വിവിധജില്ലകളില്‍നിന്നുള്ള ഇരുപതോളം ചിത്രകാരര്‍ ഒരുക്കിയ ചരിത്രചിത്രങ്ങള്‍ 'കളേഴ്‌സ് ഓഫ് റെസിലിയന്‍സ്' എന്ന പേരില്‍ ഊരാളുങ്കല്‍ ലേബര്‍ കോണ്‍ട്രാക്റ്റ് കോ-ഓപ്പറേറ്റീവ് സൊസൈറ്റിയുടെ ശതാബ്ദിയാഘോഷത്തിന്റെ ഉദ്ഘാടനസമ്മേളനനഗരിയില്‍ പ്രദര്‍ശിപ്പിക്കും.
By Harithakeralam
നൂറുവര്‍ഷം മുമ്പ് മാഹി പുത്തലത്ത് ചാന്തന്‍തറയില്‍ ഗുരു വാഗ്ഭടാനന്ദന്‍ പ്രസംഗിക്കുന്നതു കേള്‍ക്കാന്‍ ഒഞ്ചിയം കാരക്കാട്ടു പ്രദേശത്തെ ഒരുകൂട്ടം യുവാക്കള്‍ പോയതുമുതലുള്ള നാടിന്റെ സുപ്രധാന ചരിത്രമുഹൂര്‍ത്തങ്ങള്‍ ചിത്രങ്ങളായി പുനര്‍ജ്ജനിച്ചു. വിവിധജില്ലകളില്‍നിന്നുള്ള ഇരുപതോളം ചിത്രകാരര്‍ ഒരുക്കിയ ചരിത്രചിത്രങ്ങള്‍ 'കളേഴ്‌സ് ഓഫ് റെസിലിയന്‍സ്' എന്ന പേരില്‍ ഊരാളുങ്കല്‍ ലേബര്‍ കോണ്‍ട്രാക്റ്റ് കോ-ഓപ്പറേറ്റീവ് സൊസൈറ്റിയുടെ ശതാബ്ദിയാഘോഷത്തിന്റെ ഉദ്ഘാടനസമ്മേളനനഗരിയില്‍ പ്രദര്‍ശിപ്പിക്കും.
ഇരിങ്ങല്‍ സര്‍ഗാലയ കേരള ആര്‍ട്‌സ് ആന്‍ഡ് ക്രാഫ്റ്റ്‌സ് വില്ലേജില്‍ നടന്ന മൂന്നു ദിവസത്തെ ചരിത്രചിത്രരചനാക്യാമ്പിലാണ് ചിത്രങ്ങള്‍ പിറവികൊണ്ടത്. ഗുരു വാഗ്ഭടാനന്ദന്റെ ജീവിതത്തിലെയും ഊരാളുങ്കല്‍ സൊസൈറ്റിയുടെ ചരിത്രത്തിലെയും സുപ്രധാനമുഹൂര്‍ത്തങ്ങളുടെ ആവിഷ്‌ക്കാരമായ ചരിത്രചിത്രങ്ങള്‍ ഊരാളുങ്കല്‍ സൊസൈറ്റി ചെയര്‍മാന്‍ രമേശന്‍ പാലേരി ചിത്രകാരരില്‍നിന്ന് ഏറ്റുവാങ്ങി. സൊസൈറ്റിയുടെ ഒരു വര്‍ഷം നീണ്ടുനില്ക്കുന്ന ശതാബ്ദി ആഘോഷത്തിന്റെ പ്രചാരണാര്‍ത്ഥം അനുബന്ധപരിപാടിയി സംഘടിപ്പിച്ച ചരിത്രചിത്രകലാക്യാമ്പ് ഫെബ്രുവരി 8-നു നിരൂപകനും അദ്ധ്യാപകനുമായ സജയ് കെ. വി. ഉദ്ഘാടനം ചെയ്തു. വാഗ്ഭടാനന്ദനില്‍നിന്നു പുരോഗമനചിന്തയും മനുഷ്യാദ്ധ്വാനത്തിന്റെ പ്രയോഗസാദ്ധ്യതകളും ഏറ്റെടുത്ത കാരക്കാട്ടെ യുവാക്കള്‍ തുടങ്ങിവച്ച ആത്മവിദ്യാസംഘവും ജനകീയവിദ്യാലയങ്ങളും ഐക്യനാണയസംഘവുമെല്ലാം ചരിത്രചിത്രങ്ങളായി. നാട്ടില്‍ ജാതിമതചിന്തകള്‍ക്ക് അതീതമായി നടന്ന പാലേരി കേളപ്പന്റെയും ഒണക്കന്‍ വൈദ്യരുടെ മകളുടെയും വിവാഹം, അവര്‍ണ്ണര്‍ക്ക് അനുവദനീയം അല്ലാതിരുന്ന ബ്ലൗസും മറക്കുടയും ധരിച്ചു സ്ത്രീകള്‍ ആദ്യമായി വിവാഹത്തില്‍ പങ്കെടുത്തതും ഓര്‍മ്മച്ചിത്രങ്ങളിലുണ്ട്.
