വീട്ടുവളപ്പില് എല്ലാ കാലത്തും പയര് കൃഷി ചെയ്യാം. മഴയുടെ ശക്തി കുറഞ്ഞിരിക്കുന്ന സമയത്ത് പയര് കൃഷി ആരംഭിക്കാം.
പാവപ്പെട്ടവന്റെ മാംസം എന്നറിയപ്പെടുന്ന പയര് നമ്മുടെ കാലാവസ്ഥയ്ക്കും പ്രദേശത്തിനും ഏറ്റവും അനുയോജ്യമായ വിളയാണ്. വള്ളിപ്പയര്, കുറ്റിപ്പയര്, വന്പയര്, മമ്പയര്, അച്ചിങ്ങാ പയര് തുടങ്ങിയ പല പേരിലും, ഇനത്തിലും പയര് അറിയപ്പെടുന്നു. പയര് കൃഷി ചെയ്യുന്നത് മണ്ണിന്റെ ഫലപുഷ്ടി വര്ധിക്കാന് സഹായിക്കും. അടുക്കളത്തോട്ടത്തിലും തെങ്ങിന്തോപ്പുകളിലും വിളവെടുപ്പ് കഴിഞ്ഞ പാടങ്ങളിലും പയര് വിതയ്ക്കാറുണ്ട്. വീട്ടുവളപ്പില് എല്ലാ കാലത്തും പയര് കൃഷി ചെയ്യാം. മഴയുടെ ശക്തി കുറഞ്ഞിരിക്കുന്ന സമയത്ത് പയര് കൃഷി ആരംഭിക്കാം.
വളപ്രയോഗം ജലസേചനം
വളപ്രയോഗം, ജലസേചനം ഇതു രണ്ടും തുടക്കം മുതലേ ശ്രദ്ധിക്കണം. ചെടിയുടെ വളര്ച്ചയില് ജൈവവളങ്ങള് വളരെ പ്രധാനപ്പെട്ടതാണ്. മണ്ണിലെ സൂക്ഷ്മാണുക്കളുടെ വളര്ച്ചയ്ക്കും ജലാംശം പിടിച്ചു നിര്ത്താനും, രാസവളങ്ങള് ആഗിരണം ചെയ്യാനും മണ്ണില് ജൈവവളങ്ങള് സമ്പുഷ്ടമായിരിക്കണം. ജലസേചനത്തിന്റെ കൂടുതല്, കുറവുകള് ചെടിയുടെ വളര്ച്ചയെ പ്രതികൂലമായി ബാധിക്കും. നല്ല വിളവിന് കൃത്യമായ ജലസേചനമുറപ്പുവരുത്തണം. തടത്തില് വെള്ളം കെട്ടിനില്ക്കുന്നത് ഒഴിവാക്കണം. ജൈവസ്ലറി ആഴ്ചയിലൊരിക്കല് ഒഴിച്ചുകൊടുക്കുകയും ജീവാമൃതം 2 ആഴ്ച കൂടുമ്പോള് ചേര്ത്തുകൊടുക്കുകയും ചെയ്താല് പയര് വേഗം വളരുന്നതായി കാണാം. ഫിഷ്അമിനോ പയര് ചെടി നന്നായി പൂവിടുന്നതിനും, ചാഴി ശല്യം മാറുന്നതിനും വളരെ നല്ലതാണ്.
രോഗങ്ങള്
മഴയുള്ളപ്പോഴും നല്ല തണുപ്പുള്ള സമയത്തും പയറിനെ ബാധിക്കുന്ന രോഗമാണ് പൗഡറി മില് ഡ്യു. ഇലകളില് ചെറിയ കുത്തുകള് പോലെ കാണുകയും അതിനെത്തുടര്ന്ന് പൗഡര് ഇട്ടതു പോലെ ഫംഗസ് ഇലകളിലും തണ്ടിലും കാണപ്പെടുന്നു. അവസാനം ഇലകള് മഞ്ഞ നിറത്തിലാവുകയും നശിച്ചു പോവുകയും ചെയ്യും. ഈ രോഗം ബാധിച്ചാല് വിളവ് വളരെ കുറയും. കോപ്പര് ഓക്സിക്ലോറൈഡ് രണ്ട് ഗ്രാം ഒരു ലിറ്റര് വെള്ളത്തില് ചേര്ത്ത് സ്പ്രേ ചെയ്ത് ഈ രോഗത്തെ നിയന്ത്രിക്കാം. വിളവെടുപ്പ് സമയമാകുമ്പോഴാണ് പ്രധാനമായും ചാഴി ശല്യം കണ്ടു തുടങ്ങുന്നത്. മത്തി തോട്ടത്തിന്റെ വിവിധഭാഗങ്ങളില് തൂക്കിയിടുന്നത് ഒരു പരിധിവരെ ചാഴിയെ അകറ്റുന്നു.
ചാഴിയെയും ഇലചുരുട്ടിപ്പുഴുവിനെയും വേപ്പെണ്ണ എമല്ഷന് തളിച്ചു കൊടുത്തു നിയന്ത്രിക്കാം. പയര് കൃഷി ചെയ്യുന്നിടത്ത് ബന്ദി ചെടി നട്ടുവളര്ത്തുന്നത് ചാഴിയെ അകറ്റും. ചിത്ര കീടത്തെ അകറ്റാന് വേപ്പെണ്ണ വെളുത്തുള്ളി മിശ്രിതം തളിക്കുക. കായ് തുരപ്പനെ അകറ്റാന് 100 മില്ലി ഗോമൂത്രം 9 ഇരട്ടി വെള്ളത്തില് ചേര്ത്ത് അതില് അഞ്ച് ഗ്രാം കായവും, പത്തുഗ്രാം കാന്താരി സത്തും ചേര്ത്ത് തളിക്കുക. പയര് ചെടി സാധാരണയായി 45 - 50 ദിവസത്തിനുള്ളില് പൂവിടും. പെട്ടെന്ന് പൂവിടാന് പയറിലെ ഇലകള് 10% മുറിച്ചുനീക്കി അതിനുശേഷം അഞ്ച് ഗ്രാം സ്യൂഡോമോണസ് ഒരു ലിറ്റര് വെള്ളത്തില് കലര്ത്തി സ്പ്രേ ചെയ്യുക.
