അമിതമായ രാസകീടനാശിനി പ്രയോഗിച്ചാണ് ഇവ ഇതരസംസ്ഥാനങ്ങളില് നിന്നും നമ്മുടെ അടുക്കളയിലേക്ക് എത്തുന്നത്. കുറച്ചു സമയം മാറ്റിവയ്ക്കാനുണ്ടെങ്കില് പുതിയ നമ്മുടെ വീട്ടിലും വളരും.
By Harithakeralam
ഭക്ഷണത്തിന് രുചിയും മണവും ലഭിക്കാന് നാം എപ്പോഴും ഉപയോഗിക്കുന്ന ഇലയാണ് പുതിന. പുതിന ഇല കൊണ്ടു പല തരത്തിലുള്ള പാനീയങ്ങള് തയാറാക്കാറുമുണ്ട്. എന്നാല് അമിതമായ രാസകീടനാശിനി പ്രയോഗിച്ചാണ് ഇവ ഇതരസംസ്ഥാനങ്ങളില് നിന്നും നമ്മുടെ അടുക്കളയിലേക്ക് എത്തുന്നത്. കുറച്ചു സമയം മാറ്റിവയ്ക്കാനുണ്ടെങ്കില് പുതിയ നമ്മുടെ വീട്ടിലും വളരും.
തൈ തയാറാക്കാം
ഗ്രോബാഗില് നടാനുള്ള തൈ നമുക്കു തന്നെ തയാറാക്കാം. ഇതിനായി കടയില് നിന്നും വാങ്ങുന്ന പുതിയ തണ്ടുകള് തന്നെ ഉപയോഗിക്കാം. കടക്കാരന് തരുന്ന തണ്ടുകള് വാങ്ങാതെ തൈ തയാറാക്കാനായി നമുക്കു തന്നെ തെരഞ്ഞെടുപ്പ് നടത്താം. ഇളം തണ്ടുകളും നന്നായി മൂത്തതും ഒഴിവാക്കണം. കുറച്ച് മൂത്തത് അഥവാ ഇടത്തരം തണ്ടുകള് തെരഞ്ഞെടുക്കാം. എന്നിട്ട് ഒരു സാധാരണ ചില്ലു ഗ്ലാസെടുത്ത് ഇതില് 50 മില്ലി വെള്ളമൊഴിക്കുക. ഇതിലേക്ക് 25 ഗ്രാം സ്യൂഡോമോണസ് ചേര്ക്കുക. തുടര്ന്ന് പുതിന തണ്ടുകള് വെള്ളത്തിലേക്ക് ഇറക്കിവയ്ക്കുക. വേര് - തണ്ടു ചീയല് രോഗം വരാതിരിക്കാന് സ്യൂഡോമോണസ് സഹായിക്കും. രണ്ടു മൂന്നു ദിവസമാകുമ്പോഴേക്കും വേരു മുളച്ചു തുടങ്ങും. അഞ്ച് ദിവസം തണ്ടുകള് വെള്ളത്തിലിടണം. അഞ്ചാം ദിവസമാകുമ്പോഴേക്കും നല്ല പോലെ വേരുകള് മുളച്ചിട്ടുണ്ടാകും. ഈ സമയത്ത് മാറ്റി മണ്ണിലേക്ക് നടാം.
ഗ്രോബാഗ് തയാറാക്കാം
ഗ്രോബാഗ്, ചാക്ക്, ചട്ടി എന്നിവയിലെല്ലാം നടീല് മിശ്രിതം നിറച്ച് വേരു വന്ന പുതിന തൈകള് നടാം. തണലത്ത് ഉണക്കിപൊടിച്ച ചാണകപ്പൊടി, മേല്മണ്ണ് എന്നിവയാണ് നടീല് മിശ്രിതമായി ഏറെ അനുയോജ്യം. ട്രൈക്കോഡര്മ ചേര്ത്ത ചാണകമാണെങ്കില് ഏറെ നല്ലത്. അഞ്ചു ദിവസത്തിന് ശേഷം ഇതിലേക്ക് വേണം തൈ നടാന്. ഇലകള് മുറിച്ച് നടുകയാണെങ്കില് പെട്ടെന്ന് പുതിയ ശിഖരങ്ങള് വന്നു കൊള്ളും. സാധാരണ ചെടികള് നടുന്നതുപോലെ കുത്തനെയും അല്ലെങ്കില് തണ്ടുകള് മണ്ണില് കിടത്തിയ രൂപത്തിലും നടാം. കിടത്തിയ രൂപത്തില് നടുന്നതാണ് കൂടുതല് ശിഖരങ്ങളും ഇലയുമുണ്ടാകാന് അനുയോജ്യം.
