തിക്കോടി തെങ്ങിന് തൈ വളര്‍ത്തു കേന്ദ്രത്തില്‍ മഴമറയ്ക്കുള്ളിലും ഫീല്‍ഡിലുമായി ' മില്ലറ്റ് ക്രോപ് മ്യൂസിയം' എന്ന പേരില്‍ പ്രദര്‍ശനത്തോട്ടം കൃഷി അസ്സിസ്റ്റന്റ് ഡയറക്റ്റര്‍ സ്മിത ഹരിദാസിന്റെ നേതൃത്വത്തില്‍ ആരംഭിച്ചു.
By മിഷേൽ ജോർജ്
പ്രധാന ധാന്യവിളകളുമായി താരതമ്യപ്പെടുത്തുമ്പോള്‍ നന്നേ ചെറിയ ധാന്യമണികളോടു കൂടിയതും പുല്ലുവര്‍ഗ്ഗത്തില്‍പ്പെട്ടതുമായ വിളകളാണ് ചെറുധാന്യങ്ങള്‍ അഥവാ മില്ലറ്റുകള്‍. പോഷകങ്ങളുടെ കലവറയായ മില്ലറ്റുകളുടെ ഉല്പാദനത്തില്‍ ലോകത്ത് ഒന്നാം സ്ഥാനമാണ് ഇന്ത്യയ്ക്കുള്ളത്. ഭക്ഷ്യസുരക്ഷയിലും പോഷകാഹാരത്തിലും ചെറുധാന്യങ്ങളുടെ പങ്കിനെക്കുറിച്ചു സമൂഹത്തില്‍ അവബോധമുണ്ടാക്കന്നത് ലക്ഷ്യമിട്ടു കൊണ്ട് 2023 ചെറുധാന്യങ്ങളുടെ വര്‍ഷമായി ആചരിക്കാന്‍ ഐക്യരാഷ്ട്രസഭയ്ക്ക് കീഴിലുള്ള ഫുഡ് ആന്റ് അഗ്രികള്‍ച്ചര്‍ ഓര്‍ഗനൈസേഷന്‍ തീരുമാനിച്ചിരുന്നു ഇത് പ്രകാരം കൃഷി ഡയറക്റ്ററുടെ നിര്‍ദ്ദേശാനുസരണം മില്ലറ്റ് വിളകള്‍ പരിചയപ്പെടുത്തുകയെന്ന ഉദ്ദേശ്യത്തോടു കൂടി കോഴിക്കോട് ജില്ലാ പഞ്ചായത്തിന്റെ കീഴില്‍ കൃഷി വകുപ്പ് തിക്കോടി തെങ്ങിന് തൈ വളര്‍ത്തു കേന്ദ്രത്തില്‍ മഴമറയ്ക്കുള്ളിലും ഫീല്‍ഡിലുമായി ' മില്ലറ്റ് ക്രോപ് മ്യൂസിയം' എന്ന പേരില്‍ പ്രദര്‍ശനത്തോട്ടം കൃഷി അസ്സിസ്റ്റന്റ് ഡയറക്റ്റര്‍ സ്മിത ഹരിദാസിന്റെ നേതൃത്വത്തില്‍ ആരംഭിച്ചു.
കോഴിക്കോട് മില്ലറ്റ് മിഷന്‍ മുഖേന പാലക്കാട് അട്ടപ്പാടിയിലെ കര്‍ഷകരില്‍ നിന്നും വിവിധ ഇനം വിത്തുകള്‍ സംഘടിപ്പിച്ചു. ഇതോടൊപ്പം തിക്കോടി കൃഷിഅസ്സിസറ്റന്റ് ഡയറക്റ്ററുടെ കീഴില്‍ ഉള്ള എല്ലാ പഞ്ചായത്തുകളിലും കര്‍ഷകര്‍ക്ക് മില്ലറ്റ് കൃഷി ആരംഭിക്കുന്നതിനു വേണ്ട വിത്തുകള്‍ നല്‍കുകയും കര്‍ഷകര്‍ക്ക് കൃഷി ചെയ്യുന്നതിന് നിര്‍ദ്ദേശം നല്‍കുകയും കൃഷി ആരംഭിക്കുകയും ചെയ്തു. ഫാമിലെ തൊഴിലാളികളും ഈ പുതിയ കൃഷി താല്പര്യത്തോടെ കണ്ടു. കൃഷി അസ്സിസ്റ്റന്റ് ഡയറക്ടര്‍ക്കൊപ്പം ഫാമിലെ കൃഷി അസ്സിസ്റ്റന്റ്മാരുടെയും മേല്‍നോട്ടത്തില്‍ മില്ലറ്റ് കൃഷി ഗ്രോബാഗുകളിലും ഫീല്‍ഡിലുമായി ആരംഭിച്ചു.
