മുട്ട ഇഷ്ടമല്ലേ...? പ്രശ്‌നമില്ല മുട്ടയേക്കാള്‍ പ്രോട്ടീന്‍ ഈ പച്ചക്കറികളിലുണ്ട്

മുട്ടയ്‌ക്കൊപ്പവും മുട്ടയേക്കാളും പ്രോട്ടീന്‍ അടങ്ങിയ പച്ചക്കറികളുണ്ട് , ഇവ ഏതൊക്കെയെന്നു നോക്കാം.

By Harithakeralam

2025-02-14

പ്രോട്ടീനിന്റെ കലവറയാണ് മുട്ട, ഏതു പ്രായക്കാര്‍ക്കും കഴിക്കാവുന്ന സമീകൃത ആഹാരമെന്നു മുട്ടയെ പറയാം. എന്നാല്‍ മുട്ട കഴിക്കാത്തവര്‍ക്ക് ഇതേ അളവില്‍ പ്രോട്ടീന്‍ ലഭിക്കാന്‍ എന്തു ചെയ്യും. മുട്ടയ്‌ക്കൊപ്പവും മുട്ടയേക്കാളും പ്രോട്ടീന്‍ അടങ്ങിയ പച്ചക്കറികളുണ്ട് , ഇവ ഏതൊക്കെയെന്നു നോക്കാം.

1.  മുരിങ്ങയിലയും കായയും

മുരിങ്ങയുടെ ഗുണങ്ങള്‍ പ്രത്യേകിച്ചു പറയേണ്ട കാര്യമില്ല. പ്രോട്ടീന്‍ ധാരാളമടങ്ങിയ ഇലക്കറിയാണിത്. . 100 ഗ്രാം മുരിങ്ങയിലയില്‍ നിന്നും 9 ഗ്രാം പ്രോട്ടീന്‍ ലഭിക്കും. കൂടാതെ ഇവയില്‍ അയേണ്‍, കാത്സ്യം എന്നിവയും മുരിങ്ങയിലുണ്ട്.

Related News

കാന്‍സറിന് കാരണം അല്‍ഫാം, കരിഞ്ഞ ഭാഗം പതിവായി കഴിച്ചു: വെളിപ്പെടുത്തലുമായി സുധീര്‍

മുഖ്യമന്ത്രിയുമായി കൂടിക്കാഴ്ച നടത്തി ഫെഡറല്‍ ബാങ്ക് എംഡി

പച്ചക്കറി ഉല്‍പ്പാദനത്തില്‍ സ്വയംപര്യാപ്തത: വിപുലമായ നടപടികളുമായി കൃഷി വകുപ്പ്

നല്ല കുല വെട്ടിയാലേ വില കിട്ടൂ: വാഴത്തോട്ടത്തില്‍ ശ്രദ്ധിക്കേണ്ട കാര്യങ്ങള്‍

2. ചീര  

എളുപ്പത്തില്‍ ലഭിക്കാവുന്ന ഇലക്കറിയാണ് ചീര. ഒരു കപ്പ് വേവിച്ച ചീരയില്‍ നിന്നും 5.4 ഗ്രാം പ്രോട്ടീന്‍ ലഭിക്കും. കൂടാതെ ഇവയില്‍ കാത്സ്യം, അയേണ്‍, വിറ്റാമിനുകളായ എ, സി, കെ തുടങ്ങിയവയും അടങ്ങിയിട്ടുണ്ട്.

3. ബ്രൊക്കോളി  

മലയാളിക്ക് അത്ര പരിചയമില്ലാത്ത ശീതകാല പച്ചക്കറിയാണ് ബ്രൊക്കോളി. എന്നാലിപ്പോള്‍ ഈ പച്ചക്കറി ധാരാളമായി നമ്മുടെ മാര്‍ക്കറ്റിലെത്തുന്നുണ്ട്. കാബേജിന്റെ വര്‍ഗത്തിലുള്ളതാണ്. ഒരു കപ്പ് ബ്രൊക്കോളിയില്‍ 5.7 ഗ്രാം പ്രോട്ടീനാണുള്ളത്. ഫൈബര്‍, വിറ്റാമിന്‍ ഇ, വിറ്റാമിന്‍ ബി 6, കോപ്പര്‍, പൊട്ടാസ്യം എന്നിവയും ബ്രൊക്കോളിയിലുണ്ട്.  

4. കൂണ്‍

ഏറെ ഗുണങ്ങളുള്ള കൂണ്‍ ആദ്യകാലം മുതലേ മനുഷ്യന്‍ കഴിക്കാറുണ്ട്. പ്രകൃതിദത്തമായ കൂണ്‍ ലഭിക്കാന്‍ ഏറെ പ്രയാസമാണിപ്പോള്‍. എന്നാല്‍ കൃത്രിമമായി വളര്‍ത്തിയെടുത്ത കൂണ്‍ മാര്‍ക്കറ്റില്‍ ലഭ്യമാണ്. 100 ഗ്രാം മഷ്‌റൂമല്‍ നിന്നും 3.1 ഗ്രാം പ്രോട്ടീന്‍ ലഭിക്കും. കൂടാതെ ഇവയില്‍ ബി വിറ്റാമിനുകളും വിറ്റാമിന്‍ ഡിയും അടങ്ങിയിട്ടുണ്ട്.

5. ഗ്രീന്‍ പീസ്  

ഗ്രീന്‍ പീസ് കറിയും പുട്ടും പൊറാട്ടയുമൊക്കെ നാം സ്ഥിരമായി കഴിക്കുന്നതാണ്. 100 ഗ്രാം ഗ്രീന്‍ പീസില്‍ 5 ഗ്രാം പ്രോട്ടീന്‍ അടങ്ങിയിട്ടുണ്ട്. നാരുകള്‍, വിറ്റാമിന്‍ കെ, ഫോളേറ്റ് തുടങ്ങിയവയും ഇവയില്‍ നിന്നും ലഭിക്കും.