കാഴ്ചയില്‍ നമ്മുടെ സ്വന്തം കണിക്കൊന്നയോട് രൂപസാദൃശ്യമുണ്ട്. തായ്‌ലന്‍ഡ്കാരിയാണെങ്കിലും ഇപ്പോള്‍ നമ്മുടെ നാട്ടില്‍ സുലഭമാണ് ഗോള്‍ഡന്‍ കാസ്‌കേഡ്.
മഞ്ഞപ്പൂക്കള്‍ വെള്ളച്ചാട്ടം പോലെ കുലകുലയായി താഴേക്ക്... കടുംപച്ച ഇലകള്‍ക്കിടയിലെ മഞ്ഞവിസ്മയം. പറഞ്ഞുവരുന്നത് ഗോള്‍ഡന്‍ കാസ്‌കേഡ് എന്ന മഞ്ഞ സുന്ദരിയെ കുറിച്ചാണ്. പേര് സൂചിപ്പിക്കുന്നതു പോലെ ശരിക്കുമൊരു 'മഞ്ഞവെള്ളച്ചാട്ടം' തന്നെയാണ് ഈ ചെടി. കാഴ്ചയില്‍ നമ്മുടെ സ്വന്തം കണിക്കൊന്നയോട് രൂപസാദൃശ്യമുണ്ട്. തായ്‌ലന്‍ഡ്കാരിയാണെങ്കിലും ഇപ്പോള്‍ നമ്മുടെ നാട്ടില്‍ സുലഭമാണ് ഗോള്‍ഡന്‍ കാസ്‌കേഡ്. മതിലുകളില്‍ പടര്‍ത്തിയും ആര്‍ച്ച് പോലെ ഒരുക്കിയും ടെറസില്‍ നിന്ന് താഴേക്ക് തൂക്കിയുമൊക്കെ വളര്‍ത്തുമ്പോഴാണ് കാസ്‌കേഡില്‍ ഒളിഞ്ഞിരിക്കുന്ന സൗന്ദര്യം പുറത്തുവരുന്നത്.
നിറം മാറുന്ന പൂക്കള്‍
പൂക്കള്‍ക്ക് നിറംമാറാന്‍ കഴിയുന്നതാണ് ഇതിന്റെ ഒരു പ്രത്യേകത. ഇളംമഞ്ഞ നിറമാണ് കാസ്‌കേഡ് പൂക്കളുടെ നിറം. എന്നാല്‍ പൂക്കളെ പൊതിഞ്ഞു നില്‍ക്കുന്ന കടുംമഞ്ഞ നിറത്തിലുളള ഇലകള്‍ക്കു സമാനമായ ഭാഗമാണ് ഈ ചെടിയുടെ സൗന്ദര്യം. ഇവയാണ് പിന്നീട് നിറം മാറി ഇലകളായി രൂപപ്പെടുന്നത്.പൂക്കളുള്ള തണ്ടുകളുടെ ഏറ്റവും ചുവട്ടിലായി വരുന്ന മഞ്ഞ ഇതളുകളാണ് ഇലകളായി മാറുന്നത്. ഇതിന് രണ്ടാഴ്ചയോളം വരെ സമയം വേണ്ടി വരും. അതുവരെ ഇവ മഞ്ഞ നിറത്തില്‍ തന്നെ തുടരും. സാവധാനം പച്ച നിറത്തിലേക്ക് മാറും. മറ്റ് ചെടികളെപ്പോലെ പൂക്കള്‍ വന്ന കാസ്‌കേഡ് തണ്ട് കൊഴിഞ്ഞു പോകുന്നില്ല. ഇവ പുതിയ ഇലകള്‍ വന്ന് തണ്ടുകളായി മാറുന്നു.
