വെള്ളരി വര്‍ഗ വിളകളില്‍ ഈ സമയത്ത് രോഗ-കീട ബാധ വളരെയധികം കൂടുതലായിരിക്കും
By Harithakeralam
വെള്ളരി, കുമ്പളം, പാവല്‍, ചിരങ്ങ, പീച്ചിങ്ങ, പടവലം, മത്തന്‍ , തണ്ണിമത്തന്‍ തുടങ്ങിയ വെള്ളരി വര്‍ഗ വിളകള്‍ കൃഷി ചെയ്യാന്‍ അനുയോജ്യമായ സമയമാണിപ്പോള്‍. വള്ളി വീശി വളരുന്നവയാണ് വെള്ളരി വര്‍ഗ വിളകള്‍. ഇതില്‍ പാവയ്ക്ക, പീച്ചിങ്ങ, പടവലം തുടങ്ങിയവ പന്തല്‍ വിളകളുമാണ്. ഇവയ്ക്ക് കീട-രോഗ ബാധ ഈ സമയത്ത് വളരെയധികം കൂടുതലായിരിക്കും. ഉര്‍ന്ന ആര്‍ദ്രത, ഊഷ്മാവ് എന്നിവ രോഗബാധ വര്‍ധിപ്പിക്കും.
വെള്ളരിവര്‍ഗ വിളകളില്‍ മഞ്ഞുകാലത്ത് സാധാരണയായി കാണപ്പെടുന്ന രോഗമാണ് പൊടിക്കുമിള്‍ അല്ലെങ്കില്‍ ചൂര്‍ണ്ണപ്പൂപ്പ്. ഇലപ്പരപ്പിലും തണ്ടിലും വെളുത്ത പൂപ്പല്‍ കാണപ്പെടും. ഇലകള്‍ മഞ്ഞളിച്ചു കരിയും. വെയില്‍ ആവശ്യത്തിന് ലഭിക്കാത്ത സ്ഥലങ്ങളില്‍ പ്രശ്‌നം രൂക്ഷമായിരിക്കും.
.jpg)
പ്രതിരോധ മാര്‍ഗം
1. വെറ്റബിള്‍ സര്‍ഫര്‍ 2 ഗ്രാം ഒരു ലിറ്റര്‍ വെള്ളത്തില്‍ കലക്കി പ്രയോഗിക്കാം.
2. ബേക്കിങ് സോഡ അഞ്ച് ഗ്രാം ഒരു ലിറ്റര്‍ വെള്ളത്തില്‍ കലക്കി തൡക്കാം.
3. പ്രതിരോധ ശേഷിയുള്ള ഇനങ്ങള്‍ കൃഷി ചെയ്യുക.
4. തോട്ടത്തില്‍ വായുസഞ്ചാരം ഉറപ്പ് വരുത്തുക.
5. പുളിച്ച മോരിന്‍ വെള്ളം 6 ലിറ്റര്‍ 100 ലിറ്റര്‍ വെളളത്തില്‍ എന്ന തോതില്‍ കലക്കി
തളിക്കുക.
6. ചുക്ക്-പാല്‍ കഷായം തളിക്കുക.
നിലവിലെ കാലാവസ്ഥയില്‍ വെള്ളരി വര്‍ഗവിളകളുടെ വലിയ ശത്രുവാണ് മത്തന്‍ വണ്ട്. മത്തന്‍, ചിരങ്ങ, വെളളരി, തണ്ണിമത്തന്‍ തുടങ്ങിയ വെളളരി വര്‍ഗ വിളകളെയെല്ലാം ദിവസങ്ങള്‍ കൊണ്ടു പൂര്‍ണമായി നശിപ്പിക്കാന്‍ ഈ ഇത്തിരിക്കുഞ്ഞന്‍ ജീവി മതി. ഇലകളിലും പൂക്കളിലും ദ്വാരങ്ങള്‍ ഉണ്ടാക്കുന്നതിനാല്‍ വള്ളികളുടെ വളര്‍ച്ച മുരടിക്കുകയും ചെടി ഉണങ്ങാന്‍ കാരണമാകുകയും ചെയ്യുന്നു. ഇവയുടെ പുഴുക്കള്‍ മണ്ണിനടിയില്‍ വസിക്കും, വേരും തണ്ടും തിന്നു നശിപ്പിക്കും.
.jpg)
നിയന്ത്രണം
1. വേപ്പിന്‍കുരു സത്ത് 5% വീര്യത്തില്‍ തളിക്കുക.
2. വെളുത്തുളളി കാന്താരി സത്ത് തളിക്കുക.
അന്തരീക്ഷത്തില്‍ ചൂട് കൂടിയാല്‍ ഈ രോഗം സാധാരണയായി വരാറുണ്ട്. ചെടികള്‍ വാടി നശിക്കും. മൂത്ത ഇലകള്‍ മഞ്ഞളിക്കുകയും വാടുകയും ചെയ്യുന്നു. വികൃതവും വലിപ്പവുമില്ലാത്ത കായ്കളായിരിക്കുമുണ്ടാകുക. ഇതു മൂലം കര്‍ഷകര്‍ക്ക് വലിയ നഷ്ടമുണ്ടാകും.
നിയന്ത്രണം
1. വാട്ടരോഗത്തെ പ്രതിരോധിക്കുന്ന ഇനങ്ങള്‍ നടുക.
2. രോഗം വന്ന ചെടികള്‍ പിഴുത് നശിപ്പിക്കുക.
