ഇന്‍ഡോര്‍ ചെടികള്‍ വളര്‍ത്തുമ്പോള്‍ ശ്രദ്ധിക്കേണ്ട കാര്യങ്ങളെക്കുറിച്ചും പ്രധാന ഇനങ്ങളെക്കുറിച്ചുമെല്ലാം വിശദമാക്കുന്ന പരമ്പരയ്ക്ക് തുടക്കം കുറിക്കുന്നു.
വീട്ടുമുറ്റത്തെ പൂന്തോട്ടങ്ങള്‍ നമുക്കെല്ലാം സുപരിചിതമാണ്. എന്നാല്‍ വീട്, ഓഫീസ്, സ്‌കൂള്‍, ആശുപത്രികള്‍ തുടങ്ങിയ സ്ഥാപനങ്ങളുടെ അകത്തളങ്ങള്‍ അലങ്കരിക്കാനും പുതുമ നിലനിര്‍ത്താനും ഇന്‍ഡോര്‍ ചെടികള്‍ വളര്‍ത്തുന്നു. ഇത്തരം ചെടികള്‍ വില്‍ക്കുന്ന ധാരാളം നഴ്‌സറികളും മറ്റു സ്ഥാപനങ്ങളും നമ്മുടെ നാട്ടിലുണ്ട്. ഇന്‍ഡോര്‍ ചെടികള്‍ വളര്‍ത്തുമ്പോള്‍ ശ്രദ്ധിക്കേണ്ട കാര്യങ്ങളെക്കുറിച്ചും പ്രധാന ഇനങ്ങളെക്കുറിച്ചുമെല്ലാം വിശദമാക്കുന്ന പരമ്പരയ്ക്ക് തുടക്കം കുറിക്കുന്നു.
പ്രകാശം പ്രധാനം
അകത്തളങ്ങളില്‍ ലഭ്യമാകുന്ന പ്രകാശത്തിന്റെ അളവിന് അനുസരിച്ചു വേണം ചെടികള്‍ തെരഞ്ഞെടുക്കാനും ക്രമീകരിക്കാനും. വീടിനുള്ളിലെ ലിവിങ് സ്പേസിലും ബാല്‍ക്കണികളിലും പ്രത്യേകം ചെടികളാണ് തെരഞ്ഞെടുക്കേണ്ടത്. ഇതിനെ ശാസ്ത്രീയമായി വിശദീകരിക്കുമ്പോള്‍ ഏകദേശം 100 ചതുരശ്ര അടിക്ക് പൂര്‍ണമായും വളര്‍ന്ന രണ്ടു ചട്ടികള്‍ സ്ഥാപിക്കുന്നതാണ് അഭികാമ്യം. (കൂടുതല്‍ വായുസഞ്ചാരമുള്ള സ്ഥലങ്ങള്‍). എന്നാല്‍ ബെഡ് റൂം, ബാത്ത് റൂം എന്നിവിടങ്ങളില്‍ ഇത്തരം ചെടികള്‍ നട്ടുവളര്‍ത്തുമ്പോള്‍ വായുസഞ്ചാരം ഉറപ്പാക്കണം, ഒന്നോ രണ്ടോ ചെടികളായി പരിമിതപ്പെടുത്തണം. കൂടാതെ ചൂട് കൂടിയ അകത്തളങ്ങളില്‍ (ഗ്ലാസ് റൂഫിങ്) ഭംഗിയുള്ള മണ്‍ പാത്രങ്ങളില്‍ ഇത്തരം ചെടികള്‍ വളര്‍ത്തുന്നത് ചൂട് കുറയ്ക്കുന്നത് സഹായിക്കും.
.jpg)
നടീല്‍ മിശ്രിതം
നല്ല നീര്‍വാഴ്ചയുള്ള പോട്ടിങ് മിശ്രിതം തയാക്കുന്നത് എങ്ങിനെയെന്നു നോക്കാം. ഇതിനായി തുല്യ അനുപാതത്തില്‍ മണ്ണ് , മണല്‍ അല്ലെങ്കില്‍ ചകരിച്ചോര്‍ കമ്പോസ്റ്റ്, ജൈവവളം ( ചാകണപ്പൊടി/ കമ്പോസ്റ്റ്) പെര്‍ലൈററ് എന്നിവ കൂട്ടിയ മിശ്രിതമാണ് ഉപയോഗിക്കേണ്ടത്. അകത്തളങ്ങളിലെ ചെടികള്‍ക്ക് ആവശ്യത്തിന് വായുസഞ്ചാരമുള്ള ലൈറ്റായ പോട്ടിങ് മിശ്രിതം തയാറാക്കുന്നതിനാണ് ചകിരിച്ചോറും പെര്‍ലൈറ്റും ചേര്‍ക്കുന്നത്. ചെറിയ രീതിയില്‍ മാസത്തിലൊരിക്കല്‍ വളപ്രയോഗം നടത്തണം. ഇതിനായി വെര്‍മി വാഷ്, സീഡ് വീഡ് എക്സ്ട്രാക്റ്റ്, ഹ്യൂമുസ് (ദ്രാവകരൂപത്തിലുള്ളത്) എന്നിവയില്‍ ഏതെങ്കിലുമൊന്ന് 20 ml/ ഒരു ലിറ്റര്‍ വെള്ളത്തില്‍ കലക്കി ചട്ടിയുടെ വശങ്ങളിലൂടെ 3ml/ ലിറ്റര്‍ എന്ന തോതില്‍ വെള്ളത്തില്‍ നേര്‍പ്പിച്ച് ഇലകളില്‍ തളിക്കാം.
