By Harithakeralam
വരണ്ടതും ചൂട് കൂടിയതുമായ കാലാവസ്ഥയാണിപ്പോള് കേരളത്തില്. പച്ചക്കറികള്ക്കും പഴ വര്ഗങ്ങള്ക്കും പ്രത്യേക ശ്രദ്ധ ഈ സമയത്ത് നല്കേണ്ടതുണ്ട്. ഈ കാലാവസ്ഥയില് പയര്, വെളളരി വര്ഗ വിളകള്, വാഴ, മാവ് എന്നിവയ്ക്ക് നല്കേണ്ട പരിചരണം നോക്കാം.
മാവിന് കായീച്ചക്കെണി
മാവ് 50% പൂത്ത് കഴിയുമ്പോള് മുതല് കെണി വയ്ക്കുക. ഒരു കെണി ഉപയോഗിച്ചു മൂന്ന് മുതല് നാല് മാസത്തോളം ആണ് ഈച്ചകളെ ആകര്ഷിച്ചു നശിപ്പിക്കാന് കഴിയും. ഇതോടൊപ്പം അഴുകിയ പാളയന്കോടന് പഴം/ തുളസിയില തുടങ്ങിയവ ഉപയോഗിച്ചുള്ള ചിരട്ടക്കെണികളും (2 മില്ലി മാലത്തിയോണ് ഒരു കിലോ മിശ്രിതത്തിന്) കൂടുതല് ഗുണം ചെയ്യും. ഒരേക്കര് മാവിന്തോട്ടത്തിന് അഞ്ചെണ്ണം അല്ലെങ്കില് 25 മരങ്ങള്ക്ക് ഒന്ന് അഥവാ ഒരു പുരയിടത്തിന് ഒന്ന് എന്ന ക്രമത്തില് കെണികള് വെച്ചു കൊടുക്കേതാണ്.
കൊമ്പുണക്കം
മാവിന് കാണുന്ന ഒരു രോഗമാണ് കൊമ്പുണക്കം. തണ്ടുകള് മുകളില് നിന്നും താഴോട്ട് ഉണങ്ങി കരിഞ്ഞു പോകുന്നതാണ് ലക്ഷണം. ഇതു നിയന്ത്രിക്കാന് ഉണക്കം ബാധിച്ച ചില്ലകള് രോഗം ബാധിച്ച ഭാഗത്തിന് തൊട്ട് താഴെ മുറിച്ചു മാറ്റിയ ശേഷം അവ കത്തിച്ചു കളഞ്ഞ്, മുറിപ്പാടില് കോപ്പര് ഓക്സിക്ലോറൈഡോ (0.3%) ബോര്ഡോ കുഴമ്പോ (10%) പുരട്ടണം. ഇത് കൂടാതെ 20 ഗ്രാം സ്യൂഡോമോണാസ് ഒരു ലിറ്റര് വെളളത്തിലെന്ന തോതില് അല്ലെങ്കില് 1% ബോര്ഡോ മിശ്രിതം കൊമ്പുകളിലും ഇലകളിലും വീഴത്തക്കവിധം തളിച്ചു കൊടുക്കാം.
പയറില് മുഞ്ഞ
പയറില് മുഞ്ഞയുടെ ആക്രമണം സ്ഥിരമാണിപ്പോള്. 2% വീര്യമുളള വേപ്പെണ്ണ എമള്ഷന് തളിക്കുക. അല്ലെങ്കില് ലെക്കാനിസീലിയം ലെക്കാനി എന്ന മിത്രകുമിള് 20 ഗ്രാം ഒരു ലിറ്റര് വെളളത്തിലെന്ന തോതില് 10 ദിവസം ഇടവിട്ട് കൊടുക്കുക. കീടാക്രമണം രൂക്ഷമാണെങ്കില് 3 മി.ലി ഇമിഡാക്ലോപ്രിഡ് അല്ലെങ്കില് 2 ഗ്രാം തയോമെതോക്സാം 10ലിറ്റര് വെളളത്തിലെന്ന തോതില് തളിക്കുക.
