വരാന്തയിലും വീടിനകത്തും വളര്‍ത്തുന്നവയാകയാല്‍ ഇവയ്ക്ക് വളരെ കുറച്ചു വെള്ളം മതി. മിതമായ വളപ്രയോഗവും മതി. ചുവടിളക്കി വളം കൊടുക്കുന്നതിനേക്കാള്‍ ഗുണം ചെയ്യുക ദ്രാവകരൂപത്തിലുള്ള വളങ്ങള്‍ ഇലകളില്‍ തളിച്ച് കൊടുക്കുന്നതാണ്. രണ്ടാഴ്ച കൂടുമ്പോള്‍ ഇലകള്‍ നനഞ്ഞ പഞ്ഞി കൊണ്ട് തുടക്കുന്നത് ഇലകളുടെ ഭംഗിയും തിളക്കവും നിലനിര്‍ത്താന്‍ സഹായിക്കും.
By ജോര്‍ജ് ജോസഫ് പാരുമണ്ണില്‍
അഗ്ലോനിമ, ഡിഫന്‍ ബക്കിയ, കലാത്തിയ, ഡ്രസീന, ഫേണ്‍സ്, മണി പ്ലാന്റ് (Pothos) ഇനങ്ങള്‍, ഇല ആന്തൂറിയം, സിങ്കോണിയം, ദൗ്വൗ ചെടി, സ്‌നേക്ക് പ്ലാന്റ്‌സ് (സാന്‍സിവേരിയ)കുള്ളന്‍ പനക്കര്‍, ഫിലോ ഡെന്‍ഡ്രോണ്‍ തുടങ്ങി ഒട്ടനവധി ഇനങ്ങള്‍ ഈ വിഭാഗത്തില്‍ പെടുന്നവയാണ്. അവനവന്റെ ഇഷ്ടവും സ്ഥല ലഭ്യതയും കണക്കിലെടുത്ത് ചെടികള്‍ തെരഞ്ഞെടുക്കാം. വരാന്തയിലും വീടിനകത്തും വളര്‍ത്തുന്നവയാകയാല്‍ ഇവയ്ക്ക് വളരെ കുറച്ചു വെള്ളം മതി. മിതമായ വളപ്രയോഗവും മതി. ചുവടിളക്കി വളം കൊടുക്കുന്നതിനേക്കാള്‍ ഗുണം ചെയ്യുക ദ്രാവകരൂപത്തിലുള്ള വളങ്ങള്‍ ഇലകളില്‍ തളിച്ച് കൊടുക്കുന്നതാണ്. രണ്ടാഴ്ച കൂടുമ്പോള്‍ ഇലകള്‍ നനഞ്ഞ പഞ്ഞി കൊണ്ട് തുടക്കുന്നത് ഇലകളുടെ ഭംഗിയും തിളക്കവും നിലനിര്‍ത്താന്‍ സഹായിക്കും. ജൈവകുമിള്‍ കീടനാശിനികള്‍ മാസത്തിലൊരിക്കല്‍ ചെടി മുഴുവനായി തളിക്കുന്നതും തടത്തില്‍ ഒഴിച്ചുകൊടുക്കുന്നതും രോഗകീടബാധയില്‍ നിന്നും ചെടികളെ വലിയ അളവില്‍ സംരക്ഷിക്കും. ഉണങ്ങിയതും പഴുത്തതുമായ ഇലകള്‍ കാണുമ്പോള്‍ തന്നെ നീക്കം ചെയ്യണം. ഒരു മാസത്തില്‍ 10 ദിവസമെങ്കിലും ഈ ചെടികള്‍ ചട്ടിയോടെ പുറത്തെടുത്തു വെച്ച് വെയില്‍ കൊള്ളിക്കുന്നത് ചെടിയുടെ ആരോഗ്യകരമായ വളര്‍ച്ചയ്ക്കും ആയുസ്സ് കൂട്ടുന്നതിനും സഹായകരമാകും.
