കടുത്ത ചൂടിന് അറുതി വരുത്തി കേരളത്തില്‍ എല്ലായിടത്തും നല്ല മഴ ലഭിച്ചു കഴിഞ്ഞു. പയര്‍ നടാനുള്ള ഒരുക്കങ്ങള്‍ ഇനിയാരംഭിക്കാം.
By Harithakeralam
അടുക്കളത്തോട്ടത്തിലെ സൂപ്പര്‍ സ്റ്റാറാണ് പയര്‍. അച്ചിങ്ങ എന്ന പേരിലും അറിയപ്പെടുന്നു. അടുക്കളത്തോട്ടത്തില്‍ അനായാസം നട്ടുവളര്‍ത്താവുന്ന ഇനമാണിത്. രുചികരമായ തോരനും മെഴുക്കുപുരട്ടിയുമാണ് പയര്‍ കൊണ്ടുള്ള പ്രധാന വിഭവം. നമുക്കാവശ്യമായ വിറ്റാമിനുകളും ധാതുലവണങ്ങളും പ്രോട്ടീനും ഏറ്റവും കൂടുതലായി അടങ്ങിയിട്ടുള്ളത് പയറു വര്‍ഗങ്ങളിലാണ്. വിറ്റാമിന്‍ കെ, വിറ്റാമിന്‍ ബി 1, ബി 2, ബി 6, വിറ്റാമിന്‍ സി, നിക്കോട്ടിനിക് ആസിഡ് എന്നിവ പയറില്‍ ധാരാളം അടങ്ങിയിട്ടുണ്ട്. ഇവ വയറിലെ കാന്‍സറിനെ പ്രതിരോധിക്കുകയും പ്രമേഹം നിയന്ത്രിക്കുകയും ചെയ്യുന്നു. കൊളസ്ട്രോള്‍ കുറയ്ക്കാനും പയര്‍ സഹായിക്കും. കനകമണി, ഫിലിപ്പൈന്‍സ്, അക്കോഗരിമ, പൂസാകോമള്‍, കുരുത്തോലപ്പയര്‍, മാലിക, ശാരിക, വൈജയന്തി, കൈരളി എന്നിവയാണ് പ്രധാന പയര്‍ ഇനങ്ങള്‍. കടുത്ത ചൂടിന് അറുതി വരുത്തി കേരളത്തില്‍ എല്ലായിടത്തും നല്ല മഴ ലഭിച്ചു കഴിഞ്ഞു. പയര്‍ നടാനുള്ള ഒരുക്കങ്ങള്‍ ഇനിയാരംഭിക്കാം.
മണ്ണും ചാണകപ്പൊടിയും വേപ്പിന്‍ പിണ്ണാക്കും അല്‍പ്പം എല്ലുപൊടിയും കൂട്ടി കലര്‍ത്തി തടങ്ങളൊരുക്കിയാണ് പയര്‍ നടേണ്ടത്. നാടന്‍ പയറാണ് നടുന്നതെങ്കില്‍ പയറു വിത്ത് ഒരു മണിക്കൂറെങ്കിലും സ്യൂഡോമോണസ് ലായനിയിലിട്ടുവയ്ക്കുന്നത് നല്ലതാണ്. മുള പെട്ടെന്ന് കരുത്താര്‍ജ്ജിക്കുന്നതിനും ഫംഗസ് ബാധ പ്രതിരോധിക്കാനുമിതു സഹായിക്കും. ഒരു തടത്തില്‍ മൂന്നോ നാലോ പയറു വിത്തുകള്‍ നടണം. തടങ്ങള്‍ തമ്മില്‍ ഒരു മീറ്റര്‍ അകലം വേണം. നട്ടയുടനെ (വേനക്കാലത്താണങ്കില്‍) വെള്ളം തളിച്ചു കൊടുക്കാന്‍ പ്രത്യേകം ശ്രദ്ധിക്കണം. 15 -20 ദിവസം കൊണ്ട് പയറിന് വള്ളി വന്നു തുടങ്ങും. അപ്പോള്‍ പടര്‍ന്നു കയറാന്‍ കമ്പ് കുത്തിക്കൊടുക്കണം. പയറു വള്ളി മുകളിലെത്തുന്നതിന് അനുസരിച്ച് പടര്‍ന്നു പന്തലിക്കാന്‍ അനുവദിക്കണം. പന്തലിനു പകരം ശിഖരങ്ങളുള്ള വലിയകമ്പ് നാട്ടിയും പയര്‍ കൃഷി ചെയ്യാം. 15 ദിവസം കഴിഞ്ഞ് കോഴിക്കാഷ്ഠം, ചാണകപ്പൊടി, എന്നിവയിലേതെങ്കിലും ഒന്ന് മണ്ണില്‍ ചേര്‍ത്ത് പൊടിമണ്ണ് വിതറിക്കൊടുക്കണം. പിന്നീട് 15 ദിവസം കഴിയുമ്പോള്‍ പച്ചിലകള്‍ ഇട്ട് അതിനു മുകളില്‍ പച്ചച്ചാണക കുഴമ്പ് ഒഴിച്ചുകൊടുക്കുന്നത് ചെടികള്‍ക്ക് നല്ല വളര്‍ച്ചകിട്ടാന്‍ കാരണമാവും.