കായീച്ച
വെള്ളരി വര്ഗ്ഗ വിളകളില് കാണുന്ന കായീച്ചകളെ നിയന്ത്രിക്കാന് പഴക്കെണികളോ ഫെറമോണ് കെണികളോ ഉപയോഗിക്കുക. കായീച്ചയുടെ പുഴുക്കള് മണ്ണിലാണ് വളരുന്നത് എന്നതിനാല് നിലത്തു വീഴുന്ന കേടുവന്ന കായ്കള് പെറുക്കി തീയിട്ട് നശിപ്പിക്കുകയും വേണം.
കുരുടിപ്പ്
വെളളരി വര്ഗ വിളകളില് കാണുന്ന കുരുടിപ്പ് രോഗം പരത്തുന്നത് വെള്ളീച്ച, മുഞ്ഞ എന്നിങ്ങനെയുള്ള നീരൂറ്റിക്കുടിക്കുന്ന ചെറുപ്രാണികളാണ്. വേപ്പെണ്ണ - വെളുത്തുള്ളി മിശ്രിതം തളിച്ച് ഈ പ്രാണികളെ നിയന്ത്രിക്കണം. ഇതിനോടൊപ്പം തന്നെ രോഗം വന്ന ചെടികള് നീക്കം ചെയ്തു നശിപ്പിക്കുകയും ചെയ്യണം. തുടക്കം മുതല് മഞ്ഞക്കെണി (പശയുളള ഏതെങ്കിലും എണ്ണ മഞ്ഞ തകിടിലോ ബോര്ഡിലോ തേച്ചു പിടിപ്പിക്കുക) തോട്ടത്തില് സ്ഥാപിക്കുക വഴി ഈ പ്രാണികളെ ആകര്ഷിച്ചു നശിപ്പിക്കാം.
നേന്ത്രവാഴയില് പിണ്ടിപ്പുഴു
നേന്ത്ര വാഴകളില് കാണുന്ന പിണ്ടിപ്പുഴുവിനെതിരെ മുന്കരുതലായി വേപ്പെണ്ണ -സോപ്പ് മിശ്രിതം 2% വീര്യത്തില് തയ്യാറാക്കി തടയില് തളിച്ചു കൊടുക്കുക. കൂടാതെ വാഴത്തടകളില് 4 മാസം മുതല് ചെളിക്കുഴമ്പ് തേച്ച് പിടിപ്പിക്കുന്നത് ഫലപ്രദമാണ്. മെറ്റാറൈസിയം എന്ന ജീവാണു കള്ച്ചര് ഇലക്കവിളുകളില് ഇട്ടു കൊടുക്കുന്നത് വാഴയുടെ തണ്ടുതുരപ്പനെതിരെ ഫലപ്രദമാണ്.
വാഴയില് ഇലതീനിപ്പുഴുവിന്റെ ആക്രമണം കാണാന് സാധ്യതയുണ്ട്. ആക്രമണം ബാധിച്ച ഇലകള് പുഴുവിനോട് കൂടി തന്നെ നശിപ്പിച്ചു കളയുക. ആക്രമണം അധികമായാല് 2 മില്ലി ക്വിാനാല്ഫോസ് 1 ലിറ്റര് വെളളത്തില് അല്ലെങ്കില് 3 മില്ലി ക്ലോറാന്ട്രാനിലിപ്രോള് 10 ലിറ്റര് വെളളത്തില് കലക്കി തളിക്കാം.