അവര്‍ണ്ണര്‍ക്കു കുളി നിഷേധിച്ചപ്പോള്‍ സ്വന്തം കുളം കുഴിച്ചു കുളിസമരം നടത്തി പ്രതിഷേധിച്ചതും ക്ഷൗരം നിഷേധിച്ചപ്പോള്‍ ബംഗാളില്‍നിന്നു ക്ഷുരകരെ വരുത്തി കൗരം പരിശീലിച്ചതും ജാതിക്കോമരങ്ങള്‍ക്കെതിരെ ജാതിരാക്ഷസരൂപം ഉണ്ടാക്കി കാരക്കാട് കടലില്‍ തള്ളിയതും പ്രതിമോച്ചാടനസമരം നടത്തിയതും വിഗ്രഹാരാധനയ്ക്കും ജാതിവിവേചനങ്ങള്‍ക്കും എതിരെ നടത്തിയ സംവാദങ്ങളും ചിത്രകാരര്‍ക്കു വിഷയമായി.തൊഴിലിന്റെ മഹത്വം, തൊഴില്‍ മേഖലകള്‍ കാലാനുസൃതമായി പരിഷ്‌ക്കരിക്കുന്നത്, വൈവിദ്ധ്യവത്ക്കരിക്കുന്നത് ഒക്കെ ഓര്‍മ്മിപ്പിക്കുന്ന ചിത്രപരമ്പര ഈ നാട്ടുകാര്‍ തൊഴിലാളികള്‍ ഉടമകളായ ആദ്യത്തെ ഐറ്റി പാര്‍ക്കായ യുഎല്‍ സൈബര്‍ പാര്‍ക്ക് നാടിനു സംഭാവന ചെയ്തതുവരെയുള്ള ഊരാളുങ്കലിന്റെ ത്യാഗോജ്ജ്വലമായ കാലപരിണാമം പുതുതലമുറയ്ക്കു പറഞ്ഞുകൊടുക്കുന്നു.
ചിത്രകാരരായ അമ്പിളി വിജയന്‍, അരുണ ആലഞ്ചേരി, ജലജ പി. എസ്., ശ്രീജ പള്ളം, രജിന രാധാകൃഷ്ണന്‍, ജോളി എം. സുധന്‍, സാറാ ഹുസൈന്‍, രഞ്ജിത് പട്ടാണിപ്പാറ, രാമചന്ദ്രന്‍ ആളൂര്‍, കെ. സി. രാജീവന്‍, സുഭാഷ് മാപ്പള്ളീ, ശ്രീജിത് വിലാതപുരം, ശ്രീധരന്‍ ടി. പി., രതീഷ് കക്കാട്ട്, രമേഷ് രഞ്ജനം, പ്രസാദ് കാനം, പ്രഭകുമാര്‍ ഒഞ്ചിയം, ബേബി രാജ്, അശോക് കുമാര്‍, സുബീഷ് കൃഷ്ണ, പ്രശാന്ത് ഒളവിലം, രാംദാസ് കക്കട്ടില്‍, അഭിലാഷ് തിരുവോത്ത് തുടങ്ങിയവരാണു ചരിത്രമുഹൂര്‍ത്തങ്ങള്‍ പുനരാവിഷ്‌ക്കരിച്ചത്.ഉദ്ഘാടനച്ചടങ്ങില്‍ ചിത്രകാരരായ അഭിലാഷ് തിരുവോത്ത്, എസ്. അശോക് കുമാര്‍, യുഎല്‍ റിസേര്‍ച്ച് ഡയറക്ടര്‍ ഡോ. സന്ദേശ് ഇ. പ., ഊരാളുങ്കല്‍ സൊസൈറ്റി അസിസ്റ്റന്റ് സെക്രട്ടറി കെ. പി. ഷാബു എന്നിവര്‍ സംബന്ധിച്ചു. ചിത്രങ്ങള്‍ ഏറ്റുവാങ്ങിയ ചടങ്ങില്‍ സര്‍ഗ്ഗാലയ സിഇഒ പി. പി. ഭാസ്‌ക്കരന്‍ അദ്ധ്യക്ഷനായി.