.png)
സ്ഥല പരിമിതിയുള്ളവര്‍ക്ക് ചാക്കിലും ഗ്രോബാഗിലും ഇതേ രീതിയില്‍ പയര്‍ കൃഷിചെയ്യാം. സിമന്റ് ചാക്കാണെങ്കില്‍ വെള്ളത്തില്‍ കഴുകി വൃത്തിയാക്കിതിനു ശേഷമേ ഉപയോഗിക്കാവു. മണ്ണ്, പഴകിയ ചകിരിച്ചേര്‍ കമ്പോസ്റ്റ്, ചാണകപ്പൊടിയും അല്‍പ്പം എല്ല് പൊടി അത്രതന്നെ വേപ്പിന്‍പ്പിണ്ണാക്ക് എന്നിവ ചേര്‍ത്തു നടീല്‍ മിശ്രിതം തയ്യാറാക്കാം. ശേഷം ഗ്രോബാഗിന്റെ 70 ശതമാനം നിറച്ചു പയര്‍ വിത്ത് പാകാം. ഒരു ഗ്രോബാഗില്‍ രണ്ട് വിത്തെന്ന കണക്കിന് നടുന്നതിനു കുഴപ്പമില്ല. പയര്‍ വള്ളി വീശി തുടങ്ങുന്നത് അനുസരിച്ചു പന്തലില്‍ കയറ്റണം.
ഗ്രോബാഗില്‍ പതിനഞ്ച് - ഇരുപത് ദിവസം കൂടുമ്പോള്‍ ജൈവവളങ്ങള്‍ നല്‍കുന്നത് വളര്‍ച്ച വേഗത്തിലാക്കും. വളങ്ങള്‍ വെള്ളത്തിലിട്ട് ഇളക്കിയെടുത്ത് ലായനി രൂപത്തില്‍ ഒഴിക്കുന്നതും വളരെ ഫലപ്രദമാണ്. കടല പിണ്ണാക്ക് - ചാണക ലായനിയുടെ തെളിനീര് വേരിന് ചുറ്റും ഒഴിച്ച് കൊടുക്കുന്നതും നല്ല കായ്ഫലമുണ്ടാകാന്‍ സഹായിക്കും.നൈട്രജന്‍ വളങ്ങളുടെ കുറവ് കൊണ്ട് ഇലകള്‍ മഞ്ഞളിക്കുന്നതായി കാണാറുണ്ട്. പയറിന്റെ തടത്തില്‍ വെള്ളം കെട്ടി നില്‍ക്കാന്‍ അനുവദിക്കരുത്. ഇങ്ങനെ സംഭവിച്ചാല്‍ ഇലകള്‍ക്ക് മഞ്ഞളിച്ച് സാവധാനം പയര്‍ച്ചെടി നശിച്ചുപ്പോകും. തടത്തില്‍ എപ്പോഴും നീര്‍വാഴ്ച്ച ഉറപ്പാക്കണം പ്രത്യേകിച്ച് മഴക്കാലത്ത്.
