ചടിമുരിങ്ങ നല്ല പോലെ വളരാനും കായ്ക്കാനും സഹായിക്കുന്ന ചില മാര്‍ഗങ്ങള്‍ നോക്കാം.
By Harithakeralam
അടുക്കളത്തോട്ടത്തില്‍ നിര്‍ബന്ധമായും നട്ട് വളര്‍ത്തേണ്ട ഇലക്കറിയാണ് മുരിങ്ങ. ഗുണങ്ങള്‍ നിറഞ്ഞ മുരിങ്ങ വിഭവങ്ങള്‍ ആഴ്ചയിലൊരിക്കെലെങ്കിലും കഴിക്കണം. വലിയ ഉയരത്തില്‍ വളര്‍ന്നു പോകുന്നതിനാല്‍ കുറച്ചു സ്ഥലത്ത് കൃഷി ചെയ്യുന്നവര്‍ക്ക് ഏറെ അനുയോജ്യമാണ് ചെടി മുരിങ്ങ. എന്നാല്‍ ചെടിമുരിങ്ങ നല്ല പോലെ വളരാനും കായ്ക്കാനും സഹായിക്കുന്ന ചില മാര്‍ഗങ്ങള്‍ നോക്കാം.
1. ഏപ്രില്‍- മെയ് മാസങ്ങളാണ് ചെടിമുരിങ്ങ നടാന്‍ അനുയോജ്യം. എന്നാല്‍ മഴക്കാലത്് വളര്‍ന്നു വലുതായി സപ്റ്റംബര്‍- ഒക്‌റ്റോബര്‍ മാസത്തില്‍ പൂവിടാന്‍ തുടങ്ങും. വേനല്‍ക്കാലമാണ് പൂവിടാന്‍ അനുയോജ്യം.
2. കുരു, തൈ എന്നിവ നടീല്‍ വസ്തുക്കളാക്കാം. തമിഴ്‌നാട് സര്‍വകലാശാല പുറത്തിറക്കിയ പികെഎം 1, പികെഎം 2 എന്നീ ഇനങ്ങളാണ് കേരളത്തില്‍ അനുയോജ്യം. നല്ല മാംസളമായ വലിയ കായ്കളാണ് ഈയിനങ്ങളുടെ പ്രത്യേകത.
3. കുരുവിന്റെ പുറം തോട് പൊട്ടിച്ചു ഒരിക്കലും നടാന്‍ പാടില്ല. ഇങ്ങനെ നട്ടാല്‍ വളര്‍ന്നു വരുന്ന തൈകള്‍ക്ക് ആരോഗ്യമുണ്ടാകില്ല. ഒരു ഗ്ലാസില്‍ പകുതി പച്ചവെള്ളവും മറ്റേ പകുതി ചൂടുവെള്ളവും നിറച്ച് വിത്തുകള്‍ 24 മണിക്കൂര്‍ ഇതിലിട്ട് വയ്ക്കുക. എന്നിട്ട് നട്ടാല്‍ ഒരാഴ്ച മുതല്‍ 10 ദിവസം കൊണ്ടു മുളവരും.
.png)
4. ദിവസം എട്ട് മുതല്‍ പത്ത് മണിക്കൂറെങ്കിലും വെയില്‍ ലഭിക്കുന്ന സ്ഥലത്ത് മാത്രമേ തൈ നടാവൂ. മഴക്കാലത്ത് വെള്ളം കെട്ടി കിടക്കാതിരിക്കാന്‍ ശ്രദ്ധിക്കണം.
5. വലിയ ഗ്രോബാഗിലും ചട്ടിയിലും ഡ്രമ്മിലുമെല്ലാം ചെടിമുരിങ്ങ നടാം. ചാണകം, കമ്പോസ്റ്റ്, എല്ല് പൊടി, വേപ്പിന്‍ പിണ്ണാക്ക് എന്നിവയെല്ലാം ചേര്‍ത്ത് വേണം നടാന്‍. നട്ട് കഴിഞ്ഞാല്‍ പിന്നെ നല്ല വെയിലാണെങ്കില്‍ ആഴ്ചയിലൊരിക്കല്‍ മിതമായ നന നല്‍കണം. ഗ്രോബാഗ്, ചട്ടി എന്നിവയില്‍ ഈര്‍പ്പത്തിന്റെ അളവ് നോക്കി ആഴ്ചയില്‍ രണ്ടു തവണ വെള്ളം നല്‍കാം.
6. ചെടി നട്ട് വളര്‍ന്ന് ഒന്നര അടി പൊക്കമായാല്‍ തലപ്പ് നുള്ളി കൊടുക്കണം. കൂടുതല്‍ ശിഖരങ്ങളുണ്ടായി ചെടിയായി വളരാന്‍ പ്രൂണിങ് നിര്‍ബന്ധമാണ്. തലപ്പ് നുള്ളിയ ഭാഗത്ത് നിന്നും വീണ്ടും വി ആകൃതിയില്‍ ശിഖരങ്ങളുണ്ടാകും. ഇവ ഒന്നര അടിയെത്തിയാല്‍ നുള്ളി കൊടുക്കണം. ഇങ്ങനെ ചെയ്താല്‍ മാത്രമേ മുരിങ്ങ ചെടിയായി പടര്‍ന്ന് പന്തലിച്ചു വളരൂ. ഇല്ലെങ്കില്‍ മരം പോലെ മുകളിലേക്ക് പോകും.
