സൗത്ത് അമേരിക്കന്‍ സ്വദേശിയായ റാക്കൂണാണ് അരുണിന്റെ കൈവശമുള്ളതില്‍ ഏറെ വ്യത്യസ്തം. ഇന്ത്യയില്‍ തന്നെയാരും ഈ കുഞ്ഞന്‍ കരടികളെ ഇണക്കി വളര്‍ത്തുന്നതായി അറിയില്ലെന്നു പറയുന്നു അരുണ്‍.
By പി.കെ. നിമേഷ്
കുഞ്ഞന്‍ കരടികള്‍, പോക്കറ്റിലൊതുങ്ങുന്ന കുരങ്ങന്‍, മനോഹരമായ നിറത്തിലുള്ള വിവിധയിനം പക്ഷികള്‍... മഞ്ചേരി അരീക്കോട് പുത്തലം സ്വദേശി അരുണിന്റെ വീടൊരു കൊച്ചു മൃഗശാല തന്നെയാണ്. ലോകത്തിന്റെ വിവിധ ഭാഗത്ത് നിന്നുള്ള പലതരം മൃഗങ്ങളും പക്ഷികളും ഇവിടെയുണ്ട്.
കേരളത്തിലും റാക്കൂണ്‍
സൗത്ത് അമേരിക്കന്‍ സ്വദേശിയായ റാക്കൂണാണ് അരുണിന്റെ കൈവശമുള്ളതില്‍ ഏറെ വ്യത്യസ്തം. ഇന്ത്യയില്‍ തന്നെയാരും ഈ കുഞ്ഞന്‍ കരടികളെ ഇണക്കി വളര്‍ത്തുന്നതായി അറിയില്ലെന്നു പറയുന്നു അരുണ്‍. അമേരിക്കയിലും മറ്റും വലിയ രീതിയില്‍ പെറ്റുപെരുകി മനുഷ്യന് പണി തരുന്ന റാക്കൂണ്‍ എന്നാല്‍ മലപ്പുറം അരീക്കോട് എത്തിയപ്പോള്‍ മര്യാദക്കാരാണ്. ഇവിടെയുള്ള മനുഷ്യരുമായി നല്ല പോലെ ഇണങ്ങിക്കഴിയുന്നു. ചെറിയ കുട്ടികളായിരിക്കുമ്പോള്‍ വാങ്ങിയതാണ് ഇവയെ. അതിനാല്‍ കൂട്ടില്‍ നിന്നു പുറത്തിറക്കി ഓമനിച്ചു വളര്‍ത്തുകയാണ് ഇവയെ. പച്ചക്കറികള്‍, പഴങ്ങള്‍, കോഴിയിറച്ചി എന്നിവയെല്ലാം റാക്കൂണുകള്‍ കഴിക്കും. കുഞ്ഞന്‍ കരടികള്‍ എന്നു വിളിക്കുമെങ്കിലും നമ്മുടെ നാട്ടില്‍ കാണപ്പെടുന്ന മരപ്പട്ടികളുടെ വംശത്തിലുള്ളവയാണിവ. ഇതു പോലെയാണ് മര്‍മോസെറ്റ് മങ്കിയുടെ കാര്യവും. കുഞ്ഞന്‍ കുരങ്ങന്‍മാരും നല്ല പോലെ ഇണക്കമുള്ളവരാണ്.
.png)
പക്ഷികളുടെ മായാലോകം
ലോകത്തിന്റെ വിവിധ ഭാഗത്തുള്ള വ്യത്യസ്ത ഇനങ്ങളിലുള്ള പക്ഷികളുടെ മായോലോകമാണ് അരുണിന്റെ വീട്. അത്യാധുനിക രീതിയില്‍ ഏറെ സൗകര്യപ്രദമായ തരത്തിലുള്ള കൂടുകളും മറ്റു സംവിധാനങ്ങളുമൊരുക്കി അരുണ്‍ ഇവയെ സംരക്ഷിക്കുന്നു. കൊന്യൂര്‍, മക്കാവോ, കൊക്കാറ്റോ, ലോറീസ് എന്നിവയുടെ വലിയ ശേഖരമുണ്ട്. ഇവയില്‍ തന്നെ വ്യത്യസ്ത ഇനത്തിലുള്ളവയുമുണ്ട്, കൊന്യൂറുകളില്‍ ഗോള്‍ഡന്‍ കൊന്യൂറുകളുടെ മനോഹരക്കാഴ്ചയാണിവിടെ. തന്റെ കൈവശമുള്ളവയില്‍ പലതും അപൂര്‍വം ഇനത്തില്‍പ്പെടുന്നവയാണെന്നും മോഹവില വാഗ്ദാനം നിരവധി തവണ ലഭിച്ചിട്ടുണ്ടെന്നും അരുണ്‍ പറയുന്നു. എന്നാല്‍ പക്ഷികരെ വില്‍ക്കുന്ന പതിവില്ല. മുട്ട വിരിയിക്കാന്‍ ഇന്‍കുബലേറ്റര്‍ സൗകര്യമുണ്ട്. ലോകത്ത് ഇന്നു ലഭിക്കാവുന്നതില്‍ മികച്ച കമ്പനിയുടെ ഇന്‍കുബലേറ്ററാണ് ഉപയോഗിക്കുന്നത്.
