വള്ളികള് നിറയെ ചെറിയ പൂക്കള് വിരിഞ്ഞ് മഞ്ഞു പുതച്ചതു പോലെ കാണപ്പെടുന്ന മണിമുല്ല വളര്ത്തിയെടുക്കാന് എളുപ്പമാണ്.
By Harithakeralam
വീട്ട്മുറ്റത്ത് മഞ്ഞുപെയ്ത പോലെ പൂത്തുലഞ്ഞു നില്ക്കുന്ന മുല്ല... ക്രിസ്മസ് കാലമായാല് നാട്ടില് മുഴുവന് നിങ്ങളുടെ വീടാകും ശ്രദ്ധാകേന്ദ്രം... അതാണ് മണിമുല്ല. വര്ഷത്തില് ഒരിക്കല് മാത്രം പൂക്കുന്ന മണിമുല്ല. വള്ളികള് നിറയെ ചെറിയ പൂക്കള് വിരിഞ്ഞ് മഞ്ഞു പുതച്ചതു പോലെ കാണപ്പെടുന്ന മണിമുല്ല വളര്ത്തിയെടുക്കാന് എളുപ്പമാണ്.
തൈയും കമ്പും
നല്ല മൂത്ത കമ്പ് എടുത്ത് വേരുപിടിപ്പിച്ചു തൈയുണ്ടാക്കാം. എന്നാല് ഇതല്പ്പം പ്രയാസമുള്ള കാര്യമാണ്. വേരുപിടിക്കാന് മണിമുല്ലയ്ക്ക് ഒരു പാട് സമയം വേണം. വിവിധ നഴ്സറികളിലിപ്പോള് മണിമുല്ലയുടെ തൈ ലഭ്യമാണ്. ഇതു വാങ്ങി നടുന്നതാണ് അനുയോജ്യം. നല്ല നീര്വാര്ച്ചയും അത്യാവശ്യം വെയിലും ലഭിക്കുന്ന സ്ഥലത്ത് വേണം ചെടി നടാന്. വെള്ളം കെട്ടിക്കിടക്കുന്ന സ്ഥലത്ത് നട്ടാല് തൈ ചീഞ്ഞു പോകും. നന അത്യാവശ്യത്തിനു മാത്രം മതി. ആദ്യമൊക്കെ പതുക്കെയാകും ചെടിയുടെ വളര്ച്ച, എന്നാല് വള്ളി വീശി തുടങ്ങിയാല് നല്ല വേഗത്തില് വളരും. അപ്പോള് പടരാനുള്ള സൗകര്യമൊരുക്കി കൊടുക്കണം. സാധാരണ വളളി വീശി പടര്ന്നു വളരുന്ന ചെടികളെപ്പോലെ ദുര്ബലമല്ല മണിമുല്ലയുടെ കാര്യം. ശക്തമായ വള്ളികളായിരിക്കും ഉണ്ടാകുക.
പരിചരണം
ആവശ്യത്തിനു മാത്രം നനച്ചാല് മതി. നല്ല മഴക്കാലത്ത് തൈകള്ക്ക് സംരക്ഷണം നല്കണം. ഇടയ്ക്ക് ചാണകപ്പൊടിയും എല്ല് പൊടിയും വളമായി നല്കാം. ഒന്ന്-ഒന്നര വര്ഷം കൊണ്ടു ചെടി പൂക്കും. ഡിസംബറിലാണ് ചെടി പൂക്കുക. മഞ്ഞു കാലത്തെ സ്നേഹിക്കുന്ന ചെടിയാണിത്. പൂക്കള് അധികമൊന്നും ദിവസം നിലനില്ക്കില്ല. ഒന്നോ രണ്ടോ ദിവസം കൊണ്ടു കൊഴിഞ്ഞു വീഴും. രാത്രിയാണ് പൂക്കള് വിരിയുക. ഒരു പൂക്കാലം കഴിഞ്ഞാല് വള്ളികള് വെട്ടിയൊതുക്കി വളം നല്കാം. എന്നാല് അടുത്ത തവണ കൂടുതല് പൂക്കളുണ്ടാകം.
ഗ്രോബാഗിലും നടാം
വലിയ ഗ്രോബാഗിലും ചട്ടിയിലുമെല്ലാം മണിമുല്ല നടാം. വെള്ളം വാര്ന്നു പോകാനുള്ള സൗകര്യമുള്ളതായിരിക്കണമെന്നു മാത്രം. ചാണകപ്പൊടി, എല്ല് പൊടി, ചരല്മണ്ണ്, മൈക്രോ ന്യൂട്രിയന്സ് എന്നിവ ചേര്ത്ത് വേണം നടീല് മിശ്രിതം തയാറാക്കാന്. അടിയില് ചകിരിച്ചോര് വിരിച്ച ശേഷം മിശ്രിതം പകുതി നിറയ്ക്കുക. തുടര്ന്നു ചെടി നട്ട് മിശ്രിതം മുഴുവനാക്കുക. നന മിതമായിരിക്കണം, വെളളം വാര്ന്നു പോകുന്നുണ്ടെന്ന് ഉറപ്പു വരുത്തണം. ഡിസംബര് മാസത്തില് പൂക്കുന്നതിനാല് ക്രിസ്മസ് കീപ്പറെന്നും പേരുണ്ട്. നാഗമുല്ല എന്ന പേരിലും കേരളത്തിന്റെ ചില ഭാഗങ്ങളില് അറിയപ്പെടുന്നു.