വെയിലത്ത് നല്ല പോലെ നനയ്ക്കുകയും വളങ്ങള് നല്കുകയും ചെയ്താല് വെണ്ടയില് നിന്നു മികച്ച വിളവ് ലഭിക്കും. മൊസൈക്ക് രോഗം, തണ്ടുതുരപ്പന്, ഇലചുരുട്ടിപ്പുഴു എന്നിവ ഈ സമയത്ത് വെണ്ടയില് പ്രശ്നം സൃഷ്ടിച്ചു തുടങ്ങും.…
By Harithakeralam
ചൂട് കടുത്തു വരുകയാണ് കേരളത്തില്. ഈ സമയത്ത് പച്ചക്കറികള്ക്ക് നല്ല പരിചരണം ആവശ്യമാണ്. ഇല്ലെങ്കില് അവ നശിച്ചു പോകും. പഴമക്കാര് പ്രയോഗിച്ചിരുന്ന ചില നാട്ടറിവുകള് നമുക്കും പിന്തുടര്ന്നു നോക്കാം. ഗ്രോബാഗിലും…
By Harithakeralam
വിവിധ വിഭവങ്ങളില് നാം ഉപയോഗിക്കുന്ന പുതിന മനുഷ്യന് ഏറെ ഗുണങ്ങള് നല്കുന്ന ഇലയാണ്. എന്നാല് വിപണിയില് ലഭിക്കുന്ന പുതിനയില് വലിയ തരത്തിലുള്ള കീടനാശിനികള് പ്രയോഗിക്കുന്നതാണ്. ഇതു വലിയ തരത്തിലുള്ള ആരോഗ്യപ്രശ്നങ്ങളാണ്…
By Georgekutty Mathew
വേനലില് നല്ല വിളവ് തരുന്നവയാണ് പന്തല് വിളകള്, ഇതില് ഏറ്റവും പ്രധാനമാണ് പാവല്. എന്നാല് കീടങ്ങള് വലിയ തോതില് പാവലിനെ ആക്രമിക്കാനെത്തും. വിത്തിടുമ്പോള് തന്നെ ശ്രദ്ധിച്ചില്ലെങ്കില് കീടങ്ങളെ തുരത്താന്…
By Harithakeralam
വെയില് ശക്തമാണെങ്കിലും നല്ല വിളവ് തരുന്ന പച്ചക്കറികളാണ് വഴുതന-വെള്ളരി വിളകള്. എന്നാല് രോഗങ്ങളും കീടങ്ങളും ഈ സമയത്ത് ഇവയെ ശക്തമായി ആക്രമിക്കും. കീടനാശിനി പ്രയോഗം മനുഷ്യനും പ്രകൃതിക്കും ദോഷവുമാണ്. രോഗ-കീട…
By Harithakeralam
പച്ചക്കറികളിലുണ്ടാകുന്ന പ്രധാന പ്രശ്നമാണ് ഫംഗസ് ബാധ. ഇലകളിലുള്ള നിറവ്യത്യാസം, പാടുകള്, ഇലകളിലും തണ്ടിലുമുള്ള പൂപ്പലുകള്, ചെടി വാടിപ്പോകല്, മുരടിപ്പ് തുടങ്ങിയ സൂചനകള് ഫംഗസ് അണുബാധയുടെ…
By Harithakeralam
പയര്, വെണ്ട, വഴുതന, തക്കാളി, പടവലം, പാവല് എന്നിവ നല്ല വിളവ് തരുന്ന സമയമാണിത്. എന്നാല് കീടങ്ങളുടെ ആക്രമണം അതിരൂക്ഷമാണെന്നു കര്ഷകര് പറയുന്നു. വീര്യം കൂടിയ രാസകീടനാശിനികള് പ്രയോഗിച്ചാല് നമ്മുടെ ശരീരത്തിനും…
By Harithakeralam
ചൂട് കടുത്തു വരുകയാണ് കേരളത്തില്. ഈ സമയത്ത് പച്ചക്കറികള്ക്ക് നല്ല പരിചരണം ആവശ്യമാണ്. ഇല്ലെങ്കില് അവ നശിച്ചു പോകും. പഴമക്കാര് പ്രയോഗിച്ചിരുന്ന ചില നാട്ടറിവുകള് നമുക്കും പിന്തുടര്ന്നു നോക്കാം. ഗ്രോബാഗിലും…
By Harithakeralam
© All rights reserved | Powered by Otwo Designs
Leave a comment