ഈ ഫാമില്‍ നിലവില്‍ ഒഴിഞ്ഞ സ്ഥലം കൃഷിക്കായി കുറവായതിനാലാണ് ഹാര്‍ഡനിങ്ങ് യൂണിറ്റായി ഉപയോഗിക്കുന്ന മഴമറയില്‍ കൃഷി ആരംഭിച്ചത്. മണ്ണ്, പൂഴിമണല്‍, ചകിരിച്ചോറ്, ചാണകപ്പൊടി, എല്ലുപൊടി, വേപ്പിന്‍ പിണ്ണാക്ക്, വെര്‍മി കമ്പോസ്റ്റ് എന്നിവ കൃത്യമായ അനുപാതത്തില്‍ മിക്‌സ് ചെയ്ത് ഗ്രോബാഗുകള്‍ നിറയ്ക്കാന്‍ ഫാമിലെ തൊഴിലാളികള്‍ക്ക് നിര്‍ദ്ദേശം നല്‍കി. ഇതനുസരിച്ച് നൂറ്റിനാല്പത് ബാഗുകളില്‍ മണ്ണ് മിശ്രിതം നിറച്ചു. പരീക്ഷണാടിസ്ഥാനത്തില്‍ കൃഷിയായതിനാല്‍ കാര്‍ഷിക സര്‍വ്വകലാശാലയില്‍ നിന്നും കൃഷി രീതികള്‍ മനസ്സിലാക്കി അതനുസരിച്ചാണ് ഇവിടെ കൃഷിയ്ക്കു വേണ്ട തയ്യറെടുപ്പുകള്‍ നടത്തിയത്.
അഞ്ചിനം മില്ലറ്റുകളാണ് ഇവിടെ കൃഷി ആരംഭിച്ചത് ബജ്‌റ, ചാമ, തിന, മണിച്ചോളം, റാഗി എന്നീ ഇനങ്ങള്‍ അവയുടെ വിത്തുകള്‍ ഗ്രോബാഗില്‍ വിതച്ച് ആവശ്യമായ പരിചരണം നല്‍കിയാണ് കൃഷി ചെയ്തിരിക്കുന്നത്. ആദ്യമാസം ബ്രാഞ്ചുകളും രണ്ടാമത്തെ മാസം പൂവിട്ടു തുടങ്ങുകയും ചെയ്യുന്ന മില്ലറ്റുകള്‍ മൂന്നു മാസം കൊണ്ട് വിളവെടുക്കുന്നു. നിലവില്‍ ഇവിടെ കൃഷി ചെയ്തതില്‍ ബജ്‌റ, തിന ഫ്ളവറിങ് സ്റ്റെജില്‍ എത്തിയിട്ടുണ്ട്. സൂപ്പര്‍ ഫുഡുകള്‍ എന്നറിയപ്പെടുന്ന മില്ലറ്റുകള്‍ മാംസ്യം, ആവശ്യ വിറ്റാമിനുകള്‍ കാല്‍സ്യം, ഇരുമ്പ്, പൊട്ടാസ്യം, സിങ്ക്, മഗ്‌നീഷ്യം തുടങ്ങിയ ധാതു ലവണങ്ങളാല്‍ സമ്പന്നമാണ്.
ഈ കാരണം കൊണ്ട് തന്നെ മില്ലറ്റുകള്‍ കൃഷി ചെയ്യേണ്ടുന്ന ആവശ്യകത കര്‍ഷകരെ മനസ്സിലാക്കിപ്പിക്കുക എന്നതും അവ കൃഷി ചെയ്യുന്നതിന് പ്രോല്‍സാഹനം നല്‍കുക എന്നത് കൂടി ലക്ഷ്യമിട്ടാണ് ഇവിടെ വിവിധ മില്ലറ്റുകള്‍ കൃഷി ചെയ്തിരിക്കുന്നത്. അടുത്തടുത്ത് ഗ്രോബാഗുകളിലായി കൃഷി ചെയ്തിരിക്കുന്നതിനാല്‍ വിളവെടുക്കുക എന്നതിലുപരി ഓരോ ഇനത്തിന്റെയും പ്രത്യേകതകളും കൃഷി രീതികളും കര്‍ഷകര്‍ക്ക് മനസ്സിലാക്കാന്‍ കഴിയുമെന്നതാണ് ഇവിടെ മില്ലറ്റ് ക്രോപ് മ്യുസിയം ഒരുക്കിയതിലൂടെ ഉദ്ദേശിക്കുന്നത്.
