നല്ല പോലെ വള്ളി വീശി പടര്‍ന്നു വളരുന്നുണ്ടെങ്കിലും കോവലില്‍ കായ്കളില്ലാത്തത് പലരും അഭിമുഖീകരിക്കുന്ന പ്രശ്‌നമാണ്. ഇതിനുള്ള ചില പരിഹാരമാര്‍ഗങ്ങള്‍ നോക്കാം.
By Harithakeralam
പന്തലിട്ടു വളര്‍ത്തുന്ന കോവല്‍ മിക്കവരുടേയും അടുക്കളത്തോട്ടത്തിലുണ്ടാകും. നല്ല പോലെ വള്ളി വീശി പടര്‍ന്നു വളരുന്നുണ്ടെങ്കിലും കോവലില്‍ കായ്കളില്ലാത്തത് പലരും അഭിമുഖീകരിക്കുന്ന പ്രശ്‌നമാണ്. ഇതിനുള്ള ചില പരിഹാരമാര്‍ഗങ്ങള്‍ നോക്കാം.
1. തലപ്പ് നുള്ളികളയുക
കായ്ക്കാതെ നില്‍ക്കുന്ന കോവലിന്റെ തലപ്പുകള്‍ നിര്‍ബന്ധമായും ഇടയ്ക്ക് നുള്ളികളയുക. എങ്കില്‍ പുതിയ തളിര്‍ ശാഖകള്‍ വന്ന് പൂത്ത് കായിച്ചു കൊള്ളും.
2. കഞ്ഞി വെള്ളവും ചാരവും കൂട്ടി തടത്തില്‍ തളിക്കുക.
കായ്ക്കാന്‍ മടിച്ചു നില്‍ക്കുന്ന കോവലിനും അല്ലാത്തതിനും തടത്തില്‍ കഞ്ഞിവെള്ളവും ചാരവും കൂട്ടി ഇളക്കി ഒഴിച്ചു കൊടുക്കുക. തടം ചെറുതായി ഇളക്കിയതിന് ശേഷം വേണം വളപ്രയോഗം നടത്താന്‍.
.png)
3. സൂഷ്മ മൂലകങ്ങള്‍ നല്‍കുക.
സൂഷ്മ മൂലകങ്ങളുടെ കുറവ് കാരണം ചെടികള്‍ യഥാസമയം പൂവിടാനും കായ്ക്കാനും മടി കാണിക്കാറുണ്ട്. അതുകൊണ്ട് കായ്ക്കാതെ നില്‍ക്കുന്ന കോവലിന്റെ തടം വേരിന് ക്ഷതം പറ്റാത്ത രീതിയില്‍ ഇളക്കി സൂഷ്മമൂലകങ്ങള്‍ അടങ്ങിയ വളങ്ങള്‍ തടത്തില്‍ വിതറി നനച്ചു കൊടുക്കുക. ചെടിവേഗം കായിച്ച് കൊള്ളും.
4. കോവന്‍ നടുന്ന ഭാഗത്തും, പന്തലിലും അവശ്യത്തിന് സൂര്യപ്രകാശം ഉണ്ടെന്ന് ഉറപ്പാക്കണം. സൂര്യപ്രകാശം കുറവുള്ള സ്ഥലങ്ങളില്‍ നട്ട കോവലുകള്‍ കായ്ക്കാതെ നില്‍ക്കാറുണ്ട്.
5. ഫോസ്ഫറസിന്റെ കുറവ് പരിഹരിച്ചാല്‍ കോവല്‍ കായ്ക്കും.
ഫോസ്ഫറസ് വളമായ എല്ലുപൊടി കോവല്‍ നടുന്ന സമയത്തും പിന്നീട് വളപ്രയോഗ സമയത്തും തടത്തില്‍ ചേര്‍ത്തു കൊടുക്കുക. കായ്ക്കാതെ നില്‍ക്കുന്ന കോവല്‍ കായിക്കാന്‍ തുടങ്ങും.
6. മീന്‍ കഴുകുന്ന വെള്ളം, ഫിഷ് അമിനോ എന്നിവ കോവലില്‍ പൂവിടാന്‍ സഹായിക്കും.
