കേരളത്തിന്റെ സാമ്പത്തിക വളര്‍ച്ചയും വികസന സംരംഭങ്ങളും ഉറപ്പാക്കുന്നതിന് ഫെഡറല്‍ ബാങ്കും സംസ്ഥാന സര്‍ക്കാരും തമ്മിലുള്ള പങ്കാളിത്തം ശക്തിപ്പെടുത്തുന്നതിന്റെ ഭാഗമായാണ് കൂടിക്കാഴ്ച
By Harithakeralam
തിരുവനന്തപുരം: ഫെഡറല്‍ ബാങ്ക് മാനേജിങ് ഡയറക്ടറും സിഇഒയുമായ കെ.വി.എസ് മണിയന്‍ മുഖ്യമന്ത്രി പിണറായി വിജയനുമായി കൂടിക്കാഴ്ച നടത്തി. കേരളത്തിന്റെ സാമ്പത്തിക വളര്‍ച്ചയും വികസന സംരംഭങ്ങളും ഉറപ്പാക്കുന്നതിന് ഫെഡറല്‍ ബാങ്കും സംസ്ഥാന സര്‍ക്കാരും തമ്മിലുള്ള പങ്കാളിത്തം ശക്തിപ്പെടുത്തുന്നതിന്റെ ഭാഗമായാണ് കൂടിക്കാഴ്ച നടത്തിയത്. ബാങ്കിങ്, സംരംഭകത്വ ശാക്തീകരണം, സാമ്പത്തിക അവലോകനം തുടങ്ങിയ വിഷയങ്ങളെക്കുറിച്ച് ഇരുവരും ചര്‍ച്ച നടത്തി. ബാങ്കിന്റെ എംഡിയായി 2024 സെപ്റ്റംബറില്‍ പദവി ഏറ്റെടുത്തതിനുശേഷം ആദ്യമായാണ് കെ വി എസ് മണിയന്‍ മുഖ്യമന്ത്രിയുമായി ചര്‍ച്ച നടത്തുന്നത്. വ്യവസായ മന്ത്രി പി രാജീവുമായും അദ്ദേഹം കൂടിക്കാഴ്ച നടത്തി.
കേരളം ആസ്ഥാനമായി പ്രവര്‍ത്തിക്കുന്ന ഫെഡറല്‍ ബാങ്ക് രാജ്യത്തെ പ്രമുഖ വാണിജ്യബാങ്കുകളില്‍ ഒന്നാണ്. സംസ്ഥാനത്തുടനീളം അറുനൂറിലധികം ശാഖകളാണ് ഫെഡറല്‍ ബാങ്കിനുള്ളത്. മൊത്തം ശാഖകളുടെ നാല്പതു ശതമാനം വരുമിത്. പ്രവാസി ഇന്ത്യക്കാര്‍ പണമിടപാടിന് പ്രാഥമിക പരിഗണന നല്‍കുന്നത് ഫെഡറല്‍ ബാങ്കിനാണ്. ഇതില്‍ ഭൂരിപക്ഷവും മലയാളികളാണെന്നതും ശ്രദ്ധേയമാണ്. കേരളത്തിന്റെ പുരോഗതിയെ മുന്‍നിര്‍ത്തി, ഭാവിയെക്കുറിച്ചുള്ള ക്രിയാത്മകമായ ചര്‍ച്ചയാണ് മുഖ്യമന്ത്രിയുമായി നടത്തിയതെന്ന് കെ വി എസ് മണിയന്‍ പറഞ്ഞു. ഫെഡറല്‍ ബാങ്കിനെ സംബന്ധിച്ചിടത്തോളം കേരളത്തിന്റെ വളര്‍ച്ചയുടെ ഭാഗം തന്നെയാണ് ഞങ്ങളുടെയും വളര്‍ച്ച. വിജയവും അതുപോലെ പരസ്പരം ബന്ധപ്പെട്ടു കിടക്കുന്നു. ഉത്തമ ബാങ്കിംഗ് പങ്കാളി എന്നതിനപ്പു റത്തേക്ക് സംസ്ഥാനത്തിന്റെ വികസനത്തിനും ശാക്തീകരണത്തിനും ഉത്തേജകമായിക്കൊണ്ട് കേരളത്തിനൊപ്പം വളരുന്നതിന് തങ്ങള്‍ പ്രതിജ്ഞാബദ്ധരാണെന്നും അദ്ദേഹം കൂട്ടിച്ചേര്‍ത്തു.