മണ്‍ സെറാമിക് ചട്ടികളേക്കാള്‍ ഇത്തരം ചെടികള്‍ വളര്‍ത്തുവാന്‍ അനുയോജ്യം പ്ലാസ്റ്റിക് ചട്ടികള്‍ ആണ്. വലുപ്പം കൂടിയ ചട്ടികള്‍ ഒഴിവാക്കുക 8-10 ഇഞ്ച് വ്യാസമുള്ള ചട്ടികള്‍ മതിയാകും. വേണമെങ്കില്‍ ഇവ വലുപ്പം കൂടിയ ചട്ടികളില്‍ ഇറക്കിവെച്ച് വളര്‍ത്തുകയും ആവാം. വെള്ളം വാര്‍ന്നു പോകുവാന്‍ വേണ്ടത്ര ദ്വാരങ്ങള്‍ ചട്ടിക്കുണ്ടെന്ന് ആദ്യമേ ഉറപ്പുവരുത്തണം. ചട്ടിയുടെ അടിയില്‍ ഒരു ട്രേ വെക്കുന്നത് നനയ്ക്കുമ്പോള്‍ അടിയിലൂടെ ഊര്‍ന്നിറങ്ങുന്ന ജലം നിലത്ത് പരക്കുന്നത് ഒഴിവാക്കാനാകും. ചട്ടിക്കുള്ളില്‍ മിശ്രിതത്തിന് മുകളിലായി മാര്‍ബിള്‍, ഗ്രാനേറ്റ് കല്ലുകള്‍ നിരത്തി ഭംഗി കൂട്ടുന്നത് ഒഴിവാക്കുക. ഇത് മിശ്രിതത്തിലെ വായുസഞ്ചാരം തടസ്സപ്പെടുത്തി വേരുകള്‍ക്ക് ദോഷം ചെയ്‌തേക്കാം. ചട്ടിയുടെ വശങ്ങളില്‍ ഏതാനും ദ്വാരങ്ങള്‍ ഇടുന്നത് ചെടി നന്നായി വളരുന്നതിന് സഹായകരമാകും. അത്തളങ്ങളില്‍ ഒരേ ഇനം ചെടികള്‍ വളര്‍ത്താതെ വ്യത്യസ്ത ഇനങ്ങള്‍ ളര്‍ത്തുവാനും ശ്രദ്ധിക്കുക.
.png)
അകത്ത് വളര്‍ത്തുന്ന ചെടികളുടെ നടീല്‍ മിശ്രിതത്തില്‍ ചകിരിച്ചോര്‍ പൂര്‍ണമായും ഒഴിവാക്കുക. പാതി കരിച്ച ഉമി, ചുവന്നമണ്ണ്, ആറ്റുമണല്‍ ഇവ സമം ചേര്‍ച്ചിളക്കി അല്പം എല്ലുപൊടിയും ഒരുപിടി മണ്ണിരക്കമ്പോസ്റ്റും ചേര്‍ത്തിളക്കിയാല്‍ ഇവയ്ക്ക് യോജിച്ച നടീല്‍ മിശ്രിതം ആയി 19:19:19 രാസവളം 5 ഗ്രാം ഒരു ലിറ്റര്‍ വെള്ളത്തില്‍ എന്ന തോതില്‍ കലക്കി ചെടി മുഴുവാനായി 20 ദിവസം കൂടുമ്പോള്‍ തളിക്കുന്നത് വളരെ പ്രയോജനം ചെയ്യും.
നല്ലൊരു വരുമാന മാര്‍ഗ്ഗം കൂടിയാണ് ഇലച്ചെടികളുടെ വിപണനം. ഈ രംഗത്ത് പ്രവര്‍ത്തിക്കുന്ന വീട്ടമ്മമാരും ജോലിയില്‍ നിന്നും വിരമിച്ചവരും ഇന്ന് ധാരാളമുണ്ട്. മുമ്പുണ്ടായിരുന്ന കാഴ്ചപ്പാടിന് വിരുദ്ധമായി നഴ്‌സറികളില്‍ ഇപ്പോള്‍ അലങ്കാര ചെടികളാണ് വില്‍പനയ്ക്ക് അധികമായി സജ്ജമാക്കുന്നത്. വര്‍ദ്ധിച്ചുവരുന്ന ആവശ്യകതക്കനുസരിച്ച് ഇവയുടെ വിലയിലും വന്‍ വര്‍ദ്ധനവാണ് ഉണ്ടായിട്ടുള്ളത്. നല്ലൊരു അഗ്ലോനിമ ചെടിയ്ക്ക് ഇലകളുടെ ആകൃതിയും വര്‍ണ്ണ ഭംഗിയും അനുസരിച്ച് ആയിരവും അയ്യായിരവും അതിനുമുകളിലും ഒക്കെ വിലയുണ്ട്. മറ്റു ചെടികളുടെ കാര്യവും വ്യത്യസ്തമല്ല.