ഓക്സിജന് പുറം തള്ളും
ഇത്തരം ചെടികള്‍ വീടിനുള്ളിലെ കാര്‍ബണ്‍ മോണോക്സൈഡ്, ടൊളുവിന്‍, ഓസോണ്‍ എന്നിവയെ ആഗിരണം ചെയ്യുകയും അന്തരീക്ഷത്തിലേക്ക് കൂടുതല്‍ ഓക്സിജന് പുറന്തള്ളുകയും ചെയ്യുന്നതു വഴി വായു മലിനീകരണം കുറയ്ക്കും. കൂടാതെ അകത്തളങ്ങളിലെ ഹരിതഭംഗി മാനസിക സമര്‍ദത്തെ കുറയ്ക്കും. എന്നാല്‍ ഇത്തരം ചെടികളില്‍ പലതരം ഓക്സലേറ്റുകള്‍ ഉള്ളതായി കണ്ടെത്തിയിട്ടുണ്ട്. അക്കാരണത്താല്‍ കുട്ടികളേയും ഓമന മൃഗങ്ങളേയും ചെടികളില്‍ നിന്ന് അകറ്റി നിര്‍ത്താന്‍ പ്രത്യേകം ശ്രദ്ധിക്കണം. ഇലകള്‍ ശരീരത്തിനുള്ളില്‍ പോയാല്‍ പലതരം ആരോഗ്യ പ്രശ്നങ്ങളുമുണ്ടാകും.
നടാനുള്ള പാത്രങ്ങള്‍
അകത്തളങ്ങളുടെ മനോഹാരിത കൂടുന്നതിനും നല്ല ഭംഗിയുള്ള പാത്രങ്ങളും ചെടികള്‍ നടാന്‍ തെരഞ്ഞെടുക്കണം. മണ്ണ്, ലോഹങ്ങള്‍, സെറാമിക് തടി, എന്നിവയുടെ ചട്ടികളിപ്പോള്‍ വിപണിയില്‍ ലഭ്യമാണ്. ലൈറ്റ് നിറം കൊടുക്കുന്ന റൂമിനുള്ളില്‍ കടും നിറത്തിലുള്ള പോട്ടുകളില്‍ ചെടികള്‍ ക്രമീകരിക്കാം. അതു പോലെ കടും നിറത്തിലുള്ള ചെടികള്‍ ലൈറ്റ് ഷേഡുള്ള ചട്ടികളില്‍ നടുന്നതാണ് കൂടുതല്‍ ഭംഗി. വീടിനുള്ളിലെ സ്ഥലത്തിന് അനുസരിച്ച് ചെടികളേയും ചട്ടികളേയും വലിപ്പവും നിറവും തെരഞ്ഞെടുക്കണം. ഇതിനായി ഒരു ഹോട്ടികള്‍ച്ചര്‍ സ്പെഷ്യലിസ്റ്റിന്റെ സഹായം തേടാം.
ഇന്‍ഡോര്‍ ചെടികളില്‍ നമ്മുടെ നാടിന് അനുയോജ്യമായ പരിപാലനം എളുപ്പമുള്ള ഇനങ്ങള്‍ ഏതൊക്കെ…? അവയെ കുറിച്ചു വിശദമായി അടുത്ത ലക്കത്തില്‍.
