ജലസേചനം വളരെ പരിമിതമായി മതിയെന്നതും കൃഷി ചെലവ് കുറവായതുമാണ് ഡ്രാഗണ്‍ ഫ്രൂട്ടിനെ കര്‍ഷകര്‍ക്കിടയില്‍ പ്രിയങ്കരമാക്കിയത്. ആന്റി ഓക്‌സിഡന്റുകളുടെയും വൈറ്റമിനുകളുടെയും ഉറവിടമായതിനാല്‍ പഴത്തിനും ആവശ്യക്കാര്‍ ഏറെയാണ്.
By Harithakeralam
വിദേശ ഇനം പഴങ്ങള്‍ നമ്മുടെ വിപണിയും കൃഷിയിടവും കീഴടക്കി കൊണ്ടിരിക്കുകയാണ്. കേരളത്തിലെ പരമ്പരാഗത ഇനങ്ങളുടെ വിലത്തകര്‍ച്ച മൂലം കര്‍ഷകര്‍ കൂട്ടത്തോടെ ഇത്തരം പഴങ്ങള്‍ കൃഷി ചെയ്യാന്‍ ആരംഭിച്ചിട്ടുണ്ട്. ഇതില്‍ പ്രധാനിയാണ് ഡ്രാഗണ്‍ ഫ്രൂട്ട്. ജലസേചനം വളരെ പരിമിതമായി മതിയെന്നതും കൃഷി ചെലവ് കുറവായതുമാണ് ഡ്രാഗണ്‍ ഫ്രൂട്ടിനെ കര്‍ഷകര്‍ക്കിടയില്‍ പ്രിയങ്കരമാക്കിയത്. ആന്റി ഓക്‌സിഡന്റുകളുടെയും വൈറ്റമിനുകളുടെയും ഉറവിടമായതിനാല്‍ പഴത്തിനും ആവശ്യക്കാര്‍ ഏറെയാണ്.
പ്രധാനമായും മൂന്നിനങ്ങള്‍
കേരളത്തില്‍ പ്രധാനമായും മൂന്നിനം ഡ്രാഗണ്‍ ഫ്രൂട്ടുകളാണ് കൃഷി ചെയ്യുന്നത്. പുറം ചുവന്ന്, ഉള്ളില്‍ വെളുത്ത മാംസളഭാഗമുള്ളത്, പുറം ചുവന്ന്, ഉള്ളില്‍ ചുവന്ന മാംസളഭാഗമുള്ളത്, പുറം മഞ്ഞ, ഉള്ളില്‍ വെളുത്ത മാംസളഭാഗമുള്ളത് എന്നിവയാണിവ. 20-30 ഡിഗ്രി സെല്‍ഷ്യസ് ചൂടുള്ള കാലാവസ്ഥയില്‍ നന്നായി വളരും. അധിക വെയിലില്‍ തണല്‍ നല്‍കണം. ചുവട്ടില്‍ പുതയിടുന്നത് വേരുകളുടെ സംരക്ഷണത്തിനും ചെടിയുടെ വളര്‍ച്ചയ്ക്കും സഹായിക്കുന്നു. ജൈവാംശമുള്ള മണല്‍ കലര്‍ന്ന മണ്ണാണ് നല്ലത്. മണ്ണില്‍ അധികം ആഴത്തില്‍ വേരുകള്‍ ഇറങ്ങാത്തതിനാല്‍ വെള്ളക്കെട്ടുണ്ടായാല്‍ ചെടി അഴുകിപ്പോകാ നിടയുണ്ട്. അതുകൊണ്ട് നീര്‍വാഴ്ചയുള്ള മണ്ണിലായിരിക്കണം ഇവ നടുന്നത്.
തൈ തയ്യാറാക്കലും നടലും
പോട്ടിങ് മിശ്രിതത്തില്‍ 20 സെ.മീ. നീളമുള്ള കാണ്ഡഭാഗങ്ങള്‍ മുളപ്പിച്ചെടുത്താണ് തൈയുണ്ടാക്കുന്നത്. രോഗപ്രതിരോധ ശക്തിയും അത്യുല്‍പാദനശേഷിയുമുള്ള ചെടികളുടെ കാണ്ഡഭാഗങ്ങളാണ് ഇതിന് ഉപയോഗിക്കുന്നത്. കോണ്‍ക്രീറ്റ് തൂണുകള്‍ താങ്ങുകാലുകളായി ഉപയോഗിക്കാം. 6 - 6.5 അടി ഉയരത്തില്‍ താങ്ങുകാലുകള്‍ കുഴിച്ചിട്ടശേഷം അവയ്ക്ക് ചുവട്ടില്‍ ചുറ്റിലുമായി രണ്ടോ മൂന്നോ ഡ്രാഗണ്‍ തൈകള്‍ പിടിപ്പിക്കാം. തൂണിനു മുകളില്‍ വൃത്താകൃതിയിലുള്ള ചട്ടം ഉറപ്പിക്കുക. ഇതിനായി പഴയ ടയറുകള്‍ ഉപയോഗിക്കാം. താങ്ങുകാലിന് മീതെ വളര്‍ന്ന ഡ്രാഗണ്‍ ചെടികളെ ടയറിനു മുകളിലൂടെ വളച്ച് താഴോട്ട് ഇറക്കണം. ഇത് അവയുടെ വളര്‍ച്ച കൂടുതല്‍ സുഗമമാക്കും. കുഴികള്‍ തമ്മില്‍ ഏഴടി അകലവും വരികള്‍ തമ്മില്‍ ഒന്‍പത് അടി അകലവും നന്ന്.
