ഒരേ സമയം മൂന്നു ഗുണങ്ങള് നല്കുന്ന ജൈവലായനികളുണ്ട്. വളമായും വളര്ച്ചാത്വരകമായും ഇതിനൊപ്പം കീടനാശിനിയായും ഇവ പ്രവര്ത്തിക്കും.
ഒരേ സമയം മൂന്നു ഗുണങ്ങള് നല്കുന്ന ജൈവലായനികളുണ്ട്. വളമായും വളര്ച്ചാത്വരകമായും ഇതിനൊപ്പം കീടനാശിനിയായും ഇവ പ്രവര്ത്തിക്കും. വീട്ടില് തന്നെ ലഭിക്കുന്ന വസ്തുക്കള് ഉപയോഗിച്ച് വലിയ പ്രയാസമില്ലാതെ ഇവ തയാറാക്കാം .
1. മോര്-തേങ്ങാപ്പാല് മിശ്രിതം
പച്ചക്കറികളിലും മറ്റ് ഹ്രസ്വകാലവിളകളിലും വളര്ച്ചാത്വരകമായി ഉപയോഗിക്കാം. മോരും തേങ്ങാപ്പാലുമാണ് ചേരുവകള്. മോരും തേങ്ങാപ്പാലും അഞ്ച് ലിറ്റര്വീതം ഒരു മണ്കലത്തില് എടുത്ത് ചാണക കൂനക്കുള്ളില് ശ്രദ്ധയോടെ വയ്ക്കുക. ഒരാഴ്ച ഇങ്ങനെ സൂക്ഷിക്കണം. ചാണക കൂനയ്ക്കുള്ളിലെ ചൂട് പുളിക്കല് പക്രിയ ത്വരിതപ്പെടുത്തുകയും ഒരാഴ്ച കഴിയുമ്പോള് മിശ്രിതം ഉപയോഗിക്കാന് തയ്യാറാവുകയും ചെയ്യും. ഈ ലായനി 10% വീര്യത്തില് നേര്പ്പിച്ച് 15 ദിവസത്തിലൊരിക്കലോ ഒരു മാസം കൂടുമ്പോഴോ ഇലകളില് തളിക്കാം.
2. അമൃത്പാനി
ഗോവയിലെ ഡോ. ഗോപാല് റാവു ലോക്കറെയാണ് ഇതിന്റെ ഉപജ്ഞാതാവ്. ഇത് cowdung tea അഥവാ ചാണകച്ചായ എന്ന പേരില് വാങ്ങാന് കിട്ടും. ഫലപ്രദമായൊരു ബാക്ടീരിയല് ഓജസിയായി ഇത് ഉപയോഗിക്കാം. ചേരുവകള്: ചാണകം രണ്ടു കി.ഗ്രാം, തേന് 20 ഗ്രാം, നെയ്യ് (വീട്ടിലുണ്ടാക്കിയത്) 10 ഗ്രാം, വെള്ളം 10 ലിറ്റര്. തയ്യാറാക്കുന്ന വിധം: ആദ്യം രണ്ടു കി.ഗ്രാം ചാണകം 10 ലിറ്റര് വെള്ളത്തില് കലക്കുക. തുടര്ന്ന് നെയ്യും തേനും ചേര്ക്കുക. മിശ്രിതം സൂര്യപ്രകാശത്തിലും നിലാവിലും 24 മണിക്കൂര് വച്ചതിനു ശേഷം ഉപയോഗിക്കാം. പച്ചക്കറി വിളകളിലും നെല്ലിലും മറ്റ് ഹ്രസ്വകാല വിളകളിലുമിതു തളിക്കാം. ഈ ലായനി നേര്പ്പിക്കേണ്ട ആവശ്യമില്ല. നേരിട്ട് പ്രയോഗിക്കാം, അരിച്ചെടുക്കണമെന്ന നിര്ബന്ധവുമില്ല.