പൂന്തോട്ടത്തില് എപ്പോഴും സുഗന്ധം വേണമെങ്കില് നടേണ്ട ചെടിയാണ് ഗന്ധരാജന്. ചെടി നിറയെ വെള്ള പൂക്കളുണ്ടാകുന്ന ഗന്ധരാജന് സുഗന്ധത്തോടൊപ്പം അഴകം നല്കും. വലിയ പരിചരണമൊന്നുമില്ലാതെ തന്നെ നല്ല പോലെ പൂക്കുന്ന…
By Harithakeralam
വീടിന് മുന്നിലോ ബാല്ക്കണിയിലോ മതിലിനു സമീപത്തോ ഒരല്പ്പം കര്ട്ടന് തൂക്കുന്നതിന് പകരം ചെടി വളര്ത്തിയാലോ...? ഇതിനു പറ്റിയ പ്ലാന്റാണ് കര്ട്ടന് ക്രീപ്പര് പ്ലാന്റ്. താഴേക്ക് തൂങ്ങി വള്ളിയായി വളരുന്ന…
By Harithakeralam
പൂന്തോട്ടത്തിലെ ശോഭ കുറയുന്ന കാലമാണ് വേനല്. ചൂട് കൂടുമ്പോള് ചെടികള് വാടി പൂക്കള് കൊഴിഞ്ഞു പോകുന്നു. നല്ല പരിചരണം നല്കിയാലും പൂന്തോട്ടം വേനലില് കളര്ഫുള്ളായിക്കൊള്ളണമെന്നില്ല. എന്നാല് ഈ കാലാവസ്ഥയില്…
By Harithakeralam
ഇന്ത്യയുടെ മഹാനഗരമായ മുംബൈയിലെ പിങ്ക് വസന്തത്തിന്റെ ദൃശ്യങ്ങള് സമൂഹമാധ്യമങ്ങളില് വൈറലായിക്കൊണ്ടിരിക്കുകയാണ്. ഈസ്റ്റേണ് എക്സ്പ്രസ് ഹൈവേയുടെ ഇരുഭാഗങ്ങളിലും മനോഹരമായ പിങ്ക് പൂവുകള് നിറഞ്ഞു നില്ക്കുന്ന…
By Harithakeralam
പേരു കേള്ക്കുമ്പോള് വലിയ പരിചയം തോന്നില്ലെങ്കിലും നമ്മുടെ വീട്ട് മുറ്റത്ത് നല്ല പോലെ പൂവിടുന്ന ചെടിയാണ് നിക്കോഡിയ. വയലറ്റ്, ലാവെന്ഡര് നിറങ്ങളില് ധാരാളം പൂക്കളുണ്ടാകുന്ന ഈ ചെടിക്ക് വലിയ പരിചരണമൊന്നും…
By Harithakeralam
തണുപ്പും വെയിലുമുള്ളതിനാല് റോസ് നല്ല പോലെ പൂക്കുന്ന കാലമാണിപ്പോള്. പൂന്തോട്ടത്തില് റോസാച്ചെടി പൂത്ത് നില്ക്കുന്ന കാഴ്ച മനോഹരമാണ്. എന്നാല് പലതരത്തിലുള്ള രോഗങ്ങളുമിപ്പോള് റോസാച്ചെടിയെ ബാധിക്കും. ഇതിലൊന്നാണ്…
By Harithakeralam
മുത്ത് പോലുള്ള ഇലകള് തൂങ്ങിക്കിടക്കുന്ന വള്ളിച്ചെടി... വീട്ടിനകത്തും ഓഫീസിലും ബാല്ക്കണിയുമെല്ലാം വളര്ത്താന് അനുയോജ്യമായ സ്ട്രിങ് ഓഫ് പേള്സ്. പേരു സൂചിപ്പിക്കും പോലെ മുത്തുകള് തൂങ്ങിക്കിടക്കുന്നതു…
By Harithakeralam
വീട്ടുമുറ്റത്തും അകത്തളങ്ങളിലും വളര്ത്താന് അനുയോജ്യമായ വള്ളിച്ചെടിയാണ് സ്പാനിഷ് മോസ്. അമേരിക്കന് ദ്വീപുകളില് സ്വാഭാവികമായി വളരുന്ന ഈ ചെടി നമ്മുടെ നാട്ടില് അലങ്കാരത്തിനായിട്ടാണ് വളര്ത്തുന്നത്. പൂന്തോട്ടത്തില്…
By Harithakeralam
© All rights reserved | Powered by Otwo Designs
Leave a comment