ഈ അനുകൂല സാഹചര്യം മുതലെടുത്ത് വീട്ടില്‍ വളര്‍ത്തി പരിപാലിക്കുന്ന വയുടെ തൈകള്‍ വില്പനക്കായി ഒരുക്കിയാല്‍ നല്ലൊരു വരുമാന മാര്‍ഗ്ഗം കൂടിയാകും. വിപണി കണ്ടെത്തുവാനായി ഒരു യൂട്യൂബ് ചാനല്‍ തുടങ്ങുകയോ ചെടികളുടെ കൊടുക്കല്‍ വാങ്ങല്‍ ആയി രൂപംകൊണ്ടിട്ടുള്ള വാട്‌സ് ആപ്പ് കൂട്ടായ്മകളില്‍ ചേരുകയോ തൈകള്‍ നിങ്ങളുടെ വീടിനടുത്തുള്ള നേഴ്‌സറിക്ക് വില്‍ക്കുന്നതോ ഒക്കെ നിങ്ങള്‍ക്ക് നല്ലൊരു വരുമാനവും ആദായവും ഉറപ്പാക്കും. ഓണ്‍ലൈന്‍ കച്ചവടത്തില്‍ വിശ്വസ്തത പുലര്‍ത്താനായാല്‍ കുറച്ചുകഴിയുമ്പോള്‍ ആവശ്യക്കാര്‍ നിങ്ങളെ തേടിയെത്തിക്കൊള്ളും.
ചെടികളെ വളര്‍ത്തി പരിപാലിക്കുന്നതിന് താല്പര്യമുള്ള ഒരു മനസ്സും അതിനായി മാറ്റിവെക്കാന്‍ കുറച്ചു സമയവും ഉണ്ടാവണമെന്നു മാത്രം. നമ്മുടെ നാട്ടില്‍ വീടുകളുടെ രൂപവും ഭാവവും നിത്യേനയെന്നോണം മാറിവരുന്നു. ഫഌറ്റു സംസ്‌കാരത്തിന് അനുകൂലമായ വളര്‍ച്ചയും പ്രകടമാണ്. ഈ മാറ്റങ്ങള്‍ ഉദ്യാന സസ്യങ്ങളോടുള്ള മനുഷ്യരുടെ കാഴ്ചപ്പാടിലും തെളിഞ്ഞുകാണാനാവും. സ്വന്തമെന്നു പറയുവാന്‍ സുന്ദരമായ ഒരു ഉദ്യാനം. അതിന്റെ സാക്ഷാത്കാരം തന്നെയാണ് ഇന്ന് എല്ലാവരുടെയും ലക്ഷ്യവും.
രണ്ടായിരത്തില്‍പ്പരം ഓക്‌സിജന്‍ പ്ലാന്റ്‌സ് വര്‍ഷങ്ങളായി വീട്ടില്‍ നട്ട് പരിപാലിച്ച് വരുന്ന ആളാണു ലേഖകന്‍. എസ്ബിഐയില്‍ നിന്ന് ഡപ്യൂട്ടി മാനേജറായി റിട്ടയര്‍ ചെയ്ത ശേഷം ചെടി വളര്‍ത്തലില്‍ സജീവമാണ് ഇദ്ദേഹം.
