ഇലപ്പുള്ളി രോഗമാണ് ചീരയുടെ പ്രധാന ശത്രു. ഇതിനെ നിയന്ത്രിക്കാനുള്ള മാര്‍ഗങ്ങള്‍ നോക്കാം.
By Harithakeralam
മനുഷ്യന് ഏറെ ഗുണങ്ങള്‍ നല്‍കുന്ന ഇലക്കറിയാണ് ചീര. ശ്രദ്ധയോടെ പരിപാലിച്ചാല്‍ ഏതു കാലത്തും ചീരയില്‍ നിന്നും നല്ല വിളവ് ലഭിക്കും. ഇലപ്പുള്ളി രോഗമാണ് ചീരയുടെ പ്രധാന ശത്രു. ഇതിനെ നിയന്ത്രിക്കാനുള്ള മാര്‍ഗങ്ങള്‍ നോക്കാം.
ഇലപ്പുള്ളിരോഗം
ഇലപ്പുള്ളി രോഗമാണ് ചീരയെ ബാധിക്കുന്ന പ്രധാന രോഗം. ചുവന്ന ചീരയെയാണ് ഇതു പ്രധാനമായും ബാധിക്കുന്നത്.
1. നനയ്ക്കുമ്പോള്‍ മണ്ണിലെ ചെളി തെറിച്ച് ഇലകളില്‍ പടരുന്നതിലൂടെയാണ് പ്രധാനമായും ഇലപ്പുള്ളി രോഗം ഉണ്ടാകുന്നത്. നനയ്ക്കുമ്പോള്‍ ചുവട്ടില്‍ മാത്രം വെള്ളമൊഴിക്കാന്‍ ശ്രമിക്കുക.
2. ചുവന്ന ചീരയോടൊപ്പം പ്രതിരോധശേഷിയുള്ള പച്ചയിനം കൂടി കലര്‍ത്തി വിതറുക.
3. സ്യൂഡോമോണസ് വിത്തില്‍ പുരട്ടി അര മണിക്കൂര്‍ തണലില്‍ വച്ചതിനുശേഷം നടുക.
.png)
4. പറിച്ചു നടുകയാണെങ്കില്‍ 20 ഗ്രാം സ്യൂഡോമോണസ് ഒരു ലിറ്റര്‍ വെള്ളമെന്ന തോതില്‍ കലക്കി വേരു മുക്കി നടുകയോ,നട്ട ശേഷം ചുവട്ടിലൊഴിക്കുകയോ ചെയ്യാം.
5. വിത്തു നടുന്ന സ്ഥലം നല്ലപോലെ കിളച്ചു കല്ലും കളയും കട്ടയും മാറ്റി നന്നായി ജൈവാംശം ചേര്‍ക്കുക.
6. കോഴിവളം, ചകിരിച്ചോര്‍, ചാണകസ്ലറി, തൊഴുത്തു കഴുകിയ വെള്ളം മൂത്രത്തോടൊപ്പം നേര്‍പ്പിച്ചത് എന്നിവ ഒഴിക്കുന്നത് ചീര വേഗത്തില്‍ വളരാന്‍ സഹായിക്കും.
7. ട്രെക്കോഡര്‍മ്മ ചേര്‍ത്തു സമ്പുഷ്ടമാക്കിയ ജൈവവളം മണ്ണില്‍ ചേര്‍ത്ത ശേഷം വിത്തിടുക.
8. ഇലപ്പുള്ളി കാണുന്ന ചെടികള്‍ ഉടന്‍ പറിച്ചുമാറ്റുക.
9. ഒരു ടീസ്പൂണ്‍ അപ്പക്കാരത്തില്‍ 4 ടീസ്പൂണ്‍ മഞ്ഞള്‍പൊടി ചേര്‍ത്ത് 6 ലിറ്റര്‍ വെള്ളത്തില്‍ കലര്‍ത്തി ഇലകളില്‍ തളിക്കുന്നത് ഇലപ്പുള്ളി രോഗവ്യാപനം തടയും.
കൂടുകെട്ടി പുഴു/ ഇല തീനി പുഴുക്കള്‍
ഇലകളില്‍ കൂടുകെട്ടി തിന്നു നശിപ്പിക്കുകയാണ് ഇവ ചെയ്യുക.
1. പുഴുക്കളെ ഇലയോടുകൂടി ശേഖരിച്ച് നശിപ്പിക്കുക.
2. ജൈവകീടനാശിനി (ബിടികെ) 20 ഗ്രാം ഒരു ലിറ്റര്‍ വെള്ളത്തിലെന്ന തോതില്‍ കലക്കി തളിക്കുക.
3. പെരുവലത്തിന്റെ ഇലച്ചാര്‍ 45 മില്ലി ഒരു ലിറ്റര്‍ വെള്ളം എന്ന തോതില്‍ തളിക്കാം.
