പൊതുജനത്തിന് സ്വയം പര്യാപ്തമായ സുരക്ഷിത പോഷണ ഭക്ഷണം ലഭ്യമാക്കുന്നതിന്റെ ഭാഗമായി സംസ്ഥാനത്ത് പോഷക സമൃദ്ധി മിഷന് തുടക്കം കുറിച്ചു.
By Harithakeralam
തിരുവനന്തപുരം: പൊതുജനത്തിന് സ്വയം പര്യാപ്തമായ സുരക്ഷിത പോഷണ ഭക്ഷണം ലഭ്യമാക്കുന്നതിന്റെ ഭാഗമായി സംസ്ഥാനത്ത് പോഷക സമൃദ്ധി മിഷന് തുടക്കം കുറിച്ചു. തിരുവനന്തപുരം നിശാഗന്ധി ഓഡിറ്റോറിയത്തില്‍ നടന്ന സംസ്ഥാന കര്‍ഷക ദിനാഘോഷ വേളയില്‍ കൃഷിവകുപ്പ് മന്ത്രി പി. പ്രസാദ് പോഷക സമൃദ്ധി മിഷന്റെ ഉദ്ഘാടനം നിര്‍വഹിച്ചു.
ആവശ്യമായ പോഷക ഗുണങ്ങളുള്ള ഭക്ഷണമല്ല നിലവില്‍ ആഹാരമായി മലയാളികള്‍ കഴിക്കുന്നതെന്ന് നിരവധി പഠന റിപ്പോര്‍ട്ടുകള്‍ തെളിയിക്കുന്നു. പോഷക സമൃദ്ധമായ ഭക്ഷണം ഈ ജനതയ്ക്ക് എത്തിക്കേണ്ടതിന്റെ ചുമതല ഓരോ കുടുംബവും ഏറ്റെടുക്കേണ്ടതുണ്ട്. 28.5 ലക്ഷം ടണ്‍ പച്ചക്കറി ഉത്പാദിപ്പിച്ച് ഉപയോഗിക്കുക എന്നതാണ് ദേശീയ ശരാശരിയില്‍ സ്വയം പര്യാപ്തതയിലൂടെ ലക്ഷ്യം വയ്ക്കുന്നത്. അതിനാല്‍ തന്നെ സംസ്ഥാനത്തെ പരമാവധി കുടുംബങ്ങളെ പച്ചക്കറി കൃഷി ചെയ്യിക്കുന്നതിനും പോഷകസമൃദ്ധമായ ഭക്ഷണം ഉത്പാദിപ്പിക്കുന്നതിനും മിഷനിലൂടെ ലക്ഷ്യമിടുന്നു. 2026 -ഓടെ എല്ലാ കുടുംബങ്ങളെയും മിഷന്റെ ഭാഗമാക്കുമെന്നും മന്ത്രി പറഞ്ഞു. ഇതിന്റെ ഭാഗമായി ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് മില്ലറ്റുമായി ധാരണാപത്രം ഒപ്പിടും, നെല്‍വയലുകളില്‍ മൂന്നാം വിളയായി പയര്‍ കൃഷി പ്രോത്സാഹിപ്പിക്കും, ഹരിത പോഷക ഗ്രാമങ്ങള്‍ സൃഷ്ടിക്കും, നാഷണല്‍ ഇന്‍സ്റ്റിറ്റ്യൂട്ട് ഓഫ് ന്യൂട്രീഷനുമായി കൈകോര്‍ത്ത് ന്യൂട്രീഷന്‍ പ്ലേറ്റ് തയ്യാറാക്കുമെന്നും മന്ത്രി കൂട്ടിച്ചേര്‍ത്തു.
വിവിധ കാര്‍ഷിക ഉത്പന്നങ്ങളുടെ സംരംഭത്തിനും സംസ്‌കരണത്തിനും മൂല്യ വര്‍ദ്ധന ദേശീയ അന്തര്‍ദേശീയ വിപണത്തിനുമായി രൂപീകൃതമാകുന്ന കാബ്‌കോയുടെ ഉദ്ഘാടനം കൃഷിമന്ത്രി നിര്‍വഹിച്ചു. കാര്‍ഷിക ഉത്പന്നങ്ങള്‍ക്ക് പരമാവധി വിപണി കണ്ടെത്തി കര്‍ഷകര്‍ക്ക് മെച്ചപ്പെട്ട വരുമാനം ഉറപ്പാക്കും. സര്‍ക്കാരിന്റെയും പൊതു വിപണിയുടെയും ധനകാര്യ സ്ഥാപനങ്ങളുടെയും ഓഹരി വിഹിതങ്ങള്‍ക്കൊപ്പം കര്‍ഷകരുടെയും കൂടെ പങ്കാളിത്തമുള്ള ഒരു കമ്പനി ആയിരിക്കും കാബ്‌കോ. കാബ്‌കോയുടെ ഓഹരിവിഹിതം എടുക്കുവാന്‍ നബാര്‍ഡ് തയ്യാറായതായി കൃഷിമന്ത്രി അറിയിച്ചു.