.jpg)
ഇന്‍ഡോര്‍ ആന്‍ഡ് ഔട്ട്‌ഡോര്‍ പ്ലാന്റ്
ഇന്‍ഡോര്‍ ആയും ഔട്ട് ഡോര്‍ ആയും ഇവ വളര്‍ത്താം. അഞ്ച് മുതല്‍ ആറ് മണിക്കൂര്‍ വരെ സൂര്യ പ്രകാശം ലഭിക്കുന്ന ചെടികള്‍ നന്നായി പൂവിടും. ഇന്‍ഡോര്‍ ആയി വളര്‍ത്തുന്ന ചെടികള്‍ സൂര്യപ്രകാശം ലഭിക്കുന്ന സ്ഥലത്ത് വയ്ക്കണം. മറ്റു വള്ളിച്ചെടികളെപ്പോലെ ഇവ പെട്ടെന്ന് പടര്‍ന്ന് പന്തലിച്ച് പോകാറില്ല. ഒരു സീസണല്‍ പ്ലാന്റ് അല്ലാത്തതിനാല്‍ വര്‍ഷത്തില്‍ എല്ലാ ദിവസവും പൂവിടുന്നു എന്നതാണ് ഇതിന്റെ മറ്റൊരു സവിശേഷത. ചട്ടിയിലും മണ്ണിലും ഒരുപോലെ ഇവ നട്ടുവളര്‍ത്താനാകും.
പരിചരണം എളുപ്പം
കൂടുതല്‍ പരിചരണം ആവശ്യമില്ലാത്തതും നട്ടുവളര്‍ത്താന്‍ എളുപ്പമാണ് എന്നതും ഗോള്‍ഡന്‍ കാസ്‌കേഡിനെ ചെടിപ്രേമികള്‍ക്കിടയില്‍ പ്രിയങ്കരമാക്കുന്നുണ്ട്. തണ്ട് നട്ടാണ് പുതിയ ചെടികള്‍ ഉണ്ടാക്കുന്നത്. ചാണകപ്പൊടി, എല്ലുപൊടി എന്നിവ മതി കാസ്‌കേഡിന്. ചെറിയതും വളരെ ബലം കുറഞ്ഞതുമായ തണ്ടായതിനാല്‍ തുടക്കത്തില്‍ വെള്ളം നന്നായി ഒഴിക്കണം. ഒരു മദര്‍പ്ലാന്റില്‍ നിന്ന് മറ്റ് ചെടികളെ നമുക്ക് തന്നെ വളര്‍ത്തിയെടുക്കാം. തണ്ട് മുറിച്ച് നടുന്നതു വഴി പുതിയ ചെടികളെ വളര്‍ത്തിയെടുക്കാം. ശക്തമായ വെയില്‍ ഇല്ലാത്ത സ്ഥലമാണ് പുതിയ ചെടികള്‍ വളര്‍ത്താന്‍ ഉത്തമം. മറ്റ് ചെടികളെപ്പോലെ എളുപ്പത്തില്‍ പുതിയ ചെടികള്‍ വളര്‍ത്തിയെടുക്കാന്‍ കഴിയില്ല. നനവ് തങ്ങി നില്‍ക്കാത്ത മണ്ണാണ് പുതിയ ചെടികള്‍ വളര്‍ത്തിയെടുക്കാന്‍ ഉത്തമം.