7. മാസത്തിലൊരു തവണയെങ്കിലും വളപ്രയോഗം ഉറപ്പാക്കുക.
കോവല്‍ നട്ട് കായ്ച്ച് കഴിഞ്ഞാല്‍ പിന്നീട് വളപ്രയോഗം വേണ്ടന്നു വിചാരിക്കുന്നവരാണ് ഏറെയും. എന്നാല്‍ മറ്റു പച്ചക്കറികള്‍പ്പോലെ തന്ന ഇടയ്ക്ക് ഇടയ്ക്ക് എന്തെങ്കിലുമൊക്കെ വളങ്ങള്‍ നല്‍കി കൊണ്ടിരിക്കണം, എങ്കിലെ നല്ല ഫലം കിട്ടു.
8. കേടുപാടുകള്‍ വന്ന ഭാഗം മുറച്ച് കളയുക.
വാടി നില്‍ക്കുന്നതും പഴുത്തതും ഉണങ്ങിയതുമായ ഇലകളും തണ്ടുകളും യഥാസമയം മുറിച്ചു നശിപ്പിച്ച് കളയുക. കോവല്‍ നന്നായി വളരും.
9. കാല്‍സ്യത്തിന്റെ കുറവ് പരിഹരിക്കുക.
നടുമ്പോഴും പിന്നീട് മൂന്ന് മാസത്തില്‍ ഒരു തവണ വീതവും തടത്തില്‍ നീറ്റ്കക്ക പൊടിച്ചു വിതറി നനച്ച് കൊടുക്കുക. ചെടികള്‍ക്ക് പല രോഗങ്ങളില്‍ നിന്നും സംരക്ഷണം ലഭിക്കും, നന്നായി പൂവിട്ട് കായ്ക്കും.
10. കോവലിനെ ആക്രമിക്കുന്ന ശത്രുക്കളാണ് തണ്ട് തുരപ്പനും കായ്തുരപ്പനും. തണ്ടുകളില്‍ അങ്ങിങ്ങായി വണ്ണം കൂടി നില്‍ക്കുന്ന അവസ്ഥ കാണാറില്ലേ, അവിടെ നിന്ന് മറ്റു സ്ഥലങ്ങളിലേയ്ക്ക് വ്യാപിക്കുകയും ചെയ്യും. സാവധാനം ചെടി മുരടിച്ചുപ്പോവും, ഫലം നന്നേ കുറയും. അതേപ്പോലെ തന്നെ കായ്കളില്‍ നേരത്തെ തന്നെ പുഴുക്കള്‍ കയറികൂടി കോവയ്ക്ക കേടാക്കുന്നു. ഈ പ്രശ്‌നത്തിന് പരിഹാരം കാണണമെങ്കില്‍ തുടക്കത്തിലെ ശ്രദ്ധിക്കണം. ബിവേറിയ ബാസിയാന എന്ന മിത്ര കുമിള്‍ നാശിനി ചുവട്ടിലും തണ്ടുകളിലും ഇലകളിലും തളിക്കുക, വളപ്രയോഗത്തോട് ഒപ്പം വേപ്പിന്‍പ്പിണ്ണാക്ക് തടത്തില്‍ ചേര്‍ത്തു കൊടുക്കുകയും ചെയ്യുക തുടങ്ങിയ നിയന്ത്രണ മാര്‍ഗങ്ങള്‍ നല്ലതാണ്.