3. മീന് അമിനോ ആസിഡ്:
പച്ചമത്സ്യവും ശര്ക്കരയും കൂടി പുളിപ്പിച്ച് തയ്യാറാക്കുന്ന വളര്ച്ചാത്വരകമാണിത്. ചീഞ്ഞു തുടങ്ങിയ പരുവത്തിലുള്ള പച്ചമീന് ഒരു കിലോ (മത്തിയാണ് നല്ലത്) വാങ്ങി ചെറിയ കഷ്ണങ്ങളാക്കി മുറിച്ച് ഒരു കി.ഗ്രാം ശര്ക്കരയും ചേര്ത്ത് നന്നായി ഇളക്കി മണ്കലത്തില് 10 ദിവസം അടച്ചു സൂക്ഷിക്കുക. 10 ദിവസം കഴിയുമ്പോള് മിശ്രിതം തവിട്ടു നിറത്തിലുള്ള കൊഴുത്ത ധ്രാവകമായി പരുവപ്പെട്ടു കഴിയും. ഇത് ഒരു മില്ലി ഒരു ലിറ്റര് വെള്ളത്തില് നേര്പ്പിച്ച് ചെടികളുടെ ഇലകളില് തളിക്കാം. ദ്രാവകം വായു നിബന്ധമായി അടച്ചാല് രണ്ടു മാസത്തോളം സൂക്ഷിക്കാം.
4. തിമോര് ലായനി
പത്ത് തേങ്ങയുടെ പാലെടുക്കുക. ഇതിലേക്ക് കരിക്കിന് വെള്ളം ചേര്ത്ത് അഞ്ച് ലിറ്ററാക്കുക. ഒരു മണ്കലത്തില് അഞ്ചു ലിറ്റര് മോരെടുത്ത് അതില് ഈ മിശ്രിതം ഒഴിക്കുക. ഇളക്കി ചേര്ത്ത് 7 -10 ദിവസം പുളിക്കാന് വെയ്ക്കുക. 1ഃ10 എന്ന അനുപാതത്തില് വെള്ളത്തില് നേര്പ്പിച്ച് തളിക്കാനുപയോഗിക്കാം.
5. അരപ്പു മോര്
വളരെ എളുപ്പം വീടുകളില് തയാറാക്കാവുന്ന പുളിപ്പിച്ച ദ്രാവക മിശ്രിതം ഒരേ സമയം വളര്ച്ച ത്വരകമായും കീട-രോഗ പ്രതിരോധകമായും ഉപയോഗപ്പെടുന്നു. ഗിബറിലേക്ക് ആസിഡ് എന്ന സസ്യവളര്ച്ചാ ഹോര്മോണ് ഈ ലായനിയില് അടങ്ങിയിട്ടുണ്ട്. ഒരു മണ് പാത്രത്തില് അഞ്ച് ലിറ്റര് മോര് എടുക്കുക. നെന്മേനി വാകയുടെ ഇലകള് രണ്ട് കിലോ നല്ലപോലെ അരച്ച് അഞ്ച് ലിറ്റര് വെള്ളത്തില് കലക്കി ഇതിലേക്ക് ഒഴിക്കിച്ച് ഇളക്കി യോജിപ്പിക്കുക. 7 - 10 ദിവസം പുളിക്കാന് വെയ്ക്കുക. 1ഃ10 എ അനുപാതത്തില് വെള്ളം ചേര്ത്ത് നേര്പ്പിച്ച് ചെടികളില് തളിക്കാം.
