കുറഞ്ഞ പരിപാലന ചെലവും ഏതു കാലാവസ്ഥയിലും വളര്‍ത്താമെന്നും പേള്‍ ഗ്രാസിനെ ജനപ്രിയമാക്കുന്നു.
വീട്ടുമുറ്റത്ത് മനോഹരമായ പുല്‍ത്തകിടിയൊരുക്കാന്‍ ആഗ്രഹിക്കാത്തവരുണ്ടാകില്ല.എന്നാല്‍ പണച്ചെലവും പരിപാലനവും പലപ്പോഴും തടസമാകും. വലിയ വില നല്‍കി നട്ട പുല്ലുകള്‍ രോഗം വന്നും മറ്റും നശിച്ചു പോകുന്ന പ്രശ്‌നവുമുണ്ട്. ഇതിനൊരു പരിഹാരമാണ് പേള്‍ ഗ്രാസ്. കുറഞ്ഞ പരിപാലന ചെലവും ഏതു കാലാവസ്ഥയിലും വളര്‍ത്താമെന്നും പേള്‍ ഗ്രാസിനെ ജനപ്രിയമാക്കുന്നു.
പുല്‍ത്തകിടി മനോഹരമാണെങ്കിലും അതിനു പിന്നിലുള്ള അധ്വാനം ഏറെയാണ്. വെയില്‍ ഇഷ്ടപ്പെടുന്ന ഇനങ്ങളും അല്ലാത്തവയുമുണ്ട്. ഇവ കൃത്യമായി മനസിലാക്കി നട്ടില്ലെങ്കില്‍ രോഗങ്ങള്‍ ഏറെയാണ്. വേനല്‍ക്കാലത്തു ചിതല്‍ ശല്യം ഉറപ്പാണ് മിക്കയിനങ്ങൡലും. മഴയെത്തിയാല്‍ കുമിള്‍ രോഗവുമെത്തി. കൃത്യ സമയത്ത് വെട്ടിയൊതുക്കിയിട്ടില്ലെങ്കില്‍ അഭംഗിയുമുണ്ടാകും. ഇവിടെയാണ് പേള്‍ ഗ്രാസ് എന്നയിനം സഹായത്തിനെത്തുന്നത്.
.png)
നീളം കുറഞ്ഞ്, വീതിയുള്ള കടുംപച്ച ഇലകളുമായി നിലംപറ്റി വളരുന്ന പേള്‍ ഗ്രാസ് ഏറെ മനോഹരമാണ്.മുകളിലേക്ക് തണ്ടും ഇലയും വരില്ല. മണ്ണിനു സമാന്തരമായി പടര്‍ന്നു വളരുന്ന കുറുകിയ തണ്ടില്‍ ഇലകള്‍ രണ്ടു വശത്തേക്കുമായി അടുത്തടുത്തായാണ് ഉണ്ടായി വരിക. വെയില്‍ കിട്ടുന്നിടത്തും തണലത്തും ഒരുപോലെ വളര്‍ത്താം. നല്ല വെയിലും തണലുമൊന്നും പ്രശ്‌നമല്ല. നിലം പറ്റി വളരുന്നതിനാല്‍ ഇടയ്ക്കിടെ വെട്ടി പരിപാലിക്കേണ്ട. ഇളക്കമുള്ള മണ്ണിലും ആഴം കുറഞ്ഞിടത്തുമെല്ലാം വളരും.
പേള്‍ ഗ്രാസിന്റെ വളര്‍ച്ചയെത്തിയ കഷ്ണങ്ങളാണ് നടാന്‍ ഉപയോഗിക്കുക. മണ്ണോടു കൂടി ചെത്തിയെടുത്തും നഴ്‌സറിക്കാര്‍ നട്ടു കൊടുക്കാറുണ്ട്. കല്ലും മരക്കഷ്ണങ്ങളുമെല്ലാം നീക്കി നിലം വൃത്തിയാക്കണം. വെള്ളം വേഗത്തില്‍ വാര്‍ന്നു പോകാന്‍ സഹായിക്കുന്ന തരത്തില്‍ ചരിവ് നല്‍കുന്നത് നല്ലതാണ്. വേപ്പിന്‍പ്പിണ്ണാക്ക്, എല്ല് പൊടി എന്നിവ മിക്‌സ് ചെയ്ത് അല്‍പ്പം കുമ്മായം ചേര്‍ക്കുക. നടേണ്ട സ്ഥലത്ത് ചകിരിച്ചോര്‍ നിരത്തി ഇതില്‍ നിരത്തിയിടുക. ഈ പ്രതലത്തില്‍ ആവശ്യത്തിന് അകലം നല്‍കി പുല്ല് നടാം. വെയില്‍ ലഭിക്കുന്നതിന് അനുസരിച്ചു തൈകള്‍ വളരും. ദിവസം അഞ്ച് മണിക്കൂര്‍ വെയില്‍ ലഭിച്ചാല്‍ ഏകദേശം ഒന്നര-രണ്ടു മാസം കൊണ്ടു മികച്ച നല്ല ഭംഗിയുള്ള പുല്‍ത്തകിടിയായി മാറും. പുല്ലുകള്‍ വളര്‍ന്നു തുടങ്ങിയാല്‍ ഇടയില്‍ കളകളുമെത്തും. ഇവ കൃത്യമായി കണ്ടു പറിച്ചെടുത്ത് കളയണം. നമ്മുടെ കാലാവസ്ഥയ്ക്കും വെയില്‍ ലഭിക്കുന്നതിനും അനുസരിച്ചു വേണം നന. വെള്ളം അധികമായാല്‍ ചെടി നശിക്കും. നാല്-അഞ്ച് മാസമായാല്‍ വെട്ടി കനംകുറയ്ക്കാം. മഴക്കാലത്ത് ഇലകള്‍ തിങ്ങി നില്‍ക്കുന്നുണ്ടെങ്കില്‍ കനം കുറയ്ക്കണം. വെള്ളം ഇലകളില്‍ കെട്ടി നിന്നാല്‍ കുമിള്‍ രോഗം വരാന്‍ സാധ്യതയുണ്ട്. മറ്റു കീടങ്ങളോ രോഗങ്ങളോ ഒന്നും ഇവയെ അങ്ങനെ ബാധിക്കാറില്ല.