.jpg){kind=tracking}
തക്കാളി, വഴുതന, മുളക് മുതലായ വിളകളില്‍ പതിവായി കാണുന്ന പ്രശ്‌നമാണ് ബാക്ടീരിയല്‍ വാട്ടം. തക്കാളിയും വഴുതനയും ഇതു മൂലം വിളവ് നല്‍കാതെ മുരടിച്ചു നിന്നു നശിക്കും. രോഗം വന്നതിനു ശേഷം പ്രതിവിധി തേടിയിട്ട് വലിയ…
By Harithakeralam
ഇടയ്‌ക്കൊരു മഴ ലഭിക്കുന്നുണ്ടെങ്കിലും വെയില്‍ ഇപ്പോഴും കേരളത്തില്‍ ശക്തമാണ്. അടുക്കളത്തോട്ടത്തിലെ പച്ചക്കറികളിലും ഇതു പല പ്രശ്‌നങ്ങള്‍ക്കും കാരണമാകും. ചീര, വഴുതന, പച്ചമുളക് തുടങ്ങിയ പച്ചക്കറികള്‍ക്കാണ്…
By Harithakeralam
ചൂടുള്ള കാലാവസ്ഥയില്‍ കീടങ്ങളുടെ ആക്രമണം പൊതുവേ കൂടുതലയാരിക്കും. കൃഷി തുടങ്ങുമ്പോള്‍ തന്നെ ചില മാര്‍ഗങ്ങള്‍ സ്വീകരിച്ചാല്‍ ഒരു പരിധിവരെ ഇവയെ അകറ്റാം. രോഗ കീടങ്ങളില്‍ നിന്ന് പച്ചക്കറി വിളകളെ സംരക്ഷിച്ചു…
By Harithakeralam
ജനുവരി മുതല്‍ മാര്‍ച്ച് വരെയുള്ള കാലം കേരളത്തില്‍ പാവയ്ക്ക കൃഷി ചെയ്യാന്‍ അനുയോജ്യമാണ്. വേനല്‍ മഴ ലഭിച്ചു വിഷു കഴിഞ്ഞാല്‍ മേയിലും കൃഷി തുടങ്ങാം. കേരളത്തിലെ കാലാവസ്ഥയില്‍ നല്ല വിളവ് തരുന്ന പച്ചക്കറിയാണിത്.…
By Harithakeralam
ഗ്രോബാഗില്‍ നല്ല വിളവ് തരുന്ന പച്ചക്കറി ഏതാണ്...? ഈ ചോദ്യത്തിന് ആദ്യ ഉത്തരം വെണ്ട എന്നു തന്നെയാണ്. ഗ്രോബാഗിലും ചാക്കിലും ചട്ടിയിലുമെല്ലാം വളര്‍ത്താന്‍ ഏറ്റവും നല്ല വിളയാണ് വെണ്ട. ഏതു കാലാവസ്ഥയിലും…
By Harithakeralam
ഗുണങ്ങള്‍ നിറഞ്ഞ പച്ചക്കറിയാണ് കുമ്പളം. വള്ളിയായി വളരുന്ന ഈ പച്ചക്കറി നിലത്ത് വളര്‍ത്തിയും പന്തലിട്ടും വളര്‍ത്താം. രുചികരമായ കറികളുണ്ടാക്കാനും ജ്യൂസ് തയാറാക്കാനുമെല്ലാം കുമ്പളം നല്ലതാണ്. എന്നാല്‍ ഈ പച്ചക്കറി…
By Harithakeralam
വേനല്‍ക്കാലത്തും നല്ല വിളവ് തരുന്ന പച്ചക്കറികളാണ് പന്തല്‍ വിളകള്‍. പാവല്‍, കോവല്‍, പടവലം, പയര്‍ തുടങ്ങിയവ വെയിലിനെ ഇഷ്ടപ്പെടുന്നവയാണ്. ഇവയെ പന്തിലിട്ടാണ് വളര്‍ത്തുക. എന്നാല്‍ ഈ കാലാവസ്ഥയില്‍…
By Harithakeralam
ജനുവരിയുടെ തുടക്കം മുതല്‍ നല്ല വെയിലാണ് ലഭിക്കുന്നത്. ചൂട് അസഹ്യമായി തുടരുന്നു. മനുഷ്യരും മൃഗങ്ങളുമെല്ലാം പലതരം രോഗങ്ങള്‍ കാരണം ദുരിതത്തിലാണ്. നമ്മുടെ തോട്ടത്തിലെ പച്ചക്കറിച്ചെടികളുടെ അവസ്ഥയും ഇതുതന്നെയാണ്.…
By Harithakeralam
© All rights reserved | Powered by Otwo Designs
Leave a comment