പരിചരണം
വലിയ പരിചരണമൊന്നും ആവശ്യമില്ലാതെ തന്നെ പുതിന വളര്ന്നു കൊള്ളും. തടത്തില് ഈര്പ്പം കെട്ടികിടക്കാതിരിക്കാന് ശ്രദ്ധിക്കുക. വെള്ളം സ്േ്രപ ചെയ്തു നല്കുന്നതാണ് ഉചിതം. മുരിങ്ങയിലെ പിഴിഞ്ഞു ചാറെടുത്ത് പത്തിരട്ടി വെള്ളത്തില് ചേര്ത്ത് സ്േ്രപ ചെയ്യുന്നതും ചുവട്ടിലൊഴിക്കുന്നതും നല്ല പോലെ വളരാന് സഹായിക്കും. പച്ചച്ചാണക തെളിയും പുതിനയ്ക്ക് നല്ല വളമാണ്.
ഗുണങ്ങള്
ദഹനപക്രിയയ്ക്ക് ഏറെ സഹായകരമാണ് പുതിന. ബിരിയാണി പോലുള്ള വിഭവങ്ങള് കഴിക്കുമ്പോള് കൂടെ പുതിന ചമ്മന്തി നല്കുന്നത് ഇതിനാലാണ്. പുതിന, തേന്,നാരങ്ങ എന്നിവ ചേര്ത്ത് ജ്യൂസ് ചൂടത്ത് ഏറെ അനുയോജ്യമായ പാനീയമാണ്. ഇരുമ്പ്, പൊട്ടാസ്യം, മാംഗനീസ് എന്നിവയുള്പ്പെടെ വിവിധ ധാതുക്കളാല് പുതിന സമ്പന്നമാണ്, അവ ഹീമോഗ്ലോബിന് ഉല്പാദനത്തിനും തലച്ചോറിന്റെ പ്രവര്ത്തനം മെച്ചപ്പെടുത്തുന്നതിനും പ്രധാനമാണ്.
വൈറ്റമിന് എയുടെയും ഫോളേറ്റിന്റെയും നല്ല ഉറവിടമാണ് പുതിന. വിറ്റാമിന് എ കാഴ്ചയ്ക്കും നമ്മുടെ കണ്ണുകളുടെ ആരോഗ്യത്തിനും അത്യന്താപേക്ഷിതമാണ്. കുട്ടികളിലെ നാഡീവ്യവസ്ഥയുടെ വികാസത്തിന് ഫോളേറ്റ് വളരെ പ്രധാനമാണ്. പുതിയ പുതിനയില ചവയ്ക്കുകയോ പുതിന ചായ കഴിക്കുകയോ ചെയ്യുന്നത് രോഗകാരണമായ ബാക്ടീരിയകളെ കുറയ്ക്കുന്നതിലൂടെ വായ്നാറ്റം മറയ്ക്കാന് സഹായിക്കും.