.jpg){kind=tracking}
തക്കാളി, വഴുതന, മുളക് മുതലായ വിളകളില്‍ പതിവായി കാണുന്ന പ്രശ്‌നമാണ് ബാക്ടീരിയല്‍ വാട്ടം. തക്കാളിയും വഴുതനയും ഇതു മൂലം വിളവ് നല്‍കാതെ മുരടിച്ചു നിന്നു നശിക്കും. രോഗം വന്നതിനു ശേഷം പ്രതിവിധി തേടിയിട്ട് വലിയ…
By Harithakeralam
ഇടയ്‌ക്കൊരു മഴ ലഭിക്കുന്നുണ്ടെങ്കിലും വെയില്‍ ഇപ്പോഴും കേരളത്തില്‍ ശക്തമാണ്. അടുക്കളത്തോട്ടത്തിലെ പച്ചക്കറികളിലും ഇതു പല പ്രശ്‌നങ്ങള്‍ക്കും കാരണമാകും. ചീര, വഴുതന, പച്ചമുളക് തുടങ്ങിയ പച്ചക്കറികള്‍ക്കാണ്…
By Harithakeralam
ചൂടുള്ള കാലാവസ്ഥയില്‍ കീടങ്ങളുടെ ആക്രമണം പൊതുവേ കൂടുതലയാരിക്കും. കൃഷി തുടങ്ങുമ്പോള്‍ തന്നെ ചില മാര്‍ഗങ്ങള്‍ സ്വീകരിച്ചാല്‍ ഒരു പരിധിവരെ ഇവയെ അകറ്റാം. രോഗ കീടങ്ങളില്‍ നിന്ന് പച്ചക്കറി വിളകളെ സംരക്ഷിച്ചു…
By Harithakeralam
ജനുവരി മുതല്‍ മാര്‍ച്ച് വരെയുള്ള കാലം കേരളത്തില്‍ പാവയ്ക്ക കൃഷി ചെയ്യാന്‍ അനുയോജ്യമാണ്. വേനല്‍ മഴ ലഭിച്ചു വിഷു കഴിഞ്ഞാല്‍ മേയിലും കൃഷി തുടങ്ങാം. കേരളത്തിലെ കാലാവസ്ഥയില്‍ നല്ല വിളവ് തരുന്ന പച്ചക്കറിയാണിത്.…
By Harithakeralam
ഗ്രോബാഗില്‍ നല്ല വിളവ് തരുന്ന പച്ചക്കറി ഏതാണ്...? ഈ ചോദ്യത്തിന് ആദ്യ ഉത്തരം വെണ്ട എന്നു തന്നെയാണ്. ഗ്രോബാഗിലും ചാക്കിലും ചട്ടിയിലുമെല്ലാം വളര്‍ത്താന്‍ ഏറ്റവും നല്ല വിളയാണ് വെണ്ട. ഏതു കാലാവസ്ഥയിലും…
By Harithakeralam
ഗുണങ്ങള്‍ നിറഞ്ഞ പച്ചക്കറിയാണ് കുമ്പളം. വള്ളിയായി വളരുന്ന ഈ പച്ചക്കറി നിലത്ത് വളര്‍ത്തിയും പന്തലിട്ടും വളര്‍ത്താം. രുചികരമായ കറികളുണ്ടാക്കാനും ജ്യൂസ് തയാറാക്കാനുമെല്ലാം കുമ്പളം നല്ലതാണ്. എന്നാല്‍ ഈ പച്ചക്കറി…
By Harithakeralam
വേനല്‍ക്കാലത്തും നല്ല വിളവ് തരുന്ന പച്ചക്കറികളാണ് പന്തല്‍ വിളകള്‍. പാവല്‍, കോവല്‍, പടവലം, പയര്‍ തുടങ്ങിയവ വെയിലിനെ ഇഷ്ടപ്പെടുന്നവയാണ്. ഇവയെ പന്തിലിട്ടാണ് വളര്‍ത്തുക. എന്നാല്‍ ഈ കാലാവസ്ഥയില്‍…
By Harithakeralam
ജനുവരിയുടെ തുടക്കം മുതല്‍ നല്ല വെയിലാണ് ലഭിക്കുന്നത്. ചൂട് അസഹ്യമായി തുടരുന്നു. മനുഷ്യരും മൃഗങ്ങളുമെല്ലാം പലതരം രോഗങ്ങള്‍ കാരണം ദുരിതത്തിലാണ്. നമ്മുടെ തോട്ടത്തിലെ പച്ചക്കറിച്ചെടികളുടെ അവസ്ഥയും ഇതുതന്നെയാണ്.…
By Harithakeralam
© All rights reserved | Powered by Otwo Designs
Leave a comment