ഗ്രോബാഗിലെ പടവലത്തില്‍ നിന്നും മികച്ച വിളവ്

ചില കാര്യങ്ങള്‍ വേണ്ട രീതിയില്‍ ശ്രദ്ധിച്ചാല്‍ ഗ്രോബാഗിലെ പടവലത്തില്‍ നിന്നും നല്ല വിളവ് ലഭിക്കും.

By Harithakeralam

2024-01-28

നിരവധി ഗുണങ്ങള്‍ നിറഞ്ഞ പച്ചക്കറിയാണെങ്കിലും അടുക്കളത്തോട്ടത്തില്‍ പടവലം വളര്‍ത്തുന്നവരുടെ എണ്ണം വളരെ കുറവാണ്. പന്തലിട്ട് വളര്‍ത്താനുള്ള പ്രയാസമാണ് മിക്കവരും ചൂണ്ടിക്കാട്ടുന്നത്. ഗ്രോബാഗില്‍ വളര്‍ത്തിയാല്‍ നല്ല വിളവ് ലഭിക്കുന്നില്ലെന്ന പരാതിയുമുണ്ട്. എന്നാല്‍ ചില കാര്യങ്ങള്‍ വേണ്ട രീതിയില്‍ ശ്രദ്ധിച്ചാല്‍ ഗ്രോബാഗിലെ പടവലത്തില്‍ നിന്നും നല്ല വിളവ് ലഭിക്കും.

വെയില്‍ പ്രധാനം

നല്ല പോലെ വെയില്‍ ആവശ്യമുള്ള വിളയാണ് പടവലം. ദിവസവും ആറ് മണിക്കൂര്‍ മുതല്‍ എട്ട് മണിക്കൂര്‍ വരെ വെയില്‍ ലഭിച്ചാല്‍ മാത്രമേ നല്ല പോലെ കായ്കളുണ്ടാകൂ. ടെറസില്‍ പന്തലിട്ട് വളര്‍ത്താന്‍ ഏറെ അനുയോജ്യമാണിത്.

Related News

ചൂടുള്ള കാലാവസ്ഥയില്‍ പ്രയോഗിക്കാന്‍ ചില നാട്ടറിവുകള്‍

മലമ്പുഴയിലെ പൂക്കാലം

പൈനാപ്പിള്‍ വിളയിക്കാം ഗ്രോബാഗിലും മണ്ണിലും

ചിരങ്ങ നടാന്‍ സമയമായി

പന്തല്‍ നിര്‍ബന്ധം

പടര്‍ന്നു വളരുന്ന വിളയായതിനാല്‍ നല്ല ബലമുളള പന്തല്‍ പടവലത്തിന് നിര്‍ബന്ധമാണ്. എന്നാല്‍ മാത്രമേ കായ്കള്‍ വേണ്ട രീതിയിലുണ്ടാകൂ. നിലത്തു പടര്‍ന്നും വളരുമെങ്കിലും വിളവ് കുറവായിരിക്കും, കീടങ്ങളുടെ ആക്രമണം രൂക്ഷമാകും.

ദിവസവും നന

നല്ല പോലെ വെള്ളം ആവശ്യമുള്ള പച്ചക്കറിയാണ് പടവലം. തടത്തില്‍ നിന്നും നനവ് ഒരിക്കലും മാറാന്‍ പാടില്ല. പൂത്ത് കായ്ക്കാന്‍ തുടങ്ങിയാല്‍ നന ഒരിക്കലും ഒഴിവാക്കരുത്.

ദ്രാവക രൂപത്തിലുള്ള വളം

ദ്രാവക രൂപത്തിലുള്ള വളങ്ങളാണ് പടവലത്തിന് താത്പര്യം. ജൈവസ്ലറി, ഫിഷ് അമിനോ ആസിഡ് എന്നിവ നല്ല ഗുണം ചെയ്യും. തൈ 10 ഇഞ്ച് ഉയരം വയ്ക്കുമ്പോള്‍ മുതല്‍ പത്ത് ദിവസം കൂടുമ്പോള്‍ വളപ്രയോഗം നടത്തണം. തുടര്‍ന്നു നല്ല പൊടിഞ്ഞ കമ്പോസ്റ്റ് തടത്തില്‍ വിതറി കരിയിലകള്‍ കൊണ്ടു പുതയിട്ടു നല്‍കുക.

കീടങ്ങളെ തുരത്താം

ഇലതീനിപ്പുഴു, ഇലചുരുട്ടിപ്പുഴു, കായീച്ച, ചിത്ര കീടം എന്നിവയാണ് പടവലത്തിന്റെ പ്രധാന ശത്രുക്കള്‍. ഇവ ചെടിയെ ആക്രമിച്ചു തുടങ്ങിയിട്ട് പ്രതിവിധി തേടാന്‍ നിന്നാല്‍ കൃഷി നശിക്കും. പന്തലിലേക്ക് പടര്‍ന്നു തുടങ്ങിയാല്‍ ആഴ്ചയിലൊരിക്കല്‍ വേപ്പെണ്ണ-സോപ്പ് ലായനി, ബ്യൂവേറിയ എന്നിവ സ്േ്രപ ചെയ്തു കൊടുക്കാം.