പരിചരണം
രണ്ടു ജീവനക്കാര്‍ സ്ഥിരമായുണ്ട്, ഇവര്‍ രാവിലെയെത്തി കൂട് വൃത്തിയാക്കി ഭക്ഷണം കൊടുക്കും. മൂന്ന് നേരമാണ് ഭക്ഷണം കൊടുക്കുക. പുഴുങ്ങിയ പച്ചക്കറി, സീഡുകള്‍, പഴങ്ങള്‍, തേന്‍, പെല്ലറ്റ്‌സ് എന്നിവയാണ് ഭക്ഷണമായി നല്‍കുക. ലോറീസിനാണെങ്കില്‍ അവയ്ക്കായി പ്രത്യേക പെല്ലറ്റ് വിപണിയില്‍ ലഭിക്കും.
ഇത്തരത്തില്‍ പ്രത്യേക ഭക്ഷണം ആവശ്യമുള്ള ഇനങ്ങള്‍ക്ക് അവ തന്നെയാണ് നല്‍കുക. നിലമ്പൂര്‍ കാടുകളില്‍ നിന്ന് ശേഖരിക്കുന്നവരുടെ കൈയില്‍ നിന്നുമാണ് തേന്‍ വാങ്ങുക. പിന്നെ നമ്മുടെ സ്‌നേഹ പ്രകടനം തന്നെയാണ് ഇവ ആഗ്രഹിക്കുന്നത്. ദിവസവും നിരവധി തവണ ഓരോ പക്ഷികളുടേയും അടുത്തെത്തും. എന്തെങ്കിലും രോഗമോ മറ്റു പ്രശ്‌നങ്ങളോ ഉണ്ടെന്നു മനസിലാക്കാനിതു സഹായിക്കും. ഭാര്യയും രണ്ടു മക്കളും ഇക്കാര്യത്തില്‍ വലിയ പിന്തുണയാണ് നല്‍കുന്നത്. തന്നേക്കാളേറെ ഭാര്യയുമായിട്ടാണ് പക്ഷികളും മൃഗങ്ങളുമെല്ലാം ഇണക്കം കാണിക്കുന്നതെന്നു പറയുന്നു അരുണ്‍.
പ്രവാസിയില്‍ നിന്ന് പക്ഷി വളര്‍ത്തല്‍
പത്ത് വര്‍ഷത്തോളം സൗദി അറേബ്യയില്‍ ജോലി ചെയ്തു. ഇതിന് ശേഷം നാട്ടിലെത്തിയാണ് പക്ഷികളെയും മൃഗങ്ങളെയും പരിപാലിക്കാനും സ്‌നേഹിക്കാനും ആരംഭിച്ചത്. ഓഹരിവിപണിയില്‍ സജീവമാണിപ്പോള്‍ . വലിയ ടെന്‍ഷന്‍ പിടിച്ചതും ശ്രദ്ധ വേണ്ടതുമായ ജോലിയാണത്. മനസ് ശാന്തമാക്കാന്‍ പക്ഷികളോടൊപ്പം ചെലവഴിക്കുന്നതു സഹായിക്കുന്നുണ്ടെന്നു പറയുന്നു അരുണ്‍.