4. വേപ്പിന്‍ പിണ്ണാക്ക് ചേര്‍ത്ത് വിത്തു നടുക.
5. വേപ്പധിഷ്ടിത കീടനാശിനി 5% വീര്യത്തില്‍ തളിക്കുക.
.jpg){kind=tracking}
തക്കാളി, വഴുതന, മുളക് മുതലായ വിളകളില്‍ പതിവായി കാണുന്ന പ്രശ്‌നമാണ് ബാക്ടീരിയല്‍ വാട്ടം. തക്കാളിയും വഴുതനയും ഇതു മൂലം വിളവ് നല്‍കാതെ മുരടിച്ചു നിന്നു നശിക്കും. രോഗം വന്നതിനു ശേഷം പ്രതിവിധി തേടിയിട്ട് വലിയ…
By Harithakeralam
ഇടയ്‌ക്കൊരു മഴ ലഭിക്കുന്നുണ്ടെങ്കിലും വെയില്‍ ഇപ്പോഴും കേരളത്തില്‍ ശക്തമാണ്. അടുക്കളത്തോട്ടത്തിലെ പച്ചക്കറികളിലും ഇതു പല പ്രശ്‌നങ്ങള്‍ക്കും കാരണമാകും. ചീര, വഴുതന, പച്ചമുളക് തുടങ്ങിയ പച്ചക്കറികള്‍ക്കാണ്…
By Harithakeralam
ചൂടുള്ള കാലാവസ്ഥയില്‍ കീടങ്ങളുടെ ആക്രമണം പൊതുവേ കൂടുതലയാരിക്കും. കൃഷി തുടങ്ങുമ്പോള്‍ തന്നെ ചില മാര്‍ഗങ്ങള്‍ സ്വീകരിച്ചാല്‍ ഒരു പരിധിവരെ ഇവയെ അകറ്റാം. രോഗ കീടങ്ങളില്‍ നിന്ന് പച്ചക്കറി വിളകളെ സംരക്ഷിച്ചു…
By Harithakeralam
ജനുവരി മുതല്‍ മാര്‍ച്ച് വരെയുള്ള കാലം കേരളത്തില്‍ പാവയ്ക്ക കൃഷി ചെയ്യാന്‍ അനുയോജ്യമാണ്. വേനല്‍ മഴ ലഭിച്ചു വിഷു കഴിഞ്ഞാല്‍ മേയിലും കൃഷി തുടങ്ങാം. കേരളത്തിലെ കാലാവസ്ഥയില്‍ നല്ല വിളവ് തരുന്ന പച്ചക്കറിയാണിത്.…
By Harithakeralam
ഗ്രോബാഗില്‍ നല്ല വിളവ് തരുന്ന പച്ചക്കറി ഏതാണ്...? ഈ ചോദ്യത്തിന് ആദ്യ ഉത്തരം വെണ്ട എന്നു തന്നെയാണ്. ഗ്രോബാഗിലും ചാക്കിലും ചട്ടിയിലുമെല്ലാം വളര്‍ത്താന്‍ ഏറ്റവും നല്ല വിളയാണ് വെണ്ട. ഏതു കാലാവസ്ഥയിലും…
By Harithakeralam
ഗുണങ്ങള്‍ നിറഞ്ഞ പച്ചക്കറിയാണ് കുമ്പളം. വള്ളിയായി വളരുന്ന ഈ പച്ചക്കറി നിലത്ത് വളര്‍ത്തിയും പന്തലിട്ടും വളര്‍ത്താം. രുചികരമായ കറികളുണ്ടാക്കാനും ജ്യൂസ് തയാറാക്കാനുമെല്ലാം കുമ്പളം നല്ലതാണ്. എന്നാല്‍ ഈ പച്ചക്കറി…
By Harithakeralam
വേനല്‍ക്കാലത്തും നല്ല വിളവ് തരുന്ന പച്ചക്കറികളാണ് പന്തല്‍ വിളകള്‍. പാവല്‍, കോവല്‍, പടവലം, പയര്‍ തുടങ്ങിയവ വെയിലിനെ ഇഷ്ടപ്പെടുന്നവയാണ്. ഇവയെ പന്തിലിട്ടാണ് വളര്‍ത്തുക. എന്നാല്‍ ഈ കാലാവസ്ഥയില്‍…
By Harithakeralam
ജനുവരിയുടെ തുടക്കം മുതല്‍ നല്ല വെയിലാണ് ലഭിക്കുന്നത്. ചൂട് അസഹ്യമായി തുടരുന്നു. മനുഷ്യരും മൃഗങ്ങളുമെല്ലാം പലതരം രോഗങ്ങള്‍ കാരണം ദുരിതത്തിലാണ്. നമ്മുടെ തോട്ടത്തിലെ പച്ചക്കറിച്ചെടികളുടെ അവസ്ഥയും ഇതുതന്നെയാണ്.…
By Harithakeralam
© All rights reserved | Powered by Otwo Designs
Leave a comment