തിക്കോടി കോക്കനട്ട് നഴ്സറിയിലെ കൃഷി അസിസ്റ്റന്റാണ് ലേഖകന്‍
കോട്ടയം: വിലത്തകര്‍ച്ചയുടെ നീണ്ട നാളുകള്‍ക്കൊടുവില്‍ കേരളത്തില്‍ റബറിന് മികച്ച വില. ആര്‍.എസ്.എസ്. നാലിന് ബാങ്കോക്കില്‍ 185 രൂപയാണ് വില. തദ്ദേശീയ വില 204 രൂപ പിന്നിട്ടു. തായ്ലന്‍ഡിലും മറ്റും വിളവെടുപ്പ്…
By Harithakeralam
വിരല്‍ മുറിച്ചു കുത്തിയാല്‍ വേരു പിടിക്കുമെന്നു പഴമക്കാര്‍ പറഞ്ഞിരുന്ന തിരുവാതിര ഞാറ്റുവേലക്കാലമാണിപ്പോള്‍. കുരുമുളക് പോലുള്ള സുഗന്ധവ്യജ്ഞനങ്ങള്‍ നടാന്‍ ഏറെ അനുയോജ്യമാണ് ഈ സമയം. കാലാവസ്ഥ വ്യതിയാനം വലിയ…
By Harithakeralam
ഏപ്രില്‍-മേയ് മാസങ്ങളില്‍ നട്ട കിഴങ്ങ് വര്‍ഗങ്ങളായ ചേന, കപ്പ, കാവിത്ത്, ചേമ്പ് എന്നിവയ്ക്ക് നല്ല വളര്‍ച്ച ലഭിച്ചിട്ടുണ്ടാവും. കിഴങ്ങ് വര്‍ഗങ്ങള്‍ക്ക് നല്‍കുന്ന ആദ്യത്തെ രണ്ടു വളപ്രയോഗങ്ങളും പരിരക്ഷയുമാണ്…
By Harithakeralam
തെങ്ങില്‍ നിന്നും നല്ല വിളവ് ലഭിക്കണമെങ്കില്‍ യഥാസമയം വളപ്രയോഗം നടത്തിയേ പറ്റൂ. അതിനു പറ്റിയ സമയമാണിപ്പോള്‍. കായ്ക്കുന്ന തെങ്ങിനു വളപ്രയോഗം നടത്തേണ്ട വിധം പരിശോധിക്കാം.
By Harithakeralam
മലയാളികളുടെ സ്വന്തം കല്‍പ്പ വൃക്ഷമാണ് തെങ്ങ്. ഗ്രാമത്തിലായാലും നഗരത്തിലായാലായും ഒന്നോ രണ്ടോ തെങ്ങില്ലാത്ത വീടുകള്‍ കേരളത്തില്‍ കുറവാണ്. തെങ്ങിന് തടം തുറന്നു വള പ്രയോഗം നടത്തേണ്ട സമയമാണിപ്പോള്‍. ഇപ്പോള്‍…
By Harithakeralam
ഒരു കാലത്ത് കേരളത്തിന്റെ സ്വകാര്യ അഹങ്കാരമായിരുന്ന കുരുമുളക് കൃഷിയിന്നു നാശത്തിന്റെ വക്കിലാണ്. കാലാവസ്ഥ വ്യതിയാനവും രോഗങ്ങളുമെല്ലാം കേരളത്തിലെ കുരുമുളക് കൃഷിയുടെ നട്ടെല്ലൊടിച്ചിരിക്കുന്നു. കനത്ത മഴ തുടരുന്നതിനാല്‍…
By Harithakeralam
കേരളത്തില്‍ എല്ലായിടത്തും ഇതിനോടകം തന്നെ ഒന്നോ രണ്ടോ മഴ ലഭിച്ചു കഴിഞ്ഞു. അതുകൊണ്ട് തന്നെ ഇഞ്ചി, മഞ്ഞള്‍ എന്നിവ നടാന്‍ പറ്റിയ സമയമാണിപ്പോള്‍. അടുക്കളത്തോട്ടത്തില്‍ സ്ഥലം ഉള്ളവര്‍ക്ക് ചെറു തടങ്ങളെടുത്ത്…
By Harithakeralam
വേനല്‍ മഴയുടെ ആരംഭത്തോടെയാണ് കേരളത്തില്‍ മിക്ക സ്ഥലത്തും കപ്പ കൃഷിക്ക് തുടക്കമാകുക. മികച്ച വിളവ് ലഭിക്കാന്‍ മഴ ശക്തമായി തുടര്‍ച്ചയായി പെയ്യാന്‍ തുടങ്ങുന്ന കാലവര്‍ഷത്തിന് മുമ്പ് കപ്പ നട്ട് മുള വന്നിരിക്കണം.…
By Harithakeralam
© All rights reserved | Powered by Otwo Designs
Leave a comment