പച്ചക്കറികളും പഴച്ചെടികളും പെട്ടെന്നു വളരാനും കീടരോഗ ബാധകള് ഇല്ലാതാകാനും ഏറെ അനുയോജ്യമായൊരു ജൈവ ഉത്തേജകമാണ് ഗുണപതജ്ഞലി. പച്ചക്കറിച്ചെടികളുടെ വളര്ച്ച വേഗത്തിലാക്കുന്ന ഗുണപതജ്ഞലി കായ്പിടിത്തം വേഗമാകാനും…
പച്ചക്കറിക്കൃഷിയുടെ അന്തകന്മാരാണ് മീലി മൂട്ടയും വെളളീച്ചയും. കേരളത്തിലെ മാറി വരുന്ന കാലാവസ്ഥയില് ഇവയുടെ ആക്രമണം രൂക്ഷമാണ്. നമ്മുടെ വീട്ടാവശ്യത്തിനായി കൃഷി ചെയ്യുന്ന പച്ചക്കറികളെയും മീലി മൂട്ടയും…
മിക്ക കര്ഷകര്ക്കുമുള്ള സംശയമാണ് കുമ്മായമാണോ ഡോളോമേറ്റാണോ മികച്ചതെന്ന്.. ഒന്നു നല്ലതെന്നും മറ്റൊന്നു മോശമാണെന്നും പറയാന് പറ്റില്ലെന്നാണ് വിദഗ്ധര് പറയുന്നത്. രണ്ടിനും അതിന്റേതായ ഗുണവും ദോഷവുമുണ്ട്.…
പച്ചമുളകില് നിന്നു നല്ല വിളവ് ലഭിക്കുന്ന സമയമാണിപ്പോള്. എന്നാല് മറ്റൊരുകാലത്തുമില്ലാത്ത പോലെ കീടങ്ങളും രോഗങ്ങളും പച്ചമുളകിനെ ആക്രമിക്കുന്നു. കാലാവസ്ഥ പ്രശ്നം കാരണം വിളവും കുറവാണ്. ഇതില് നിന്നും…
ശക്തമായ മഴ, അതു കഴിഞ്ഞാല് പൊള്ളുന്ന വെയില്. കേരളത്തിലെ പല സ്ഥലങ്ങളിലും കുറച്ചു ദിവസമായുള്ള അവസ്ഥയാണിത്. കാര്ഷിക വിളകള്ക്ക് വലിയ പ്രശ്നമാണീ കാലാവസ്ഥയുണ്ടാക്കുന്നത്. പച്ചക്കറികളും നാണ്യവിളകളുമെല്ലാം…
ഇലകളെ നശിപ്പിക്കുന്ന കീടങ്ങളെ കൊണ്ടു പൊറുതി മുട്ടിയിരിക്കുകയാണ് കര്ഷകര്.നല്ല പരിചരണം നല്കി വളര്ന്ന പച്ചക്കറികളെ നശിപ്പിക്കാനെത്തുന്ന കീടങ്ങളില് പ്രധാനിയാണ് ആമ വണ്ട് അഥവാ എപ്പിലാക്ന വണ്ട്. ഇലകളെ തിന്നു…
വെയിലും മഴയും മാറി മാറി വരുന്നതിനാല് പച്ചമുളകിന് പ്രത്യേക ശ്രദ്ധ കൊടുക്കണം. അടുക്കളയില് നിത്യവും ഉപയോഗിക്കുന്ന പച്ചമുളക് നമുക്ക് തന്നെ വീട്ടില് വിളയിച്ചെടുക്കാവുന്നതേയുള്ളൂ. വലിയ തോതില് രാസകീടനാശിനികള്…
മികച്ച ജൈവവളമാണ് ആട്ടിന്കാഷ്ടം, കാലിവളത്തേക്കാള് കൂടുതല് നൈട്രജന്, ഫോസ്ഫറസ്, പൊട്ടാഷ് എന്നിവ ഇതിലുണ്ട്. എന്നാല് മറ്റു വളങ്ങള് പോലെ ഉപയോഗിക്കാന് പാടില്ല. പച്ചക്കറികള്ക്കും ഫല വൃക്ഷങ്ങള്ക്കുമെല്ലാം…
© All rights reserved | Powered by Otwo Designs
Leave a comment