ പച്ചമുളക് വളരും. കേരളത്തില്‍ പച്ചമുളക് കൃഷി ചെയ്യാന്‍ അനുയോജ്യമായ സമയവുമിതാണ്. എന്നാല്‍ മുരടിപ്പ്, പൂ കൊഴിച്ചില്‍…
By Harithakeralam
ഏതു കാലാവസ്ഥയിലും നല്ല വിളവ് തരുന്ന പച്ചക്കറിയാണ് പയര്‍ അഥവാ അച്ചിങ്ങ. നമുക്കാവശ്യമായ വിറ്റാമിനുകളും ധാതുലവണങ്ങളും പ്രോട്ടീനും ഏറ്റവും കൂടുതലായി അടങ്ങിയിട്ടുള്ളത് പയറു വര്‍ഗങ്ങളിലാണ്. വിറ്റാമിന്‍ കെ,…
By Harithakeralam
മഴ ശക്തമായി തുടരുന്നതിനാല്‍ അടുക്കളത്തോട്ടത്തില്‍ കൃത്യമായ പരിപാലനം ആവശ്യമാണ്. തെങ്ങിന്‍ തോട്ടം, കുരുമുളക്, പച്ചക്കറി തുടങ്ങിയ വിളകള്‍ക്കാണ് ഈ സമയത്ത് പ്രത്യേക പരിപാലനം ആവശ്യമുള്ളത്.
By Harithakeralam
കാലവര്‍ഷം നേരത്തെ എത്തിയിരിക്കുകയാണ് കേരളത്തില്‍. നല്ല മഴ രണ്ടു ദിവസമായി എല്ലായിടത്തും ലഭിക്കുന്നു. പലയിടത്തും കൃഷിത്തോട്ടം വെള്ളത്തിലായി കഴിഞ്ഞു. ജാതി, പച്ചക്കറികള്‍, കുരുമുളക് പോലുള്ള വിളകള്‍ക്ക് പ്രത്യേക…
By Harithakeralam
മലയാളികള്‍ക്ക് ഏറെ പ്രിയപ്പെട്ട പച്ചക്കറിയാണ് കോവല്‍. ശരീരത്തിന്റെ രോഗ പ്രതിരോധ ശേഷി വര്‍ദ്ധിപ്പിക്കാനും ഹൃദയം, തലച്ചോറ്, വൃക്ക എന്നിവയുടെ ശരിയായ പ്രവര്‍ത്തനത്തിനും കോവല്‍ പതിവായി കഴിക്കുന്നതു നല്ലതാണ്.…
By Harithakeralam
© All rights reserved | Powered by Otwo Designs
Leave a comment