.jpg)
കര്‍ഷകര്‍ക്ക് മികച്ച വരുമാനം കണ്ടെത്തുന്നതിനുള്ള നിരവധി പ്രവര്‍ത്തനങ്ങളോടൊപ്പം കര്‍ഷകരുടെ പങ്കാളിത്തത്തോടെയുള്ള നിരവധി വികസന പ്രവര്‍ത്തനങ്ങള്‍ കൃഷിവകുപ്പ് നടത്തി വരുന്നുവെന്ന് മന്ത്രി പറഞ്ഞു. കൃഷിയിടങ്ങളില്‍ നിന്നും പദ്ധതി ആസൂത്രണത്തിന് തുടക്കം കുറിക്കുന്ന കൃഷിയിടാതിഷ്ഠത പദ്ധതി, ഉല്‍പാദന മൂല്യ വര്‍ദ്ധന സേവനമേഖലയില്‍ 23,000 ത്തോളം കൃഷിക്കൂട്ടങ്ങള്‍, കര്‍ഷകര്‍ക്ക് സേവനങ്ങള്‍ സ്മാര്‍ട്ട് ആയി നല്‍കുന്നതിന് സ്മാര്‍ട്ട് കൃഷിഭവനുകള്‍, കേരളത്തിലെ എല്ലായിടത്തും യന്ത്രവല്‍കൃത തൊഴില്‍ സേന തുടങ്ങിയ പ്രവര്‍ത്തനങ്ങള്‍ നവീന കാര്‍ഷികമേഖലയ്ക്ക് മുതല്‍ക്കൂട്ടാകുന്നുവെന്ന് മന്ത്രി കൂട്ടിച്ചേര്‍ത്തു. പൊതുവിദ്യാഭ്യാസ വകുപ്പ് മന്ത്രി വി ശിവന്‍കുട്ടി അധ്യക്ഷത വഹിച്ചു.
മൂല്യവര്‍ദ്ധന സമൃദ്ധിയുടെ മൂന്നാം വര്‍ഷം എന്ന പുസ്തകം ഭക്ഷ്യ സിവില്‍ സപ്ലൈസ് വകുപ്പ് മന്ത്രി അഡ്വ. ജി ആര്‍ അനില്‍ പൊതു വിദ്യാഭ്യാസ വകുപ്പ് മന്ത്രി വി ശിവന്‍കുട്ടിക്ക് നല്‍കി പ്രകാശനം ചെയ്തു. സംസ്ഥാന കര്‍ഷക അവാര്‍ഡിന് അര്‍ഹരായ കര്‍ഷകരെ സംബന്ധിക്കുന്ന വിവരണങ്ങള്‍ ഉള്‍പ്പെട്ട ഹരിത സമൃദ്ധി പുസ്തകം കൃഷിമന്ത്രി പി പ്രസാദ് ഗതാഗത വകുപ്പ് മന്ത്രി ആന്റണി രാജുവിന് നല്‍കിക്കൊണ്ട് പ്രകാശനം ചെയ്തു. കര്‍ഷകരുടെ ഉത്പന്നങ്ങളും കെ-സ്റ്റോറിലൂടെ വില്‍പ്പനയ്ക്ക് എത്തിക്കുമെന്ന് ഭക്ഷ്യ സിവില്‍ സപ്ലൈസ് വകുപ്പ് മന്ത്രി പറഞ്ഞു. എംഎല്‍എമാരായ അഡ്വ. വി.കെ പ്രശാന്ത്, കെ.ആന്‍സലന്‍, ഡി.കെ. മുരളി, ഐ.ബി. സതീഷ്, വിജിന്‍, പ്രസേനന്‍ എന്നിവര്‍ പങ്കെടുത്തു.
സംസ്ഥാന കര്‍ഷക അവാര്‍ഡുകളുടെ വിതരണവും കര്‍ഷക ദിനാഘോഷ വേളയില്‍ നടന്നു. മുതിര്‍ന്ന കര്‍ഷകനായ തിമിര്‍ത്തിയോസിനെയും കര്‍ഷകത്തൊഴിലാളിയായ സി ശാന്തയെയും യോഗത്തില്‍ മന്ത്രിമാര്‍ ആദരിച്ചു. കാര്‍ഷികോല്‍പാദന കമ്മീഷണര്‍ ഡോക്ടര്‍ ബി അശോക് ഐഎഎസ് സ്വാഗതവും കൃഷി ഡയറക്ടര്‍ ജോര്‍ജ് സെബാസ്റ്റ്യന്‍ നന്ദിയും പറഞ്ഞു.