.jpg){kind=tracking}
വീട്ട് മുറ്റവും മതിലുമെല്ലാം ആകര്‍ഷകമാക്കാന്‍ ഏറെ അനുയോജ്യമായ ചെടിയാണ് പത്ത്മണി ചെടി. പല നിറത്തിലുള്ള കുഞ്ഞുപൂക്കള്‍ ധാരാളമുണ്ടാകുന്ന പത്ത് മണിച്ചെടികള്‍ കാണാന്‍ തന്നെ നല്ല ഭംഗിയാണ്. ടേബിള്‍ റോസ്,…
By Harithakeralam
ഇന്ത്യോനേഷ്യയില്‍ കാണപ്പെടുന്ന അതിമനോഹരിയായ പക്ഷിയാണ് ബേഡ് ഓഫ് പാരഡൈ്, വലപ്പോഴും മാത്രമാണ് ഈ പക്ഷി ചിറകുകള്‍ വിടര്‍ത്തുക. ഈ പക്ഷിയോട് സാമ്യമുള്ള പൂക്കളുണ്ടാകുന്ന ചെടിക്കും ഇതേ പേരാണ്. ഇന്‍ഡോര്‍…
By Harithakeralam
സസ്യലോകത്തെ മാസംഭോജികളായ നെപ്പന്തസിനെക്കുറിച്ച് സ്‌കൂളില്‍ പഠിച്ചിട്ടുണ്ടാകും. കൊച്ചു കുട്ടിയായിരിക്കുമ്പോള്‍ അത്ഭുതത്തോടെ കേട്ട നെപ്പന്തസ് ചെടിയിപ്പോള്‍ നമ്മുടെ വീട്ടിലും വളര്‍ത്താം ലഭിക്കും. ഇരപിടിയന്‍…
By Harithakeralam
പൂന്തോട്ടത്തിലെ രാജ്ഞിയാണ് റോസ്. റോസാച്ചെടിയില്ലാത്ത പൂന്തോട്ടത്തിന് അഴക് കുറവായിരിക്കും. വിവിധ നിറത്തിലും വലിപ്പത്തിലും പൂക്കളുണ്ടാകുന്ന ധാരാളമിനം റോസുകളുണ്ട്. അന്തരീക്ഷത്തില്‍ ചൂട് വര്‍ധിച്ചു വരുന്നതിനാല്‍…
By Harithakeralam
വലിയ തടാകത്തിലും വെള്ളം കയറിക്കിടക്കുന്ന പാടങ്ങളിലുമൊക്കെ തനിയെ വളര്‍ന്നിരുന്ന താമരയെ വീട്ട്മുറ്റത്ത് ചെറിയ കുളം നിര്‍മിച്ചും പാത്രത്തിലുമൊക്കെ വളര്‍ത്തുന്നവരുണ്ട്. മുറ്റത്തൊരു താമരക്കുളം വീടിന്റെ ലുക്ക്…
By Harithakeralam
പൂന്തോട്ടത്തിലെ ചെടികള്‍ നല്ല പോലെ പൂക്കാറില്ലെന്ന പരാതി മിക്കവര്‍ക്കുമുണ്ട്. മികച്ച പരിചരണം നല്‍കിയാലും ചെടികളില്‍ വിരിയുക ഒന്നോ രണ്ടോ പൂക്കള്‍ മാത്രം. എന്നാല്‍ ഇതേ ചെടികള്‍ തന്നെ മറ്റു ചിലരുടെ വീട്ടുമുറ്റത്ത്…
By Harithakeralam
കൊല്‍ക്കത്ത് നഗരത്തിനോട് ചേര്‍ന്ന് താമസിക്കുന്ന അരൂപ് ഘോഷ് എന്ന യുവാവിന്റെ ജീവിതം മാറ്റി മറിച്ചത് ജമന്തിപ്പൂക്കളാണ്. ജമന്തിപ്പൂവും തൈകളും വിത്തുമെല്ലാം വില്‍പ്പന നടത്തി അരൂപ് സമ്പാദിക്കുന്നത് കോടികളാണ്.…
By Harithakeralam
രണ്ടടി വരെ വളരുന്ന ചെടിയാണ് കോസ്‌മോസ്. പിങ്ക്, വെള്ള, ചുവപ്പ് നിറങ്ങളിലായിരിക്കും പൂക്കള്‍. വെള്ളം അധികം ആവശ്യമില്ല, പക്ഷേ ആഴ്ചയില്‍ ഒരിക്കല്‍ നനയ്ക്കണം. അല്ലെങ്കില്‍…
By Harithakeralam
© All rights reserved | Powered by Otwo Designs
Leave a comment