തേങ്ങയ്ക്ക് നല്ല വിലയുണ്ടായിട്ടും കര്ഷകന് പ്രത്യേകിച്ച് ഗുണമൊന്നും കിട്ടിയിട്ടില്ല. കഴിഞ്ഞ വേനല് കേരളത്തിലെ തെങ്ങുകളുടെ ഉത്പാദനം വളരെയധികം കുറച്ചു. നനയില്ലാത്ത തോട്ടങ്ങളില് വിളവ് വിരലില് എണ്ണാന്മാത്രമായി.…
By Harithakeralam
വളര്ത്താന് വലിയ മരമോ സ്ഥലമോ വേണ്ട, ഒരു ചെടിച്ചട്ടിയോ പഴയ വാട്ടര്ക്യാനോ മതി, അടുക്കളയിലേക്ക് ആവശ്യത്തിന് കുരുമുളകു പറിക്കാം. ഇന്ന് കുറ്റിക്കുരുമുളകിന് ഡിമാന്ഡ് ഏറാനുള്ള കാരണമിതുതന്നെ. സ്ഥലപരിമിതിയുള്ളവര്ക്കു…
By Harithakeralam
കടുത്ത വേനലാണ് ഇനി മലയാളിയുടെ മുന്നിലുള്ളത്. ഇടയ്ക്ക് മഴ പെയ്യുന്നുണ്ടെങ്കിലും ചൂടിന് ശമനമൊന്നുമില്ല. തെങ്ങിന് തോട്ടത്തില് പ്രത്യേക ശ്രദ്ധ നല്കേണ്ട സമയമാണിത്. തേങ്ങയ്ക്ക് മികച്ച വില ലഭിക്കുന്നുണ്ടെങ്കിലും…
By Harithakeralam
ഇഞ്ചിക്കും തെങ്ങിനും വളപ്രയോഗം നടത്തേണ്ട സമയമാണിപ്പോള്. ഇഞ്ചിയില് മൂടു ചീയലും തെങ്ങില് കൂമ്പു ചീയലും കാണപ്പെടുന്നുണ്ട്. തുടക്കത്തിലേ ഇവ കണ്ടെത്തി പ്രതിരോധ നടപടികള് സ്വീകരിച്ചിട്ടില്ലെങ്കില് കൃഷി…
By Harithakeralam
കേരളത്തിന്റെ കാര്ഷിക സമ്പത്ത് വ്യവസ്ഥയുടെ നട്ടെല്ലാണ് തെങ്ങും കവുങ്ങും. പഴയ പ്രതാപമില്ലെങ്കിലും ഇന്നും നിരവധി പേര് ഈ രണ്ടു വിളകള് കൃഷി ചെയ്യുന്നുണ്ട്. അടയ്ക്കയുടെ ഇന്ത്യയിലെ തന്നെ പ്രധാന ഉത്പാദന കേന്ദ്രമാണ്…
By Harithakeralam
കേരളത്തിന്റെ കാര്ഷിക മേഖലയില് പ്രധാനിയായിരുന്നു ഒരു കാലത്ത് കശുവണ്ടി. കാസര്കോഡ്, കണ്ണൂര്, മലപ്പുറം പോലുള്ള മലയോര ജില്ലകളില് കശുമാവ് തോട്ടങ്ങള് സാധാരണമായിരുന്നു. എന്നാല് റബര് വ്യാപകമായതോടെ കശുവണ്ടിയുടെ…
By Harithakeralam
ചൈനീസ് പൊട്ടറ്റോ എന്നറിയപ്പെടുന്ന കൂര്ക്ക കേരളീയര്ക്ക് പ്രിയപ്പെട്ടൊരു കിഴങ്ങു വര്ഗമാണ്. രുചിയിലും ഗുണത്തിലും ഏറെ മുന്നിലുള്ള കൂര്ക്ക വളരെക്കുറച്ച് കാലം കൊണ്ടു തന്നെ നല്ല വിളവ് തരും. ഇപ്പോഴത്തെ…
By Harithakeralam
ഒൗഷധ ഗുണങ്ങള് ഏറെയുള്ള ഇഞ്ചി മിക്ക വിഭവങ്ങളിലും നാം ഉപയോഗിക്കാറുണ്ട്. പലതരം ഔഷധങ്ങളും കറികളുമെല്ലാം ഉണ്ടാക്കാന് ഇഞ്ചി ഉപയോഗിക്കാറുണ്ടെങ്കിലും നാം വലിയ രീതിയില് ഇതു കൃഷി ചെയ്യാറില്ല. വലിയ തോതില് രാസകീടനാശിനികള്…
By Harithakeralam
© All rights reserved | Powered by Otwo Designs
Leave a comment