വളപ്രയോഗം
ജൈവവളത്തിനു പുറമെ നല്ല വിളവിന് മതിയായ അളവില്‍ രാസവളവും നല്‍കണം. ഒരു കുഴിയില്‍ 10 - 15 കിലോ ജൈവവളം ചേര്‍ക്കാം. ഇതോടൊപ്പം 500 ഗ്രാം എല്ലുപൊടി, വേപ്പിന്‍പ്പിണ്ണാക്ക് എന്നിവയും നടുന്ന സമയത്ത് തടത്തില്‍ ചേര്‍ക്കണം. പൂവിടല്‍, കായിടല്‍ സമയങ്ങളിലും വിളവെടുപ്പ് കഴിഞ്ഞും രാസവളം ചേര്‍ക്കാം. വളം ചേര്‍ക്കല്‍പോലെ പ്രധാനമാണ് നടീല്‍, പൂവിടല്‍, കായിടല്‍ സമയത്തും ചൂടുകാലത്തും നന.കീട,രോഗബാധ പൊതുവേ കുറവാണ്. ചിലപ്പോള്‍ പുഴുക്കള്‍, ഉറുമ്പ്, മുഞ്ഞ എന്നിവയുടെ ശല്യം ചെറിയ തോതില്‍ കാണാറുണ്ട്. ഇവയ്‌ക്കെതിരെ ജൈവ കീടനാശിനി പ്രയോഗിക്കാം.
വിളവെടുപ്പ്
ശരിയായ പരിചരണത്തില്‍, നട്ട് രണ്ടാം വര്‍ഷം മുതല്‍ വിളവെടുപ്പ് ആരംഭിക്കാം. മൊട്ട് വന്നു കഴിഞ്ഞ് 20 - 25 ദിവസത്തിനകം പൂവ് വിടരും. രാത്രിയിലാണ് പൂവ് വിടരുന്നത്. പൂവ് വിടര്‍ന്ന് 25 - 30 ദിവസത്തിനുള്ളില്‍ അതു പഴമായിത്തുടങ്ങും. പഴമായവ 4 - 5 ദിവസത്തിനകം പറിച്ചു തുടങ്ങണം. ഇങ്ങനെ ഒരു വര്‍ഷം നാലു തവണ വരെ ഡ്രാഗണ്‍ ചെടി വിളവ് നല്‍കുന്നു. കേരളത്തിലെ കാലാവസ്ഥയില്‍ ജൂലൈ -ഡിസംബര്‍ മാസത്തിനിടെ കായ്ഫലം ലഭിക്കും. പഴുക്കുമ്പോള്‍ കായ്കളുടെ പുറം ചുവപ്പാകും. ഉദ്ദേശം 8 - 10 കിലോ വരെ കായ്കള്‍ ഒരു ചെടിയില്‍നിന്ന് ലഭിക്കും. പഴത്തിന് 300 - 500 ഗ്രാം തൂക്കം വരും. ഒരു കിലോ ഡ്രാഗണ്‍ പഴത്തിന് 200 - 250 രൂപ വിലയുണ്ട്. ജാം, ജെല്ലി, ഐസ്‌ക്രീം, ജ്യൂസ്, വൈന്‍, മുഖലേപനം എന്നിങ്ങനെ മൂല്യവര്‍ധിത ഉല്‍പന്നങ്ങള്‍ ഉണ്ടാക്കാനും ഡ്രാഗണ്‍ ഫ്രൂട്ട് ഉപയോഗിക്കുന്നു.
ഗുണങ്ങള്‍
ധാരാളം ആന്റി ഓക്സിഡന്റ് അടങ്ങിയിട്ടുള്ള ഈ പഴത്തിന് ഡയബെറ്റിസ്, കൊളസ്ട്രോള്‍, സന്ധിവേദന, ആസ്തമ, തുടങ്ങിയ രോഗങ്ങളെ പ്രതിരോധിക്കാനുള്ള ശേഷിയുണ്ട്. വൈറ്റമിന്‍, കാല്‍സ്യം, ധാതുലവണങ്ങള്‍ എന്നിവയും പഴങ്ങളില്‍ ധാരാളം അടങ്ങിയിട്ടുണ്ട്.