.png)
പ്രാദേശിക ബിസിനസുകളെ പിന്തുണയ്ക്കുക, സംരംഭകരെ ശാക്തീകരിക്കുക, സാമ്പത്തിക ഉള്‍പ്പെടുത്തല്‍ പ്രോത്സാഹിപ്പിക്കുക എന്നിവ ലക്ഷ്യമിട്ട് സംസ്ഥാനത്തെ നിരവധി വികസന സംരംഭക പദ്ധതികളില്‍ ഫെഡറല്‍ ബാങ്ക് സജീവ പങ്കാളിത്തം ഉറപ്പാക്കുന്നുണ്ട്. ബാങ്കിന്റെ സിഎസ്ആര്‍ പ്രവര്‍ത്തനങ്ങളുടെ ഭാഗമായി ആരംഭിച്ച നൈപുണ്യ വികസന കേന്ദ്രങ്ങളിലൂടെ നിരവധി ആളുകള്‍ക്ക് തൊഴില്‍ പരിശീലനം നല്‍കാന്‍ കഴിഞ്ഞു. കഴിഞ്ഞവര്‍ഷം മാത്രം അഞ്ഞൂറിലധികം പേരാണ് പരിശീലനം പൂര്‍ത്തീകരിച്ചത്. സാമ്പത്തികമായി പിന്നാക്കം നില്‍ക്കുന്ന കുടുംബങ്ങളിലെ വിദ്യാര്‍ത്ഥികള്‍ക്ക് സ്‌കോളര്‍ഷിപ്പുകള്‍ നല്‍കുന്നുണ്ട്. സഞ്ജീവനി പദ്ധതിയിലൂടെ സംസ്ഥാനത്തെ 600 കാന്‍സര്‍ രോഗികള്‍ക്ക് പിന്തുണ നല്‍കിയിട്ടുണ്ട്. ലോക ബാങ്കിന്റെ നിക്ഷേപ വിഭാഗമായ ഇന്റര്‍നാഷണല്‍ ഫിനാന്‍സ് കോര്‍പ്പറേഷന് ഓഹരി പങ്കാളിത്തമുള്ള ഒരു സ്ഥാപനം കൂടിയാണ് ഫെഡറല്‍ ബാങ്ക്.
ഭിന്നശേഷിക്കാര്‍ക്കിടയിലെ പ്രതിഭയ്ക്കുള്ള രാഷ്ട്രപതിയുടെ പുരസ്‌കാരം നേടിയ അഞ്ജന്‍ സതീഷ് വരച്ച മുഖ്യമന്ത്രിയുടെ ചിത്രം മണിയന്‍ സമ്മാനിച്ചു. ശൈശവത്തില്‍ ബാധിച്ച ശ്രവണവൈകല്യവും സെറിബ്രല്‍ പാള്‍സിയും ഒരു വിലങ്ങുതടിയാവാതെ തന്റെ കലാജീവിതം കരുപ്പിടിപ്പിച്ച അനുഗൃഹീത ചിത്രകാരനാണ് അഞ്ജന്‍ സതീഷ്.ബാങ്കിന്റെ തിരുവനന്തപുരം സോണല്‍ മേധാവിയും സീനിയര്‍ വൈസ് പ്രസിഡന്റുമായ ഷിജു കെ വി, ഗവണ്മെന്റ് ബിസിനസ് മേധാവി കവിത കെ നായര്‍, സീനിയര്‍ മാനേജര്‍ അനീസ് അഹമ്മദ് എന്നിവരും കൂടിക്കാഴ്ചയില്‍ പങ്കെടുത്തു.