3. വിള ചംക്രമണം അനുവര്‍ത്തിക്കുക.
4. കൃഷിയിടത്തില്‍ നല്ല നീര്‍വാര്‍ച്ച ഉറപ്പാക്കുക, തടത്തില്‍ വെള്ളം കെട്ടികിടക്കാന്‍ സമ്മതിക്കരുത്.
5. രണ്ടു കിലോ ട്രൈക്കോഡര്‍മ 200 ലിറ്റര്‍ വെള്ളത്തില്‍ എന്ന കണക്കില്‍ ചെടികളുടെ ചുവട്ടിലൊഴിച്ചു കൊടുക്കുക.
അടുക്കളയില്‍ നിന്ന് നാം ദിവസവും ഒഴിവാക്കുന്ന മുട്ടത്തോട് ചായ ചണ്ടി, പഴത്തൊലി, ഉള്ളിത്തോലി, തുടങ്ങിയവ കൊണ്ട് ചെടികളുടെ വളര്‍ച്ചക്ക് ഉദകുന്ന നല്ല ഒരു വളര്‍ച്ചാ ഹോര്‍മോണ്‍ തയ്യാറാക്കാം.നൈട്രജന്‍, ഫോസ്ഫറസ്…
By Harithakeralam
വെള്ളരി, കുമ്പളം, പാവല്‍, ചിരങ്ങ, പീച്ചിങ്ങ, പടവലം, മത്തന്‍ , തണ്ണിമത്തന്‍ തുടങ്ങിയ വെള്ളരി വര്‍ഗ വിളകള്‍ കൃഷി ചെയ്യാന്‍ അനുയോജ്യമായ സമയമാണിപ്പോള്‍. വള്ളി വീശി വളരുന്നവയാണ് വെള്ളരി വര്‍ഗ വിളകള്‍.…
By Harithakeralam
ഇടയ്ക്ക് മഴ തടസമുണ്ടാക്കിയെങ്കിലും ചീരക്കൃഷി ചെയ്യാന്‍ അനുയോജ്യമായ സമയമാണിപ്പോള്‍. വെയില്‍ ശക്തമായി ലഭിക്കുന്നതിനാല്‍ ചീരകള്‍ നല്ല പോലെ വളര്‍ച്ച നേടിയിട്ടുണ്ടാകും. എന്നാല്‍ ചീര വണ്ടിന്റെ ആക്രമണമിപ്പോള്‍…
By Harithakeralam
എത്ര വളമിട്ടിട്ടും പരിചരണം നല്‍കിയിട്ടും പച്ചമുളക്, വെണ്ട, വഴുതന തുടങ്ങിയ വിളകള്‍ ഇലകള്‍ മഞ്ഞളിച്ച് മുരടിച്ചു നില്‍ക്കുന്നുണ്ടോ...? കീടങ്ങളുടെ ആക്രമണം കാരണവും വേണ്ട രീതിയില്‍ വളങ്ങള്‍ ലഭിക്കാത്തതുമാകാം…
By Harithakeralam
മൂടിക്കെട്ടിയ അന്തരീക്ഷസ്ഥിതിയാണിപ്പോള്‍ കേരളത്തില്‍. പലയിടത്തും ഒറ്റപ്പെട്ട് ശക്തമായ മഴ ലഭിക്കുന്നുണ്ടെങ്കിലും അന്തരീക്ഷമാകെ മൂടിക്കെട്ടിയ അവസ്ഥയിലാണ്. ന്യൂനമര്‍ദം കാരണമാണ് ഈ അവസ്ഥയെങ്കിലും കര്‍ഷകര്‍ക്ക്…
By Harithakeralam
ഈ കാലാവസ്ഥയില്‍ നല്ല വിളവ് തരുന്ന പച്ചക്കറികളാണ് പച്ചമുളകും പയറും. നമ്മുടെ ഭക്ഷണ സംസ്‌കാരത്തില്‍ ഈ രണ്ടിനങ്ങള്‍ക്കും വലിയ സ്ഥാനമുണ്ടു താനും. രോഗങ്ങളും കീടങ്ങളും വലിയ തോതില്‍ ആക്രമിക്കുന്ന ചെടികളാണ് ഇവ…
By Harithakeralam
ശക്തമായ മഴ മാറി വെയിലും കുറച്ചു മഞ്ഞും കൂടിയുള്ള കാലാവസ്ഥയാണിപ്പോള്‍. കൃഷിക്ക് ഏറെ അനുയോജ്യമായ സമയമാണെങ്കിലും കീടങ്ങളുടെ ആക്രമണമിക്കാലത്ത് രൂക്ഷമായിരിക്കും. നീരൂറ്റിക്കുടിക്കുന്ന കീടങ്ങളാണ് ഇക്കാലത്ത്…
By Harithakeralam
കാലാവസ്ഥയിലുണ്ടാകുന്ന മാറ്റങ്ങള്‍ മൂലം നമ്മുടെ മണ്ണില്‍ നിന്ന് പല മൂലകങ്ങളും ഇല്ലാതാവുകയോ അളവില്‍ കുറവ് വരുകയോ ചെയ്തിട്ടുണ്ട്. ഇതിനാല്‍ പച്ചക്കറികളും പഴ വര്‍ഗങ്ങളും കൃഷി ചെയ്യുമ്പോള്‍ വേണ്ട രീതിയിലുള്ള…
By Harithakeralam
© All rights reserved | Powered by Otwo Designs
.jpg)
Leave a comment