സംസ്ഥാനത്തിന്റെ വിവിധ സ്ഥലങ്ങളില്‍ നിന്ന് പൂക്കളുകളുടെ വിസ്മയ ലോകം കാണാന്‍ ജനങ്ങള്‍ ഒഴുകിയെത്തിയതോടെ അമ്പലവയല്‍ പൂപ്പൊലി അക്ഷരാര്‍ത്ഥത്തില്‍ ജനസാഗരമായി. സ്‌കൂളുകള്‍ കോളേജുകള്‍ എന്നിവിടങ്ങളില്‍…
By Harithakeralam
തിരുവനന്തപുരം: പ്ലാസ്റ്റിക്ക് ബോട്ടിലിന് ബദലായി, ജൈവിക രീതിയില്‍ നിര്‍മാര്‍ജനം ചെയ്യാന്‍ സാധിക്കുന്ന ഹരിതകുപ്പികള്‍ (കംപോസ്റ്റബിള്‍ ബോട്ടില്‍) വിപണിയില്‍ എത്തിക്കാനൊരുങ്ങി സംസ്ഥാനം. ജലസേചന വകുപ്പിനു കീഴിലുള്ള…
By Harithakeralam
മലപ്പുറം: മലബാര്‍ മില്‍മ മലപ്പുറം ജില്ലയിലെ മൂര്‍ക്കനാട്ട് നിര്‍മ്മിച്ച മില്‍ക്ക് പൗഡര്‍ പ്ലാന്റും മലപ്പുറം ഡെയറിയും മുഖ്യമന്ത്രി പിണറായി വിജയന്‍ നാടിന് സമര്‍പ്പിച്ചു. പാലുത്പാദനത്തില്‍ കേരളത്തെ…
By Harithakeralam
ആലപ്പുഴ ജില്ലാ പഞ്ചായത്തിന്റെ നിയന്ത്രണത്തില്‍ പ്രവര്‍ത്തിയ്ക്കുന്ന അറുന്നൂറ്റിമംഗലം വിത്തുല്പാദന കേന്ദ്രം കൃഷി അനുബന്ധ മേഖലകളിലെ സമഗ്ര കാല്‍ വയ്പിലൂടെ പുത്തന്‍ വരുമാന മാര്‍ഗങ്ങളിലേക്ക് കടക്കുകയാണ്.
By Harithakeralam
വയനാട് ഫെസ്റ്റിന്റെ ഭാഗമായി വ്യാപാരി വ്യവസായി ഏകോപന സമിതിയും വയനാട് ഡിറ്റിപിസിയും സംയുക്തമായി മുണ്ടക്കൈ, ചൂരമല്‍മല ദുരിത ബാധിതര്‍ക്കായി ബോചെ 1000 ഏക്കറില്‍ നടത്തുന്ന പുതുവത്സരാഘോഷങ്ങള്‍ക്കായി ഇന്ത്യയിലെ…
By Harithakeralam
മില്‍മ പാല്‍പ്പൊടി നിര്‍മാണ യൂണിറ്റിന്റെ ഉദ്ഘാടനത്തിനു മുന്നോടിയായി ഡിസംബര്‍ 22, 23, 24 തിയ്യതികളില്‍ വിവിധ പരിപാടികളും സംഘടിപ്പിച്ചിട്ടുണ്ട്. മലപ്പുറത്തിന്റെ പൈതൃകവും പെരുമയും വിശകലനം ചെയ്യുകയും മണ്‍മറഞ്ഞ…
By Harithakeralam
ക്ഷീര സഹകരണ മേഖലയിലെ പുതിയ നാഴികക്കല്ലായി മില്‍മ പാല്‍പ്പൊടി ഫാക്റ്ററി. 131.3 കോടി ചെലവഴിച്ചു മലപ്പുറം ജില്ലയിലെ മൂര്‍ക്കനാടാണ് ഫാക്റ്ററി സ്ഥാപിച്ചിരിക്കുന്നത്. കേരള സര്‍ക്കാരിന്റേയും മില്‍മയുടേയും…
By Harithakeralam
വയനാട്: കന്നുകാലി, മൃഗ സംരക്ഷണ മേഖലയിലെ സമഗ്ര വികസനവും ക്ഷീര കര്‍ഷകരുടെ ഉല്‍പാദനക്ഷമതയും ലക്ഷ്യമിട്ട് നടത്തുന്ന ഗ്ലോബല്‍ ലൈവ്‌സ്‌റ്റോക്ക് കോണ്‍ക്ലേവ് ഈ മാസം 20 മുതല്‍ പൂക്കോട് കേരള വെറ്റിനറി സര്‍വകലാശാലയില്‍…
By Harithakeralam
© All rights reserved | Powered by Otwo Designs
Leave a comment