നല്ലൊരു പൂന്തോട്ടം വീട്ടുമുറ്റത്ത് ആഗ്രഹിക്കാത്തവരുണ്ടാകില്ല. എന്നാല്‍ ഇതിനു വേണ്ടി അധ്വാനിക്കാന്‍ നല്ല മനസ് വേണം. മഴക്കാലം കഴിഞ്ഞ് മഞ്ഞുകാലത്തിലൂടെ വേനലിലേക്കാണ് കാലാവസ്ഥയുടെ പോക്ക്. കടുത്ത വേനല്‍ക്കാലമായിരിക്കും…
By Harithakeralam
കല്‍പ്പറ്റ : ഗുജറാത്ത്, മഹാരാഷ്ട്ര ഭാഗങ്ങള്‍ ഉള്‍പ്പെടുന്ന വടക്കന്‍ പശ്ചിമഘട്ടത്തില്‍ മാത്രം സാന്നിധ്യമറിയിച്ചിരുന്ന ഒരു സസ്യം കൂടി കേരളത്തിന്റെ സസ്യ സമ്പത്തിലേക്ക് ചേരുന്നു. ഹെറ്ററോസ്റ്റെമ്മ ഡാള്‍സെല്ലി…
By Harithakeralam
മഞ്ഞു പുതച്ച പോലെ പൂത്തുലഞ്ഞു നില്‍ക്കുന്ന മുല്ലപ്പൂക്കള്‍, കൂട്ടിന് നല്ല സുഗന്ധവും....അറേബ്യന്‍ ജാസ്മിന്‍, സെവന്‍ ലയര്‍ ജാസ്മിന്‍ എന്നീ പേരുകളിലും നമ്മള്‍ ഗുണ്ടുമല്ലിയെന്നും വിളിക്കുന്നു മുല്ലയിനം. ചട്ടിയിലും…
By Harithakeralam
മുകേഷ് അംബാനിയുടെ മകന്റെ കല്യാണ വിശേഷങ്ങള്‍ കേള്‍ക്കാത്തവരുണ്ടാകില്ല... ആ കല്യാണവിരുന്നിന്റെ മോടി കൂട്ടിയ പൂക്കളില്‍ ചിലതു കേരളത്തില്‍ നിന്നുള്ളവയാണ്. വര്‍ഷങ്ങള്‍ക്ക് മുന്‍പ് ഐശ്വര്യ റായ് ബച്ചന്റെ കല്യാണവേദിയെ…
By നൗഫിയ സുലൈമാന്‍
കടലാസുപൂക്കളൊരുക്കുന്ന വസന്തമാണ് ജോജോ ജേക്കബ്- ബിന്ദു ജോസഫ് ദമ്പതികളുടെ ഉദ്യാനമാകെ. പല നിറങ്ങളില്‍ പൂത്ത് നില്‍ക്കുന്ന ബോഗണ്‍വില്ലകള്‍ ആരെയും ആകര്‍ഷിക്കും. കോഴിക്കോട് കുറ്റിയാടിക്ക് സമീപം സൂപ്പിക്കടയിലാണ്…
By പി.കെ. നിമേഷ്
കഞ്ഞിക്കുഴി പുഷ്‌പോല്‍സവത്തിന് ഫാര്‍മര്‍ സുനിലിന്റെ കൃഷിയിടത്തില്‍ തുടക്കമായി. കഞ്ഞിക്കുഴി ഒന്നാം വാര്‍ഡില്‍ മായിത്തറയ്ക്ക് അടുത്തുള്ളരണ്ടര ഏക്കര്‍ സ്ഥലത്തെ അഞ്ചിനം പൂക്കള്‍ നിറഞ്ഞ വിശാലമായ പൂന്തോട്ടത്തില്‍…
By Harithakeralam
ഓണനാളുകളിലേക്ക് ഇനി ഏതാനും ദിവസങ്ങള്‍ മാത്രം. മലയാളികള്‍ ഓണത്തെ വരവേല്‍ക്കാനുള്ള ഒരുക്കങ്ങളിലാണ്. കൂട്ടത്തില്‍ കര്‍ഷകരും തിരക്കുകളിലാണ്, അക്കൂട്ടത്തിലൊരാളാണ് ധനലക്ഷ്മിയും. വീട്ടുകാര്യങ്ങളും ജോലിത്തിരക്കുകള്‍ക്കും…
By നൗഫിയ സുലൈമാന്‍
ശക്തമായൊരു മഴക്കാലം കടന്നു പോയതോടെ പൂന്തോട്ടത്തിന്റെ കാര്യത്തിലൊരു തീരുമാനമായിട്ടുണ്ടാകും. മിക്ക ചെടികളും മഴയില്‍ നശിച്ചു പോയ സങ്കടത്തിലാണ് പലരും. എന്നാല്‍ മഴയത്ത് നല്ല പൂക്കള്‍ തരുന്നൊരു ചെടിയാണ് റെയ്ന്‍…
By Harithakeralam
© All rights reserved | Powered by Otwo Designs
By 
.jpg)
Leave a comment