7. നട്ട് ഒരു മാസം കഴിഞ്ഞാല്‍ കാലിവളം, കമ്പോസ്റ്റ്, എല്ല് പൊടി എന്നിവ നല്‍കാം. പിന്നെ മഴക്കാലത്ത് യാതൊരു പരിചരണവും ആവശ്യമില്ല. മഴമാറി സെപ്റ്റംബര്‍- ഒക്‌റ്റോബര്‍ ആകുമ്പോഴേക്കും മുരിങ്ങ പൂക്കാന്‍ തുടങ്ങും. പൂവിട്ടാല്‍ പിന്നെ നനയ്ക്കരുത്. ഈ സമയത്ത് ഫിഷ് അമിനോ ആസിഡ് സ്േ്രപ ചെയ്യുക.
8. കായ് തിരിയിട്ടാല്‍ ചെറുതായി നനച്ചു കൊടുക്കാം. ഈ സമയത്ത് ഇലകള്‍ക്ക് മഞ്ഞളിപ്പുണ്ടെങ്കില്‍ തടത്തില്‍ നിന്നും രണ്ടടി മാറി ചാണകമിട്ടു കൊടുക്കാം.
തക്കാളിക്കൃഷി തുടങ്ങാന്‍ അനുയോജ്യമായ സമയമാണിപ്പോള്‍. ഗ്രോബാഗിലും നിലത്തുമെല്ലാം തക്കാളി തൈകള്‍ നട്ട് തുടങ്ങാം. പൊതുവെ കേരളത്തിന്റെ മണ്ണില്‍ തക്കാളി നല്ല വിളവ് തരാന്‍ പ്രയാസമാണ്, മണ്ണിലെ അമ്ലതയാണ് പ്രശ്നം.…
By Harithakeralam
അനുകൂല കാലാവസ്ഥയായതിനാല്‍ പച്ചക്കറി ചെടികള്‍ നല്ല ആരോഗ്യത്തോടെ വളരുന്നുണ്ടാകും. ഇലകളാണ് എല്ലാ ചെടികളുടെയും പ്രധാന ഭാഗം. നിരവധി കീടങ്ങളും രോഗങ്ങളും ഇലകളെ ബാധിക്കുന്നത് സാധാരണമാണ്. ഇലകള്‍ നശിച്ചാല്‍ ചെടിയും…
By Harithakeralam
മഴയും വെയിലുമൊന്നും പ്രശ്‌നമല്ലാതെ നല്ല വിളവ് തരുന്ന വിളയാണ് പച്ചമുളക്. കുറച്ചു ദിവസം വെള്ളത്തില്‍ നിന്നാലും പ്രശ്‌നമല്ല മുളക് ചെടി കായ്ക്കും. എന്നാല്‍ രോഗങ്ങളും കീടങ്ങളും ഏതു കാലാവസ്ഥയിലും മുളകിനെ ബാധിക്കും.…
By Harithakeralam
മഴക്കാലത്ത് നല്ല വിളവ് തരുന്ന വിളയാണ് പച്ചമുളക്. വെയിലും മഴയുമൊന്നും പ്രശ്‌നമല്ലാതെ പച്ചമുളക് വളരും. കേരളത്തില്‍ പച്ചമുളക് കൃഷി ചെയ്യാന്‍ അനുയോജ്യമായ സമയവുമിതാണ്. എന്നാല്‍ മുരടിപ്പ്, പൂ കൊഴിച്ചില്‍…
By Harithakeralam
ഏതു കാലാവസ്ഥയിലും നല്ല വിളവ് തരുന്ന പച്ചക്കറിയാണ് പയര്‍ അഥവാ അച്ചിങ്ങ. നമുക്കാവശ്യമായ വിറ്റാമിനുകളും ധാതുലവണങ്ങളും പ്രോട്ടീനും ഏറ്റവും കൂടുതലായി അടങ്ങിയിട്ടുള്ളത് പയറു വര്‍ഗങ്ങളിലാണ്. വിറ്റാമിന്‍ കെ,…
By Harithakeralam
മഴ ശക്തമായി തുടരുന്നതിനാല്‍ അടുക്കളത്തോട്ടത്തില്‍ കൃത്യമായ പരിപാലനം ആവശ്യമാണ്. തെങ്ങിന്‍ തോട്ടം, കുരുമുളക്, പച്ചക്കറി തുടങ്ങിയ വിളകള്‍ക്കാണ് ഈ സമയത്ത് പ്രത്യേക പരിപാലനം ആവശ്യമുള്ളത്.
By Harithakeralam
കാലവര്‍ഷം നേരത്തെ എത്തിയിരിക്കുകയാണ് കേരളത്തില്‍. നല്ല മഴ രണ്ടു ദിവസമായി എല്ലായിടത്തും ലഭിക്കുന്നു. പലയിടത്തും കൃഷിത്തോട്ടം വെള്ളത്തിലായി കഴിഞ്ഞു. ജാതി, പച്ചക്കറികള്‍, കുരുമുളക് പോലുള്ള വിളകള്‍ക്ക് പ്രത്യേക…
By Harithakeralam
മലയാളികള്‍ക്ക് ഏറെ പ്രിയപ്പെട്ട പച്ചക്കറിയാണ് കോവല്‍. ശരീരത്തിന്റെ രോഗ പ്രതിരോധ ശേഷി വര്‍ദ്ധിപ്പിക്കാനും ഹൃദയം, തലച്ചോറ്, വൃക്ക എന്നിവയുടെ ശരിയായ പ്രവര്‍ത്തനത്തിനും കോവല്‍ പതിവായി കഴിക്കുന്നതു നല്ലതാണ്.…
By Harithakeralam
© All rights reserved | Powered by Otwo Designs
Leave a comment