കൃഷി വകുപ്പില്‍ നിന്നും ജോയിന്റ് ഡയറക്റ്ററായി വിരമിച്ചയാളാണ് ലേഖിക
കല്‍പ്പറ്റ : ഗുജറാത്ത്, മഹാരാഷ്ട്ര ഭാഗങ്ങള്‍ ഉള്‍പ്പെടുന്ന വടക്കന്‍ പശ്ചിമഘട്ടത്തില്‍ മാത്രം സാന്നിധ്യമറിയിച്ചിരുന്ന ഒരു സസ്യം കൂടി കേരളത്തിന്റെ സസ്യ സമ്പത്തിലേക്ക് ചേരുന്നു. ഹെറ്ററോസ്റ്റെമ്മ ഡാള്‍സെല്ലി…
By Harithakeralam
മഞ്ഞു പുതച്ച പോലെ പൂത്തുലഞ്ഞു നില്‍ക്കുന്ന മുല്ലപ്പൂക്കള്‍, കൂട്ടിന് നല്ല സുഗന്ധവും....അറേബ്യന്‍ ജാസ്മിന്‍, സെവന്‍ ലയര്‍ ജാസ്മിന്‍ എന്നീ പേരുകളിലും നമ്മള്‍ ഗുണ്ടുമല്ലിയെന്നും വിളിക്കുന്നു മുല്ലയിനം. ചട്ടിയിലും…
By Harithakeralam
മുകേഷ് അംബാനിയുടെ മകന്റെ കല്യാണ വിശേഷങ്ങള്‍ കേള്‍ക്കാത്തവരുണ്ടാകില്ല... ആ കല്യാണവിരുന്നിന്റെ മോടി കൂട്ടിയ പൂക്കളില്‍ ചിലതു കേരളത്തില്‍ നിന്നുള്ളവയാണ്. വര്‍ഷങ്ങള്‍ക്ക് മുന്‍പ് ഐശ്വര്യ റായ് ബച്ചന്റെ കല്യാണവേദിയെ…
By നൗഫിയ സുലൈമാന്‍
കടലാസുപൂക്കളൊരുക്കുന്ന വസന്തമാണ് ജോജോ ജേക്കബ്- ബിന്ദു ജോസഫ് ദമ്പതികളുടെ ഉദ്യാനമാകെ. പല നിറങ്ങളില്‍ പൂത്ത് നില്‍ക്കുന്ന ബോഗണ്‍വില്ലകള്‍ ആരെയും ആകര്‍ഷിക്കും. കോഴിക്കോട് കുറ്റിയാടിക്ക് സമീപം സൂപ്പിക്കടയിലാണ്…
By പി.കെ. നിമേഷ്
കഞ്ഞിക്കുഴി പുഷ്‌പോല്‍സവത്തിന് ഫാര്‍മര്‍ സുനിലിന്റെ കൃഷിയിടത്തില്‍ തുടക്കമായി. കഞ്ഞിക്കുഴി ഒന്നാം വാര്‍ഡില്‍ മായിത്തറയ്ക്ക് അടുത്തുള്ളരണ്ടര ഏക്കര്‍ സ്ഥലത്തെ അഞ്ചിനം പൂക്കള്‍ നിറഞ്ഞ വിശാലമായ പൂന്തോട്ടത്തില്‍…
By Harithakeralam
ഓണനാളുകളിലേക്ക് ഇനി ഏതാനും ദിവസങ്ങള്‍ മാത്രം. മലയാളികള്‍ ഓണത്തെ വരവേല്‍ക്കാനുള്ള ഒരുക്കങ്ങളിലാണ്. കൂട്ടത്തില്‍ കര്‍ഷകരും തിരക്കുകളിലാണ്, അക്കൂട്ടത്തിലൊരാളാണ് ധനലക്ഷ്മിയും. വീട്ടുകാര്യങ്ങളും ജോലിത്തിരക്കുകള്‍ക്കും…
By നൗഫിയ സുലൈമാന്‍
ശക്തമായൊരു മഴക്കാലം കടന്നു പോയതോടെ പൂന്തോട്ടത്തിന്റെ കാര്യത്തിലൊരു തീരുമാനമായിട്ടുണ്ടാകും. മിക്ക ചെടികളും മഴയില്‍ നശിച്ചു പോയ സങ്കടത്തിലാണ് പലരും. എന്നാല്‍ മഴയത്ത് നല്ല പൂക്കള്‍ തരുന്നൊരു ചെടിയാണ് റെയ്ന്‍…
By Harithakeralam
തെങ്ങിന് തോപ്പില്‍ ഇടവിളയായി വാഴ മുതല്‍ മാംഗോസ്റ്റീനും ജാതിയുമെല്ലാം കൃഷി ചെയ്യുന്നവരാണ് നമ്മള്‍. പലതരം വിളകള്‍ ഇടവിളയായി ചെയ്ത് വരുമാനം നേടാമെന്നതാണ് തെങ്ങിന്റെ പ്രധാന ആകര്‍ഷണം. എന്നാല്‍ തെങ്ങിന് ഇടവിളയായി…
By Harithakeralam
© All rights reserved | Powered by Otwo Designs
By 
.jpg)
Leave a comment