ഫാര്‍മര്‍ പ്രൊഡ്യൂസര്‍ ഓര്‍ഗനൈസേഷന്‍ പദ്ധതി ഉദ്ഘാടനം

കേരളത്തിന് പുറത്ത് കൃഷി ചെയ്യുന്ന മലയാളി കര്‍ഷകര്‍ ചേര്‍ന്ന് രൂപീകരിച്ച നാഷണല്‍ ഫാര്‍മര്‍ പ്രൊഡ്യൂസര്‍ ഓര്‍ഗനൈസേഷന്‍ കര്‍ണാടകയിലെ കര്‍ഷകര്‍ക്കായി വിവിധ സേവന പദ്ധതികള്‍ ആരംഭിച്ചു.

By Harithakeralam

2024-01-27

കല്‍പ്പറ്റ: കേരളത്തിന് പുറത്ത് കൃഷി ചെയ്യുന്ന മലയാളി കര്‍ഷകര്‍ ചേര്‍ന്ന് രൂപീകരിച്ച നാഷണല്‍ ഫാര്‍മര്‍ പ്രൊഡ്യൂസര്‍ ഓര്‍ഗനൈസേഷന്‍  കര്‍ണാടകയിലെ കര്‍ഷകര്‍ക്കായി വിവിധ സേവന പദ്ധതികള്‍ ആരംഭിച്ചു. നഞ്ചന്‍കോട്  ബേഗൂരില്‍ നടന്ന ചടങ്ങില്‍  അഞ്ച് പദ്ധതികളുടെ ഉദ്ഘാടനം സംയുക്തമായി നടന്നു.    കര്‍ണാടകയില്‍ കൃഷി ചെയ്യുന്ന കര്‍ഷകര്‍ ചേര്‍ന്നുള്ള വാട്സ്  ആപ്പ് ഗ്രൂപ്പാണ് ഇന്ന് വിവിധ സംസ്ഥാനങ്ങളിലെ ആയിരത്തോളം കര്‍ഷകര്‍  അംഗങ്ങളായ എന്‍.എഫ്.പി.ഒ.  ആയി വളര്‍ന്നത്.

ഇടനിലക്കാരുടെയും കമ്പനികളുടെയും ചൂഷണം ഒഴിവാക്കാനായുള്ള വിവിധ പദ്ധതികളാണ് ഇപ്പോള്‍ എന്‍.എഫ്.പി.ഒ.  നടപ്പിലാക്കുന്നത്.  ബയോ കെമിസ്ട്രി ലാബിന്റെ ഉദ്ഘാടനം ബേഗൂര്‍ അഗ്രികള്‍ച്ചര്‍ അസിസ്റ്റന്റ് ഡയറക്റ്റര്‍ ജി.ഗിരീഷും   അഗ്രി സര്‍വ്വീസ് കേന്ദ്രത്തിന്റെ ഉദ്ഘാടനം സിന്ധുവള്ളി ഗ്രാമപഞ്ചായത്ത് പ്രസിഡണ്ട് ഹൊകാര്‍ നായ്ക്കും ഉദ്ഘാടനം നിര്‍വ്വഹിച്ചു.  

ഗുണമേന്മയുള്ള ജൈവവളം സ്വന്തമായി നിര്‍മ്മിക്കുന്നതിനും  മണ്ണ്, വെള്ളം ,വളങ്ങള്‍ എന്നിവ പരിശോധിച്ച് ഗുണനിലവാരം ഉറപ്പ് വരുത്തി വിദഗ്ധ ഉപദേശം നല്‍കുന്നതിനുമായാണ്  അഗ്രി സര്‍വ്വീസ് സെന്റര്‍ പ്രവര്‍ത്തിക്കുന്നത്.  നാഷണല്‍ ഫാര്‍മേഴ്‌സ്  പ്രൊഡ്യൂസര്‍ ഓര്‍ഗനൈസേഷന്‍ ചെയര്‍മാന്‍ ഫിലിപ്പ് ജോര്‍ജ് അധ്യക്ഷനായിരുന്നു.

Related News

മലമ്പുഴയിലെ പൂക്കാലം

പൈനാപ്പിള്‍ വിളയിക്കാം ഗ്രോബാഗിലും മണ്ണിലും

ചിരങ്ങ നടാന്‍ സമയമായി

ഇഞ്ചി പതിവാക്കാം, രോഗങ്ങളെ അകറ്റാം

 ഫെര്‍ട്ടിലൈസര്‍ ഷോപ്പിന്റെ ഉദ്ഘാടനവും മൊബെല്‍  അഗ്രി സര്‍വീസ് സെന്ററിന്റെ ഉദ്ഘാടനവും ഇതോടനുബന്ധിച്ച് നടന്നു. എന്‍എഫ്പി ഓ ഫാര്‍മര്‍ പ്രൊഡ്യുസര്‍  കമ്പനി ട്രേഡിംഗ് എല്‍എല്‍പി ചെയര്‍മാന്‍ വി.എല്‍. അജയകുമാര്‍, സിന്ധുവള്ളി ഗ്രാമപഞ്ചായത്ത് വൈസ് പ്രസിഡണ്ട് ടി.ലത , ഗ്രാമപഞ്ചായത്ത് സെക്രട്ടറി എം.സുരേഷ്, പിഡിഒ മാധവ സ്വാമി, നഞ്ചന്‍കോഡ് അഗ്രികള്‍ച്ചര്‍ അസിസ്റ്റന്റ് ഡവലപ്പ്‌മെന്റ് ഓഫീസര്‍ എസ്.കെ. രവി,  എന്‍എഫ്പിഒ മാനേജിംഗ് ഡയറക്ടര്‍  കെ.പി. ജോസ്  തുടങ്ങിയവര്‍ സംബന്ധിച്ചു.