.jpg){kind=tracking}
വീട്ട് മുറ്റവും മതിലുമെല്ലാം ആകര്‍ഷകമാക്കാന്‍ ഏറെ അനുയോജ്യമായ ചെടിയാണ് പത്ത്മണി ചെടി. പല നിറത്തിലുള്ള കുഞ്ഞുപൂക്കള്‍ ധാരാളമുണ്ടാകുന്ന പത്ത് മണിച്ചെടികള്‍ കാണാന്‍ തന്നെ നല്ല ഭംഗിയാണ്. ടേബിള്‍ റോസ്,…
By Harithakeralam
ഇന്ത്യോനേഷ്യയില്‍ കാണപ്പെടുന്ന അതിമനോഹരിയായ പക്ഷിയാണ് ബേഡ് ഓഫ് പാരഡൈ്, വലപ്പോഴും മാത്രമാണ് ഈ പക്ഷി ചിറകുകള്‍ വിടര്‍ത്തുക. ഈ പക്ഷിയോട് സാമ്യമുള്ള പൂക്കളുണ്ടാകുന്ന ചെടിക്കും ഇതേ പേരാണ്. ഇന്‍ഡോര്‍…
By Harithakeralam
സസ്യലോകത്തെ മാസംഭോജികളായ നെപ്പന്തസിനെക്കുറിച്ച് സ്‌കൂളില്‍ പഠിച്ചിട്ടുണ്ടാകും. കൊച്ചു കുട്ടിയായിരിക്കുമ്പോള്‍ അത്ഭുതത്തോടെ കേട്ട നെപ്പന്തസ് ചെടിയിപ്പോള്‍ നമ്മുടെ വീട്ടിലും വളര്‍ത്താം ലഭിക്കും. ഇരപിടിയന്‍…
By Harithakeralam
പൂന്തോട്ടത്തിലെ രാജ്ഞിയാണ് റോസ്. റോസാച്ചെടിയില്ലാത്ത പൂന്തോട്ടത്തിന് അഴക് കുറവായിരിക്കും. വിവിധ നിറത്തിലും വലിപ്പത്തിലും പൂക്കളുണ്ടാകുന്ന ധാരാളമിനം റോസുകളുണ്ട്. അന്തരീക്ഷത്തില്‍ ചൂട് വര്‍ധിച്ചു വരുന്നതിനാല്‍…
By Harithakeralam
വലിയ തടാകത്തിലും വെള്ളം കയറിക്കിടക്കുന്ന പാടങ്ങളിലുമൊക്കെ തനിയെ വളര്‍ന്നിരുന്ന താമരയെ വീട്ട്മുറ്റത്ത് ചെറിയ കുളം നിര്‍മിച്ചും പാത്രത്തിലുമൊക്കെ വളര്‍ത്തുന്നവരുണ്ട്. മുറ്റത്തൊരു താമരക്കുളം വീടിന്റെ ലുക്ക്…
By Harithakeralam
പൂന്തോട്ടത്തിലെ ചെടികള്‍ നല്ല പോലെ പൂക്കാറില്ലെന്ന പരാതി മിക്കവര്‍ക്കുമുണ്ട്. മികച്ച പരിചരണം നല്‍കിയാലും ചെടികളില്‍ വിരിയുക ഒന്നോ രണ്ടോ പൂക്കള്‍ മാത്രം. എന്നാല്‍ ഇതേ ചെടികള്‍ തന്നെ മറ്റു ചിലരുടെ വീട്ടുമുറ്റത്ത്…
By Harithakeralam
കൊല്‍ക്കത്ത് നഗരത്തിനോട് ചേര്‍ന്ന് താമസിക്കുന്ന അരൂപ് ഘോഷ് എന്ന യുവാവിന്റെ ജീവിതം മാറ്റി മറിച്ചത് ജമന്തിപ്പൂക്കളാണ്. ജമന്തിപ്പൂവും തൈകളും വിത്തുമെല്ലാം വില്‍പ്പന നടത്തി അരൂപ് സമ്പാദിക്കുന്നത് കോടികളാണ്.…
By Harithakeralam
രണ്ടടി വരെ വളരുന്ന ചെടിയാണ് കോസ്‌മോസ്. പിങ്ക്, വെള്ള, ചുവപ്പ് നിറങ്ങളിലായിരിക്കും പൂക്കള്‍. വെള്ളം അധികം ആവശ്യമില്ല, പക്ഷേ ആഴ്ചയില്‍ ഒരിക്കല്‍ നനയ്ക്കണം. അല്ലെങ്കില്‍…
By Harithakeralam
© All rights reserved | Powered by Otwo Designs
Leave a comment