ഒന്നേകാല്‍ ഏക്കര്‍ സ്ഥലത്ത് 100 ആപ്പിള്‍ മരങ്ങള്‍, ഇവയില്‍ നിന്നും വര്‍ഷം തോറും ലഭിക്കുന്ന വരുമാനം 38 ലക്ഷം. ഇതില്‍ എന്താണ് പ്രത്യേകതയെന്ന ചോദ്യം മനസില്‍ ഉയര്‍ന്നിട്ടുണ്ടാകുമല്ലേ...? സന്തോഷ് ദേവി കേദാര്‍…
By Harithakeralam
മഴയൊന്നു മാറി നില്‍ക്കുന്നതിനാല്‍ പാഷന്‍ ഫ്രൂട്ട് തൈകള്‍ നടാന്‍ അനുയോജ്യമായ സമയമാണിപ്പോള്‍. പഴമായി കഴിക്കാനും സ്‌ക്വാഷു പോലുള്ള പാനീയങ്ങളും എന്തിന് അച്ചാറുണ്ടാക്കാന്‍ വരെ പാഷന്‍ ഫ്രൂട്ട് ഉപയോഗിക്കാം.…
By Harithakeralam
ഇന്തോനേഷ്യയുടെ സ്വന്തമായ സലാക്ക് അല്ലെങ്കില്‍ സ്‌നേക്ക് ഫ്രൂട്ടിന് കേരളത്തില്‍ ഈ അടുത്ത കാലത്ത് വളരെയധികം താരപരിവേഷം ലഭിച്ചിരിക്കുന്നു. കേരളത്തിന്റെ കാലാവസ്ഥ ഇതിന്റെ കൃഷിക്ക് അനുയോജ്യമാണ്. ഇവയുടെ ഇലകള്‍…
By Harithakeralam
സ്വന്തം ആവശ്യത്തിനുള്ള പച്ചക്കറി ഗ്രോബാഗില്‍ കൃഷി ചെയ്യുന്നവരാണ് നമ്മളില്‍ ഭൂരിഭാഗം പേരും. ഒരോ തവണ കൃഷി കഴിയുമ്പോഴും ഗ്രോബാഗ്, ചട്ടി, ഡ്രം എന്നിവ മാറ്റുകയെന്നത് പ്രയാസമുള്ള കാര്യമാണ്. നടീല്‍ മിശ്രിതം…
By Harithakeralam
നേന്ത്രന് വില 100 ലേക്ക് അടുക്കുകയാണ്, മറ്റിനങ്ങള്‍ക്കും ഇതുവരെ കാണാത്ത വിലക്കയറ്റമാണ്. പ്രതികൂല കാലാവസ്ഥ കാരണം ഇത്തവണ വാഴപ്പഴ ഉത്പാദനം കേരളത്തില്‍ വളരെ കുറവാണ്. കനത്ത ചൂടില്‍ വാഴയെല്ലാം നശിച്ചു.…
By Harithakeralam
വാഴപ്പഴത്തിന് നല്ല വിലയാണിപ്പോള്‍ കേരളത്തില്‍. നേന്ത്രനും ചെറുപഴത്തിനുമെല്ലാം വില അമ്പത് കടന്നു. പൂവനും ഞാലിപ്പൂവനുമെല്ലാം ഉടനെ സെഞ്ച്വറിയടിക്കും. ഓണമെത്തുന്നതോടെ ഇനിയും വില കയറുമെന്ന പ്രതീക്ഷയിലാണ് കര്‍ഷകര്‍.…
By Harithakeralam
ഒരു പഴത്തിന് എത്ര പേരുകള്‍ വരെയാകാം...? ഈ ചോദ്യം സ്റ്റാര്‍ ഫ്രൂട്ടിന്റെ കാര്യത്തിലാണെങ്കില്‍ അല്‍പ്പം കുഴങ്ങിപ്പോകും. ആരംപുളി, കാചെമ്പുളി, നക്ഷത്രപ്പുളി, ചതുരപ്പുളി, ആനയിലുമ്പന്‍പുളി, ആനയിലുമ്പി, വൈരപ്പുളി,…
By Harithakeralam
ദേശീയ മാമ്പഴ ദിനമാണിന്ന്... ജൂലൈ 22. സമ്പന്നമായൊരു മാമ്പഴ പാരമ്പര്യമുള്ള രാജ്യമാണ് നമ്മുടെ ഭാരതം. വിവിധയിനം മാങ്ങള്‍ നമ്മുടെ രാജ്യത്തിന് സ്വന്തമായിട്ടുണ്ട്. ലോകത്തിലെ ഏറ്റവും വലിയ മാമ്പഴ കര്‍ഷകനും ഇന്ത്യക്കാരന്‍…
By Harithakeralam
© All rights reserved | Powered by Otwo Designs
Leave a comment