.jpg){kind=tracking}
കനത്ത ചൂട് മനുഷ്യനെപ്പോലെ പക്ഷിമൃഗാദികള്‍ക്കും പ്രശ്‌നങ്ങള്‍ സൃഷ്ടിക്കുന്നുണ്ട്. തക്ക സമയത്ത് വേണ്ട പരിരക്ഷ കൊടുത്തില്ലങ്കില്‍ പ്രത്യേകിച്ച് കോഴിക്കുഞ്ഞുങ്ങള്‍ ചത്തുപ്പോകും. അതു കൊണ്ട് തന്നെ ചില…
By Harithakeralam
അങ്കക്കോഴികളില്‍ കേമനാണ് അസില്‍... കോഴിപ്പോര് നമ്മുടെ നാട്ടില്‍ നിരോധിച്ചെങ്കിലും അസില്‍ ഇനത്തെ ധാരാളം പേര്‍ ഇപ്പോഴും വളര്‍ത്തുന്നുണ്ട്. വലിപ്പത്തിലും സൗന്ദര്യത്തിനുമൊപ്പം പോരാട്ടവീര്യം കൂടി ചേര്‍ന്നവയാണ്…
By Harithakeralam
ഇന്ത്യന്‍ ക്രിക്കറ്റ് ടീം മുന്‍ ക്യാപ്റ്റന്‍ മഹേന്ദ്ര സിങ് ധോണിയുടെ ഹെലികോപ്റ്റര്‍ ഷോട്ട് പ്രസിദ്ധമാണ്. എത്ര ശക്തനായ ബൗളറാണെങ്കിലും പന്ത് കൂളായി ക്യാപ്റ്റന്‍ ഗ്യാലറിയിലേത്തിക്കും. അത്ര ശക്തമായ സിക്‌സറുകള്‍…
By Harithakeralam
കടുത്ത വേനലില്‍ പശുക്കള്‍ക്കും സൂര്യതാപവും സൂര്യാഘാതവും ഏല്‍ക്കാനുള്ള സാധ്യതയേറെയാണ്. സംസ്ഥാനത്ത് മുന്‍വര്‍ഷങ്ങളില്‍ നിരവധി കന്നുകാലികള്‍ക്ക് സൂര്യാഘാതമേറ്റ് ജീവന്‍ നഷ്ടമായിട്ടുണ്ട്. പകല്‍ 11 നും 3 നും…
By ഡോ. എം. മുഹമ്മദ് ആസിഫ്
ത്രിപുരയിലെ തനത് ഇനം താറാവായ ത്രിപുരേശ്വരിക്ക് അംഗീകാരം ഇന്ത്യന്‍ കൗണ്‍സില്‍ ഓഫ് അഗ്രികള്‍ചര്‍ റിസോഴ്‌സിന്റെ (ഐസിഎആര്‍) കീഴിലുള്ള നാഷനല്‍ ബ്യൂറോ ഓഫ് അനിമല്‍ ജനറ്റിക് റിസോഴ്‌സ് (എന്‍ബിഎജിആര്‍) ന്റെ അംഗീകാരമാണ്…
By Harithakeralam
തേങ്ങാപ്പാലൊഴിച്ച താറാവുകറി മലയാളിയുടെ പ്രിയപ്പെട്ട വിഭവമാണ്. ഇതു കഴിക്കാന്‍ കുട്ടനാട്ടിലെ കള്ളുഷാപ്പുകളിലേക്ക് വണ്ടി കയറാന്‍ വരട്ടേ... ഒന്നു മനസുവച്ചാല്‍ നമ്മുടെ വീട്ടില്‍ ചെറിയ കുളമുണ്ടാക്കി താറാവിനെ…
By Harithakeralam
മലപ്പുറത്ത് ഒട്ടകത്തെ കശാപ്പ് ചെയ്ത് ഇറച്ചി വില്‍ക്കാനുള്ള നീക്കത്തിനെതിരേ നടപടിയുമായി പൊലീസ്. ജില്ലയിലെ കാവനൂരിര്‍, ചീക്കോട് എന്നീ സ്ഥലങ്ങളിലാണ് ഒട്ടകത്തെ കൊന്ന് ഇറച്ചി വില്‍ക്കാന്‍ ചിലര്‍ ശ്രമം നടത്തിയിരുന്നത്.…
By Harithakeralam
സംസ്ഥാനത്ത് ചൂട് കടുത്തതിനാല്‍ വളര്‍ത്തുമൃഗങ്ങള്‍ക്ക് പ്രത്യേക കരുതല്‍ വേണം. ഇതു സംബന്ധിച്ച് മൃഗസംരക്ഷണ വകുപ്പ് അധികൃതര്‍ മുന്നറിയിപ്പ് നല്‍കി, പ്രത്യേക മാനദണ്ഡങ്ങളും പുറത്തിറക്കി. പശുക്കളെയും മറ്റു…
By Harithakeralam
© All rights reserved | Powered by Otwo Designs
Leave a comment