.jpg){kind=tracking}
കായലിലേക്ക് മാലിന്യം തള്ളിയ സംഭവത്തില്‍ ഗായകന്‍ എം.ജി. ശ്രീകുമാറിന് പിഴ. സമൂഹമാധ്യമങ്ങളില്‍ പങ്കുവച്ച വീഡിയോയിലെ ദിവസും സമയവും സ്ഥലവും പരിശോധിച്ച് പഞ്ചായത്ത് അധികൃതരാണ് എം ജി ശ്രീകുമാറിന് പിഴയിട്ടത്.…
By Harithakeralam
കൊച്ചി: പദ്ധതി വിഹിതത്തില്‍ മിച്ചം പിടിച്ച തുക ഉപയോഗിച്ച് കറന്റ് , ഗ്യാസ് ബില്ലുകളില്‍ 25 ശതമാനം ഇളവ് നല്‍കാന്‍ കിഴക്കമ്പലം, ഐക്കരനാട് പഞ്ചായത്തുകള്‍. ട്വന്റി ട്വന്റി ഭരിക്കുന്ന എറണാകുളം കിഴക്കമ്പലം,…
By Harithakeralam
കേരളത്തില്‍ നിന്ന് തേങ്ങ കടത്തി വെളിച്ചെണ്ണ വിപണിയില്‍ കൃത്രിമ ക്ഷാമമുണ്ടാക്കി തമിഴ്‌നാട് ലോബി. കേരളത്തില്‍ തേങ്ങ് കൂടുതലുള്ള മേഖലകളിലെത്തി തേങ്ങ സംഭരിച്ച് തമിഴ്‌നാട്ടിലേക്ക് കടത്തുകയാണ് ഈ ലോബി ചെയ്യുന്നത്.…
By Harithakeralam
തിരുവനന്തപുരം: 'ഡിജിറ്റല്‍ ലഹരിക്ക്' അടിമകളായ കുട്ടികളെ സാധാരണ ജീവിതത്തിലേക്ക് തിരികെ കൊണ്ടുവരാന്‍ പൊലീസ് നടപടി ശക്തമാക്കി. ഓണ്‍ലൈന്‍ ഗെയിമുകള്‍, സമൂഹമാദ്ധ്യമങ്ങള്‍, അശ്ലീല വെബ്‌സൈറ്റുകളിലടക്കം അടിമകളായി…
By Harithakeralam
കേരള മീഡിയ അക്കാദമിയുടെ 2024 - 25ലെ മാധ്യമ ഗവേഷണ ഫെലോഷിപ്പുകള്‍ പ്രഖ്യാപിച്ചു. പൊതു ഗവേഷണ (General Research) മേഖലയില്‍ ഹരിതകേരളം ന്യൂസ് ചീഫ് സബ് എഡിറ്റര്‍ നൗഫിയ ടി.എസ് ഫെല്ലോഷിപ്പിന് അര്‍ഹയായി.…
By Harithakeralam
കോഴിക്കോട്: മലബാര്‍ മേഖലയിലെ മൂന്നു ജില്ലകളിലായി ഫെഡറല്‍ ബാങ്ക് പതിനൊന്നു പുതിയ ശാഖകള്‍ തുറന്നു. മലപ്പുറം, പാലക്കാട്, വയനാട് ജില്ലകളിലായി പുഴക്കാട്ടിരി, കുന്നുംപുറം, തെയ്യാല, ചട്ടിപറമ്പ, വെളിയങ്കോട്,…
By Harithakeralam
മാലിന്യമുക്തം നവകേരളം പരിപാടിയുടെ ഭാഗമായി സംസ്ഥാനത്തെ ഓരോ തദ്ദേശസ്വയംഭരണ സ്ഥാപനങ്ങളിലേയും മാലിന്യ സംസ്‌കരണത്തിലെ മാതൃകാ വീടുകളും സ്ഥാപനങ്ങളും കണ്ടെത്തി പുരസ്‌കാരം നല്‍കുന്നു. മികച്ച വാര്‍ഡ്, സ്ഥാപനം,…
By Harithakeralam
നിത്യോപയോഗ സാധനങ്ങള്‍ വിലക്കുറവില്‍ ലഭിക്കുന്ന സപ്ലൈക്കോയുടെ റംസാന്‍ ഫെയറിന് ഇന്ന് തുടക്കം. തിരുവനന്തപുരം ജില്ലയില്‍ മാത്രമാണ് ഇന്ന് റംസാന്‍ ഫെയര്‍ ആരംഭിക്കുന്നത്. മറ്റെല്ലാ ജില്ലകളിലും നാളെയാണ് റംസാന്‍…
By Harithakeralam
© All rights reserved | Powered by Otwo Designs
Leave a comment