ശ്രദ്ധിക്കാം
രോഗപ്രതിരോധ ശേഷിയുള്ള വിത്തുകള് ഉപയോഗിക്കുക, കൃഷിക്ക് സൂര്യപ്രകാശം കിട്ടുന്ന സ്ഥലം തെരഞ്ഞെടുക്കുക, കൃഷിയിടത്തില് വായു പ്രവാഹം കടന്നു പോകാന് സാഹചര്യം ഉണ്ടാക്കുക, രോഗബാധ ശ്രദ്ധയില്പ്പെടുമ്പോള് തന്നെ ഇലകള് നശിപ്പിക്കുക, കൃഷിസ്ഥലം വൃത്തിയായി സൂക്ഷിക്കുക എന്നീ മുന് കരുതലുകള് സ്വീകരിച്ചാല് പയര്കൃഷി വിജയകരമായി തീരും.
പച്ചമുളകും പയറും അടുക്കളത്തോട്ടത്തില് സ്ഥിരമായി കൃഷി ചെയ്യുന്ന പ്രധാന ഇനങ്ങളാണ്. ചാണകവും ചീമക്കൊന്നയിലയും ജൈവകൃഷിയില് ഒഴിവാക്കാന് പറ്റാത്ത ഇനങ്ങളാണ്. പയര്, പച്ചമുളക് തുടങ്ങിയ എല്ലാ ഇനങ്ങളും നന്നായി…
പന്തല് വിളയായ പാവയ്ക്ക കൃഷി ചെയ്യാന് അനുയോജ്യമായ സമയമാണിപ്പോള്. വലിയ തോതില് കീടങ്ങള് ആക്രമിക്കാനെത്തുമെന്നതാണ് പന്തല് വിളകളുടെ പ്രധാന പ്രശ്നം. ഇവയെ നിയന്ത്രിച്ച് പാവയ്ക്ക് മികച്ച രീതിയില് വിളവെടുക്കുകയെന്നത്…
ഏറെ പോഷകങ്ങള് നിറഞ്ഞ പച്ചക്കറിയാണ് മത്തന്, വലിയ പരിചരണമില്ലാതെ നല്ല പോലെ വിളവ് തരുന്ന മത്തന് കൃഷി ചെയ്യാനുള്ള ഒരുക്കങ്ങള് ആരംഭിക്കാനുള്ള സമയമാണിപ്പോള്. ഓഗസ്റ്റ് മുതല് ഡിസംബര് വരെയുള്ള മാസങ്ങളാണ്…
മഴയും വെയിലും മാറി മാറി വരുന്ന ഈ കാലാവസ്ഥയില് പച്ചക്കറികളിലുണ്ടാകുന്ന പ്രധാന പ്രശ്നമാണ് ഫംഗസ് ബാധ. ഇലകളിലുള്ള നിറവ്യത്യാസം, പാടുകള്, ഇലകളിലും തണ്ടിലുമുള്ള പൂപ്പലുകള്, ചെടി വാടിപ്പോകല്,…
ഗുണങ്ങള് നിറഞ്ഞ പച്ചക്കറിയാണ് കുമ്പളം. വള്ളിയായി വളരുന്ന ഈ പച്ചക്കറി നിലത്ത് വളര്ത്തിയും പന്തലിട്ടും വളര്ത്താം. രുചികരമായ കറികളുണ്ടാക്കാനും ജ്യൂസ് തയാറാക്കാനുമെല്ലാം കുമ്പളം നല്ലതാണ്. എന്നാല് ഈ പച്ചക്കറി…
മഴയും കടുത്ത വെയിലുമാണിപ്പോള് കേരളത്തില്. കീടങ്ങളുടെ ആക്രമണം രൂക്ഷമാകാന് അനുയോജ്യമാണ് ഈ കാലാവസ്ഥ. പച്ചക്കറികളില് നീരൂറ്റിക്കുടിക്കുന്ന പ്രാണികളുടെ ആക്രമണം ഇതുകാരണം കൂടുതലാണ്. പയര്, മത്തന്,…
മനുഷ്യന് നിരവധി ഗുണങ്ങള് നല്കുന്ന വിളയാണ് കൂണ്. പണ്ട് പ്രകൃതിയില് തനിയെ വളരുന്ന കൂണ് കഴിച്ചിരുന്നവരാണ് നാം. എന്നാല് ഇന്നു വിവിധ തരത്തിലുള്ള കൂണുകള് നമുക്ക് തന്നെ വീട്ടില് വളര്ത്തിയെടുക്കാം. ഇതില്…
അടുക്കളമാലിന്യങ്ങളും കരിയിലകളും മറ്റും ഉപയോഗിച്ച് കമ്പോസ്റ്റ് ഉണ്ടാക്കുന്നവര് നിരവധി പേരുണ്ട്. ഗ്രോബാഗിലും ചാക്കിലുമെല്ലാം പച്ചക്കറികള് കൃഷി ചെയ്യുന്നുണ്ടെങ്കില് കമ്പോസ്റ്റിനോളം നല്ലൊരു വളം…
© All rights reserved | Powered by Otwo Designs
Leave a comment