കൊച്ചി: 2024 മാര്‍ച്ച് 31 ന് അവസാനിച്ച സാമ്പത്തിക വര്‍ഷത്തെ നാലാംപാദത്തില്‍ ഫെഡറല്‍ ബാങ്കിന്റെ മൊത്തം ബിസിനസ് 461937 കോടി രൂപയായി ഉയര്‍ന്നു. അറ്റ പലിശ വരുമാനം 14.97 ശതമാനം എന്ന…
By Harithakeralam
കോഴിക്കോട്: കന്നുകാലികള്‍ക്ക് വില കുത്തനെ കൂടുന്ന സാഹചര്യത്തില്‍ മാംസ വില വര്‍ധിപ്പിക്കാന്‍ വ്യാപാരികള്‍. ഓള്‍കേരള മീറ്റ് മര്‍ച്ചന്റ് അസോസിയേഷന്‍ യോഗമാണ് തീരുമാനം കൈക്കൊണ്ടത്. മെയ് 15 മുതല്‍ വില വര്‍ദ്ധനവ്…
By Harithakeralam
ആകാശവാണിയിലെ കാര്‍ഷിക വാര്‍ത്തകള്‍ക്ക് 50 വര്‍ഷം തികഞ്ഞു. രാജ്യത്താദ്യമായി കാര്‍ഷിക വാര്‍ത്തകള്‍ക്കുമാത്രമായൊരു ബുള്ളറ്റിന്‍ തുടങ്ങുകയായിരുന്നു തിരുവനന്തപുരം ആകാശവാണി. 1974 ഏപ്രില്‍ 14 വിഷുദിനം അതിനായി തെരഞ്ഞെടുത്തു.…
By Harithakeralam
സൗദിയില്‍ വധശിക്ഷയ്ക്ക് വിധിക്കപ്പെട്ട് ജയിലില്‍ കഴിയുന്ന നിരപരാധിയായ കോഴിക്കോട് ഫറോക്ക് സ്വദേശി അബ്ദുള്‍ റഹീമിന്റെ വധശിക്ഷ റദ്ദാക്കാന്‍ ഏപ്രില്‍ 16 ന് മുന്‍പ് 34 കോടി രൂപ മോചനദ്രവ്യം നല്‍കേണ്ടതുണ്ട്.…
By Harithakeralam
കേരളത്തില്‍ ചിക്കന്‍ വില കുതിക്കുന്നു, 240 രൂപ മുതല്‍ 260 രൂപ വരെയാണ് ഒരു കിലോ കോഴിയിറച്ചിക്ക് വില. ഒരു കിലോ കോഴിക്ക് വില 190 രൂപയുമാണ്. 3 മാസത്തിനിടെ കോഴിയുടെ വില വര്‍ധിച്ചത് 50 രൂപയില്‍ അധികമാണ്.
By Harithakeralam
കൊച്ചി: ഇന്ത്യന്‍ ധവളപിപ്ലവത്തിന്റെ പിതാവ് പദ്മഭൂഷണ്‍ ഡോ. വര്‍ഗീസ് കുര്യന്‍ സ്ഥാപിച്ച ഗുജറാത്തിലെ ആനന്ദ് ആസ്ഥാനമായ ഇന്‍സ്റ്റിറ്റ്യൂട്ട് ഓഫ് റൂറല്‍ മാനേജ്മന്റ് ആനന്ദ് (ഇര്‍മ) സര്‍വകലാശാലയില്‍ മൂല്യാധിഷ്ഠിത…
By Harithakeralam
തിരുവനന്തപുരം: സിഎസ്ഐആര്‍-നിസ്റ്റിന്റെ ആഭിമുഖ്യത്തില്‍ നടന്ന ബയോമെഡിക്കല്‍ വേസ്റ്റ് മാനേജ്മെന്റ് കോണ്‍ക്ലേവില്‍ രോഗകാരികളായ ബയോമെഡിക്കല്‍ മാലിന്യ സംസ്‌കരണത്തിന് നൂതന സംവിധാനം അവതരിപ്പിച്ചു. പാപ്പനംകോടുള്ള…
By Harithakeralam
കൊച്ചി: തമിഴ്നാട്ടിലും പുതുച്ചേരിയിലുമായി ഫെഡറല്‍ ബാങ്ക് 26 പുതിയ ശാഖകള്‍ തുറന്നു. എംഡിയും സിഇഒയുമായ ശ്യാം ശ്രീനിവാസന്‍ ചെന്നൈയില്‍ ഉദ്ഘാടനം നിര്‍വഹിച്ചു. ചടങ്ങിനോടനുബന്ധിച്ച് ചെന്നൈ ടവര്‍ റോട്ടറി ക്ലബുമായി…
By Harithakeralam
© All rights reserved | Powered by Otwo Designs
Leave a comment